رواية من انا الفصل الرابع 4 - بقلم نعمة احمد

قومت وقفت عشان أتوضى بما إن الآذان قرب يأذن. فجأة سمعت صوت الآذان، بس كان حلو أوي. وقفت بتاع خمس دقايق كده سرحانة. وبعدين دخلت اتوضيت وصليت. بعد شوية سمعت صوت الباب بيتفتح. جريت عليه. "أحماااد! "خير، يارب استر." "هوا صوت مين القمر اللي كان بيأذن ده؟ "هااابغيرة! "نعم ياختي." "بهزار." "فيه أي يا نجم، بهزر، متبقيش قفوش." "نعم؟! "خليك فرفوش." "نعم! "هو أنا كل ما أقول كلمة تقول نعم؟!

سابني ومشي وهو بيعدي من جنبي خبطني في كتفي. "آااه، كتفي ياعم." دخلت وقفت في البلكونة وعدي وقت كتير محستش بيه غير لما جوعت. دخلت وأنا بنادي بصوت عالي: "أحماااد ياحمااااد! سمعت صوته جاي من الأوضة. وبمجرد ما قربت من الأوضة وسمعت صوته وهو بيقرأ قرآن. وأنا حسيت إني دخلت في عالم تاني. نسيت حتى إني جعانة. فضلت واقفة قدام الأوضة حوالي نص ساعة كده وكنت متأثرة جداً من قراءته وصوته اللي يخلى الحجر يبكي. وكنت بعيط على عياطه.

فجأة الباب اتفتح. "هز راسه: بتعملي إيه هنا؟ "مسحت دموعي بسرعة: كنت جاية أقولك إني جعانة." "قاطعني: انتي كنتي بتعيطي؟! "وهعيط ليه يعني، على حياتي اللي اتشقلبت مثلاً؟ لا أبداً." لفيت وكنت همشي. شدني ليه جامد. "انتِ ليه مصممة تبوظي حياتك حتى وهي معدولة؟ "حط نفسك مكاني." "أنا واحدة صحيت من النوم لقيت نفسي في مكان غريب وحياتي متشقلبة فوق على تحت، كأني في حلم." "طب ما تعيشي الحلم." "خايفة أتعود على حياتي دي وأحبك." "وآيه؟!

"وأحبها." "الضمير يعود على الحياة." "ماشي يا أميرة، ماشي." "كل اللي عاوز أقولهولك إنه حتى لو ده حلم عيشيه، حسيه بكل تفاصيله كأنه واقع." "فيه أحلام كتير بنشوفها بس بتفضل جوانا وجوا قلوبنا مبتتنسيش." "وبنكون شايفينها قدام عيوننا كأنها حقيقة ونفضل عايشين على أمل إنها ممكن في يوم تتحقق." بصيت له: "يمكن كلامك يكون صح." "بقولك إيه؟ "نعم." "فيه هنا بطاطس." "بطاطس؟! "آه بطاطس، عايزة أحمر عشان جعانة." "آه فيه في المطبخ أكيد."

"مش انتي آخر مرة جبتي قبل ما تتعبي؟ "بقولك يا سيدي أنا نمت وصحيت لقيت نفسي في البيت الغريب ومع راجل غريب بيقول إننا متجوزين، أكيد مش هفتكر يعني أنا جبت بطاطس ولا لأ." "الا صحيح، هو أنا كنت تعبانة، عندي إيه؟ "أعصابك تمام، هتستحملي يعني." "فيه إيه يا ابني، هو أنا هموت ولا إيه؟ "لا مش هتموتي ولا حاجة، بس انتي حامل." "نعااام؟!