رواية ملتزمه تزوجت من رجل اعمال الفصل التاسع والعشرون 29 - بقلم رضا الله غايتي

باسم قدام الجامعه واتصل على خديجه. خديجه: السلام عليكم. باسم: وعليكم السلام. اطلعي أنا بره. خديجه: انت جيت بردُه. حاضر أنا طالعه. خديجه: ممكن يا منى تروحي المحاضرة وأنا هشوف باسم وأجيلك بإذن الله. مينفعش إحنا الاتنين منحضرش. منى بابتسامه: حاضر. أنا ماشيه. خديجه طلعت وركبت عربية باسم. باسم مشي بالعربية وقعدوا في كافيه.

عشان مينفعش يقف بالعربية عشان الشبهات. مع العلم إن أكتر البنات عارفين إن خديجه مكتوب كتابها لأنها وزعت شيكولاته عليهم. باسم بقلق: مالك. كنتي بتعيطي ليه. خديجه بابتسامه: مفيش حاجة صدقني. باسم بنفاذ صبر: خديجه. هتحكي. ولا أبتدي أتعصب. خديجه حكت له عن سبب بكاءها. باسم بابتسامه: أقولك على خبر يفرحك. خديجه: اتفضل.

باسم بابتسامه: النهاردة أنا وواحد صاحبي قررنا إننا ناخد بايد بعض ونلتزم أكتر وأكتر. ومش كده وبس. لأ ده إحنا عملنا قرارات في الشركة. ممنوع أي اجتماع وقت الصلاة. وكمان فضينا مكان في الشركة وعملته مسجد. ومش كده وبس. لأ. أنا مش هقدر أتحكم في لبس البنات. بس. أنا فصلت بين البنات والشباب في الشركة يعني عدم اختلاط.

خديجه مش مصدقة اللي بيحصل ده. فرحانه. ودموع الفرحة بتنزل من عينيها. ربنا مبضيعشي. كلمة قلتيها عن ربنا. النهاردة هي كانت حريصة إنها تكلم البنات عن ربنا. يشاء الله إن زوجها ربنا يفتح عليه الفتح ده. يااه ما أعظمك يا الله. باسم باستغراب: مالك يا خديجه. ساكتة ليه. خديجه بفرح: أنا عايزة أقوم أتطط وأصرخ بأعلى صوتي من شدة فرحتي. باسم بصدمة: اياكي تقومي من مكانك.

خديجه بدموع فرح: من حوالي ساعة كانت بتبكي من الألم. فرحانة بزوجي اللي ربنا كرمني بيه. باسم بابتسامه: ممكن أطلب منك طلب ومترفضيش. خديجه بابتسامه: اتفضل. وأنا بإذن الله مش هرفض. باسم بابتسامه: عايز أكلم باباك في موضوع الفرح. وتكملي الدراسة عندي. أنا عايزك تشجعيني وتعنيني. أنا بجد نفسي أتغير كمان وكمان. أنا مستغرب نفسي. امتى وإزاي. وأنا مين. بس حاسس إني سعيد.

خديجه بحب: القلوب بين أصابع الرحمان يقلبهم كيفما شاء. تعرف إن دعيت الله لك ومش كده وبس. وقلت. يارب أنا هكلم عبادك عن دينك وهحاول أكون سبب في نصرة دينك. يارب اصلح لي زوجي. وربنا مخيبشي ظني. فعلاً أنا عند ظن عبدي بي. كنت متأكده. مادام. أنت اختيار ربنا ليا. أكيد هيكون أجمل اختيار والحمد لله. باسم بابتسامه: طب قلتي إيه. في موضوع الفرح. خديجه بابتسامه: أنا هستخير ربنا. وانت كلم بابا. واللي في الخير يقدمه ربنا.

باسم بسعادة: أفهم من كده. إن فيه قبول من ناحيتك. خديجه: اللي ربنا عايزه هيكون. رجعت خديجه للجامعة تاني. وحضرت نص المحاضرة. وهي فرحانة بكرم الله عليها. هي اشتغلت خدامة لدين ربنا. وانشغلت بالدعوة إلى الله. وربنا تولى زوجها وأصلحه. وكمان جعله سبب في تغير صحبه. ومأكده إنه هيكون أفضل من كده بكتير.

