رواية ملتزمه تزوجت من رجل اعمال الفصل السابع والعشرون 27 - بقلم رضا الله غايتي

باسم بجدية: السلام عليكم. البنت: وعليكم السلام. باسم بجدية: خير. البنت: حضرتك مجتش الاجتماع. بدأ. باسم بجدية: لا. أنا مش فاضي. البنت: مينفعشي يافندم. العملاء وصلوا من بدري. باسم بعصبية: هو انتي هتقولي إيه ينفع وإيه مينفعشي. إنتي مرفوضة ياهانم. البنت بدموع: حاضر يافندم. مع السلامة. خديجة فهمت إن البنت دي شغالة في شركته. خديجة بابتسامة: ممكن أقولك على حاجة. باسم بجدية: قولي.

خديجة بابتسامة: مرة واحد راح لنبي صل الله عليه وسلم، والراجل ده كان بيتعصب على أقل حاجة. المهم الراجل ده نفسه يدخل الجنة، فقال للنبي صل الله عليه وسلم: وصيني بعمل لو عملته أدخل الجنة. طبعاً إحنا متوقعين إن النبي يقول له: صلي وصوم واعمل كذا وكذا وحارب في سبيل الله والكلام ده كله. لأ، النبي صل الله عليه وسلم قال له: لا تغضب. الراجل أعاد السؤال تاني، برضه النبي قال له: لا تغضب. الراجل قال له مرة تالتة،

النبي برضه رد عليه وقال: لا تغضب ولك الجنة. عارف ليه؟ النبي حذره من الغضب. باسم بتساؤل: ليه؟ خديجة بابتسامة: لأن الغضب جند من جنود الشيطان، والواحد لما يكون غضبان بيعمل أي حاجة بيندم عليها بعدين. أنا متأكدة إنك مش قصدك إنك ترفض البنت، بس إنت اتعصبت. وبرضه مش عيب إنك تصلح اللي عملته وقت عصبيتك. واسفة لو صدعتك. باسم ساكت وفضل يفكر في كلام خديجة. ورن على السكرتيرة. باسم بجدية: السلام عليكم.

السكرتيرة باستغراب: وعليكم السلام. باسم بجدية: إنتي طلعتي ولا لسه. السكرتيرة بدموع: لا لسه بلم حاجتي. باسم بجدية: متمشيش. ارجعي مكتبك وكملي شغلك. واعتذري عن الاجتماع. السكرتيرة بفرحة: حاضر يافندم. باسم ابتسم. باسم: يلا السلام عليكم.

خديجة غيرانة إنه بيكلم واحدة، حتى لو شغل. بس هي مشكلتها في الغيرة، ولكن فرحانة إنه سمع كلامها. فعلاً الواحد لما يكون عايز يتغير بيتغير، وهي استعانت بالله وربنا هيعينها على تغييره. نقطتين النهارده كسبتهم، الحمد لله. خديجة بابتسامة: بجد جزاك الله خيراً. إنت متعرفش فرحتني إزاي لما البنت رجعت شغلها. باسم باستغراب: هو إنت تعرفيها.

خديجة بمزاح: هو أنا أعرف إنت شغال إيه عشان أعرف البنت دي. بس أكيد اللي خلاها تشتغل عايزة فلوس أو عندها أي ظروف خلتها تخرج من بيتها. باسم: إنتي مفكرة كل البنات زيك. في بنات بتطلع عشان تصطاد عريس، وفي بنات عشان تعيش حياتها. إنتي متعرفيش حاجة. خديجة بصدمة: بس تصنعت المزاح في سبب ولا مفيش سبب. خديجة افتكرت حاجة. خديجة: استني هنا. يوم ما كنت هتخبطني بالعربية شتمتني وزعقتلي. أنا مليش دعوة. عايزاك تعوضني حق شتيمتك ليا.

