رواية منقذة منتحر الفصل الثالث 3 - بقلم أمل صالح

رفعت كتفي ببساطة وقولت: "أبوك كان عارف إنك مش بتصلي، مش بتقرأ قرآن، وكان عنده يقين إنك مش هتمسك المصحف إلا بعد وقت طووويل من موته، ويمكن ما كنتش مسكته خالص. والدك حط أملاكه في مصحف عشان عارف إن ابنه مش بيمسك المصحف، وبالحركة دي كان عايزك تتعلم إن ربك ودينك أهم ميت مرة من أي حاجة في الدنيا دي. كان ممكن شفت فتحت المصحف وقرأت وشوفت الورقة واتجوزت كمان، بس أكيد ربك ليه حكمة." ابتسم وقالي: "شكرًا ليكي." قمت من

على السور وقولتله بهزار: "العفو يا سيدي." كنت همشي خلاص بس نادى عليا: "اسمك إيه؟ لفيت وابتسمت ورجعت للمكان نفسه: "المرة دي هقولك، معاك جنة أسامة حمدي رؤوف." بصلي بصدمة وأنا باستغراب قولت: "في إيه؟ اتكلم بصدمة: "أنا اسمي عامر محمود حمدي رؤوف." بصتله شوية وبعدين ضحكت وقولت: "دمك خفيف أوي يا أستاذ عامر." بصلي بصدمة للمرة المليون وراح لف، حط إيده في جيبه وطلع بطاقته وبعدين قالي: "خدي." خدت البطاقة وبصيت فيها

بصدمة ورجعت بصتله وقولت: "إزاي؟ خد نفسه وهو بيحاول يستوعب اللي بيحصل قدامه وبعدين بصلي وقال: "بيتك فين؟ بصتله باستغراب وقولت: "ليه؟ "محتاج أشوف والدك." وطيت راسي بحزن: "بس أنا والدي متوفي من 7 شهور." برق عينه بصدمة وقال: "من كام قولي تاني؟ "من 7 شهور، في حاجة ولا إيه؟ راح سند بايده على سور الكورنيش وسرح في البحر. "أنا كمان والدي اتوفى من 7 شهور." روحت وقفت جنبه وقولت: "الله يرحمه." لف وبصلي: "والدتك عايشة، مش كده؟

هزيت راسي بأيوة، فقالي: "ممكن أجي معاكي البيت؟ زعقت وقولت: "لأ طبعًا، الناس تقول إيه وهما شايفينك طالع معايا العمارة." "طب عنوانها إيه العمارة دي، وانتوا ساكنين في أنهي دور؟ أديته العنوان ودور بيتنا، وبعدين روحت وأنا سرحانة. إزاي بين ثانية والتانية بقى عندي عم؟ وإزاي برضه بابا مات في نفس اليوم؟ في خيط ناقص ولازم أعرفه.

وصلت قدام بيت شقتنا وفتحتلي ماما وكان معاها صحبتها طنط هدير، صحاب من حوالي 5 شهور كدا وبتيجي هنا على طول. عدى حوالي نص ساعة والباب خبط. طلعت فتحت الباب ولقيته في وشي. "يخربيته! إيه جابه؟ بصلي وقال: "ممكن أشوف والدتك؟ دخلت لماما وقولتلها في ضيوف، وطبعًا ما كنتش لسه قولتلها على الحوار دا كله، ولا حتى موضوع عمي. دخل ولسة بيرفع وشه لقيته بص على طنط هدير وقال بصدمة: "مامااا!!