رواية ملكت الأسد الجزء الثاني الفصل العاشر 10 - بقلم فاطمة حسن

فريده طلعت تجري ع تحت وركبت العربية. فريده: بيت انكل اسير بسرعة. فريده لنفسها: لا... لا مستحيل يسبني. بعد شوية نزلت وفريده نزلت تجري ع جوا. فريده للخدامة أول ما شافتها: أيهم. أيهم فين؟ الخدامة: خرج ياهانم. فريده خرجت بسرعة من غير حتى ما ترد ع حور. حور فضلت تبص عليها وقالت بغضب: أكيد زهرة قالتها. عند أيهم كان قاعد في الشركة. أيهم

بهدوء وهو بيتكلم في الفون: كلمتهم وعرفتهم إن آخر الأسبوع هيكون الفرح. وكل حاجة جاهزة للخطوبة لحد ما تنزلي إنتي وباباكي. أيهم بخناقة: معلش يارزان لازم أقفل دلوقتي. وهكلمك بعدين. سلام. أيهم رمى الفون على المكتب. أيهم فتح الدرج وطلع صورة لفريده وفضل يبص عليها بيأس. لحد ما الباب اتفتح مرة واحدة. أيهم قلب الصورة وقال بصدمة: فريده! فريده جريت حضنت أيهم وهي بتعيط. أنت... أنت... أيهم كان بيحاول يهديها: فريده اهدي. حصل إيه؟

فريده كانت بتهز راسها برفض وهي بتعيط: أنا بحبك يا أيهم. صدقني بحبك أوي. أيهم بخوف: عارف. عارف ياحبيبتي. بس اهدي. فريده كانت بتزيد وهي بتتضربه: أنت سبتني. سبتني ليه طالما عارف؟ إنت بطلت تحبني. بقيت بتحبها هي صح؟ إنت هتسبني؟ أيهم: فريده خلاص. اهدي. فريده برجاء: قولي بطلت تحبني مش كده؟ مش هتكون معايا تاني صح؟ دلوقتي بتحبها هي. أيهم بقلق: فريده بلاش كده. إنتي كده بتخوفني. فريده دفنت وشها في حضنه وفضلت تعيط بوجع.

أيهم حضنها بحزن: بس ياحبيبتي خلاص. أنا عمري ما هسيبك. فريده فضلت تقول كلام مش مفهوم. أيهم خرجها من حضنه وهو بيبص عليها: فريده إنتي مراتي وهتفضلي مراتي ياحبيبتي بس اهدي. أيهم رجع حضنها أكتر لكن مرة واحدة حس بتقل. أيهم: فريده. فريده. أيهم شالها ونزل بيها وحطها في العربية وطلع بيها على المستشفى. عند نور كانت رجعت بيتها واترمت على السرير وفضلت تعيط بوجع. وكل كلمة قالها مالك بتوجع فيها أكتر.

عكس مالك اللي نسي الموضوع أصلاً. في الشركة. مالك دخل مكتب أدم: مرجعتش ليه؟ أدم بهدوء: أبداً. اتأخرت في الشغل وبعدين حبيت أفضل لوحدي. حصل حاجة؟ مالك قاله كل حاجة. أدم بصدمة: وإزاي محدش كلمني؟ مالك بهدوء: مكنش موضوع كبير. أنا وبابا اتصرفنا. خلص شغلك وارجع على البيت. أدم هز رأسه بهدوء. عند أسد وملك. ملك كانت قاعدة في حضنه: حور كلمتني قالتلي إن أيهم هيخطب. مش عارفة فريده هيحصل فيها إيه لما تعرف.

أسد بسرحان: سيبي كل حاجة لوقتها ياملك. بلاش تفكري كتير. ملك حطت دماغها على صدر أسد وأسد فضل يلعب في شعرها بهدوء. عند إياد خرج من المكتب لاقى تمارا قاعدة بتشرب قهوة بهدوء. إياد قرب منها: محتاج أتكلم معاكي. تمارا بصت عليه بضيق: نعم يا إياد. في حاجة؟ إياد بهدوء: تمارا أنا مش عايز أتخانق معاكي دلوقتي لإن عندي حاجات أهم. وأولها إني قررت أخطب لمراد. تمارا وقفت قالت: نعم؟ إنت بتقول إيه؟

