رواية ملكت الأسد الجزء الثاني الفصل 108 - بقلم فاطمة حسن

الصبح عند ياسين وفريده ياسين فتح عينه بكسل، لاقى فريده نايمه في حضنه. ياسين حاول يفتكر نام إمتى وإزاي، مفتكرش. ياسين بدأ يرجع شعرها لورا وهو بيبص عليها بحب. فريده بدأت تفتح عينها بكسل، لاقت ياسين بيبصلها باهتمام. ياسين: صباح الخير. فريده بكسوف: ص. صباح النور. فريده حاولت تبعد، لكن ياسين فضل ماسك فيها. فريده بصت على ياسين بتوتر، لكن ياسين عمل نفسه عبيط وفضل يتكلم: نامت إزاي امبارح.

فريده بتوتر: عادي نامت وانت بتتفرج. ممكن تخليني أقوم بقى. ياسين سحب إيده من عليها بهدوء. فريده بتوتر: أنا هروح الشغل معاك مش كده. ياسين ابتسم: أه. هقوم أجهز. ياسين دخل الحمام، أخد دش، وبعد شوية خرج وهو بيلف فوطه حوالين وسطه. فريده أول ما شافته كده نزلت عينها بسرعة. ياسين هز راسه بيأس منها ودخل يلبس. ياسين من جوه: قومي يا فريده يلا علشان تجهزي. فريده قامت بسرعة: حاضر.

ياسين لبس وخرج من الأوضة ونزل تحت يجيب ملفات من المكتب. عند فريده، أخدت دش بسرعة. لكن وقفت وهي بتحط إيدها على راسها بغضب: إزاي دخلت كده من غير هدوم. فريده بصت على هدومها اللي كلها مياه وهي هتعيط. فريده لفت فوطه على جسمها. وفتحت الباب حتة صغيرة: ي. ياسين. ياسين. ... فريده بصوت عالي شوية: ياسين. ... فريده فتحت الباب وهي بتاخد نفسها: الحمد لله مش موجود. بسرعة بقى يا فريده. فريده يدوب فتحت الدولاب.

ودخل ياسين وهو بيقول: فريده خلص... ياسين وقف وهو بيبص عليها من فوق لتحت. فريده اتوترت وهي شايفة ياسين بيقرب منها أكتر. فريده وهي بترجع لورا: ف. في إيه. ياسين قرب منها وهو بيحط إيده على خدها وبيحرك إيده عليه. فريده بتوتر: ياسين. ا. أنت كده هتخليني أخاف منك. ياسين دفن راسه في رقبتها وهو بياخد أكبر قدر من ريحتها. ياسين رفع راسه وبسها من راسها: متخافيش. مش هعمل حاجة. وبعدين قرب منها واتكلم

بصوت واطي في ودانها: بعد كده لفي الفوطه كويس. ياسين لف وخرج من الأوضة من غير ما يبص عليها. فريده بصت عليه باستغراب، لكن فتحت بوقها بصدمة لما لاقت الفوطه على الأرض. فريده سحبت الفوطه بسرعة ودخلت تلبس بكسوف. تحت كان ياسين قاعد بيشرب قهوة مع أسد وملك. ملك: أما فريده اتأخرت ليه. ياسين ابتسم بخبث: هتنزل دلوقتي يا ماما. فريده نزلت بكسوف وهي بتحاول تبص بعيد عن ياسين. فريده: ص. صباح الخير. ملك بحب: عاملة إيه يا حبيبتي.

فريده: الحمد لله. أسد: رايحة الشركة مع ياسين. فريده هزت راسها بهدوء. ياسين قام وماسك إيدها: لازم نمشي إحنا اتأخرنا. بعد إذنكم. ياسين سحبها وركبوا العربية وطلعوا على الشركة. فريده كانت بتبص من الشباك بكسوف. ياسين بخبثه: أنا مشوفتش حاجة علشان الكسوف ده كله. فريده مرة واحدة فضلت تكح. ياسين ركن العربية بسرعة وفضل يحرك إيده على ضهرها: أهدي. أنا كنت بهزر معاكي خلاص. فريده هديت. ياسين: بقيتي أحسن. فريده هزت راسها بكسوف.

