رواية منقذى من الهلاك الفصل الحادي عشر 11 - بقلم ندى احمد

فهد لمدير الحسابات: كان عندك واحدة اسمها وعد، يعني إيه تستقيل كده مرة واحدة وفي الفترة دي بالذات؟ دي مكملتش شهر، يعني هي اللي خدت التصميم، وإن الشركة هي اللي زقاها علينا. لو مرجعتش همشيها قانوني وتستحمل اللي هيحصلها. مدير الحسابات: لا يا فندم، هي مش كده، دي محترمة وفي حالها. أنا أصلاً بلغت زميلها يبلغها إن فيه مدة إبلاغ بعد الاستقالة.

فهد: مليش دعوة، أنا عندي دلوقتي كله مشكوك فيه. اتفضل، ولما تتكرم وتيجي خليها تيجي هنا. *** إلين: يا بابا بقولك اتجوز. سعد: يتجوز. تغريد: هترخصي نفسك إيه أكتر من كده؟ كل ده عشان خاطر الفلوس؟ الفلوس مش هتخليكي مبسوطة طول ما أنتِ معاكي واحد عارفة إنه مش طايقك، وكمان عندك ضرة. إلين: هيحبني بعد الجواز. سعد: سيبك إنتِ بس من أمك، ومتخافيش، قبل فرحكم هكون مطفشالك، وهخليه هو اللي يمشيها كمان. تغريد: إنت إيه؟ حرام عليك؟

عايز تخرب بيت واحدة عشان خاطر الفلوس؟ سعد: بقولك إيه؟ خليكي في حالك، أخويا وابن أخويا وأنا حر، وإنتي يا إلين عايزاكي تعرفيلي معلومات عنها. *** عند وعد. تليفون بيرن. وعد: ألو. هيثم: إزيك يا وعد؟ عاملة إيه؟ وعد: الحمد لله يا هيثم، إنت عامل إيه؟

هيثم: أنا الحمد لله. وعد، إنتِ لازم تيجي الشركة. فهد بيه شاكك فيكي إنك إنتي اللي سرقتي التصاميم عشان إنتِ مكملتيش شهر واستقلتي لما التصاميم اتسرقت. قال ياتيجي يا هيقدم فيكي بلاغ. وعد: بس أنا معملتش كده. هيثم: إحنا عارفين، بس تعالي اقعدي مدة البلاغ بتاعت الاستقالة حتى. وعد: حاضر. *** في مطعم ورد. حسام: وحشتيني. ديما: بطل بقى. حسام، بقولك إيه؟ حسام: قولي يا قلب حسام. ديما: لا لا خلاص. حسام: في إيه يا ديما؟

ديما: بص بصراحة كده، فيه عريس جايلي النهارده. أنا لقيت بابا بيقولي قبل ما أنزل. حسام: طيب قبليه واررفضي أو أي حاجة. ديما، إحنا متفقين إننا هنقعد فترة مع بعض، من غير ما حاجة رسمية حصلت ولا لأ. ديما وهي بتحبس الدموع: حصل. أنا هروح أشوف الشغل. ديما قبلت كارما وهي ماشية. كارما: ها؟ قولتي له؟ ديما: آه. كارما: طب وقال لك إيه؟ ديما حكتلها اللي قاله. كارما: مش عارفة أقولك إيه. إنتي هتعملي إيه؟ ديما: سيبها على ربنا.

كارما: ونعم بالله. *** في شركة F.O.T. فهد بنرفزة: فيه إيه يا تميم؟ ركز معايا، ده مش وقت سرحان خالص. تميم: طيب طيب. فهد: تميم، إنت بتحبها. تميم: مش عارف، بس أنا لما بصيتها مكونتش عايز اللحظة دي تخلص، وبلاقي نفسي بفكر فيها، بفكر إزاي أسعدها، إزاي أخليها تضحك. ببقى عايز أخلص وأروح عشان أشوفها، مع إن دايماً كلامنا خناق، بس برضه حابب خناقها. فهد: إنت كده بتحبها يا تميم. تميم: بس المهم هي.

فهد: إنت لازم تحتويها عشان تحبك يا تميم، وريها الجانب اللي تحبك منه. طيب، أنا ماشي بقى. فهد: رايح فين؟ وسايبني في الكارثة دي. تميم: إنت كنت لسه بتقولي احتويها وبتاع، هروح أخرجها، وإنت قدها يا فهودي. *** عند عدي. غرام: وقف خمسة كده. عدي: فيه إيه يا غرام؟ غرام: كل، إنت مأكلتش حاجة من امبارح، ومنمتش حتى. هتتعب ومش هتعرف تركز. كل ياله. عدي: لا لا مش عايز. غرام: براحتك، وأنا اللي قولت نفطر مع بعض. عدي: خلاص تعالي. ***

في مستشفى المحمدي. يزيد: إيه ده؟ فيه إيه؟ حسن بخبث: أصل من امبارح كله بيتكلم عن علاقتك إنت ودكتورة مكة. يزيد بصدمة: إنت بتقول إيه؟ لا طبعاً مفيش الكلام ده. حسن براءة مصطنعة: هما بيقولوا كده. يزيد: دكتورة مكة فين؟ حسن: جت ومشيت لما عرفت باللي بيتقال. *** في مطعم ورد. تليفون كارما بيرن. كارما: ألو. تميم: استاذن إنك هتمشي، واطلعي أنا ومليكة قدام المطعم. كارما: مينفعش، أنا مصدقت المدير وافق إني أرجع الشغل تاني.

تميم: خلاص أنا هتصرف. بعد دقائق. حسام: كارما، امشي ياله. كارما: نعم؟ حسام: إيه؟ تميم بيه استأذنلك. اخلصي، مستنيكي برا. في عربية تميم. كارما: إنت عملت كده إزاي؟ تميم: إنتي فاكرة جوزك أي حد ولا إيه يا ماما. ها؟ تحبي تروحوا فين؟ كارما: نروح فين إزاي يعني؟ تميم: إيه يا ستي؟ هنخرج، تروحي فين. ومتتقوليش شكراً والجو ده، مش طالبة خناق خالص. كارما ضحكت. تميم: منا ضحكتك حلوة أهي وبتعرفي تضحكي. كارما بصتله بتكشيرة.

تميم: افردي وشك يا شيخة مرة في حياتك. ياله بقى نروح فين؟ كارما: أي حاجة. تميم: ماشي. *** في المساء في شقة ديما. مامت ديما: ياله يا حبيبتي، العريس جه. ديما بحزن: حاضر يا ماما. دخلت ديما وقعدت مع العريس. بعد شوية. باباها: ها يا بنتي؟ ديما: اللي تشوفه يا بابا. باباها: على خيرت الله. العريس: يبقى الخطوبة الجمعة اللي جاية، والفرح كمان شهرين. في فيلة المحمدي. يدخل تميم ومليكة وكارما بيضحكوا.

غادة: ربنا يسعدكم كمان وكمان يا رب. علي بعصبية: إنت بتستهبل؟ يعني إيه خارج معاهم؟ بقولك من غير ما حد يعرف تخرج معاها. بصفتك إيه؟ تميم: بصفتها مراتي. علي بعصبية: إنت مش بتسمع الكلام ليه؟ تميم: ومش هسمعه، عشان مش هعيش تعيس طول حياتي مع بنت أخوك لمجرد إنها بتحبني وإنت خايف تخسر أخوك. عن إذنك. نفذ. أنا عايزها عندي سليمة من غير أي خدش فيها، فاهم ولا لأ؟ بكرة تكون عندي.