رواية ملتزمه تزوجت من رجل اعمال الفصل الخامس والعشرون بقلم رضا الله غايتي

باسم. صباح الخير. أم باسم. صباح النور. النهاردة صاحي بدري. أبو باسم. إيه يا أم باسم، انتي ناسيه إني النهاردة رايح أجيب الشبكة لخطيبته. لازم يصحى من النجمة ده لو نام أصلاً. باسم. على فكرة أنا صاحي بدري عشان ورايا شغل. أبو باسم. ما أنا عارف مشاغلك كتير وخصوصاً النهاردة. انت عمرك ما عملتها. باسم. إيه يا جماعة، هو تحقيق. وبعدين يلا بقى عشان نلحق نروح للناس. أم باسم. يلا إيه، إحنا لسه الصبح بدري. هنروح نفطر معاهم.

أبو باسم. هههههه، تصدقي فكرة. عشان نقول لهم بدل مانتغدى بس. لا إحنا نفطر ونتغدى ونتعشى كمان. عشان يطردونا ويقولوا معندناش بنات للجواز. باسم. ده أنا أقطع لسان اللي يقول كده. هتجوزها يعني هتجوزها. أم باسم. يا ابني الدنيا مش كده. ربنا يجعلها من نصيبك. بس هي مش عافية. أبو باسم. سيبيه يا أم باسم. أنا كنت بهزر. يابني بس برضه اتحكم في أعصابك وخصوصاً لسانك. الدنيا مش سايبة.

باسم. طيب أنا هقوم أصحّي الزفتة اللي فوق لحد ما تخلصوا فطار وتقوموا تغيروا. أنا مش فاضي للكلام ده. عايز أخلص من الهبل ده وأجيب الشبكة وأخلص. قام وطلع على حجرة ياسمين. باسم. قومي يا دكتورة. أنا عارف إنك مش هتقومي بسهولة. فتح الباب ودخل. باسم. قومي يلا عشان ورانا سفر. ياسمين. شوية كده يا ماما. أم باسم. ماما! قومي يا بت يلا. ياسمين. أنا بكره اللي بيصحيني. هو أنا مش قايلة محدش يصحيني.

باسم ضحك وافتكر خديجة لما قفلت السكة في وشه وقالت كده. باسم. ياسمين! ياسمين. إيه في إيه؟ البيت ولع ولا إيه؟ باسم. قومي يلا عشان مسافرين. ياسمين. النهارده رايحين لخديجة. أيييييه. باسم. إيه ده. ياسمين. خمس دقايق وهتلاقيني في العربية. وجريت على الحمام. باسم بيضحك على هبل أخته. نزل لقي مامته وباباه لابسين وقاعدين. باسم. جهزتوا. أبو باسم. وإحنا نقدر برضه نخالف كلامك. أنا مش مستغني عن عمري.

أم باسم. ههههههه، هو مين فيكم أبو التاني. أبو باسم. هههههه، تصدقي إني بخاف منه. بحس إنه هيضربني. باسم. أكيد عمري ما هعملها يا بابا. ياسمين نزلت جري على السلم. ياسمين. أنا جهزت خلاص. باسم. قلتي خمس دقايق بس وبقوا تسع دقايق. ياسمين. أنت قاعد بتحسب بالدقيقة. باسم. يلا بقى عشان اتأخرنا. كلهم بيبصوا لبعض وضحكوا. باسم بص لهم بعصبية وطلع ركب العربية. عند خديجة. لبست الملحفة السمرا وعليها خمار لف ونقاب أسود ولبست البيشة.

أم خديجة. بالله عليكي، دي منظر عروسة رايحة تجيب شبكتها. خديجة. هو في أحلى من كده. نحن نختلف عن الآخرين. مرات أخوها. يا خديجة، الدين يسر. وبعدين انتي مش مخطوبة لأي حد. ده مال وجمال وعيلة. خديجة. أنا حاسة إني في حد بيحسدني. الظاهر كده الواد هيموت وهعنس بسببك. مرات أخو خديجة. لا أنا بقر بس مبحسدش. خديجة. أيوه إذا كان كده ماشي. أم خديجة. سيبها. هي دماغها ناشفة وتعبة قلبي دايماً.