عند باسم. بيفكر في غزوة أحد واللي حصل للنبي صلى الله عليه وسلم. والصحابة. كره الكفار. كره أعداء الإسلام. وزاد حب النبي في قلبه وقرر إنه هيكون من أتباع الحبيب المصطفى. موبايل باسم رن. باسم بابتسامه: السلام عليكم. أبو باسم: وعليكم السلام ورحمة الله وبركاته. باسم بابتسامه: نعم يا بابا في حاجة. أبو باسم: إيه يا ابني أنا بفكرك بالعريس اللي جاي لأختك. باسم: أنا مش ناسي. بإذن الله هاجي قبل ما يوصل.

أبو باسم: فرحان من أسلوب ابنه. تيجي بالسلامة يا حبيب قلب أبوك. باسم بحب: الله يسلمك يا رب. يلا السلام عليكم. أبو باسم: وعليكم السلام ورحمة الله. نروح لسمية في الجامعة. البنات صحابها قديماً: ازيك يا شيخة سمية. إيه اللي حصل ده. كبرتي نفسك وبقيتي طنط ليه. بنت تانية: يا حبيبتي. مين ضحك عليكي ولبسك الخيمة دي. ناقص تلبسي البتاع اللي بيتلبس على الوش وتبقي عفريته. البنات: ههههههه. تبقي سمية العفريته. مش قادرة.

سمية كتمت غيظها. وقالت في سرها: والكاظمين الغيظ والعافين عن الناس. ولسه هتمشي. بنت من صحابها: زعلتي يا شيخة. الناس بتتحضر وتمشي لقدام وانتي رجعتي للعصر الحجري تاني. بنت تانية: إيه اللي عملتيه في نفسك ده. انتي كنتي أشيك بنت في الجامعة.

سمية بابتسامه: وأزعل ليه. هو أنا أطول أبقى شيخة. يارب يسمع منك اليوم اللي ألبس النقاب. وأكون زي العفريته. بس يكفيني شرف ساعتها إني بتشبه بأمهات المؤمنين. الجو لما بيكون حر أو برد شديد ومطر. بتجروا تغطوا عربياتكم خايفين على البطارية ومش خايفين على نفسكم من عذاب جهنم. بتغطوا العربية ومش بتغطوا جسمكم. أنا كنت زيكم في يوم من الأيام. ولو شوفت بنت التزمت كنت بسخر عليها معاكم. بس دلوقتي أنا مش عايزة أكون أشيك بنت في

الجامعة. لأني ده مش هينفعني أمام ربنا. بالعكس ده هيكون سبب غضب ربنا عليا. أنتوا بتقولوا الناس بتتحضر. وأنا برجع للعصر الحجري. لا. أنا برجع لعصر النبي صلى الله عليه وسلم. أنا اسمي سمية محمد. بنت مسلمة. مش يهودية ولا نصرانية. أنا بنت مسلمة. الإسلام جعلني ملكة. بس للأسف في يوم من الأيام رخصت نفسي. وتشبهت بالغرب وكشفت جسمي حتة حتة عشان أكون تبع الموضة. وانتِ اسمك أسماء. وانتي هدى. وانتي فاطمة. كلكم مسلمات. كلكم من أمة

محمد. ياريت نرجع لأصلنا وهو ديننا تاني. ياريت نبطل نقلد الغرب ونقول هو ده التحضر.

واحد يهودي. داس على عباية واحدة مسلمة. صرخت ونادت. يا معتصماه. حرب كاملة قامت. عشان بس اليهودي داس على عباية مسلمة وكان عايز حتة من جسمها تبان. جسم المرأة في الإسلام غالي قوي. انتي غالية قوي عند ربنا.

يابنات أنا مزعلتش من ولا كلمة قلتوها. ولكن زعلت إن اللي بيسخر مني بنات مسلمات. يابنات النبي والصحابة معملوش شوية عشان إحنا نكون سبب هزيمة الأمة. بدل ما تسخروا من واحدة حبت تقرب من ربنا ولبست الحجاب اللي يرضي ربنا وينجيها من عذاب جهنم. ادعولها بالثبات. يابنات أنا لبست كده حباً في ربي. وطوعاً لأمره. ونفسي أنتوا كمان تعملوا زي. وتكونوا أفضل مني. الدنيا ساعة. استخدموها في طاعة. بعد إذنكم يابنات. لأني ورايا محاضرة. وأسفة لو أتكلمت بشدة.

