رواية ملكي من البدايه الفصل الرابع والعشرون 24 - بقلم فاطمه حسن

تاني يوم زين صحي وخد دش. زين طلع من الحمام بينشف شعره قرب من تقي اللي نايمة على السرير. زين باسها على خدها وصحاها بهدوء. زين: تقي. تقي اصحي يلا قومي. تقي بنوم: سيبني انام شوية بالله. زين: لا ويلا قومي علشان نلحق الدكتور. هنزل اخلي أمي تعملك فطار، ألقيكي نازلة وراي. تقي هزت راسها بنوم. وزين نزل. زين دخل المطبخ عند أمه. زين بحب: صباح الخير يا ست الكل. فاطمة: صباح النور يا ضناي.

زين: ممكن بس تجهزي علشان عندنا مشوار لحد الدكتور. فاطمة بخضة: انت كويس يا حبيبي؟ زين: أنا كويس، دي تقي. فاطمة بلهفة: ماله؟ أنا هطلع أشوفها. فاطمة طلعت فوق. عند ياسمين. كانت نايمة هي وضِـي. تليفون ياسمين رن وكان أيهم. ياسمين بنوم: الو. أيهم فضل ساكت شوية وبعدين رد. أيهم: اجهزي أنا في الطريق. ياسمين قفلت وقامت من غير ما تصحّي ضِـي. عند زين. تقي نايمة على السرير والدكتورة بتكشف عليها.

تقي كانت متوترة للدكتورة تعرف إنها كانت بتاخد حبوب لمنع الحمل، رغم إنها بطلته من فترة. الدكتورة طلعت لزين اللي مستني على المكتب وهي مبتسمة. الدكتورة: ألف مبروك يا دكتور زين، المدام حامل. فاطمة فجأة زغرطت بفرحة وطلعت فلوس للدكتورة. فاطمة: بجد يا دكتورة؟ الدكتورة ضحكت: آه جد الجد كمان. فاطمة بصت لزين بفرحة. فاطمة: مبروك يا حبيبي. زين بص على تقي اللي قاعدة والتوتر باين عليها. زين بهدوء: يلا.

تقي مشيت مع زين وهي في عالم تاني. طول الطريق وفاطمة عمالة تتكلم بفرحة. بعد شوية كان زين وصل وتقي طلعت فوق على طول. زين لسه هيطلع وراها، فاطمة مسكته من إيده. فاطمة: هي بس مصدومة. زين هز راسه وطلع. لقي تقي قاعدة على السرير وسرحانة. زين قعد جنبها ولف وشها ليه. زين: مش عايزة تخلفي؟ تقي: أنا بس اتفاجئت و يعني مش مستعدة وخفت. زين: هي أول مرة بتبقى كدا، بس متخفيش، أمي معاكي وهي هتعلمك كل حاجة. تقي هزت راسها.

وزين قام دخل الحمام. زين: اهدي كدا ومتخفيش. عند معتصم واقف وهو ضِـي في المطبخ. ضي بتزن: بس بق يا معتصم. معتصم كل شوية يغلس عليها، مرة بيتاخد حاجة من فمها ومرة بيشرب. معتصم: هو أنا كلمت؟ ضي نفخت بضيق. معتصم قرب وحط إيده على ضهرها وهو بيجيب حاجة. ضي مرة واحدة ضربته بالمعلقة اللي في إيدها. ضي رجعت لورا بخوف. ضي: أنا والله مش قصدي. ضي جريت أول ما معتصم اتحرك علشان يمسكها. ضي بخوف: والله مش قصدي، انت اللي بتغلس عليا.

ضي صرخت بقوة لما معتصم مسكها من رجلها، وقعت على الكنبة. معتصم كرز في عينيها وهو بيرجع شعرها لورا. معتصم: ليه يا ضي بطلتي تبقي زي الأول؟ ضي: علشان انت مبقتش زي الأول. معتصم: لا والله زي ما أنا معتصم. ضي سكتت وفضلت تبصله. معتصم مال يبوسها، بعدين. عند أيهم. أول ما وصل قلع هدومه وترمى على السرير. ياسمين بصتله بهدوء وقامت تلم الهدوم. ياسمين حطتهم في الغسالة ورجعت لقيت أيهم بيحرك إيده على رقبته بوجع.

