رواية ملكت قلبى الفصل الثامن 8 - بقلم جنة سامي

(عدى اليوم طبيعي جدا) في صباح يوم جديد.. كانوا مجمعين على السفرة. كلهم ما عدا لين وأميرة وياسمين. آه صح نسيت أقولكم ياسمين جت معاهم. هيثم: هم البنات لسة ما نزلوا ليش؟ أمل: مش عارفة، وهما أساساً لسة هيروحوا الكلية. (وكانوا البنات نزلوا على السلم) أمل: صباح الخير يا قمرات. البنات: صباح النور. ياسمين: لازم نروح دلوقتي بقى عشان اتأخرنا. أمل: طب افطروا حتى. لين: لا لازم نروح دلوقتي عشان هنتأخر على السكشن يا خالو.

(أمل بصت للين وراحت قايمة واقفة جنبها) أمل: ماما يا لولي. لين: إيه، أقصد ماما. (زين كان باصصلها وبيبتسم) أميرة: يلا بقى هنتأخر يا لي لي. لين: آه يلا. (وراحوا البنات على الجامعة وخلصوا. لما رجعوا البيت كان زين لسة ما جاش) أميرة بغضب مصطنع: هو أخويا فين لحد دلوقتي؟ هيثم بضحك: لسة ما جاش يا أستاذة. (وكان زين وصل وشاف أميرة وهي بتتكلم وهي مش واخدة بالها إنه جه وواقف وراها)

أميرة: إزاي يا هيثم تسيب ابنك برا البيت لحد دلوقتي؟ ليه البيت ما فيهوش راجل يعني؟ (زين كان وراها ومسكها من قفاها) زين: وزين رجع أهو. أميرة ببراءة: و. والله. أنا ما عملتش حاجة. أنا كنت بضحك معاهم بس. (الكل عمال يضحك) زين: والله؟ أميرة: آه والله. حتى اسألوهم. زين: ماشي يا لمضة. أميرة: أنا أنا لمضة ده أنا كيوتة أوي والله. زين: ما أنا عارف.

أميرة وبتهمس لزين: سيبك مني أنا. أنت الصبح واحنا رايحين الجامعة مشلتش عينك من عليها. زين: وأنتِ مركزة أوي؟ أميرة: طبعاًاا. زين وقبل ما يكمل كلامه كانت ليلي جت قعدت معاهم. هو شافها ما نزلش عيونه من عليها. أميرة: عم روميو خلي بالك إحنا موجودين. (ضربها على قفاها) أميرة: آآآه. يا مفترى. إيه الافتري ده. شفتي يا ست لين بيضربني عشان بضحك معاه. (لين ضحكت وزين برضه ما نزلش عينه من عليها) أمل: طب يلا بقى عشان تتعشوا.

(وقعدوا يتعشوا. الكل قاعد ياكل وعمالين يضحكوا ومبسوطين) أميرة: قول لي بقى يا لولي كنت بتعملي إيه من غيري وإنتِ في فرنسا؟ لين: لا عادي ما فيش حاجة مهمة. (كانت لين قاعدة جنب زين على الكرسي) أميرة بخبث: يعني أنتِ ما قابلتيش ولد قمور كده وعجبك؟ (زين ضرب أميرة برجله بس محدش شافو. وبص للي لي عشان ترد وهي باصاله وساكتة) زين: ما تردي يا لين. لين بتوتر: ل. لا... لا. أميرة: يا عم ما كانش سؤال. زين: ماشي.

(الكل طلع أوضته وكل واحد بيفكر في حاجة. أما لين فكانت قاعدة بتسأل نفسها) لين: معقول أكون حبيته؟ ... طب يا ترى ممكن يحبني؟ ... لا لا مستحيل. هو غيري خالص وكمان مش عايزني. وخاطب. إنتِ إزاي نسيتي يا لين؟ ... أنا هنام بقى عندي محاضرة بكرة. (ونامت لين) ليأتي يوم جديد. لين والبنات راحوا الجامعة. وهيثم وأمل خرجوا من البيت. وزين قاعد في البيت ومنزلش الشغل. زين: هو محدش في البيت ولا إيه؟ (وفجأة خبط الباب) زين فتح. طلعت نانسي.

