رواية مملكة احفاد الطوبجي(3 الفصل الرابع والعشرون 24 - بقلم اميرة اسامه

الباب اتفتح، بصوا كلهم لمحوا مراد وداوود وسالم ونادر وياسين وقاسم. مراد: بأبتسامه قمر، وسع وسع. زيد: بضحك، العصابة وصلت. مراد: مبروك يا زيزو. خدت روح من زيد، البنت وحضن مراد وفضلوا يطبطبوا على ضهر بعض بحب. قرب منه قاسم وهو في حضن مراد، باس راسه. قاسم: حبيبي وابني الغالي، ألف مبروك. حضنه زيد بإيده التانية وباس راسه بحب. زيد: الله يبارك فيكم يا رب يا حبايب قلبي.

داوود: قرب من صبا، باس راسها وايدها. مبروك يا صبا، سيبو كبرتينا يا بت. صبا: بسعاده، حبيبي يا داوود، الله يبارك فيك. هتفضل طول عمرك شباب يا حبيبي. مراد: عملتيها يا بنت اختي. ضحكت صبا ومسك ايده. انحنى مراد على ايدها بحب، باسها وضمها براحة. مراد: فرحتي بيكي انتي وزيد قد الدنيا. صبا: عارفه والله يا مراد، ربنا ما يحرمنا منك يا روح قلبي. مراد: طمنيني، العيال شبهك ولا شبه أبوهم؟ يارب يبقوا شبهي أنا.

صبا: بضحك، هما لسه شكلهم ظهر يا مراد. داوود: قرب من زيد وضحك، وبعدين ضمه بحب. مبروك يا غالي، عقبال ما نجوزهم ونشوفهم زي ما بنتمنى. زيد: حبيبي يا أبو حور، اللهم أمين يا رب. ياسين: مسك هو ونادر علبة اسطوانية بتاعة أعياد الميلاد، فتحوها عملت صوت وخرجت ألوان كتير. الكل اتخض. زيد: بضحك، الحمد لله إني بقيت أب. قطعتوا خلفي يا جزم. صبا: بضحك، اتعديتوا من أمير وجلال.

سالم: بأبتسامه لزيد، أهي المناسبة الحلوة دي بقي يتقالها إيه. زيد: بضحك وهو واخد ياسين ونادر في حضنه، يتقالها إيه. سالم: وهو بيرقص وبيشاور على زيد، الملامح أسد والقلب مش موجود. أخوك طالع من بلد مش بتجيب إلا أسود. الهيبة فينا كده كده من يومنا واحنا ملوك. إسأل عن الجدعنة وعلينا هيدلوك. الكل كان باصص لسالم وبيضحك، والسعادة مالية وشهم. وزيد باصصله ومبتسم ابتسامة كلها حب. كمل سالم وهو بيرقص وماسك في إيده مراد بيرقص معاه.

أنا أنا يا ابني، أتقل راس في البلد. من غير ملف ولا مستند. أسأل عني يقولوا الأسد. من يومي وأنا سندااااال. ضحك سالم وخد زيد في حضنه. سالم: مبروك يا أسد. زيد: بضحك، مبروك يا عم البحراوي. حبي يا سالم، عقبال ما نشيل ابنك وينور حياتنا. سالم: في حياتك يا حبيبي. راجح: خلاص قلبت المستشفى كباريه انت والعاقل القدوه. سالم: بصله وهو رافع حاجبه، ما انت كنت لسه بتضحك والابتسامة من الودن دي للودن دي، وشوية شوية هتيجي ترقص في وسطنا.

ياسين: بضحك، حصل وأنا شاهد. راجح: انت ابن كلب زيهم، على طول كده. جايين بهيصتكم وفرحكم. كريمان: بضحك، ربنا يفرحهم كمان وكمان. خليهم يفرحوا بأخوهم. رباب: والله عسل، ربنا يحيمهم يا رب. سالم: مبروك يا صبا سيبو. وقرب سالم باسها من راسها. صبا: بسعاده، الله يبارك فيك يا سالم. عقبال ما نطمن على شمس. سالم: اللهم أمين يا رب.