إياد: يعني أنا قررت أكلم أسير وأخطب زهرة لمراد. تمارا بصتله بصدمة: من غير ما تاخد رأي مراد؟ إياد بجمود: أنا عارف مصلحته. وده الصح. تمارا هزت رأسها بغضب: لااا يإياد لااا. مش هيحصل. إنت فاهم؟ إياد بهدوء: أنا بعرفك ياتمارا مش باخد رأيك. تمارا بغضب أكتر: ويا ترى فكرت هتتضغط على مراد إزاي؟ ولا هتعمل زي ما أبوك ما عمل؟

ثم أكملت بصوت عالي: أنا مستحيل اسمحلك تعمل كده في ابني. واللي حصل زمان عمره ما هيتكرر. يام مراد مش هخلي مراد يكون زيك أبداً. أبداً يا إياد. إياد بص على انفعالها: عمرك ما هتسامحني مش كده؟ عمرك ما هترجعي تحبني زي الأول؟ إياد خرج على برا تحت أنظارها. تمارا قعدت بتعب. عند أيهم وفريده. أيهم كان قاعد جنبها بيبص عليها بهدوء وهو بيفتكر كلام الدكتور. أيهم حرك إيده على وشها بحزن: أعمل إيه يافريده؟ قوللي أتصرف معاكي إزاي؟

فريده بدأت تفتح عينها ولما شافت أيهم بدأت دموعها تتجمع تاني. أيهم: بس ياحبيبتي. بس. إنتي تعبانة. فريده بتعب: روحي يا أيهم. مش عايزة أفضل هنا. أيهم هز رأسه وشالها بهدوء. فريده حطت دماغها على راسه وغمضت عينها بتعب. أيهم خرج بيها. أيهم حطها في العربية بهدوء وطلع. أيهم كان كل شوية يبص عليها وهي مغمضة عينها. عند لين. قامت من النوم بتعب وفضلت تبص حواليها بتعب. لين قامت وهي لفة الملاية عليها ودخلت تاخد دش.

لين فضلت واقفة تحت الميه ودموعها بتنزل بصمت. لحد ما خلصت لين لفة فوطة حوالين جسمها وخرجت. لين فتحت الدولاب وبصت على كمية الهدوم بسخرية. لين لبست ورحت تنام تاني بكسل. عند مالك كان شغال ومرة واحدة افتكر اللي نور عملته. رح ابتسم بسخرية ورجع كمل شغل تاني. عند أنس كان بيبص على جوري وهي واقفة مع وائل. وائل كان بيحاول يهزر معاها وهي بتحاول تبتسم. جوري بصت على أنس وبعدين قالت: أنس محتاجة أتكلم معاك. بعد إذنك يا وائل.

جوري راحت لي أنس اللي اتوتر. جوري وهي بتمشي جنب أنس: سوري إني استغليتك بس كنت عايزة أهرب منك. أنس: مح... محصلش حاجة. جوري ابتسمت: بعد إذنك. كل ده تحت أنظار وائل اللي أول ما جوري مشيت قرب من أنس. وقال بتهديد: ياريت يا دكتور متبصش لحاجة مش بتاعتك. دي نصيحة مني. أنس مشي من غير ما يرد عليه. عند يونس وليلي. كانوا خارجين سوا. وده طبعاً بعد إصرار يونس. ليلي كانت بتاكل بتوتر وهي شايفة نظرات يونس. في إيه؟

يونس بحب: أبداً. بحب أبص عليكي. ليلي اتكسفت: يونس. همشي. يونس ماسكها من أيدها: ليلي أنا عارف إننا اتكلمنا قبل كده وسمعت رأيك. بس أنا بحبك ولسه مستني إنك تفكري. ليلي سحبت أيدها بكسوف: يونس نتكلم بعدين ممكن؟ يونس: طالما هنتكلم. ماشي. يونس وليلي ركبوا العربية ويونس فضل يلف بيها. عند أيهم كان وصل. أيهم نزل وفتح الباب لفريده: فريده حبيبتي. قومي. فريده فتحت عينها بتعب: إحنا فين؟ أيهم شالها بهدوء: هفهمك كل حاجة. فوق.

