رواية ملكت الحمزة الفصل السادس والعشرون 26 - بقلم سندس احمد

جميلة بخوف شديد: عايز إيه يا مرسي؟ مرسي ببرود: عايز كل خير، عايز أشوفك يا جميلة هانم. جميلة برفض: لا لا يا مرسي انساني. مرسي بعصبية: اسمعي كلامي ده كويس أوي يا جميلة، أنتِ لو ما سمعتيش كلامي واتقابلنا في المكان بتاعنا، إياكِ تلوميني على اللي هيحصل. وقفل في وشها. جميلة بلطم: يا لهوي يا لهوي، ده عايز مني إيه؟ _حمزة نيم ملك ولسه هيقوم من جنبها، مسكت إيده وقالت: عايزة أتكلم معاك يا حمزة.

حمزة بتنهيدة: عايزة تتكلمي في إيه؟ ملك بوجع: ليه سبتني ليه؟ وعلى إيه كل ده؟ على خرجت من وراك؟ حمزة سحب إيده وحطها على دقنه وقال ببرود: هي يا ريت تيجي على الخروج وبس، أنتِ خلتيني ديوث. ملك بصدمة ودموع: أنتَ بتقول إيه يا حمزة؟ حمزة ميل عليها وبصلها أوي وقال: مين اللي خرجتِ معاه يا ملك؟ ومين اللي عرفك إن دول أهلك؟ ملك بصتله بخوف شديد وقالت: ما أعرفش صدقني ما أعرفش.

حمزة بصلها وقال بتملك: أنا هأعرف ما تقلقيش، حظك إن الكاميرات بتاعة الشقة كانت معطلة بس كاميرات الشارع سجلت كل حاجة وهأجيبه وهأخليه يتمنى الموت وما يلاقوش على اللي عمله. ملك دموعها نزلت وما قدرتش ترد. حمزة حط إيده على وشها وقال بحنية: ما تعيطيش، مش عايز أشوف دموعك دي. ملك بدموع ووجع: أنتَ هتضربني على مشيت معاه صح؟ حمزة مشى إيده على وشها وقال بهدوء: ما تخافيش، ما فيش ضرب ولا زعيق.

ملك بزعل ودموع: أنا زعلانة منك أوي يا حمزة. حمزة ميل باس خدها بهدوء شديد وغمض عيونه وقال: زعلانة مني في إيه يا قلب حمزة؟ ملك بدموع: على سبتني لوحدي وكمان ما كلفتش نفسك ورنيت عليَّ حتى ليه؟ حمزة بص في عيونها وقال: غصب عني يا حتتي، صدقيني غصب عني. ملك حاوطت رقبته وحضنته وقالت بحب: طيب عايزة أقولك على حاجة. حمزة نام في حضنها وقال بحنية: قولي يا حتتي. ملك بحب: أنا حامل. حمزة رفع وشه وبصلها وقال بصدمة: بتهزري؟

ملك مسكت وشه وقالت بضحك على رياكشنه وقالت: والله ما بهزر أنا حامل وفي الشهر الثالث. حمزة بعشق وفرحة ما تتوصفش: يعني هيبقا فيه بيبي مني ومنك. ملك هزت رأسها بحب. حمزة حضنها جامد وقال بفرحة: أنا مبسوط، مبسوط أوي. ملك بحب: وأنا كمان ما مصدقة. حمزة سند رأسه على رأسها وقال بحب: هنسميه إيه؟ ملك عضت على شفايفها وقالت: بص أنا لو بنت هأسميها أصالة، بأحب الاسم ده أوي.

