رواية ملكت الأسد الجزء الثاني الفصل 139 - بقلم فاطمة حسن

عند فريده دخلت أوضتها وبدأت تضبط شوي حاجات وهي كلها إصرار أنها لازم ترجع ياسين ليها. بليل عند أسر وحور كانوا قاعدين وحور في حضن أسر وأسر حاطط إيده على بطنها بحب. حور وهي نايمة على كتفه: في رأيك ولد ولا بنت؟ أسر وهو بيحرك إيده على بطنها بهدوء: مش عارف، حاسس إنه ولد. وإنتي؟ حور دخلت في حضنه أكتر وقالت: وأنا؟ أسر ضمها ليه جامد: مش عارف كنت هعيش إزاي لو مبقتش معايا أو حبيتي حد تاني. حور

رفعت راسها وقالت بخبثه: كنت هتعمل إيه لو دا حصل فعلاً ورجعت لاقيتني حبيت حد تاني؟ أسر اتكلم بلا مبالاة: كنت هقت -له لو مبعدش عنك. حور بضيق: كنت هتعمل إيه بجد من غير هزار؟ أسر باصرار: زي ما قولتك ي حوري، أنا مش بهزر. أنا عمري ما سبت ولا هسيب حاجة بحبها أو عايزها لحد. حور سكتت واستغربت كلام أسر. أسر قام وهي لسه في حضنه وطلع بيها لفوق: يلا علشان تنامي. حور نامت من غير ما تتكلم بردك. أسر أخدها في حضنه ونام بهدوء.

عند فريده نزلت لملك بكسوف. فريده بتوتر: هـ.هـ.هو إنتي ممكن تكلمي ياسين عشان يرجع؟ ا.اصلي.يعني.ي.يعني؟ ملك اتكلمت: حاضر يستي، هكلمه. ملك اتصلت على ياسين مردتش عليها، فضلت تجرب لحد ما رد. ملك بحب: إيه ي حبيبي مش هتجي؟ مش كفاية كده؟ ياسين في الجانب الآخر بضيق: معلش ي ماما، عندي شغل كتير مش هعرف أجي دلوقتي خالص. ملك بكدب: ا.اصل بصراحة يعني. ياسين: في حاجة؟

ملك: فريده تعبانة وكمان قافلة على نفسها وقاعدة تعيط ومحدش عارف يتكلم معاها، وأنا مكنتش عايزة أقولك لحد ما تيجي عشان كنت خايفة عليك. ياسين قام بسرعة وهو بياخد مفتاح العربية: طب سلام، أنا خمس دقائق وهكون عندك. ياسين قفل ونزل ركب العربية وطلع بسرعة. عند فريده وملك فريده كانت بتبص عليها. ملك: إيه، مكنش هيجي غير كده. كنتي عايزاني أعمل إيه يعني؟ يلا اطلعي قبل ما يجي. فريده هزت رأسها وقامت بسرعة.

ملك فضلت تبص عليها بحب وهي بتتمنا كل المشاكل تتحل بينهم. فوق فريده دخلت أخدت دش بسرعة وخرجت وهي لابسة قميص نوم قصير. فريده فضلت واقفة تبص على نفسها بكسوف. فريده لنفسها: اهدي ي فريده، خلاص محصلش حاجة. ثم أكملت: لااا، مستحيل أكون كده قدامه. فريده طلعت هدوم تاني لكن سمعت صوت عربية ياسين. فريده خدت نفسها وقالت: خلاص ي فريده، اللي بتعملي ده هو الصح. وقفلت النور. تحت ياسين دخل بسرعة: في إيه ي ماما؟ مالها فريده؟

ملك بكدب: اطلع ي حبيبي اطمن عليها لأنها... وقبل ما تكمل كلامها كان ياسين طلع لفوق بسرعة البرق. ياسين دخل الأوضة بخوف، لاقاها ضلمة بس فيه نور بسيط جداً. ياسين كان لسه هيشغل النور. لكن فريده حضنته من ورا. ياسين كان واقف وجسمه متخشب من خوفه عليها. لكن أول ما فريده اتكلمت بدأ جسمه يهدأ ويلين: أنا آسفة. ياسين غمض عينه بضعف وسحب نفسه بهدوء وشغل النور. ياسين حاسس إن قلبه هيقف لما شافها كده.

فريده قربت بكسوف: كنت عايزة أقولك على حاجة. ياسين مكنش معاها أصلاً. فريده دخلت في حضنه بكسوف: ياسين ركز معايا ولم نفسك. ياسين كان حاسس إنه بيحلم ومش مركز معاها خالص. فريده ضربت ياسين على صدره بضيق: ياسين! ياسين فاق وحاول يتكلم: ا.ا.كا.كنتي بتقولي إيه؟ فريده وقفت على طراطيف صوابعها واتكلمت: بحبك ي ياسين، بحبك. ياسين كان واقف مصدوم ومش قادر ينطق، معقول اللي بيحصل ده بجد؟ فريده بتوتر: إنت مش هتقول حاجة؟

ياسين بدون وعي: الكلام ده ليا أنا؟ فريده حطت إيدها على راسه: إنت كويس ي ياسين؟ ياسين حاول يفوق ويتكلم: قولي كنتي بتقولي إيه تاني كده معلش. فريده بدلع: بحبك ي ياسين. ياسين بتوهان: ياسين اللي هو أنا؟ فريده غصب عني ابتسمت عليه، مكنتش متوقعة إنه ممكن يكون كده لمجرد إنها قالت إنها بتحبه. فريده: اه انت. ياسين كان مرة واحدة شالها: أنا لازم أتأكد إني مش بحلم. فريده بكسوف وتوتر: ياسين است...

