رواية مملكة احفاد الطوبجي(3 الفصل الثامن والعشرون بقلم اميرة اسامه

في صباح يوم جديد، استيقظت فريدة من النوم. لم تستطع النوم جيدًا طوال الليل، كانت قلقة ومتوترة، لا تفهم سبب المكالمة ومن وراءها. هل هو شخص تعرفه ويريد أن يعمل بها مقلب ويضيع وقتها في السفر؟ أم أن هناك من وراءه شيء وكان يقصد المكالمة؟ وإذا كان يقصد ووراءه شيء، فلماذا لم يتم كشف المكان؟ أم أنه ينوي على شيء آخر؟

لأول مرة، أغلقت كل الأبواب في الفيلا عليها. كانت قلقة بجد. استيقظت، أول شيء فعلته اتصلت بالتيم وسألتهم، وقالت لهم ما حدث. قالوا لها إن كل شيء تمام ولا يوجد أي قلق، وأنهم راجعوا الكاميرات وطمنوها. لم يكن هناك أي شيء غريب. أغلقت معهم بعد أن اطمأنت، ولكن ظل بداخلها بعض القلق. كانت لن ترتاح إلا إذا سافرت بنفسها لتطمئن. في النهاية، هناك فريق كامل يعمل هناك ومسؤولون منها.

قامت من على السرير، تركت الموبايل، وذهبت لتخرج شنطة صغيرة. وضعت فيها غيارًا واحدًا، ثم أخرجت غيارًا آخر ودخلت الحمام. أخذت شاورًا، ثم خرجت وضبطت نفسها. مسكت الموبايل لتتصل بعاصم لتعرفه قبل أن تأخذ الخطوة، ويرجع يزعل منها كما قال لها. اتصلت به، رن الجرس طويلاً حتى فصل دون أن يرد. عادت واتصلت مرة أخرى، فضل يرن كثيرًا حتى فصل. اتصلت للمرة الثالثة، رن ثم فصل. اتصلت للمرة الرابعة، فوجدته "غير متاح".

لم تكن تفهم، هل كنسل عليها وأغلق الموبايل؟ أم أنه في مكان ليس فيه شبكة؟ أم أن موبايله فصل شحن؟ ظلت تنظر إلى الموبايل وهي لا تعرف ماذا تفعل ولا كيف توصله. فاتصلت بعلي. رن عليه جرسين، ثم كنسل عليها. فهمت أنهم معًا ولا يستطيعون الرد. فقرت أن تبعث لعاصم "فويس" على الواتساب. "فريدة...

صباح الخير يا عاصم. اتصلت بيك أربع مرات، يرن ولا ترد، وبعدين موبايلك اتقفل. اتصلت بعلي عشان أوصلك، كنسل عليا. شكلكم مشغولين. عمومًا، أنا لسه صاحية يا عاصم. واتصلت على التيم عشان أطمن، كل حاجة بخير، حتى راجعوا الكاميرات وطمنوني إن مفيش أي حاجة غريبة أو تقلق. بس أنا بتصل بيك عشان أقولك إني هسافر. مش قادرة أفضل قاعدة من غير ما أروح وأطمن بنفسي. وكمان أنا بقالي فترة ماروحتش أتابع الشغل بنفسي في الفرع هناك، فقلت إنها فرصة يعني. فها أنا هتحرك حالاً. حبيت بس أعرفك عشان مترجعش تزعل وتقول إني نفذت اللي في دماغي من غير ما أقولك. عمومًا، متقلقش، كله تمام. لما تفتح موبايلك وتسمع الڤويس، كلمني وطمني عليك. باي."

شحنت الموبايل، وكملت لبسها، ثم أخذت شنطتها والموبايل ونزلت. عملت فنجان قهوة وأخذته وخرجت. ركبت عربيتها وطلعت من الفيلا بعد ما أغلقت البوابة. ... في فيلا هشام. نزل بعد ما لبس وجهز نفسه. كانت رباب محضرة الفطار ومستنياه. قرب منها وهو مبتسم، قبلها من رأسها. هشام: صباح النور. رباب: صباح النور يا حبيبي. يلا اقعد افطر. هشام: أنا مش جعان يا روبي. هشرب نسكافيه بس.