ياسين: أحلى حاجة حصلت إنك ولدتي في مستشفى. ماهو مش معقول كل شوية يغم عليا. الهيبة بتاعت أبو لهب بقت في الأرض. ضحكت صبا عليه وقرب منها باسها من راسها. صبا: أنا عفيتك من المنظر ده يا ياسين. كفاية يوم زهرة محدش ناسيهالك. قاسم: بضحك، الحق يا قاسم ياسين اغم عليه. طب أنا أسيب اللي بتولد وواقعه عالسلم ولا أروح للي وقع فوق. ياسين: بضحك، ما خلاص بقي يا جدعان. نادر: يا خرااابي على العسل يا صبا. صغيرين أوووي.

مريم: بسعاده، شوفت أبوهم قد إيه. نادر: بضحك، صباعي أكبر منهم. قرب ياسين منهم وبص عليهم. ياسين: يا خړابي، إيه الحجم ده يا صبا. دي البلونه طلعت مهوية. صبا: بضحك، هننفخهم متقلقش. سالم: الله أكبر، ربنا يحميهم يا رب. بقولك إيه يا زيد، انت تاخد البت اللي كنت عايزها وتديني الواد ده. مسؤوليتي أنا. راجح: لهمس مسموع، يبقى عليه العوض. هيطلع رقاص.

سالم: بضحكة جميلة وهو مش باصص لراجح، سيبك من ابوك. مش عارف مصلحة ابنك. هطلعهولك واد مخلص. وبعدين شكله غلبان كده وصعبان عليّ. ده مش هينفع يعيش في الدنيا بطريقته دي. زيد: بضحك، ما المشكلة يا سالم إنه ولا ينفع يعيش بطريقتكم. منذر: سيبك من سالم يا زيد. ده فاقد. أنا اللي هربيه. الواد أولى بخاله. سالم: وأنا عمه يا حبيبي. يعني العصب. منذر: وهو رافع حاجبه، العصب ده في ضرسك يا سالم. واتلم عشان ما عملهاش معاك.

ياسين: بضحك، سالم منذر قلبه قوي. خد باله. سالم: اه ملاحظ. وحشة البسين باين. منذر: بضحك، لا بسين إيه. استهدوا بالله، احنا في مستشفى محترمة. سالم: ااااايوه، يبقى تسكت وتحط لسانك في بوئك. الواد هيبقي تربيتي. خلوا البت ليكم انتوا محترمين ومينفعش تربوا صبيان. منذر: بضحك، انت عندك حق. حلال عليك الواد. روح: بعت القضية يا خواف. منذر: ولادك مفتريين يا روح وبيعملوا حجات مش مظبوطة في البسين.

روح: بضحك، دول مشافوش تربية يا حبيبي. سالم: بحب ابتسم لروح وغمزلها. طب بالذمة القمر ده ينفع يبقى ليه أحفاد. مراد: الحق يا راجح، بيعاكس روح. راجح: عايز إيه من واحد بيسمع البحراوي. سالم: لا اغلط فيا أعديها. اغلط في أي حد أعديها. إنما تغلط في البابا هزعل وأجيب ناس تزعل. ضربه راجح على راسه. راجح: ما تزعل ولا تتفلق. وبعدين بابا مين يا ابن الكلب. ده أنا عمرك ما سمعتك بتقولي بابا. ولا أبويا إلا على طول الباشا الباشا.

سالم: بضحك، الله بفخمك يا كبير. ضربه تاني وهو وشه باين عليه الابتسامة. راجح: مبقاش غيرك يا ۏسخ اللي يفخمني. سالم: شايفه جوزك يا روح. روح: ما انت اللي لسانك متبري منك. نادر: هما مش بيفتحوا ليه. قاسم: ما قدامك نايمين يا غبي. نادر: بضحك، طب أصحيهم إزاي. ده سالم كان عامل فيها مطرب الوقت وبرضه مصحوش. داده زينب: هما كده طول ما هما صغيرين هتلاقيهم يناموا في عز الدوشة وصاحيين في عز الهدوء.