زين: إنتِ إيه اللي جابك هنا؟ (البنات خلصوا محاضرة) ياسمين: ما تيجوا نخرج يا بنات. منة وأميرة: إشطا. لين: اخرجوا أنتوا. أنا هروح. منة: لي يا ليلي ما تخرجي معانا؟ لين: لا أنا ماليش نفس. أنا هروح. وأنتوا اخرجوا واتبسطوا. أميرة: ماشي يا لي لي. إحنا مش هنتأخر عليكي. (وراحت لين عشان تروح البيت) عند زين....... زين: إيه اللي جابك؟ نانسي: كده يا بيبي تسيبني واقفة على الباب. (ودخلت البجحة) نانسي: أنت قاعد لوحدك؟

زين: اطلعي بره بدل ما... (وقبل ما يكمل كلامه) نانسي: بدل ما إيه؟ إيه يا زين من ساعة ما شفت البت اللي اسمها لين دي وأنت سبتني. دي ملهاش لازمة. هي فيها إيه أحسن مني؟ زين ومسكها من رقبتها: لو فتحت بقك بكلمة عليها هقتلك. (كانت لين وصلت وسمعتهم وهما بيتكلموا) نانسي: أنتِ ناسيه إن إحنا اتفقنا نطفشها؟ تاخديها بحبك ليها وبعد كده تسيبها. أنت نسيت؟ زين وقبل ما يتكلم حتى شاف لين واتصدم. لين: زين. يعني هو ده كان هدفك؟

(لين انكسرت أوي ساعتها منه. وبصتله نظرة عتاب) نانسي: آه. كان هيعمل كده. تادي جدا. زين بغضب: اطلعي بره. نانسي: أنت بتطردني عشانها يا زين؟ زين: بره. نانسي: هه. مش مهم. في النهاية بنت بمظهر حقير أوي قدامها. أسبكم أنا بقى. (وخرجت الزبالة دي) لين كانت لسة باصاله بنظرة عتاب. زين: لين أنا عايزك تسمعيني. أنا... (قاطعته لي لي) لين: مش عايزة أسمع منك حاجة يا زين. بس لي. ... لي تعمل فيا كده؟ عملتلك إيه أنا؟

زين: اسمعيني يا لين. فعلاً ده اللي كنت عايز أعمله. بس بعد ما شفتك. وعرفت. أنا اتغيرت. لين: إزاي عايزني أصدقك؟ زين: ارجوكي يا لين اسمعيني أنا... (وقبل ما يكمل كلامه كانت ليلي خرجت من البيت) زين: أنا. أنا بحبك يا لين. ونفسي تسامحيني وتعرفي مشاعري تجاهك. بس إزاي؟ (عدى الوقت. وهيثم وأمل رجعوا. والبنات رجعت برضه. وشافوا زين قاعد ومكشر) هيثم: مالك يا زين؟ زين: خلاص كده مش هتسامحني؟ أمل: في إيه بس يا ابني قول.

(زين حكالهم كل اللي حصل) أمل: منك لله يا نانسي يا بنت عبد الله. منك لله. أميرة: وهي فين لي لي دلوقتي؟ زين قام فجأة وبصدمة: هي ما قالتلكيش راحت فين؟ أميرة: لا. أمل: هتكون راحت فين يعني؟ استر يا رب. (عدى ساعة واتنين وتلاتة. ولي لي لسة ما رجعتش. وزين قاعد مستنيها. والعيلة كلها قلقانة. وفجأة دخلت لي لي من الباب. زين قام راح عندها بسرعة) زين: كنت فين؟ لين: ملكش دعوة. زين: لا ليا دعوة. متنسيش إنك...... (لي لي قاطعته)

لين: أوعى تنطقها. لازم تعرف إن أنا مراتك على الورق وبس. وجوازنا محدش يعرفه. فألزم حدودك معايا. لأن أول ما يرجع جدي انت هتطلقني على طول. زين: لين أنا....... (وقبل ما يكمل كلامه كانت لين طلعت أوضتها)