حمزة بضحك وحب: أنا هأسمي الولد على اسم عمه والبت هأسميها ملاك زي اسمك. ملك باستغراب: عمو مين؟ حمزة بحب: علي تؤامي. ملك بزعل: بس أنا عايزة أسمي الولد على اسم أخويا يا حمزة. حمزة بعشق: حاضر نسميه علي وسليم. ملك بفرحة: أشطا! حمزة رفع الغطا ودخل جوه حضنها ونام وغمض عيونه. ملك لفت إيدها على جسمه ونامت. *** حازم بهدوء: بابا عايزاك في موضوع. حمزاوي بهدوء: موضوع إيه؟ قول سامعك. حازم لسه هيرد يامن وعلي ومحمد دخلوا.

راحوا باسوا إيده وقعدوا قصاده الأربعة. علي بحب: متجمعين عند النبي. حمزاوي بابتسامة: عليه أفضل الصلاة والسلام. يامن بشك: مش مستريح ليكوا. محمد بضحك: وأنا يا يامن يا خويا والله. علي بهدوء: حمزاوي أنا عايز أتجوز. حمزاوي بفرحة: وأخيرًا هتفرحني. يامن بسرعة: وأنا كمان يا حاج. حازم بجدية: وأنا برضه. محمد بغيظ: ونبي يعني أنا الوحيد اللي فيكوا هأبقى سنجل؟ يامن حط إيده على بوقه وقال: ها؟ قلت إيه يا حاج؟ حمزاوي

بتنهيدة وفرحة كبيرة: طيب كل واحد يقولي عن اللي عايز يتجوزها. يامن بهدوء: أنا هآخذ مريم بنت خالتي يا حاج. علي بحب: وأنا هاجر صاحبة حور. حازم بهدوء: وأنا حياة أخت ملك مرات حمزة. محمد بضحك: وأنا جميلة أمي. حمزاوي حدفه بالمخدة وقال بغيظ: دانا أذبحك وقتي. محمد بغمزة: ليك حق يا وحش. يامن بغيظ: يا حاج ركز معانا. حازم مسك محمد من طرف القميص وقال بغيظ: قوم يلا، أنتَ هتبوظ القعدة أصلًا، قوم.

محمد بعند و غيظ فيهم: لا يا خويا منك ليه، قاعد، وحط إيده على بعضها وقال: قاعد على قلبكوا. وبعد بسرعة قبل ما حد فيهم يمد إيده عليه وراح قعد جنب حمزاوي ومدد رجله وفتح فونه وبقى يلعب فيه باستفزاز. علي بغيظ: محمد اتعدل بدل ما أجي أعدلك. حمزاوي بضحك: طيب خلاص اهدوا، أنا موافق بس قلتوا لحمزة؟ يامن بغيظ: هو حمزة فاضيلنا يا حاج؟ هو ما وراه غير مراته. حازم بتهديد مصطنع: أنتَ مالك بقى بيهم؟

علي بغيظ: آه ده منحاز لملك مرات أخوك على أختها، افهم يا غبي. يامن باستفزاز: اممممم قلت لي، طب إيه رأيك بقى لو أحرد ملك عليك وأخليها ما توافقش، وكده كده أنا وملك واخدين على بعض. حازم قام له وقال بردح: نعم يا عين أمك؟ أنتَ تقدر. حمزاوي بضحك: حلو حلو، أنتُم محترمينّي أوي. محمد همس لحمزاوي وقال بخبث: بص يا بابا، أنتَ ما توافقش ولا تروح مع حد فيهم أصلًا، مش محترمينك وأنتَ قاعد هنا هيحترموك بره يا حمزاوي؟ توتو عيب أوي.

علي قام وضربه بالقلم وقال بغيظ: ولا قوم من هنا يلا قوم. محمد ببراءة: شايف يا حاج شايف؟ الحنية، حنين أوي عليَّ. حور بزعيق: بااااااس يلا أنتَ وهو. يامن برفع حاجب: بااااس أنتِ ها؟ حور حطت إيدها في وسطها وقالت بتهديد: أنا بحذرك أهو، حمزاوي قاعد يعني أي حد فيكوا هيتجرا ويمد إيده عليَّ، حبيبي ونور عيني ما هيسكتلكوا. حمزاوي فتح دراعه وقال بحنية: تعالي يا حبيبتي وخلي حد فيهم ييجي جنبك يا قلب حمزاوي. حازم حط إيده