رباب: اقعد افطر وبعدين اشرب النسكافيه. مش كل يوم تطلع روحي كده. قلت لك ألف مرة، الفطار مهم. حتى لو مش هتاكل طول اليوم وهتبقى مشغول في شغلك، مش مهم. المهم تبقى خارج الصبح وأنت فاطر. هشام: مفيش فايدة فيكي. بقيتي دكتاتورية أوي يا روبي. رباب: آه، أنا دكتاتورية عندك؟ مانعة؟ هشام: (بابتسامة) مقدرش. هاتي ياستي التوست. رباب: (قربت منه التوست)

والأكل طول اليوم بتبقى مشغول وبتنسى نفسك، وبتيجي بالليل واقع من الجوع. يعني لو مفطرتش مش هتبقى بتاكل خالص. افطر وظبط نفسك، وبعدين يا سيدي متاكلش إلا لما ترجع. بس على الأقل أبقى مطمنة عليك. يجيلك هبوط ولا تتعب، وأنت شايف الجو حر إزاي. هشام: ماشي يا ست الكل، عيوني. هفطر حاضر. قولي لي بقى يومك هيمشي إزاي النهاردة؟ رباب: والله مش عارفة لسه، بس احتمال أقابل كاريمان عشان نشوف حاجة نلبسها في فرح فيروز ومنذر.

هشام: طيب حلو. بس أنا عايز أفكرك إن ده مش فرح، دي هتبقى سهره حلوة كده. رباب: أيوه عارفة، بس هو بالنسبالي فرح. مش هيتجوزوا يبقى فرح. هشام: (بضحك) خلاص، يبقى فرح عشان خاطرك. رباب: وأنت مش ناوي تفرحني بيك بقى؟ ولا هتفضل قاعد لي كده على طول؟ هشام: (رفع حاجبه) إيه؟ إيه يا روبي؟ أنتِ زهقتِ مني ولا عايزة تأجري أوضة؟ رباب: (بضحك) آه، بفكر أأجرها بدل ما أنت واخدها ببلاش.

هشام: طب لو مزنوقة في فلوس قولي لي وأنا أدفع لك حقها يا ستي. ها؟ عايزة تأجريها بكام؟ رباب: بقولك إيه، متصيعش عليا وتقلبها هزار. أنا بتكلم بجد على فكرة. هشام: (أوبااا) ده شكل الكلام جد وزهقتي مني فعلاً. رباب: لا يا سيدي، مزهقتش منك. بس عايزة أفرح بيك. ولا مش من حقي؟ هشام: حقك يا أحلى روبي. بس مش شايفة إن الكلام ده لسه بدري عليه. رباب: هو إيه اللي بدري عليه؟ أنت عندك 27 سنة. ولا أنت ناوي تاخد الخطوة دي بعد الـ...

هشام: وفيها إيه؟ طب أنا سمعت إن بعد الـ 30 الواحد بيبقى نضج. رباب: نضج؟ ليه أنت لسه مراهق؟ بطل هزار، بدل ما أضربك وأقلب عليك. هشام: (بضحك) عايزة مني إيه يا روبي على الصبح؟ رباب: عايزة أفرح بيك. هشام: بس كده. عيني. وأنا خارج، الوقت هعدي على السوبر ماركت أشوف لو فيه عروض على عرايس وأفرحك. رباب: لا يا شيخ. ده على أساس إنك لسه هتدور على عروسة؟ بتصيع على أمك يا هشام. ما أنا عارفة اللي فيها، وعارفة إن عينك على جنة. هشام:

(بضحك) بص لها ورفع حاجبه. يا رااااجل. طب لما أنتِ حلوة ومركّزة كده، بتعمليهم عليا ليه يا روبي؟ رباب: أنا مش بعملهم عليك ولا حاجة، بس عايزة أفهم دماغك. هشام: قلت لك لسه بدري على الخطوة دي. رباب: بدري من عمرك. هو إيه اللي بدري يا ولا؟ أنت عايز تنقطني؟ ناقصك إيه إن شاء الله عشان تأجل خطوة زي دي؟ ولا أنت لسه مش واثق في شعورك ناحيتها؟