خديجة. بس صدقيني أنا مرتاحة كده وحاسة إني ربنا بيحبني باللبس ده. حجاب أمهات المؤمنين. أنا متأكدة الأسود مش كل الدين. ولكن الملكة دايماً زيها مميز عن عامة الشعب. وأنا يا ماما عايزة أكون مميزة دايماً. أم خديجة. ربنا يبارك فيكي. نفسي أشوفك بألوان وتلبسي زي البنات كده. أي بنت مكانك كانت أبدعت عشان تعجب عريسها. خديجة. أولاً، عريسي لسه مبقاش زوجي عشان يشوفني من غير زينة أو بلبس عادي. زيه زي الغريب.

أم خديجة. يا بنتي هتتعبي. فكيها شوية. خديجة. لا أنا فكاها خالص يا ماما. هههه. يا ماما، مستحيل ربنا يضيعني أبداً. أم خديجة. ربنا يهديكي. خديجة. اللهم آمين. يارب. وصل باسم وعيلته عند خديجة وسمية معاهم. خديجة كانت حاطة روج وكريم عشان لما حماتها تطلب تشوفها. سمية وياسمين دخلوا على أوضة خديجة على طول. سمية. خديجة. أخيراً هبقى صاحبة العروسة. ياسمين. وأنا أخت العريس. خديجة. وأنا هبقى إيه. الاثنين. العروسة.

خديجة. هههه، فكرتوني. كنت ناسيه. سمية. بس ما شاء الله عليكي يا خديجة. إيه الحلاوة دي. خديجة. بس بقى، بتكثف. وبعدين انتوا اللي موزز. أوعي تاخدي الواد مني. هههه. سمية. لا ياختي مبروك عليكي. خديجة. لا، مادام قلتي خديه ما يغلاش عليكي. ياسمين. هههه، تعالي شوفي يا باسم، خلوك كيلو رز بيتعزموا عليه. خديجة. هههه، بس بقى خليني أظبط البيشة عشان يومنا طويل. أم خديجة. يلا يا بنات عشان نلحق نجيب الشبكة. البنات جريوا وسابوا خديجة.

خديجة. إيه الغباء ده، مش يستنوا أجري معاهم. أم خديجة. يلا يا حبيبتي. الناس مستنية بره. خديجة. حاضر يا ماما. باسم. أول ما شاف خديجة بيبص عليها. عايز يشوف عينيها حتى. إيه ده. خديجة. أنا هركب مع بابا وإخواتي. باسم. نعم. تركبي مع مين. خديجة. حضرتك، أنت لسه أجنبي عني. يعني مينفعشي أركب معاك. أبو باسم. خلاص تعالي اركبي معايا أنا. أم باسم. مينفعشي يا أبو باسم. لازم العرسان يركبوا مع بعض.

خديجة. بس مينفعشي حضرتك أركب معاه لوحدي. عبد الرحمن. بس أنا هحل المشكلة دي بذكائي. أنا هركب جنب باسم وخديجة تركب ورا هي والبنات. ومش مهم. اعتبرني خطيبتك يا باسم لحد ما تتجوزوا. كلهم فضلوا يضحكوا على عبد الرحمن. وباسم بيبعت نظرات نار لخديجة. بس خديجة مش شايفاها لأن عينيها في الأرض.

عبد الرحمن. قولي يا باسم، سبت بنات العالم كله وملقتش غير الولية اللي ورايا دي. يابني، هتكرهك في نفسك. الأباجورة دي حرام. التلفزيون ده حرام. هههه. بس أكتر حاجة مستحيل تحرمها الأكل. خديجة هتولع في عبد الرحمن بس مش عايزة تبين. البنات بيضحكوا بصوت واطي على كلام عبد الرحمن. باسم سرح في كلام عبد الرحمن. معقولة هي معقدة أوي كده زي ما أخوها بيقول.

رواية ملتزمه تزوجت من رجل اعمال الفصل الخامس والعشرون 25 - بقلم رضا الله غايتي

تابعنا وما يفوتك جديد

التعليقات (0)

لا توجد تعليقات بعد

روايات مشابهة

شظايا شيطانية~للكاتبة صرخة المُشتاقه

خطيئة خيال

رحيل الهواري

دموع السيف

حكاية عشبة خضراء

مملكة سفيد

الإبلاغ عن مشكلة

تم إرسال البلاغ بنجاح!