على كتف علي وقال بجدية: بابا إحنا بنتكلم بجد، قلت إيه؟ حمزاوي بتنهيدة وهدوء: تمام، طالما مصممين أوي كده وكلكم مرة واحدة، فإيه رأيكوا تعملوا فرحكوا مع بعض؟ كلهم بصوا لبعض وقالوا بفرحة: يا سلام دي أحلى فرحة. حور سقفت وقالت بفرحة: أيوة بقى هنلبس فساتين ونحط ميكب ونولعها. حازم ويامن بصوا لها أوي. حور استخبت في حضن حمزاوي وقالت ببراءة: شايف يا بابي شايف؟

بيبصولي إزاي أول ما قلت ميكب وفستان، هو أنا مش بنت ومن حقي أفرح يعني يا حمزاوي؟ حمزاوي بحب: هي تعمل اللي هي عايزاه. علي بحدة: حاضر يا حمزاوي بس هتأفوري يا حور في حركاتك أوي في لبسك، ما تزعلش مني يا حاج. يامن بجدية: أيوة زي ما قال علي. محمد بهمس لحور: بت أنتِ هتسكتي، ما حدش هنا ليه حكم عليكي غير حمزاوي، أنتِ فاهمة؟ حور بتفكير: آه أنتُم ما لكوش حكم عليَّ يا واد منك ليه. حازم راح ناحيتها ولسه هيشدها

حمزاوي خبأها وقال بحدة: ارجع مكانك. حازم بعصبية: خليها تتعدل عشان ما تزعلش مننا كلنا. حمزاوي بهدوء: اقعدوا طيب. كلهم قعدوا. حمزاوي بهدوء: سمية سمية. سمية: نعم يا بيه؟ أمرني. حمزاوي بحب: عايزك تحضري العشا وتعملي حسابنا كلنا. سمية أومأت برأسها ودخلت جوه. حمزاوي بهدوء: هنروح إمتى كده؟ حازم بهدوء: إن شاء الله بكرة. حمزاوي بحب: على بركة الله. حور بهمس لحمزاوي: بابا أنا هألبس اللي أنا عايزاه ها؟

علي بصلها وحازم ويامن بتوعد. حور بزعل: بص بص يا بابا بيبصولي إزاي؟ حمزاوي مشى إيده على ضهرها وقال بحنية: حبيبتي دول أخواتك وخايفين عليكي وبيغيروا عليكي وأنتِ البنت الوحيدة اللي وسُطهم. لازم يخافوا عليكي. حور ضيقت عينها وقالت: ونبي تسكت أنتَ ما تعرفش حاجة يا حمزاوي، ده أنا بآكل ضرب من حازم بالذات، ما آكلوش حرامي ولا الزفت يامن... وتحكماته. حازم باستفزاز: ونكسر رقبتك لو لزم الأمر. حور

طلعت لسانها وقالت بغيظ: ما لكش دعوة. يامن بعصبية: أنا زفت يا حور؟ حور بخوف: أنتَ قلبي يا يامن يا خويا. كلهم ضحكوا عليها وعلى طريقتها وقضوا وقت جميل جدًا بين الهزار والضحك. سمية: الأكل جاهز يا حمزاوي بيه. حمزاوي بهدوء: يلا يا حبايبي عشان تاكلوا يلا. كلهم قاموا وراحوا ناحية السفرة وبدأوا يأكلوا. محمد بهدوء: بابا أنا عايز أسافر. حازم باستغراب: تسافر فين؟ محمد بهدوء: عايز أتعلم بره.

