رواية من تزوجني ليسرق اعضائي الفصل الرابع 4 - بقلم مريم محمود

سلمي : أنا حامل!!! محمد وقف مصدوم شوية ودخل الأوضة من غير أي كلمة. سلمي: أحسن، أحسن. محمد دخل أوضته وهو مش مستوعب لسه. حامل؟ إزاي؟ هفرط في حتة مني في بطنها؟ ده ابني! أعمل إيه بس يا رب. أنا كده هموت، همووووووت. سلمي اتعشت ونامت وحاسة بالاطمئنان إنها أخيراً حققت هدفها ومطمنة على نفسها. راحت تفطر، لقت محمد في المطبخ وباين عليه الإرهاق الشديد والتعب. يعيني شكله منمش النهاردة. ههه.

محمد دخل أوضته وقعد يرتب الكلام اللي هيقوله للريس بتاعه. ترن ترن. الريس: إيه؟ الو يا محمد فيه حاجة؟ محمد: ألو يا ريس... الريس: إيه مالك صوتك مهزوز ليه؟ متخضنيش. عملية بنتي هتتعمل زي ما هي، صح؟ محمد: للأسف يا ريس، مراتي حامل. الريس: إيه؟ حاااامل؟ إزاي؟ إحنا مش متفقين؟ إزاي تسمح لنفسك إنك تعمل كدا؟ مكنتش عارف إنك مستهتر للدرجة دي. محمد: اهو اللي حصل بقى يا ريس. أنا معرفش عملت كدا إزاي! الريس: نعم يا روح أمك؟ متعرفش؟

مليش فيه. عملية بنتي هتتعمل. بنتي عايزة قلب وتعبانة وراقدة في المستشفى. ولو متعملتش أنا هقتلك على طول. مش فاضي أعذبك. وقفل السكة. محمد قعد محتار يعمل إيه. حامل؟ يوووووه. أنا من امتى عندي ضمير؟ لا لا، ده عشان ابني. أنا مش ضمير. أعمل إيه. بعد شوية. ترن ترن. محمد: ألو يا ريس؟ الريس: بص، أنا هديلك مهلة يومين تفكر كدا وتهدى، أوكيه؟ ورجالتي محاوطاك أنت والسنورة بتاعتك من كل حتة. وقفل السكة.

محمد قعد يعيط ومش عارف يعمل إيه. أما سلمي فهي مش قلقانة خالص. محمد كان قليل الحيلة جامد. عدوا اليومين وهو عاجز. لغاية ما لقي في يوم من الأيام حد بيخبط عليهم جامد. سلمي: أيوه، أيوه مين؟ محمد: لا، متفتحيش! بس فات الأوان. سلمي فتحت الباب. دخلوا رجالة عندهم عضلات وكبار. ضربوا محمد جامد. وغزوه بالسكينة. في الآخر، كان ميت لا محالة. سلمي: محماااااااددد. ضربوا سلمي على وشها، اغمي عليها.

بعد كدا، الجيران سمعوا الصريخ. دخلوا شافوا المنظر. اتصلوا بالإسعاف بسرعة. راحوا المستشفى. والمستشفى اتعرفت على هويتهم واتصلوا بأهلهم. أم محمد جات. وفؤاد وأم سلمي جم. محمد دخل عملية. أما سلمي، هي عدت على خير. الأم سلمي: الحمد لله. أم محمد: طب وابني فين؟ الدكتور: في العملية. ادعيله، لأنه اتضرب ضرب مبرح قوي واتغز بالسكينة. أم محمد: ياااااااااهوي! مين اللي عمل فيك كدا يا ابني؟ ده ميعرفش يأذي نملة والله!

سلمي فاقت. أمها جريت. ألف سلامة عليكي يا حبيبتي. سلمي ببرود: الله يسلمك. فؤاد: ألف سلامة يا عروسة. سلمي بقرف: الله يسلمك. أم محمد: إيه اللي حصل يا بنتي ومين اللي عمل فيكوا كدا؟ سلمي: لما محمد بيه يقوم بالسلامة هقولك يا خالتو. بعد ساعات، خلصت عملية محمد. أم محمد: إيه يا دكتور؟ ابني هيفوق امتى؟ الدكتور: البقاء لله.