هشام: الموضوع ملوش علاقة بشعوري ناحيتها. أنا عارف أنا عايز إيه يا روبي كويس. وأكيد مش ناقصني أي حاجة. أنتي عارفة لو عايز أتجوز من بكرة أنا جاهز. بس الفكرة فيها هي. رباب: مش فاهمة. يعني إيه فيها هي؟ مش متأكد بتحبك ولا لأ؟ هشام: لا يا ستي، متأكد إنها بتحبني زي ما بحبها. رباب: (بابتسامة فرحة) طيب حلو. فين المشكلة؟ هشام: المشكلة إنها لسه بتدرس يا روبي. جنة لسه هتدخل تالتة جامعة، يعني قدامها سنتين. رباب: وفين المشكلة؟

هشام: المشكلة إن لا قاسم ولا زهرة هيوافقوا إنها تتجوز وهي لسه بتدرس. ولو فرضنا إنهم وافقوا، هي نفسها مش هتوافق. جنة بتحب دراستها أوي وبتحترم التوقيت المناسب لأي خطوة في حياتها. ودي حاجة أنا بحترمها فيها. هي كانت واضحة معايا وأنا فهمت دماغها واحترمت رغبتها. والأهم من كل ده، جنة عايزة تشتغل بعد دراستها، وأنتي عارفة ده كويس. يعني بعيد عن الدراسة، هي عندها حلم أكيد مش هتقتله بالجواز. رباب: طب وليه تقتل حلمها بالجواز؟

هو أنت ناوي تقعدها في البيت بعد الجواز عشان كده سايبها براحتها تخلص تعليم وتشتغل، وبعدين تتجوزوا؟

هشام: لا طبعًا، أكيد مش كده. لو حابة تكمل شغل تكمل. بس اللي أقصدُه إن لو اتجوزنا وهي لسه مخلصة دراسة، على ما تخلص ممكن تحمل. هتبص تلاقي نفسها خلصت دراسة وهي معاها طفل، وغصب عنها هتتنازل عن حلمها. وبصراحة، أنا مش عايز أكون أناني. أكيد مش همنعها حتى لو معاها 100 طفل، بس هي اللي مش هتقدر. وبعد فترة هتتحسسني من غير ما تقصد بالذنب. فهماني يا روبي؟

رباب: فاهمك. بس يا حبيبي، حتى لو فرضنا إنها جابت طفل، ما أنا موجودة وكلنا حواليها. ومحدش فينا عمره هيخليها تيجي على حلمها وتدفن نفسها في الجواز والخلفة وقعدة البيت. أمّال إحنا لازمتنا إيه؟ هشام: والله مش عارف بقى يا روبي. أنا قلت لك اللي جوايا واللي جواها من غير ما تقوله. أنا لو عليا، أكيد عايز آخد خطوة، بس مش هقدر أضغط عليها. رباب: طب إيه رأيك تجس نبضها؟

وحتى ناخد أول خطوة إنكم تتخطبوا وتتجوزوا وهي في آخر سنة. لو وافقت، نفتح الموضوع مع أبوها وجدها. ولو تمام، تلبسها الشبكة والجواز يبقى بعد سنة. ويا سيدي ممكن تأجلوا موضوع الخلفه سنة كمان ولا سنتين تكون خلصت دراستها وعرفت هي عايزة تعمل إيه في حياتها، وتبقى استقريتوا. هشام: امممم، هو حل حلو. بس تفتكري ممكن توافق؟ رباب: ميتهأليش هترفض. أي بنت في سنها نفسها تفرح وتشوف نفسها عروسة. هشام: طب وقاسم وأهلها؟ تفتكري يوافقوا؟

رباب: ميتهأليش يردوا إنهم يمانعوا، خصوصًا إنها مجرد خطوبة. وحتى لو رفضوا الجواز في آخر سنة في الجامعة، مش مهم. تستنى، بس تستنى وأنت خاطبها وفي بينكم ارتباط. وبعدين أنت شاغل نفسك ليه بردهم؟ ما تجرب وتاخد الخطوة وتشوف ردهم بنفسك، بدل ما أنت قاعد تسألني هيوافقوا ولا لأ. هشام: مش عارف يا روبي. أنا بتكلم معاك بصوت عالي وبحط كل الاحتمالات.