يامن برفض: لا يا محمد وبعدين مالُه التعليم هنا؟ حمزاوي بهدوء: طيب وفرح أخواتك يا محمد؟ محمد بحب: لا ما أنا هأسافر بعد فرحهم إن شاء الله وحمزة رتبلي كل حاجة. علي بسخرية: يا سلام وقررت من نفسك خلاص وجهزت كمان؟ حور بزعل: لا يا محمد إحنا ما شبعناش منك، بلاش منه السفر. محمد بتنهيدة: أنا عايز أتعلم بره يا جماعة، وبعدين محتاج أفصل شوية أنا برضه لسه متأثر باللي حصل، ما يغركوش ضحكي ده.

حمزاوي بزعل عليه: طيب ادي لنفسك فرصة يا حبيبي. يامن برفض قاطع: ما فيش سفر فاهم؟ محمد بهدوء: بس يا يامن. يامن بمقاطعة: محمد كلنا رافضين ما فيش سفر. محمد بصلهم بحيرة وكمل أكل، كلهم خلصوا وكل واحد راح لأوضته. *** علي اترمي على السرير بتعب شديد، فتح فونه لاقى هاجر أون لاين. راح بعتلها: "عاملة إيه؟ استناها ترد ما ردتش برغم إنها أون لاين. دقيقة دقيقتين وردت. "تمام الحمد لله."

علي شاف المسدج ما رضيش يرد، راح رن عليها وخرج البلكونة. استناها ترد ومع أول رنة ردت. علي بهدوء: طمنيني عليكي. هاجر بهدوء: أنا كويسة. علي بحب: دايمًا يا رب. هاجر ببرود: شكرًا. علي بهدوء: قلتي إيه؟ هاجر بوجع: موافقة، ما أنتَ رانن عشان تسمع موافقتي، أديني بأقولك يا علي موافقة. علي بسخرية: ومالك بتقوليها كده؟ هاجر بعصبية: أنتَ عايز إيه؟

مهو أنا لحد دلوقتي مش مقتنعة خالص إنك حبيتني، أنا كنت بأجري وراك عشان آخذ كلمة منك، دلوقتي وفي خلال أيام بتقولي بأحبك، لا وكمان عايز تتجوزني؟ علي بحب: لأن ببساطة كده أديت لنفسي فرصة وحسيت بالأمان وياكي يا نوجتي، ومختلفة عن أي حد. أظن إن ده سبب كافي. "وما أجمل عيناكي التي أحبها وتسحر كل من نظر إليكي." هاجر ابتسمت على كلامه أوي وحبته جدًا، لأنه لون عيونها بجد يسحر زي ما قال بالظبط. هاجر بابتسامة: دي تأليفك؟

علي بحب: آه يا ستي، ده أنا هغرقك شعر وحب بس نتجمع لوحدنا. هاجر ضحكت أوي وبصوت عالي، ومع كل ضحكة كانت بتضحكها كان علي بيستمتع بصوتها بكل حب. "بدأت أعشق ابتسامتك التي تحييني." هاجر ضحكت أكتر بحب على كلامه وقالت: هتقدر ترجع حبك يا علي؟ علي بثقة وحب: سيبيلي نفسك خالص يا نوجتي وهتشوفي. هاجر برقة: ماشي، هديك فرصة يا لولي، يلا باي دلوقتي. قفلت معاه. علي بصدمة: لولي دي! اتجننت! وضحك. دخل أوضته فرد جسمه ونام وهو مرتاح.

الساعة اتنين بليل... ملك اتململت في نومتها. بصت لاقت حمزة نايم وشعره على عيونه. زاحت شعره وقالت: حمزة. حمزة ما ردش. ملك بوجع: حمزة الحق. وزقته جامد. حمزة بخضة: في إيه؟ ملك حطيت إيدها على بطنها وقالت: جعانة أوي، وبكني هتموتني. حمزة قام بخضة وحط إيده على وشها وقال بخوف: طيب اهدي أنا هنزل أجيبلك أكل، اهدي. وباس كف إيدها وراسها، وباس رأسها وقام بسرعة لبس. ملك بعياط: حمزة بسرعة.