ياسمين قربت وعملتله مساج. أيهم اتنهد وغمض عينيه. شويه وأيهم اتكلم. أيهم: ياسمين. ياسمين... أيهم كمل. أيهم: اللي حصل أول يوم جوازنا، أنا مكنتش عايز. كنت داخل أتكلم معاكي، بس منظرك وانتي ماسكة السكينة خلاني عايز أثبتلك لو عايز حاجة هعملها. ياسمين وقفت ودموع في عينيها. كانت لسه هتقوم بس أيهم لف ومسك إيدها. أيهم بندم: والله مكنتش عايز دا يحصل. ياسمين نفضت إيدها وقامت تجري. عند زين طلع من الحمام بينشف شعره.

زين لقي أمه قاعدة مع تقي وجايباله طبق فاكهة. زين اتجه للمراية يسرح شعره. فاطمة: أول حاجة تاكلي طبق الفاكهة دا كله وبلاش حركة، مش عايزة حركة خالص، ماشي؟ تقي هزت راسها. فاطمة مسكت إيدها بحنية. فاطمة: متخفيش يا حبيبتي. تقي عينيها اتملت دموع ومرة واحدة حضنت فاطمة. فاطمة طبطبت عليها. كل دا وزين متابع بهدوء. فاطمة: ربنا يرحمها يا حبيبتي. تقي بعياط: كان نفسي تبقي معايا أوي. فاطمة: قولي الحمد لله يا حبيبتي.

فاطمة: همشي أنا دلوقتي يا حبيبتي. فاطمة مشيت. زين قرب من تقي ومرة واحدة خد تقي في حضنه. تقي من غير ما تحس. تقي: متسبنيش يا زين. زين:ششش. بليل عند معتصم. قرب من ضي علشان يصحّيها. معتصم بهمس: ضي. ضي فتحت عينيها بنوم. ضي: الساعة كام؟ معتصم: 10، يلا قومي خدي دش وتعالي علشان ناكل، أنا حضرت العشاء. ضي قامت وهي بتشد التيشيرت بتاع معتصم عليها. معتصم ضحك: والله على أساس إني مشفتش حاجة. ضي بخجل: سافل.

بعد شوية معتصم وضِـي كانوا خلصوا الأكل وضي لمّت الصحون ومعتصم عمل فشار وجابوا فيلم. معتصم خد ضي في حضنه وهما بيسمعوا الفيلم. معتصم بهمس: بحبك يا ضي عيوني. أيهم قاعد في المكتب ومركز في الورق اللي قدامه. أيهم همس وهو بيرجع راسه لورا. أيهم: أي يا أيهم مش هقدر ولا إيه؟ ياسمين خبطت ودخلت بالقهوة. ياسمين حطت القهوة ولسه هتطلع لمحت ورقة. ياسمين مسكتها وركزت فيها شوية. ياسمين: على فكرة أنا أقدر أساعدك في الحسابات دي.

أيهم: بجد؟ يا ريت والله. ياسمين سحبت الكرسي اللي قدامه وقعدت وفضلت تضبط الحسابات. تاني يوم. تقي صحيت على صوت تليفونها. تقي بصت جنبها ملقيتش زين. تقي ردت على التليفون. تقي بنوم: الو. زين بحب: صباح الخير. تقي: صباح النور. زين: متتأخريش من مكانك وأمي هتجبلك الفطار لحد عندك. تقي: انت فين؟ زين: سافرت القاهرة عندي شغل مهم. تقي: هتجي امتى؟ زين: مش هطول، آخر اليوم. تقي: هستناك. زين: خدي بالك من نفسك.

زين قفل وتقي قامت تدخل الحمام. عند أيهم كان نايم على المكتب والورق قدامه. صحى على صوت ياسمين. ياسمين: أيهم، الساعة 10. أيهم مسح على وشه. أيهم: معلش، ممكن تعمليلي فنجان قهوة؟ ياسمين هزت راسها ومشيت.