فريده بلعت باقي كلامها لما ياسين باسها. عند مراد كان قاعد في مكتبه بغضب بعد ما قفل التلفون. روح دخلت عليه لاقته قاعد متعصب. روح قربت منه بتوتر: مراد. مراد بضيق: روح، مش عايز أتكلم دلوقتي لو سمحت. روح قربت منه وحضنته: حبيبي، كفاية كده. هي كويسة وهيرجعوا، إنت ليه شايف إنها مع مجرم مش مع جوزها وابن عمها؟ مراد دفن راسه

في حضنها وهو بيحضنها جامد: خايف، مرة واحدة كل اللي حصل زمان بقى قدامي، بقت خايف يكون إياد زيي، بقت خايف ليحصل في بنتي حاجة أنا كنت بعملها. روح جسمها اتخشب بضيق من اللي كان بيحصل زمان. مراد بغضب من نفسه: كنت واحد أناني وغبي ومريض، كنت دا كله لمجرد إن مـ.ـمـ.ـاما مراد قالها بصعوبة كبيرة. سيبني ومش بتحبي، بقت بكره إن حد يكون رفضني وبسبب عملت معاكي كده.

مراد ماسك إيدها بوجع: عرفت إنك ملكيش ذنب وعارف إن الموضوع اتقفل، بس كل ما يحصل حاجة بتفكرني أد إيه كنت إنسان حقير معاكي وإنتي بعد ما دا كله سمحتيني. خايف أدفع تمن اللي حصل في أسر أو تمارا. روح اتكلمت بحب: كان ماضي ي مراد، كان ماضي واتقفل. مش عايزة تفتحي سيرة اللي حصل زمان تاني. مفيش حاجة هتحصل طول ما إنت موجود. روح مسكت وش مراد

بين إيدها واتكلمت بحب: دايماً بتحمينا وهتفضل كده على طول ي حبيبي، وكلها كام يوم وتمارا هترجع، اطمن. مراد هز رأسه بهدوء وحضنها بحب وهو بيشكر ربنا. تاني يوم الصبح عند إياد وتمارا تمارا فتحت عينها بضيق بسبب نور الشمس. تمارا بصت جنبها على إياد اللي كان نايم بهدوء. وراحت اتعدلت بسرعة وصدمة. تمارا قامت بسرعة وهي مش عارفة إزاي ده حصل، وبدأت تلبس هدومها وهي بتكتم دموعها وعينها بدأت تحمر. تمارا أول ما راحت تفتح الباب.

إياد اتكلم بهدوء: رايحة فين؟ تمارا وهي لسه مديله ضهرها اتكلمت بجمود: رايحة أوضتي. إياد اتعدل وهو لسه على السرير: ومالك خرجة زي الحرامية كده؟ ثم أكمل بسخرية: كانك عملتي حاجة عيب أو حرام مثلاً. تمارا غمضت عينها بحزن وفتحت الباب بسرعة وخرجت. إياد بص عليها لما خرجت وغمض عينه بتلذذ من اللي حصل وهو بيفتكر كل حاجة. كان مبسوط، اعترف لنفسه إن كل حاجة حصلت خلته مبسوط.

إياد قام بهدوء واقف قدام المرايا وعدل شعره بغرور وخرج وراها وهو لبس شورت قصير بس. عند تمارا أول ما دخلت أوضتها. قعدت على السرير ودفنت وشها في إيدها وفضلت تعيط جامد. تمارا بعياط: ليه عملتي كده؟ إزاي تعملي كده؟ إزاي؟ إياد دخل بهدوء لاقها قاعدة بتعيط. إياد ببرود: خير ي تمارا، في حاجة؟ ثم أكمل بوقاحة وهو بيرمي كلام على اللي حصل: أظن إني اتعاملت معاكي براحة وكويس. فا مالك؟ تمارا

مسحت دموعها وقالت بغضب: اخرج برا، أنا مش عايزة أشوفك، يلا. إياد ببرود: لااا. تمارا بصتله بغضب: اخرج برا بقولك. إياد ببرود أكتر: قولت لااا. محدش فينا هيخرج من هنا غير لما ألاقي رد على سؤالي. إياد قرب منها واتكلم وهو مركز في عينها: طالما بتكرهيني أوي كده إزاي كنتي معايا وإنتي بكل القبول ده؟ كل اللي حصل بينا بيقول عكس كلامك ي تمارا هانم. تمارا بصراخ: إياد بقولك اخرج.

إياد بغضب وهو بيمسك إيدها: محدش فينا هيخرج من هنا قبل ما تردي على سؤالي حتى لو فضلنا العمر كله هنا، إنتي فاهمة؟ إياد زقها بضيق. تمارا فضلت ساكتة تحت نظراته.