حمزة بخوف شديد: حاضر، هنزل السوبر ماركت دلوقتي هجيبلك أكل. ملك بعياط أكتر: أنا لسه هستناك يا حمزة، هاتلي من تحت. حمزة بقلق: حاضر حاضر. وسابها وخرج. ملك حطيت إيدها على بطنها بوجع وتعب. ملك بوجع: عارفة يا قلب مامي إنك جعان، هاكلك دلوقتي. بعد دقايق حمزة دخل وفي إيده صينية كبيرة. دخل حطها عالسرير قدامها وراح قعد جنبها وبقى ياكلها ويفصص الأكل ويأكلها. ملك خلصت كل الأكل اللي

في الأطباق وقالت بزعل: على فكرة بقى مش أنا اللي أكلت ده ابنك. حمزة بضحك: عارف، انتي هتقوليلي. ملك ميلت على صدره وقالت برقة: طب ابنك دلوقتي عايز حاجة حلوة من السوبر ماركت. حمزة بعشق: أنا تحت أمره هو وأمه. ملك بحب: يعني هتنزل تجيبلي دلوقتي؟ حمزة بحنية: امممم. ملك بتوتر: طب طب أروح معاك؟ حمزة شدها من رقبتها وباسها في خدها جامد وقال بحب: آه تعالي. ملك بفرحة: بجد؟ حمزة هز رأسه بحب. ملك بفرحة: هقوم ألبس.

حمزة مسكها وقال: لا خليكي أنا هجيبلك اللبس وأغيرلك. ملك هزت رأسها. وحمزة حاش الصينية وراح ناحية الدولاب خرجلها لبس وساعدها تلبس. ملك بغيظ: طب ليه كل ده يا حمزة؟ حمزة بهدوء: عشان الجو برد. ملك بطفولة: بس أنت ملبسني كتير مش هقدر أتحرك يا حمزة. حمزة بحب: لا هتقدري يا قلب حمزة، زلي رجلك ألبسك الشوز يلا. ملك قامت من عالسرير ونزلت رجلها وحمزة لبسها الكوتشي. ملك وقفت وراحت عند المراية

بصت لنفسها بعدم رضا وقالت: على فكرة يا حمزة الشوارع فاضية، على إيه اللبس ده يعني؟ وبعدين أنا هقعد استناك في العربية مش هنزل. حمزة حضنها من ضهرها وقال بهدوء: يلا عشان ننزل، ومش كل مرة نعمل الحوار ده على اللبس. مسك إيدها وخرجوا، ركبها العربية وساق. ملك بصت للشباك بزعل وقمص. حمزة بضحك: طيب انتي إيه اللي مضايقك؟ ملك بقمص: ما تتكلمش معايا يا حمزة. حمزة وقف العربية وقرب منها وقال بحب: مقدرش يا حتتي. ملك

قربت منه جامد وقالت بغيظ: قولتلك ما تقوليش زفت حتتي و... لسه هتكمل كلامها لاقت حمزة ميل عليها وباسها من شفايفها. مسك راسها وقربها منه جامد وفضل يبوسها بكل حب وعمق. ملك بعدت وقالت بغيظ: يعني حبكت هنا في العربية؟ ما أنا كنت قدامك في البيت. حمزة ضحك عليها جامد وقال بغمزة: انتي بقيتي سافلة أوي يا حتتي. ملك بغيظ: البركة فيك. حمزة بعد وشغل عربيته وقال بوقاحة: وأنا عايزك تبقي سافلة يا حتتي. ملك بدلال: معاك أنت بس.