نادر: بضحك، ده انت وصبا هتتنفخوا بليل مش هينيموكم. زيد: مالك يااض فرحان فينا كده ليه. صبا: ربنا يطمنك يا داده. روح: متتألميش هم، أنا معاكي. مريم: وأنا كمان لو بيعيطوا أنا هاخدهم وانتي نامي. نادر: على أساس إنك ليكي خلق أوي. ده أنا لو نايم تعبان وشخرت من التعب بيبقى يومي أسود ومبتهناش على نومه. كل ما عيني تغفل ألاقيها بتزقني في كتفي وتقولي أعدل دماغك. مريم: بضحك، وانت هتجيب صوت شخيرك لصوت القمر دول.

نادر: بابتسامة سخرية، طيب ابقي صحيها يا صبا وجربي إن ما شوفتي قدامك جعفر صوت وصورة مبقاش أنا. صبا: بضحك، هتتحولي عليا يا جعفر بجدي. مريم: مقدرش يا صبا سيبو. انتي حبيبتي. أنا اكتشفت إن شباب العيلة دي كلها بوتجاز. نادر: طب وسعي كده من جنبي بدل ما أۏلع فيكي. قاسم: أنا اللي هولع فيكم انتوا الاتنين لو مجبتوش واحد في العيال. عايز أشيلهم شوية. متبقوش رخامين. نادر: خد الواد من مريم.

قاسم: لا بقي أنا عايز البت. أنا خلاص خدتها وهجوزها لعدي. ياسين: عدي مين. البلطجي ده. هنقطع على بعض. أنا حاجز البت لابني. قاسم: ليه هتتجوز أصغر منها. مفيش الكلام ده. ياسين: وانت مالك يا جدع. وبعدين هتبقى أكبر بشهور مش قصة يعني. زيد: بضحك، انتوا عمالين تفرقوا عيالكم على بنتي على أساس إني وافقت. داوود: بضحك، زيد مش هيجوز بنته أصلا. زيد: اهو قالكم العاقل اللي فاهم. رباب: ليه بعد الشر هيقعدها جنبه.

داوود: انتي مش فاهمة زيد. أنا واثق إنه هيبقى عامل زي عادل إمام في عريس من جهة أمنية. عشان كده أنا بنصحكم نصيحة، بلاش جواز القرايب من بنت زيد هتخسروا بعض. زيد: بضحك، حصل. قاسم: خلاص ناخد فيروز الصغيرة. منذر: فيروز الصغيرة مين يا عم الحاج. ده الواد ابنك البلطجي عض بنت عاصم عضة. قاسم: بضحك، طفل طفل يا عديمي الطفولة.

مراد: بضحك، طب والله العظيم عيل مچرم وعسل. ولا يا قاسم سيبك منهم. هما الخسرانين. أقولك جوزه حور بنت داوود. داوود: في إيه يا جدع. مستغني عن بنت أخوك. والله أعلقه هو وابنه لو لمس البت اللي حيلتي. قاسم: بضحك، احيه كلكم اتفقتوا على الواد. طب أنا لو شفت حد فيكم شايله وعمال يبوس فيه هعلقه على باب القصر. راجح: وأنا هعلقه معاك. ده حبيب جده ده. بس برضه ميمنعش يا قاسم إننا نعترف ونقول إنه بلطجي وقعدته مع جلال وأمير هتبوظه.

قاسم: بضحك، طب لو سمحت امسك ابنك عن ابني. وانت يا عم مراد امسك ابنك عشان ألحق أعمل للواد إعادة تأهيل لسلوكه اللي بقى زي الزفت. يمكن نلاقي له عروسة توافق بيه. نادر: ولا يهمك يا كبير. أنا هجيبلك بنت إن شاء الله وأجوزهاله. أنا بموت فيه البلطجي الجزمه ده. قاسم: بضحك، حضن نادر. حبيب يا أخويا أصيل. مريم: إيه وأنا طرطور. مش هتاخد رأي أم العروسة. قاسم: بضحك، قولي اه وهضمنلك مستقبلها هي وعيال عياله.

مريم: بضحك، إذا كان كده أنا موافقة. نادر: بضحك، مادية. ضحكوا كلهم على كلام مريم ونادر. مراد: إن شاء الله تجيبي بنوته شقية وزي القمر زيك يا مريومة. ودي تبقى سكر العيلة. مريم: هتجيبلها إيه طيب. وأنا أجيبهالكم. مراد: بضحك، لا انتي مادية حقيرة فعلا زي ما نادر قال. كلهم ضحكوا على مراد. صبا: صحيح، فين جلال وأمير الجزم. أنا قلت جم معاكم. داوود: مرضناش ناخدهم عشان الشركة متبقاش لوحدها ويوسف معاهم.