ياسين طلع تاني وهو بيبص عليها بين الوقت والتاني. ... عند إياد وتمارا. تمارا صحت على حاجة على جسمها. تمارا بصت، لاقت نفسها في حضن إياد. تمارا زقت إياد بغضب: أنت. إياد قام بضيق على حركتها وصوتها: في إيه. تمارا بغضب: مين سمحلك تلمسني هااا. إياد بص عليها بغضب ومرة واحدة كان سحبها وبسها بعنف. تمارا حاولت تبعد وهي بتضرب إياد على صدره بغضب. إياد فضل يبوسها وهو مثبت راسها بإيده لحد ما حس بدموعها. إياد سابها بضيق

وبعدين بص عليها وهي بتعيط: ده مجرد درس ليكي علشان تعرفي إن إي وقت ممكن المسك. أنتِ فاهمة. إياد قام بغضب ودخل الحمام. إياد وقف قدام المرايا بغضب، مكنش عايز يعمل كده بس رفضها بيقتله. إياد أخد دش وبعدين خرج. برا. تمارا فضلت تعيط وهي بتمسح بوقها بقرف منه. إزاي كده، معقول ده إياد اللي حبيته. إياد خرج بص عليها، لاقاها لسه بتعيط وشفايفها حمرا أوي. إياد بضيق من نفسه: قومي البسي يلا. علشان هتيجي معايا الشركة.

تمارا بدموع وغضب: مش هروح معاك في حتة. مش عايزة اشتغل لو شغلي مع واحد حيوان زيك. إياد قرب منها بغضب ومسكها من إيدها: إنتي مبتعرفيش تسمعي الكلام خالص. طب والله يا تمارا لو ما عدلتي نفسك لوريكي أنا حيوان إزاي. تمارا عينها اتملت دموع وهي بتبص على إيدها. إياد سابها على طول: خشي البسي يلا. تمارا أخدت هدومها ودخلت الحمام على طول، وأول ما قفلت الباب فضلت تعيط. ... عند إيهاب.

كان قاعد في الشركة وهو بيص عليها بذهول. دي شركة كبيرة مش مجرد شركة تنمية. إيهاب كان قاعد بتوتر وهو بيحاول يتحكم في نفسه. إيهاب دخل يعمل المقابلة وهو متوتر. .... : هنكلم حضرتك. إيهاب ابتسم بهدوء وخرج وهو بيدعي إنه يشتغل هنا. جوه. .... : الو يا باشا. كان عندي وشكله بيشرب لسه. ..... تحت أمرك يا باشا. ....... عند أسر وحور. أسر كان بيبص على

حور اللي بتلبس بحماس كبير: ممكن أفهم سر الحماس ده أي. اللي يشوفك كده يقول إني كنت حبسك. حور ابتسمت وهي بتقرب منه بدلع: وأنا معنديش مشكلة إنك تحبسني. أسر: لو مبعدتيش عني مش هنخرج من هنا النهارده. حور ضحكت وهي بتبعد: أسر لم نفسك. أسر وحور نزلوا وركبوا العربية وطلعوا على الشركة. حور كانت قاعدة تفكر هتعمل إيه مع اللي اسمها يارا دي. حور لنفسها: أنا هعرفها بتلعب مع مين كويس. أسر حط إيده على كتفها وهو بيسوق: مالك يا حبيبتي.

حور ابتسمت: مفيش. أسر ابتسم لها ورجع يبص قدامه تاني. بعد شوية وصلوا على الشركة. أسر نزل ومسك إيدها بحب ودخل الشركة تحت أنظار الموظفين. أسر دخل المكتب وحور معاه، وأول ما دخلوا لاقوا يارا بتدخل عليهم. يارا بصت على حور بغضب وحقد. حور قربت من أسر أكتر وقالت: أسر قالي إنك كنتي تعبانة. عاملة إيه دلوقتي. ثم أكملت بسخرية: يا ساره. يارا بضيق: شكراً على سؤالك. أنا بقيت أحسن. غير كده أنا اسمي يارا. ولا الاسم صعب عليكي.