حمزة رفع حاجب وقال بعصبية: أمال مع غيري؟ ملك بخوف: ها، ما قصدي كده. حمزة بعصبية: اسكتي طيب، اسكتي. ملك خافت منه وسكتت. وصلوا عند السوبر ماركت. ركن عربيته وقال بهدوء: عايزة إيه؟ ملك بزعل: هات اللي تجيبه. حمزة غمض عيونه بتعب وحيرة: طيب يا ملك طيب، ما تتحركيش من مكانك. وسابها ونزل. ملك بزعل: مش عارفة بيزعق ليه، وكمان أنا ما عملتش حاجة. بصت للشباك وسرحت. وبعد وقت، خرج حمزة من الماركت وفي إيده أكياس.

ركب العربية وحط الأكياس ورا في الكرسي اللي ورا. حمزة بهدوء: نلف شوية ولا نروح؟ ملك من غير ما تبصله: لا عايزة أروح. حمزة فهم إنها زعلانة راح شدها لحضنه وباس راسها وقال بحنية: أنا آسف ما تزعليش. ملك بقمص: لا زعلانة. حمزة بحب: طيب إيه اللي يرضيكي وأنا أعمله؟ ملك رفعت وشها وبصت في عيونه وقالت بتوتر: عايزة أروح أشوف عيلتي. حمزة حضنها جامد وشغل العربية وساق وما ردش عليها. حمزة ببرود: انتي بتفضلي عيلتك عليا يا ملك؟

ملك بصدمة: لا والله يا حمزة مش كده. حمزة ببرود: ولا كده عادي، ما بقتش تفرق. ملك دفنت وشها في رقبته وقالت بحب: حمزة أنا اخترتك أنت ما تنساش ده، وبعدين ما عنديش أغلى منك. حمزة حاوط وسطها بإيده وكمل سواقة. وصل الفيلا وبص على ملك لاقاها نامت في حضنه. شالها ودخل بيها طلع الجناح بتاعه وحطها عالسرير وغيرلها هدومها لعباية نص كم ولحد ركبتها وغطاها. ودخل الحمام خد دش واتوضأ وخرج سمع أذان الفجر.

نشف وشه وخرج نزل تحت لاقى يامن وحازم صاحيين وبيقرو قرآن. حمزة بحب: هتصلوا الفجر؟ حازم صدق وقال بابتسامة: لاقينا نفسنا صاحيين قولنا نصلي الفجر. يامن بحب: إحنا هنصلي جماعة. حور بحب: وأنا كمان هصلي معاكوا. حازم بضحك: انتي لسه صاحية يا بومة؟ حور بغيظ: نينينينينيني. حمزة بجدية: طيب يلا. صلوا السنة. وحازم أقام الصلاة ويامن صلى بيهم وصوته كان روعة في القراءة كان يجنن. خلصوا وسلموا وكل واحد فيهم قرأ أذكار الصلاة.

حور حضنت يامن وبقت قاعدة في حضنه وبتسبح. حمزة باس راسها وقام وقف وقال بحب: تصبحوا على خير. يامن بغمزة: أيوا يا عم اللي واخداك مننا. حمزة بحب: ملك حامل. حور برقت بصدمة وقالت بفرحة: أنت بتهزر صح؟ حازم قام حضنه وقال بحب: ألف مبروك يا حبيب أخوك. حمزة بحب: الله يبارك فيك يا حبيبي عقبالك. يامن وحور حضنوه. حور بفرحة: ييييي، هبقى عمه يا جدعان. بس ثانية كده، وقالت بزعل: أنت كده هتكبرني يا حمزة. حازم بغيظ: يعني ده كل اللي همك؟

حمزة بضحك: أنا لأ، أنام عشان هلكان. وسابهم وخرج. يامن بحب: بقالنا زمن ما اتجمعناش خالص، أول مرة نتجمع ونصلي سوا، مبسوط أوي. حور بحنية: حقيقي يا يامن بجد مبسوطة أوي. حضنوا بعض كلهم. حازم بهدوء: يلا اطلعوا ناموا عشان الصبح بدأ يطلع وعشان نلحق ننام كام ساعة. حور باست حازم من خده ويامن وطلعت أوضتها. حازم طلع أوضته. ويامن لم المصليات وطلع أوضته.