مراد: وبينى وبينك فرح وتقي وملك هيتجننوا ويجوا هما كمان. فمحبيناش نزعلهم. قولنا نيجي نطمن عليكي ونرجع لهم تاني ونتقابل في القصر. صحيح هي صبا هتخرج النهارده يا زيد. زيد: الدكتور قال اه، بس هيجي يبص عليها كام مرة كده وعلي 8 يكتبلها خروج. مراد: تخرج على خير إن شاء الله يا حبيبي وتنور بيتها هي والكتاكيت الصغيرين. هتسموهم إيه صحيح. زيد: بإبتسامه خبيثه، لما أمسك شهادات الميلاد بتاعتهم في إيدي هقولكم.

مراد: أنا مش فاهم إيه الرخامة بتاعتك انت ومراتك دي يا جدع. عايزين نعرف أساميهم بدل ما هما من غير اسم كده. زيد: بضحك، خلاص لما نرجع بليل هقولكم. منذر: بضحك، أنا عارف هيسميهم إيه. ياسين: ما طبعاً بيقولك كل حاجة. خليه ينفعك يا زيد. زيد: بضحك، ياض انت أي حد بيشغلك كده. اتعديت من أخواتك يا أبو لهب. ياسين: بضحك، ماهو عارف واحنا مش عارفين. زيد: والله ما يعرف حاجة. ده بيشتغلكم. منذر: والله عارف. زيد: طيب قول يا سيدي وسمعنا.

منذر: بضحك، لا خلاص بلاش. خليه هو يقولكم بدل ما يرفعني. مسكه ياسين من رقبته. ياسين: ولا يا سالم امسك معايا. سالم: ياسلام، عز الطلب. منذر: بضحك، والمصحف لو قربتوا مني لأتزعلوا. ياسين: لو قلت هيرفعك. بس لو مقولتش كلنا هنرفعك. تختار إنهي رفعة. منذر: بدون تردد ومن قبل أول قلم وهو بيضحك، هيسمي البنت صبا وهيسمي الولد عمر. عشان طول عمره بيحب اسم عمر. زيد: بضحك، بتعترف من قبل القلم.

منذر: بضحك، مش شايف ماسكة المخبرين اللي إخواتك ماسكينهالي. راجح: الله، جميل عمر على اسم سيدنا عمر بن الخطاب رضي الله عنه. زيد: بضحك، في إيه يا باشا. هو شغلك انت كمان. راجح: شغل مين ده. أنا أشغل عشرة زييكم. جرى زيد بعيد عنه وهو بيضحك. مريم: يعني عمر وصبا ولا إيه. جننتونا معاكم. مراد: هو أنا واثق من صبا بصراحة وعارف إن زيد كان هيسمي البنت صبا. إنما عمر دي جديدة عليا. داوود: لا، زيد طول عمره بيحب اسم عمر.

روح: بضحك، ما تحل اللغز ده وتخلصنا من توقعاتهم وزنهم يا زيد. زيد: بضحك، خليهم شكلهم عاجبني وهما واكلين في نفسهم كده. روح: ما احنا مش هنخلص منهم صدقني. منذر: اسمعي مني يا روح، هو عمر وصبا. والله. روح: عموما، أحلى عمر وصبا. كده بقى عندنا صبا الكبيرة وصبا الصغيرة. زي فيروز وفيروز. ياسين: رفع حاجبه وهو باصصلهم بقرف، صحاب أوي على فكرة. حتى في الأسماء. فيروز وصبا. ما تقولوا فيروز وصبا. أوس اتنين واخلصوا.

زيد: بضحك، وانت مالك مضايق ليه يا أبو لهب. أقولك بما إنك هتجيب ولد سميه على اسمك عشان تكسر القاعدة وميبقاش حد أحسن من حد. سالم: مفيش الكلام ده. أي واد هيتولد في العيلة هيتسمى سالم على اسم عمه. راجح: سالم وكسة سالم خيبة. يبقوا خدوا الاسم والطبع ويبقي ليلتنا زفت. ضحك سالم وضحكوا كلهم. سالم: مالك يا حاج كارهني ليه بس. بدل ما تقولهم أيوه أخوكم بيتكلم صح.