رباب: مش هتعرف ردهم إلا لو اتكلمت معاهم في الموضوع. بس طول ما أنت قاعد تفكر في ردهم من غير ما تاخد الخطوة، هتفضل واقف مكانك. اعمل اللي عليك. هشام: امممم، تمام. بس في حاجة عشان نبقى على نور يا روبي، ومترجعيش تزعلي مني. رباب: حاجة إيه؟ هشام: أنا هتكلم الأول مع جنة في حوار الخطوبة ده. ولو وافقت، هتكلم مع قاسم وكل أهلها وهاخد منهم ميعاد عشان نروح لهم ونطلبها رسمي ونتفق. بس أكيد مش هروح من غير أبويا. رباب:

(بابتسامة بسيطة) قلبها دق. وأنت فاكر إني هوافق إنك تروح من غير أبوك؟ هشام: مش كده. بس أنا عارف يا روبي موقفك منه كويس، وخاېف لما ندخل في الجد وتلاقيه قدامك، تقلبي عليا. وأنا مش هقدر يا روبي إني أخلي أبويا بعيد عني في موضوع زي ده. في النهاية ده أبويا وليه حق عليا. وزي ما بخاف على زعلك، زعله يهمني. رباب: (بحب)

حطت إيدها على كفه. وأنا مقدرش أحرمك من فرحتك في إن عادل يكون جنبك في يوم زي ده. ولا أقدر أحرمه من فرحته بيك. وأنت عارف إني بقالي فترة لا باجي جنبه ولا بضايقه، وخلاص استسلمت من زمان. هشام: (بحب) مش عايزك تكوني متضايقة يا روبي، بس أكيد أنتِ مقدرة موقفي.

رباب: أكيد يا حبيبي. وأنا مش متضايقة. اطمن، اللي بيني وبين أبوك أنت ملكش دعوة بيه. وعموماً، اطمن، خلاص مبقاش في حاجة بينا أنا وهو. في النهاية في رابط بيربطنا لآخر العمر، والرابط ده أنت يا هشام. زي ما ليا حق فيك، هو كمان ليه حق فيك. فـ اطمن، لا هضايق ولا هزعل، بالعكس هكون مبسوطة لما تروح تطلب جنة وأنت معاك أبوك في ضهرك. هشام: (باس إيدها بحب) ربنا يخليكِ لينا يا أحلى وأحن روبي في الدنيا. رباب: (بابتسامة)

ويخليك ليا يا حبيب قلبي. افتح بقى الموضوع مع جنة، ويا ريت أسمع أخبار حلوة تفرح قلبي. هشام: هيحصل يا روبي. إن شاء الله هتكلم معاها وهشوف اللي هيحصل، وإن شاء الله خير. رباب: خير يا حبيبي، إن شاء الله. هشام: ممكن بقى أروح شغلي عشان متأخر؟ رباب: متأخر إيه؟ لسه بدري. هشام: لا، ما أنا والشباب متفقين نروح لنور وفاطمة. أنتي ناسيه إن النهارده أول يوم ليهم في الشركة وعايزين نبقى مع نور وهو بيقص الشريط.

رباب: أيوه صح. هو ما يعرفش إنكم رايحين له؟ هشام: (بابتسامة) لا، اتفقنا من وراهم وقلنا نروح نقف معاه عشان يتبسط وميحسش إنه لوحده. رباب: أيوه صح. ربنا يخليكم لبعض يا حبيبي، ويوفقه هو وفاطمة. هشام: يا رب يا روبي. أمشي بقى، ولا التحقيق لسه مخلصش؟ رباب: طيب، مكملتش أكلك. هشام: لا، بقولك إيه، متبقيش طماعة يا روبي. احمدي ربنا إني فطرت. يلا سلام. رباب: (بابتسامة) ماشي يا سيدي، سلام. خلي بالك من نفسك.

هشام: حاضر يا ست الكل. وأنتي كمان خلي بالك من نفسك. وابقي عرفيني هتخرجي ولا لأ. رباب: هكلمك حاضر. سلام. هشام: سلام يا روبي. خرج هشام. ومسكت رباب الموبايل تكلم كاريمان وتشوف هيعملوا إيه. رباب: الووو. كاريمان: صباح الفل يا روبي. رباب: صباح الفل يا حبيبتي. إيه الأخبار؟ صاحية ولا نايمة؟ كاريمان: لا نايمة إيه؟ أنا صحيت وفطرت كمان. رباب: طيب كويس، بألف هنا. المهم، ظروفك إيه النهاردة؟ كاريمان: إحنا مش متفقين؟

