رواية ملكت الحمزة الفصل الثاني والعشرون 22 - بقلم سندس احمد

علي بخبث: هاجر، أنت بتغيري؟ هاجر ببرود: لا. علي بضحك: كذابة قوي. هاجر ببرود: لا ما بكذبش، وعايزة أنزل أروح. علي بتهديد وتحذير: هاجر، دي آخر مرة هحذرك فيها من القرف اللي بتعمليه ده، لو لقيته متجدد تاني هزعلك قوي. هاجر اتعدلت وبصتله وقالت بعصبية: كنت مين على تزعلني هااا؟ كنت مين؟ علي باستفزاز: جوزك المستقبلي إن شاء الله. هاجر بسخرية: ده في أحلامك. علي شغل العربية وساق وقال ببرود: هنشوف دلوقتي.

هاجر اتعدلت وبصت للشباك وسرحت. ملك بتعب: يا ماما خلاص تعبت وشبعت كمان. حورية بإصرار: لا لا، أنتِ ما أكلتيش حاجة يا حبيبتي، كلي كلي، لازم تغذي اللي في بطنك ده. حياة بضحك: أمك هتفضل تحشي فيكِ كده لحد ما تتخني. ملك بضحك: لا ونبي يا حورية خليني كده أحسن. حورية بغيظ: اسكتي أنتِ يا بت، دي حامل ولازم تتغذى. حياة بتذكير: أيوه صح، حمزة ما عرفش لسه. ملك بهدوء: لما يفتكرني. حورية سابت الملعقة وقالت باستغراب: ليه إن شاء الله؟

هو حصل مبينكم إيه؟ احكي لي. ملك بتعب: لا أنا دماغي مصدعة وما قادرة، هقوم أنام شوية. وقامت بس حياة مسكت إيدها وقالت بشك: هو هو أنتم اتطلقتم؟ ملك ببرود: لا ما اتطلقناش، ومستحيل يكون في طلاق مفهوم، بس احنا اتخانقنا خناقة كبيرة قوي، واضطر يبعدني عنه مش أكتر ولا أقل. عن إذنكم أنا بجد ما قادرة. وسابتهم ودخلت أوضة حياة. حياة بحيرة: ما قدامي حل غير إني أكلم حازم وأقول له، هو أكيد فاكر أنها دلوقتي في الشقة اللي سابها فيها.

حورية بغموض: كلميه ضروري، أنا عايزة أشوفه وأعرفه. حياة أومأت براسها وخدت فونها وخرجت، هي كانت لابسة قبل ما تأكل عشان خارجة. حمزة وصل تحت العمارة، ركن عربيته ودخل طلع الأسانسير. فتح الشقة بالمفتاح ودخل. بص حواليه في الريسبشن ما لقاهاش. دخل الأوضة وبص ما لقاهاش، فتح الحمام برضه ما لقاهاش. حمزة بخوف: ملك ملك ردي. فتح فونه ورن.

حمزة بخوف شديد: اسمع، تجيب لي كاميرات العمارة كلها، مين دخل ومين خرج من ساعة ما جئت أنا والهانم يلا. وقفل وطلع قفل الشقة ونزل بسرعة وساق. وهو بيسوق كان بيرن على حازم. حمزة بدموع وبخوف: حازم، ملك ملك مش موجودة. حازم بقلق: إزاي؟ حمزة بزعيق: تهب وتغطس وتدور معايااااا فاهم؟ حازم قام من على الكرسي وخد مفاتيحه وخرج. حازم بتوتر: اهدأ اهدأ أنا جنبك. وقفل معاه. حمزة بدموع: روحتي فين؟

مستحيل تبعدي وتسبيني، لا يا ملك لا، هلاقيكِ وساعتهااااا هندم اللي عمل كده. حازم كان سايق العربية وحياة رنت عليه. فتح عليها. حازم بقلق: إيه يا حبيبتي؟ حياة بهدوء: حازم، عايزاك دلوقتي ضروري أرجوك. حازم وقف العربية وقال بخوف: في إيه؟ انطقي. حياة بهدوء: ملك مرات حمزة عندي. حازم بصدمة: إيييي.