راجح: صح في عينك. إيه حنفية سالم وهتتفتح في وشنا. ما كفاية علينا سالم واحد ناقصه مصايب هي. سالم: تشكر يا حاج، تشكر يا باشا. طب قدم السبت وقولهم يسموا سالم. وليك عليا أنا اللي أكسر الاسم. اسمي ابني راجح على اسمك.

راجح: لا يا أخويا متشكرين على جمايلك. أصلاً انت بالذات مش هتقرب من ابنك عشان لو ربيته تبقى كارثة. وأهو مستقبله قدام عيني من قبل ما يجي. عامل زي الشريط، نسوانجي صايع بتاع سهرات ولف على المطربين في الكباريهات. وطبعاً بما إنه هيبقى جيل جدي. فـ طبيعي هيبقى أۏسخ منك. فا هنضيف على كل اللي قولته إن يومياً هنجيبه من الأقسام. ضحكوا كلهم على كلام راجح. روح: بضحك، أعوذ بالله. بعد الشر.

راجح: اهو الشړ واقف قدامك. لو ربي الواد شوفي بقى عايزة حفيدك في إيده ولا في إيدنا إحنا. روح: بضحك، لا في إيدينا. سالم: بضحك، طيب أنا بقول أروح الشركة بقي وأحفظ كرامتي اللي اتبهدلت دي. مبروك يا صبايبو ما جالك يتربوا في عزك يا قلب أخوكي. صبا: بضحك، حبيبي يا سالم ربنا يخليك لي. سالم: بضحك وغمزة لزيد، شاور عقلك في الاسم ها. وأنا عارف إنك هتعمل اللي في مصلحته.

زيد: بضحك، اتلهي. المصېبة إن اللي أبوك قاله نقطة في بحر يا واطي. ضحك سالم وحضن زيد بحب. سالم: مبروك يا قلب أخوك عليك وعلينا. زيد: يا حبيبي يتربوا في عزك وعز إخواتك وعز الباشا وعز عماميروح: بإبتسامه، وعزي يا ولد. زيد: هو ما فيش غيرك هيربيهم أصلاً يا روح. لإنني مش هطمن عليهم غير في حضنك. روح: يا حبيبي. سالم: بص لمنذر وهو بيطلعله لسانه، قال بقي عز خالهم. منذر: بضحك، انت كياد يالا أوي. والله هضربك.

زيد: بضحك، سيبك منه. أنا قولت عز إخواتك. ولا انت مش أخويا ياض. منذر: طلع لسانه لسالم على قلبكم. كريمان: بضحك، ربنا يسعدكم ويخليكم لبعض يا حبايبي كلكم. الجميع: اللهم أمين. مشيوا الشباب وراح معاهم راجح. بعد شوية دخل الدكتور اطمن على صبا. كان البنج راح منها وحاول زيد يمشيها كذا مرة هو ومريم. كانت بدأت تتعب بس كل ما تحس بۏجع زيد يقول للدكتور ويدوها مسكن وترجع تتحسن.

وعلى الساعة 8 كانوا جهزوا عشان يرجعوا بعد ما الدكتور كتبلهم خروج. نزلوا وركبوا العربيات والشباب وراجح لحقوهم على القصر. أول ما وصلوا الكل كان واقف في الجنينة والجارد مالي المكان. وبمجرد ما العربيات دخلت الجارد والشباب رفعوا سلاحهم وفضلوا يضربوا في ڼار وجلال وأمير يولعوا شماريخ. والبنات كلهم صوتوا وجريوا عليهم. صبا كانت خاېفة يخبطوها عشان الچرح ۏاجعها. واتصدمت أول ما لقتهم جريوا على الولاد.

صبا: اه يا جزم كلكم، وأنا اللي فكراكم بتجروا عليا. زيد: بضحك، الاه يخربيت جنانكم. هنروح في داهية. إيه ضړب الڼار ده. جلال: بقيت عم يا جدعااااااان. مبروك يا زيزو. زيد: بضحك، براحة يالا على العيال دول شقي عمري. أمير: اجري يا جلال هنخطفهم. فرح: يا ماميييييي. خليهم يدوهملي والنبي. جنه: وهي بتجري وراهم، طيب نشوفهم طيب يا رخمين. أمير: يلا البوسة بجنيه. جلال: وربنا الواد شبهك. زيد: وانت حلو كده يا واطي.