ولا أنتِ مش هتقدري النهاردة؟ رباب: لا إزاي؟ أنا جاهزة. أنا قلت بس أتأكد منك تاني. عارفة إننا ماشيين متأخر امبارح من الحفلة، فقلت لا تكوني غيرتي رأيك ولا وراكي حاجة. كاريمان: لا، أنا فاضية ومش ورايا أي حاجة. رباب: طيب كويس، يعني على اتفاقنا. كاريمان: آه، على اتفاقنا. بس ياريت نتقابل على تلاتة بدل اتنين، عشان روح احتمال تيجي معانا، هي وليلى وزهرة. رباب: والله؟ طيب كويس. قالت لك إمتى؟

كاريمان: امبارح واحنا بنتكلم. مأخدتيش بالك ولا إيه؟ رباب: لا والله، الدنيا كانت دوشة. كاريمان: لا، قالت لي هتيجي معانا. وليلى وزهرة قالوا إنهم هيجوا هما كمان. بس قالوا خلوها تلاتة. وبالمرة نتغدى بره مع بعض. إيه رأيك؟ رباب: موافقة طبعًا. خلاص، إن شاء الله هنتقابل على تلاتة. هعدي عليكِ؟ إيه رأيك؟ كاريمان: زي ما تحبي. لو مش هتقدري، خليكي وأنا هاجي. رباب: لا، هعدي عليكِ نروح سوا، وابقى أرجعك لما نخلص.

كاريمان: خلاص، اتفقنا. تعالي بقى قبل تلاتة عشان هما هيقابلونا في المكان على طول. رباب: خلاص، إن شاء الله، على اتنين هكون عندك. كاريمان: خلاص، هستناكي. خدي بالك من الطريق. رباب: ربنا يستر. يلا، هسيبك تشوفي اللي وراكي. كاريمان: ماشي يا حبيبتي. يلا سلام. رباب: مع السلامة. ... في فيلا نور وفاطمة.

صحوا وجهزوا. وحضرت فاطمة فطار سريع. كانت متوترة لأن ده أول يوم ليهم في شركتهم. الاتنين فاهمين الشغل كويس، لأن ده كان شغل والدهم أصلًا. بس كانت متوترة لأنهم بقالهم فترة مش بيشتغلوا من بعد موت والدتهم ووالدهم، وبعد ما خسروا مقرهم في أمريكا، وكانوا مستنيين كل المبالغ اللي ليهم في السوق ترجع لهم عشان يبدأوا من جديد. فا كانت خاېفة كأنها أول مرة تبدأ شغل. بس كانت بتحاول تكون طبيعية، لأن نور متوتر جدًا وباين عليه إنه قلقان.

نزل نور وكان باين عليه فعلاً التوتر والقلق. نور: صباح الخير يا فاطمة. فاطمة: صباح النور يا حبيبي. يلا عشان تفطر، مش عايزين نتأخر على الموظفين. ده أول يوم لينا. نور: مفيش تأخير ولا حاجة. يلا افطري بسرعة وهنروح إن شاء الله في الميعاد. فاطمة: طب وأنت مش هتفطر؟ نور: لا، مش عايز يا فاطمة. أنا متوتر ومعدتي تعبانة شوية. فاطمة: متوتر من إيه بس؟ اهدي كده، وإن شاء الله خير. أنت أول مرة تشتغل ولا إيه؟

نور: والله حاسس إني أول مرة أشتغل فعلاً وخاېف أوي. فاطمة: من إيه بس يا حبيبي؟ وبعدين ده بدل ما أنت اللي تطمني، بتقلقني. نور: غصب عني يا فاطمة. أنتي عارفة إن كل اللي معانا اتحط في الشركة، يعني مينفعش نحط احتمال للخسارة حتى ولو واحد في المية.

فاطمة: مفيش خسارة ولا حاجة إن شاء الله يا حبيبي. أنت فاهم في الشغل وأكتر مني بكتير. وبابي كان بيعتمد عليك في كل حاجة. يعني هتقدر. هنبدأ من الصفر، وأنا عندي ثقة كبيرة في ربنا إننا هنجح، وفي وقت صغير شركتنا اسمها هيسمع في كل مكان في مصر. وبعدين الدعاية والإعلان شغالين بقالهم كذا يوم. فا اتفائل كده. هنعمل اللي علينا، هنشتغل ونجتهد، والباقي على ربنا. نور: (بابتسامة)

ضمها وباس راسها. يارب يا فاطمة أكون قد ثقتك فيا، وأقدر أعوضك عن أي خسارة خسرناها، وأقدر أأمن لكِ مستقبلك زي ما بابي ومامي كانوا عايزين. فاطمة: وأنا واثقة فيك وعارفة إنك شاطر ويعتمد عليك وهتقدر تخلي اسم شركتنا يبقى كبير. هو حمل كبير عليك، بس أنت قدّه يا نور والله العظيم. نور: (بحب) أهو كلامك الحلو ده ريحني شوية يا فاطمة، والله.