أسر واقف بيبص عليهم باستغراب. حور بصت على يارا بتحدي ومرة واحدة عملت نفسها بتغمى عليها. أسر مسكها بسرعة وخوف: مالك يا حبيبتي. حور بصت على يارا بخبث وهي بتدخل في حضن أسر أكتر وقالت بصوت واطي: ممكن علشان مكنتش باكل الكام يوم اللي فاتوا كويس. أسر ابتسم لما فهم قصدها. أسر شالها وحطها على الكنبة: ثانية واحدة. أسر طلب الفطار وعصير علشانها، وكل وده يارا واقفة مكانها تبص عليهم بحقد. حور بصت على يارا بخبث.

بعد شوية الفطار دخل وأسر قرب منها علشان يحطها في حضنه. حور بكسوف مصطنع: أسر مينفعش. يارا موجودة. أسر بص على يارا وقبل ما يتكلم. يارا: بعد إذنكم. يارا خرجت وهي مش طايقة نفسها وبتحاول تفكر تعمل إيه مع اللي اسمها حور دي. ... عند إياد وتمارا. تمارا خلصت وخرجت وهي عينها حمرا. إياد بص عليها بضيق ونزل وهي نزلت وراه. تحت ندي وحازم كانوا قاعدين يتكلموا بهدوء. لحد ما ندي رفعت عينها وبصت على إياد وتمارا.

ندي فضلت تبص على تمارا: إنتي كويسة ي حبيبتي. مالها عينيكي. تمارا: مفهاش حاجة يا طنط. أنا كويسة. حازم: تعالي يا حبيبتي اقعدي. إياد: معلش أنا متأخرين وتمارا هتشتغل معايا. إياد سحبها ومشي على طول. ندي مقدرتش تتكلم قدامهم. ندي فضلت سرحانة بتفكر حصل إيه معاهم. برا إياد ركب العربية هو وتمارا. تمارا فضلت تبص قدامها وهي ساكتة. إياد قاعد يسوق بتوتر لحد ما اتكلم: أنا آسف على اللي حصل فوق. مكنتش لازم المسك بطريقة دي.

تمارا فضلت قاعدة ساكتة. إياد بضيق: أنا بعتذر لك. المفروض أعمل إيه تاني. تمارا بغضب: وأنا المفروض أعملك إيه. أقولك خلاص كده. إياد ممكن تقولي أنت عايز إيه. عايز مني إيه. بتحاول تقرب مني ليه طالما مش بتحبني ولا عايزني في حياتك. إياد فضل ساكت ومعرفش يرد. تمارا بسخرية: كنت عارفة. إياد وصل الشركة ونزل بضيق. تمارا نزلت ورحت على مكتبها القديم من غير ما تتكلم معاه. تمارا سلمت على مي بحب.

إياد دخل المكتب بتاعه وبص عليها، لاقاها مجتش. إياد طلب من السكرتيرة تبلغ تمارا إنه عايزها. بعد شوية تمارا دخلت بهدوء: نعم يا أستاذ إياد. إياد: أستاذ... تمارا بهدوء: إحنا في الشغل. يا ريت علاقتنا تكون في الحدود دي. إياد قام وقربها بغضب: إنتي عايزة تعصبيني وخلاص. تمارا فضلت تبص عليه بحزن. إياد سرح في ملامحها وبدأ يقرب منها أكتر. تمارا لفت وشها الناحية التانية: إياد إحنا في الشغل. إياد بهدوء: روحي على شغلك. تمارا مشيت

وإياد ماسك راسه بجنون: بيضعف كل ما يشوفها. اشمعنى هي. ليه هي. إياد قاعد يشتغل وهو بيحاول يركز. ... عند ياسين. كان وصل الشركة هو وفريده. وكان بياكلها. ياسين بهدوء وهو بيحاول يخليها تاخد عليه: بقيتي أحسن من لما كنا في العربية. فريده اتوترت واتكسفت: ا... أه. ياسين: مالك اتكسفتي ليه. كل ده علشان اللي حصل. فريده فضلت ساكتة. ياسين كمل بهدوء: اللي حصل عادي جدا والمفروض تتعودي. لأن ده ممكن يحصل في أي وقت. ولا إنتي إيه رأيك.