جلال: تنكر. ده أنا قمر. زيد: إيه رأيك. جلال: بفرحة، حلوين أويييييي. البنات خدوهملهم. وراح جلال وأمير باركوا لزيد وصبايوسف: بضحكه عبيطة، الله حلوين أوي بس مش شبه بعض يا روح ليه. روح: هما مش توأم متطابق يا يوسف. كل واحد له مشيمة منفصلة. يوسف: وهو باصصلهم، يعني إيه. روح: يعني لو ليهم مشيمة واحدة وكيس واحد بيطلعوا متطابقين. لكن هما كل واحد له كيس منفصل ومشيمة منفصلة. مراد: لا والله، بس برضه فيهم من بعض.

روح: أكيد مش أخوات بس مش لدرجة إننا نتلغبط فيهم زي توائم كتير. مراد: بضحك، يلا كده أحسن. مش ناقصة لخبطة. هيج. جلال: طب بنقول إيه، هنفضل موقفين الست الغلبانة دي كتير. يلا ندخل عشان نوريها المفجأه ونطفي الشمع. ضحكوا كلهم على غباء جلال. زيد: بضحك، مشوفتش في حياتي غباء كده. يعني قولت بنفسك إنها مفجأة في نفس الجملة اللي قولت فيها نطفي الشمع. جنه: يا رخمممم. قولتلها ليه. جلال: بضحك، احيه والله ما خدتش بالي.

صبا: بضحك، خلاص هعمل نفسي متفاجأة يا جلال. جلال: اه والنبي أحسن. جنه بتطلع شرار من عينها. زهره: بت يا صبا حلوين أوي بجد. عايزين يتاكلوا. صبا: بجد حلوين صح. زهره: زي القمر. هيطلعوا وحشين لمين طيب. أبوهم قمر وأمهم قمرين. فيروز: هما ليه نايمين. نادر: بضحك، لا دول حالفين ما يصحوا غير لما زيد وصبا يقرروا يناموا ويرتاحوا. صبا: بتعب ضحكت. وانت حالف تنكد عليا يا نادر.

نادر: بضحك، أكذب الصبح. سمعوا سالم وهو بيغني متحركوش. والوقت الدنيا ولعت من ضړب الڼار والشماريخ وهما ولا هنا. يوسف: شكلهم مش مقتنعين إنهم خرجوا من البالونه. خلود: حرام. سيبوهم الوقت يصحوا. زيد: على فكرة صحيوا كذا مرة وكلوا كمان. انتوا بس اللي فقرين. روح: يلا يا صبا تعالي متقفيش كده. يلا يا حبايبي خلونا ندخل.

دخلوا كلهم مع بعض. كان القصر كله بلالين. البنات والشباب عملوها عشان عيد الميلاد. وطبعاً جنه مستنتش وصممت تطفي الشمع. حطوا التورته وكانت تضحك مقسومة أربعة. نص صورة صبا ونص صورة جنه. والنصين التانيين فاضين عليهم علامة استفهام. ودي كانت فكرة جنه وزهره. ضحكوا كلهم على التورته. زيد: بضحك، أنا ولادي كده يحيروا وعليهم علامات استفهام كتير. جنه: بضحك، طيب اعملكم إيه. انتوا اللي مش راضيين تقولوا اسمهم.

زيد: بضحك، لا ياستي خلاص هنقول. بص لمنذر وضحك. منذر: بضحك، قولتلكم. عيييييب. أنا الميزان الحساس بتاع زيد. زيد: بإبتسامه جميلة، عندك حق يا صاحبي. طول عمرك الميزان الحساس بتاعي. بس. منذر: لل بس إيه. متخليش شكلي وحش. هما خلاص صبا وعمر. زيد: بضحك، طيب خليني أكمل. هنعمل بس تعديل بسيط. منذر: اعمل يا سيدي. زيد: بإبتسامه بص لصبا وبعدين بص لهم.