فاطمة: أنا جنبك يا حبيبي، وأوعى تخاف من الخسارة. إن شاء الله مش هيبقى فيه غير نجاح وبس. ممكن يلا افطر معايا عشان خاطري. نور: حاضر يا ستي، اقعدي. فطروا مع بعض، وبعدين خرجوا ركبوا العربية وطلعوا من الفيلا. كلمتهم ميار وعرفتهم إنها نزلت وفي طريقها للشركة. بعد وقت مش طويل، وصلوا قدام مقر الشركة. دخلوا من بوابة، وكان في وشهم الباب الكبير بتاع الشركة. الموظفين في استقبالهم، وفي شريط أحمر محطوط عشان يقصوه ويدخلوا مع بعض.

قلبه كان بيدق جامد. فاطمة كمان كانت متوترة وإيدها متلجة. وفجأة ابتسمت بسعادة. فاطمة: إيه ده؟ الحق يا نور. بص نور وابتسم بسعادة ملهاش حدود لما لمح أمير وجلال وهشام ورامي ورهف وفرح وجنة وميار. ومش بس كده، اتبسط أكتر بكتير لما لمح معاهم راجل. ركن العربية بسرعة، ونزل هو وفاطمة وقربوا عليهم، وابتسامتهم مالية وشهم. وأول ما نزلوا وقربوا منهم، الكل كان بيسقف له. نور: إيه المفاجأة الحلوة دي؟ جلال: طب بذمتك، مش مفاجأة جامدة؟

نور: أوي والله. حبيبي يا جلجل. (حضنه جلال بحب) جلال: مبروك يا حبيبي. نور: الله يبارك فيك. بص لراجح بتأثر. باااااشا! والله العظيم أنا نازل من البيت وأنا مش على بعضي، بس لما شوفتك فرحت فرحة متتوصفش. ووجودك فرق معايا. قرب منه وحضنه بحب. راجح: (وهو بيطبطب على ضهره) يعني معقول نسيبك لوحدك أنت وفاطمة في يوم زي ده؟ مبروك يا حبيبي.

نور: الله يبارك فيك يا حبيبي، ويباركلنا في عمرك. مش عارف أقولك إيه. كمل بلمعة في عينه. بس والله يا باشا، أنا حاسس الوقت إن أبويا معايا. راجح: (بحب) ضمه تاني وباس راسه. يعني معقول نسيبك لوحدك أنت وفاطمة في يوم زي ده؟ مبروك يا حبيبي. نور: الله يبارك فيك يا حبيبي، ويباركلنا في عمرك. مش عارف أقولك إيه. كمل بلمعة في عينه. بس والله يا باشا، أنا حاسس الوقت إن أبويا معايا. راجح: (بحب)

ضمه تاني وباس راسه. يعني معقول نسيبك لوحدك أنت وفاطمة في يوم زي ده؟ مبروك يا حبيبي. نور: الله يبارك فيك يا حبيبي، ويباركلنا في عمرك. مش عارف أقولك إيه. كمل بلمعة في عينه. بس والله يا باشا، أنا حاسس الوقت إن أبويا معايا. راجح: (بحب) ضمه تاني وباس راسه. يعني معقول نسيبك لوحدك أنت وفاطمة في يوم زي ده؟ مبروك يا حبيبي.

رواية مملكة احفاد الطوبجي(3 الفصل الثامن والعشرون 28 - بقلم اميرة اسامه

تابعنا وما يفوتك جديد

التعليقات (0)

لا توجد تعليقات بعد

روايات مشابهة

شظايا شيطانية~للكاتبة صرخة المُشتاقه

خطيئة خيال

رحيل الهواري

دموع السيف

حكاية عشبة خضراء

مملكة سفيد

الإبلاغ عن مشكلة

تم إرسال البلاغ بنجاح!