فريده قامت بسرعة: أنا هروح أشوف الورق اللي المفروض اشتغل عليه. ... عند أسد وملك. ملك كانت قاعدة في حضن أسد: ياسين بقى أحسن. الأيام دي هما وفريده مبسوطين على طول. يارب كده على طول. أسد ابتسم. الحمدلله. اسد: اي رأيك نسافر كام يوم؟ ملك: ياسين وحور مالهم؟ اسد: متجوزين وكل واحد مع اللي بيحبه. احنا هنسافر نقضي كام يوم، عايز أفضل معاكي بعيد عنهم شوية. ملك دخلت في حضنه.

اسد: دي معناها موافقة. طالما كده قومي جهزي نفسك علشان هنسافر بليل. ملك: بسرعة كده؟ اسد: أيوه ي حبيبتي علشان ألحق أرجع علشان الشغل، وأنا هكلم مراد هخليه يمسك الشركة لحد ما أرجع. عند مراد، كان قاعد في أوضة المكتب. لقى الفون بيرن. مراد: أسد باشا بيتصل. عايز إيه؟ اسد: طبيعي يطلع ابنك كده. مراد ضحك لأنه عرف إن أسد مش بيحب أسر. مراد: طب عايز إيه؟ أسد قاله كل حاجة.

مراد بتفكير مصطنع: فكرة. طب سلام بق علشان أجهز أنا كمان علشان نيجي معاك. اسد بعد فهم: تيجي فين؟ مراد بسماجة: نغير جو. قولت هتسافر فين؟ ولا أقولك أنا هتصرف. وبعدين قفل السكة. اسد فضل يبص على الفون بصدمة. ملك: مالك ي حبيبي؟ اسد: بيقول هيجي معايا. ملك بعدم فهم: هو مين؟ اسد قالها على كلام مراد. ملك فضلت تتضحك على حركات مراد. ملك: أحسن بدل ما نكون لوحدنا، اهو روح تفضل معايا.

اسد: ما هو المفروض نكون لوحدنا، مش هنروح مع مراد في حتة. ملك بتقرب بدلع: علشان خاطري. اسد بيأس: منك لله ي مراد الكلب. عند مراد، طلع عند روح وقالها تجهز. روح: ليه؟ مراد: جهزي هدومك بس، مفاجأة. وأنا هنزل هعمل كام حاجة كده. بليل. عند ياسين وفريدة. كانوا خلصوا شغل وركبوا العربية وطلعوا على الفيلا. ياسين وصل، لقى شنط. ياسين: في إيه؟ اسد: مسافرين نغير جو.

ياسين بخبث: كنت قولتلي وكنت هسيب الفيلا كام يوم علشان تكونوا براحتكم بدل السفر. ملك كانت بتنزل. اسد مسك ياسين من هدومه. اسد: والله لو قولت حاجة من دي قدامها، لأكون معلمك الأداب. هي مش ناقصاك. ياسين حضن ملك وهو يبص على فريدة المكسوفة. بعد شوية، أسد وملك مشيوا بعد ما سلموا على ياسين وفريدة. ياسين طلع فوق هو وفريدة. ياسين أخد دش وغير هدومه ورح على السرير لأنه كان تعبان وعايز يرتاح.

فريدة خرجت من الحمام، لاقت ياسين زي كل يوم. فريدة قربت منه من غير كسوف. فريدة فضلت تبص على ياسين بفضول. ياسين بستغراب: إيه؟ فريدة: فين؟ ياسين فضل يبصلها بيحاول يفهم فين إيه، لحد ما لاقاها بتبص على الدرج بفضول. ياسين ابتسم ومد تلت صوابع من إيده. ياسين: اختاري ي فريدة. فريدة فضلت تبص بفضول وتفكير لحد ما اختارت. ياسين: دلوقتي قومي البسي علشان هنخرج. فريدة قامت بسرعة. فريدة: ثواني. ياسين مسح على رقبته بتعب.