باسم بدهشة: هو مش إنتي اللي كنتي بتعدي الشارع بغباء. حد بيعدي والعيارات ماشية. خديجة: حد قالك إني بعرف أعدي الشارع. وبعدين كنت مستعجلة عايزة ألحق أحجز ليا وللأخت اللي عمالة تكلم زوجها لما زهقتني. باسم: وإنتي بتعملي إيه. هو إنتي فصلتي من ساعة ماركبتي. خديجة بإحراج: تصدق صح. بس أنا عشان آخد عليك بسرعة. باسم: أنا بهزر على فكرة. خديجة: هزارك بارد زيك. باسم بحدة: أنا. خديجة: لأ أختي مني. باسم بحدة: اظبطي يا خديجة.

خديجة بمزاح: بهزر يا رمضان. إنت مبتهزرش خالص. باسم بصدمة: مين رمضان. خديجة: اللي قبل شعبان. باسم بجدية: اسكتي يا خديجة. خديجة سكتت وزعلت، عشان هي متعودة تهزر وتضحك. وهو خلاص بقى جوزها وهي عايزة تعود نفسها على وجوده، وكمان عشان تعرف تتواصل معاه وأي غلط تحاول تبدأ تصلحه. باسم: احم. سكتي ليه. خديجة باستغراب: هو مش إنت اللي قلت اسكتي. باسم: طيب اتكلمي. خديجة بغيظ: هو حد قالك إني راديو. باسم: من غير ما حد يقول. هي واضحة.

خديجة بتبص له بغيظ. خديجة: ومني. باسم: أحكيلك على قصة هتحبيها. خديجة بفضول: أيوه. احكي. باسم: القصة هي ماشطة بنت فرعون. خديجة بذهول: هو إنت تعرفها. باسم بجدية: سبيني أكمل. خديجة بسعادة: اتفضل. المايك معاك. باسم بابتسامة: ماشطة بنت فرعون. مرة كانت بتسرح لبنت فرعون، فالمشط وقع من إيديها فقالت: بسم الله. بنت فرعون باستغراب: بسم الله أبي. ماشطة بنت فرعون قالت: لأ، بسم الله ربي ورب أباكي. بنت فرعون: أنا هعرف أبي بكده.

وفعلاً البنت عرفت أبوها إن الماشطة دي بتعبد إله موسى. المرأة كان عندها أولاد، كانت بتربي فيهم، منهم طفل لسه بيرضع. فرعون جاب المرأة دي وجاب عيالها، وأمر جنوده إنهم يغلوا الزيت، وقال للماشطة: هترجعي تعبديني ولا أرمي عيالك في الزيت. الماشطة بتحضن عيالها وخايفة عليهم، وعيالها بيصرخوا جامد وخايفين من الزيت المغلي. فرعون أمر الجنود إنهم ياخدوا أول طفل، والولد بينادي على أمه: انقذيني يا أماة. والأم بتصرخ على ابنها،

وفرعون يبص لها: قولي إني ربك. وهي تقول: ربي وربك الله. وفرعون عمل في باقي ولادها ورمهم في الزيت، وهي كانت بترضع ابنها وبتمسك فيه جامد، وهما بيشدوا فيه وهي مش عايزة تسيبه، بس هما خدوه. وقبل ما يرموه في الزيت، هي كانت هتضعف، ولكن ربنا خلى ابنها يتكلم ويقول لها: اثبتي يا أماة، فإنك على الحق. طفل رضيع يتكلم. وبكده خلصت الحكاية.

خديجة بحب: لأ مخلصتش. المرأة دي قبل ما يرموها في الزيت، طلبت من فرعون إنه يجمع عضمها وعضم عيالها ويدفنهم مع بعض. وهو وافق. النبي صل الله عليه وسلم لما كان في رحلة الإسراء والمعراج، شم ريحة جميلة في مصر. سأل سيدنا جبريل، وجبريل قال له: دي ريحة ماشطة بنت فرعون وأطفالها. باسم بابتسامة: وبكده خلصت القصة.

