رواية من انا الفصل الخامس 5 - بقلم نعمة احمد

لا مش هتموتي ولا حاجة بس انتي حامل. بصدمة: نعاااام! بهزر بهزر، دول شوية سخونية عادي. آه بحسب. بقولك صحيح هوا انت اللي كنت بتأذن في المسجد صح؟ اه. الله صوتك حلو أوي بجد، تعرف إني كان نفسي أوي أتجوز واحد صوته حلو عشان يقرأ لي قرآن. واهو ربنا حققلك حلمك واتجوزتي عبد الباسط عبد الصمد زمانك. طب يلا يا حلو. يلا إيه؟ يلا عشان تقرأ لي سورة يوسف. اشمعنى سورة يوسف؟

بحبها عشان بتطمني دايماً إن مهما طال الابتلاء فالفرج جاي جاي وبطريقة أحسن من اللي كنتي تتمناها، وعشان علمتني إني متعلقش بحد غير ربنا ولا أخلي في قلبي غيره عشان ربنا بيغير على عبده، فلو خليتي في قلبي غيره ممكن يبتليكي بفقده. ممكن تقرأ بقا يلا. طب قومي جيبي المصحف. قومت جبت المصحف. اتفضل. ادخل جوا شوية عشان أقعُد جمبك. للدرجادي مش قادرة تبعدي عني؟ لا يا نجم فهمت غلط، عشان أستشعر القراءة بس مش أكتر. ماشي يختي.

حطيت راسي على كتفه وبدأ يقرأ وأنا رحت في عالم تاني. معرفش عدى من الوقت قد إيه بس صحيت لقيتني لسه نايمة على كتفه وهو جنبي والساعة غالباً كانت واحدة أو اتنين بليل. صحيته براحة: أحمد يا أحمد، قوم نام في الأوضة. فجأة لقيته مسك إيدي جامد وقالي: متسبنيش يا أميرة أنا بحبك. استغربت بس جاريته: مش هسيبك متخافيش. أوعديني مهما حصل مش هتسيبيني. حطيت إيدي على راسه: شكله بيهلوس ده ولا إيه. اتكلمت: أوعدك، قوم بقا يلا متقرفنيش.

سندته ودخلته في الأوضة وأنا روحت أتوضى عشان أصلي. لقيت الفون بتاعه بعت رسالة، معرفش إيه اللي خلاني أمسكه لقيت الرسالة ظاهرة من بره ومكتوب فيها: «مش هتخلص اللعبة دي بقى يا أحمد وتطلقها أنا زهقت». وقعت على الأرض بإنهيار وقعدت أعيط بصوت مسموع. لقيته طلع من الأوضة وجه عليا. اتكلم بخضة وقرب مني: فيه إيه يا أميرة مالك؟ بصيتله بحزن: ليه كده يا أحمد. بعدم فهم: ليه إيه؟ وريتله الرسالة

واتكلمت بزعيق وعياط: ليه تعمل فيا كده، لو انت مش بتحبني اتجوزتني ليه يا أخي. بسخرية: ولا صح ممكن يكون كل اللي الحوار اللي عملته ده تمثيلية. قعدت تقولي يا أميرة عيشي الحلم، يا أميرة متبوظيش حياتك، يا أميرة يا أميرة. سمعت كلامك وحبيتك وانت في الآخر طلعت بتضحك عليا.

اتكلم: يا أميرة افهميني، أنا بحبك والله انتي مش فاهمة. أنا فعلاً اتجوزتك وأنا مش بحبك بس أنا حبيتك والله، واللي بعتت الرسالة دي خطيبتي القديمة وأنا كنت نهيت كل حاجة و.. اتكلمت بهدوء عكس اللي جوايا: طلقني يا أحمد أرجوك كفاية. طب اديني فرصة أشرحلك. صدقني يا أحمد اللي بيحصل من الأول كان غلط، ده الحل الأسلم ليا ولك. بحزن: مكنتش حابب إن قصتنا تخلص كده.

مش دايماً كل النهايات لازم تكون سعيدة، ممكن تكون قاسية وبتوجع بس لازم تنتهي كده. اتكلم بحزن بعد سكوت طويل: أنتِ طالق يا أميرة.