البنات تأثروا جداً وقرروا يكونوا مسلمات اسماً وقولاً وفعلاً. جاء الوقت المحدد. باسم بيكلم خديجه في الموبايل. أم باسم: يلا يا حبيبي. العريس وصل. باسم بابتسامه: حاضر يا ماما أنا نازل. خديجه بسعاده: أخيراً هنجوز البت. يااه. عشت لحد ما شفت اليوم ده. باسم بضحك: على أساس إنك جدتي. خديجه تكح تكح بصوت واحدة عجوزة: إيه يا ابني. أنا جدتك وعايزة أفرح بحفيدتي. باسم بضحك: مش لايق عليكي.

خديجه بغيظ: طب اقفلي عشان أكلم البت زمانها على نار. وكمان عشان أخليها تجمد وتخبطه بالسكينة لو معجبهاش. باسم بفزع مصطنع: أنا بدأت أخاف منك. خديجه: اقفلي دلوقتي. يلا السلام عليكم. باسم بابتسامه: وعليكم السلام ورحمة الله. باسم نزل. لقي شاب غاض بصره. وقاعد بيكلم باباه باحترام. ووشه عليه نور غريب. وكمان لحيته خفيفة بس باين عليه إنسان خلوق. باسم بجدية: السلام عليكم. أحمد وأبو باسم: وعليكم السلام ورحمة الله.

باسم بيسلم على أحمد: أهلاً بيك يا دكتور. أحمد بأدب: أهلاً بيك يا أستاذ باسم. أبو باسم: اقعد يا ابني. أنا زعلان إني باباك مجاش معاك. وحشني قوي. أحمد بود: هو كمان كان نفسه ييجي. بس قال دي أول مرة وكده. وباذن الله لو حصل نصيب هييجي معايا المرة الجاية. نروح عند ياسمين. ياسمين بتوتر: خديجه أنا بقول إيه وانتي بتضحكي. بجد. أنا مش عارفة البرود ده جايباه منين.

خديجه بضحك: من عبد الرحمن أخويا. بصي يا ستي. انتي مش صليتي استخارة مرة واتنين. ياسمين: أيوه. بس أنا خايفة. خديجه: يا حبيبتي الخوف ده طبيعي لأي بنت. أهم حاجة يكون عندك قبول للموضوع. وربنا هيختار لك. لا تقلقي. استغفري ربنا كتير. لحد ما تنزلي للعريس. ياسمين: حاضر. خديجه بمزاح: لو مش عجبك. قومي. هاتي سكينة. وفي بطنه. وهتلاقي باسم أخوكي جنبه. اديله واحدة في بطنه. خلينا نخلص.

ياسمين بضحك: ههههههه. عايزة تخلصي من باسم. وعايزاني بالسكينة كمان. باسم دخل. وسمع آخر جملة باسم قلتها. ياسمين بمكر: بس ليه يا خديجه. باسم طيب خالص. خديجه: هههه طيب على الآخر ياختي. وبتقلد صوته. انتي راديو مبتفصلش. متتطنيش اسمه تاني على لسانك. وتحسي إنه بيتحول. أوعي تنسي. سكينة حلوة كده وتكون حامية. هحاسبك عليها. باسم: بقي عايزها تقتلني يا خديجه.

خديجه بخضة: مين. هو أنا أقدر برده. ماشي يا ياسمين. بتسلمينى تسليم أهالي. أما أوريكِ. باسم: استني بس لما الضيف يمشي. يلا السلام عليكم. خديجه برعب: وعليكم السلام ورحمة الله. ياسمين بضحك: خضيت البت. باسم بابتسامه: هي لسه شافت حاجة. يلا يا عروسة. نزلوا تحت. وباسم وباباه قعدوا في الصالون. وشايفين ياسمين هي وعريسها. أحمد بتوتر: السلام عليكم. ياسمين بخجل: وعليكم السلام.