خديجة بابتسامة: أيوه، بس العبرة لسه موجودة. إن مهما أهل الباطل يضغطوا عليك، لازم نثبت على الحق. مات فرعون عليه لعنة الله، وماتت ماشطة بنت فرعون، بس ذكراها الطيبة لسه موجودة. خديجة بتعجب: بس إيه عرفك قصة ماشطة بنت فرعون. باسم بجدية: هو حد قالك إني كافر. أنا مسلم وبعرف كتير عن ديني. خديجة بابتسامة: أنا مقصدش والله. باسم: طيب ماشي. خديجة: إيه الراجل اللي كل شوية في حال. باسم سرح.

باسم: في يوم ما قرأت قصة ماشطة بنت فرعون، ولما سمعتها وهي بتتكلم عن توبة كعب بن مالك، كل الحاجات دي خلته بدأ يتغير. وأكبر دليل إنه وافق على الضوابط لأنها ترضي ربنا. هو عايز يتجوز خديجة لأنها هتكون دايماً سبب إنه يثبت على الطريق. باسم بدأ يتعلم أمور دينه، وبدأ يصلي. هو أصلاً كان بيصلي زمان. باسم بدأ التغيير. خديجة بابتسامة: أنا فرحانة قوي. باسم: ليه.

خديجة: لأني كنت مفكراك متعرفش حاجة خالص عن أمور دينك، بس الحمد لله. الواحد ميحكمش بالظاهر أبداً. باسم ابتسم ومردش. مني بجدية: أيوه، نزلني أنا بقى. خديجة: استني نوصلك لحد البيت. مني بابتسامة: لأ شكراً. كفاية إنه الأستاذ باسم جابنا لهنا. باسم: عنوانك فين يا أستاذة مني عشان أوصلك. مني بجدية: جزاك الله خيراً. مش عايزة أتعب حضرتك أكتر من كده. باسم: مينفعشي. قولي بس. مني بابتسامة: خطيبي أصلاً جاي ياخدني من هنا.

خديجة بمزاح: اشطا. أوعي تقطعي الجوابات. باسم بجدية: طيب. هنستنى لما ييجي. مني بجدية: جزاك الله خيراً. خديجة: أنا هنزل أستنى معاكي لحد ما يوصل. باسم بغيرة: خليكم في العربية. مني بابتسامة: خلاص وصل أهو. يلا السلام عليكم. خديجة بابتسامة: وعليكم السلام. مشي بالعربية. باسم بحدة: وإنتي ياهانم عايزة تنزلي تقفي في الشارع وتستني الأستاذ لما ييجي.

خديجة بجدية: مكنشي ينفع تستناه لوحدها. وبعدين الشيخ أحمد أول مرة يتأخر. دايماً بيبقى مستنيها أول ما توصل. باسم بحدة: ما تنطقيش اسمه. خديجة بابتسامة: حاضر. باسم بجدية: تعالي نتغدى. تلاقي نفسك ما أكلتيش حاجة من الصبح. خديجة بابتسامة: لأ. المغرب هيأذن وأنا خايفة منلاقيش مكان نصلي فيه. باسم بجدية: طيب. خديجة سكتت، وباسم وقف العربية واشترى وجبات سريعة. أحم شاورما فراخ، لأنه متأكد إنها مش هترفضها. باسم: اتفضلي. كلي.

خديجة: لأ شكراً. أكيد ماما عاملة أكل. باسم بمكر: دي شاورما على فكرة. خديجة بمزاح: والله ما أقدر أزعلك. هات. باسم بيضحك: ههههههه. مش عارف كل ما أسأل حد إيه أكتر أكلة بتحبها يقول بلا تردد شاورما. خديجة بمزاح: أصلاً أنا بعشق الأكلة دي. باسم بابتسامة: طيب كلي. خديجة: مش هينفع عشان النقاب. باسم لسه هيرد، موبايل خديجة رن. خديجة بابتسامة: السلام عليكم ورحمة الله.