أيهم طلع بيها على الشقة. بعد ما دخلوا. أيهم سحبها وقعد وهو شايف نظراتها: دي شقتي. كنت عايز أتكلم معاكي لوحدنا وكمان تستريحي شوية عشان محدش يقلق عليكي. ممكن نتكلم في اللي حصل في المكتب؟ فريده نزلت عينها: أنا آسفة. معرفش عملت كده إزاي. أيهم رفع رأسها: فريده بصيلي. أنا مش بتكلم معاكي عشان أسمع اعتذار منك. أيهم أخد نفس: صعبتي المواضيع أوي يافريده. مش عارف أتكلم. فريده اتكلمت بدموع: إنت بجد هتتجوز؟

إنت حبتها فعلاً ونسيتني؟ أيهم وقف: فريده إنتي مش هتفهمي حاجة. فريده قامت وقربت منه: أنا مش عايزة أفهم أي حاجة غير حاجة واحدة. إنت بطلت تحبني. أيهم... فريده برجاء ودموع: أيهم رد عليا. قول أي حاجة. أيهم بصراخ: لااا يافريده لااا. مش هو ده اللي عايزة تسمعيه. أيوه لسه بحبك ولسه لحد دلوقتي بحاول أفهم ليه عملتي كده. ليه يافريده؟ ليه عملت إيه عشان دا كله؟ أيهم مسكها من إيدها جامد: ليه يافريده ليه؟ فريده كانت بتعيط وبس.

أيهم حضنها: ليه يافريده ليه؟ فريده حضنت أيهم وهي بتعيط: متسبنيش يا أيهم. أيهم خرجها من حضنه وفضل يبص عليها وبعدين قرب منها وباسها بحب. فريده فاقت وقالت بضعف: أيهم. مينفعش. أيهم وهو بيبوسها من رقبتها: إنتي مراتي يا فريده. وهتفضلي كده. وبعدين. عند فريده كانت بتحاول تتصل على فريده مفيش حد بيرد. فريده بغضب: زهرة قوليلى حصل إيه وفريده راحت فين؟

زهرة بضيق: ياطنط قولتك اللي حصل. فريده راحت تكلم أيهم. ممكن تهدي بق عشان نعرف هنعمل إيه لو انكل ياسين رجع وهي مش موجودة. فريده بصت عليها بغضب: اسكتي يازهره اسكتي خالص. وياسين أكيد هيعرف. زهرة قربت منه وقالت بضيق: إنتي مضايقة ليه؟ ماه إحنا كلنا عايزينهم يرجعوا لبعض. فريده سكتت بتفكير. زهرة بسرعة: صدقيني ياطنط. دي فرصة كويسة عشان يرجعوا لبعض. فريده بتمني: يارب. فريده بقلق: ربنا يستر وياسين ميعرفش.

عند أيهم وفريده بعد ساعات. كان أيهم فتح عينه بنوم وقام اتعدل بسرعة. أيهم لبس هدومه وخرج وفضل يفكر إيه اللي هيحصل لما تقوم فريده. أيهم مكنش مضايق ولا حاسس بذنب. كل اللي كان همه رد فعل فريده. أيهم مسح على وشه: اللي حصل. حصل خلاص يا أيهم. أيهم أخد نفس ودخل الأوضة لاقى فريده قامت وبتبص لقدام وساكتة. أيهم قرب منها بهدوء: إنتي كويسة؟ فريده بصت على أيهم ورجعت تبص لقدام تاني.

أيهم: فريده اللي حصل. كان غضب عننا. غير كده إنتي مراتي. فريده بدموع: لاا. لااا أنا مش كده. أنا مش كده. إنت طلقتني. فريده فضلت تعيط أكتر وهي بتتضرب نفسها. أيهم مسكها بغضب: إنتي مراتي فاهمة؟ أيهم طلع ورقة من الدولاب: ده عقد جديد. فريده بصت على الورقة بصدمة: إزاي؟ أيهم: مش مهم. دلوقتي قومي تلبسي وأنا هكلم انكل وهنتجوز آخر الأسبوع. فريده بدموع: اخرج يا أيهم اخرج. أيهم سابها وخرج بهدوء. بعد شوية وصلوا. أيهم.

انتي كويسة يا فريدة. مش هتفرق. فريدة دخلت لجوه، لاقت زهره معها. زهره قربت منها بسرعة وقالت: "حصل إيه؟ فريدة قالت لأمها بخوف: "مالك شكلك عامل كده ليه يا حبيبتي؟ فريدة حضنت أمها وفضلت تعيط، وهي حاسة نفسها واحدة حقيرة. أمها طلعتها من حضنها: "حصل إيه يا فريدة؟ قولي." فريدة مسحت دموعها وقالت وهي بتحاول تتضحك: "أ... أنا وأيهم رجعنا لبعض، وهو هيكلم بابا." زهره قالت بفرحة: "بجد؟ كنت متأكدة. أنا لازم أقول لماما. سلام."

فريدة بصت على بنتها بشك: "فريدة، حصل إيه؟