تحميل رواية منتقبة اثرت قلبي بقلم اسماء السيد pdf

فادي: اسماء

اسماء: نعم

فادي: الدراسة هتبدأ أهو، مش عايز أشوفك قالعة الدبلة ودايماً لابساها، أنا جايبها كبيرة عشان تكون باينة

اسماء بضحك: حبيبي الغيور

فادي: أه بغار وأوووووي كمان، وإنتي حرة عشان متزعليش

اسماء: هو إنت ممكن تزعلني لأي سبب وتسيبني زعلانة ومتكلمنيش وتخليني أعيط؟ أوعى تقول هتضربني، لأ ونبي

فادي: إيه الكلام دا، لأ طبعاً مستحيل، إنتي أغلى من إني أزعلك، أنا عمري ما ضربت حد، هضربك إنتي إزاي بس؟ إنتي جوهرتي الغالية على قلبي، هو في حد بيأذي روحه؟ إنتي الروح وأنا الجسد، إنتي أكسجيني يا أسماء افهمي، أنا بحبك

اسماء: آآآه، كل دا، ربنا يديمك ليا يا أحلى حاجة من قلبي

فادي: نفسي أدخلك جوه قلبي

اسماء: والشبشب أحطه فين؟

فادي بغيظ: دانتي أرخم من اليوم الرخم، يا شيخة شكلي اتبست

اسماء: مش عاجبك؟

فادي: مش عاجبني

اسماء: اخبط راسك في الحيط

فادي: لأ عادي، ممكن أتجوز مرة واتنين وتلاتة

اسماء: ياراجل، دانا أموتك

فادي: بهزر يا زميلي

اسماء: براحتك، أسميك إيه؟

فادي: هو إنتي سوابق؟

اسماء بتضحك جامد

أبو أسماء: يلا كل واحد على أوضته

ودخلوا يناموا

عند شادي، قاعدين في العربية

شادي: بطلي أكل يامفجوعة

أحلام: اش ليك دعوة

شادي: بلاش المحن دا ياماما

أحلام: بلحتي أحجججج

شادي: براحتك يا روح قلب الحج

أحلام: يلا نروح

شادي: يلا

شادي راح مع أحلام بيتهم، وكان الوقت اتأخر فهيبات معاهم

راح أوضة الضيوف، وكلهم ناموا

في الصباح

عند فادي

أحمد صحى فادي

واسماء صحيت، وكلهم بيفطروا

اسماء قالعة النقاب عشان فادي خلاص بقى جوزها

خلصوا، وفادي استأذن يقعد مع اسماء شوية عشان هيمشي

دخلوا أوضة أسماء

فادي: هتيجي كمان أربع أيام وهشوفك كل يوم يا عيوني

اسماء مكثوفة ومش قادرة تتكلم: احم، أيوه

فادي: متيجي تقعدي معايا أنا وماما وسيبك من السكن

اسماء: لأ والله، شكلك اتجننت خالص يا أستاذ

فادي: إيه يا حبيبي، بهزر معاكي

اسماء: هزر براحتك يا نني العين

فادي: اعملي زي ما قولتلك، وأوعي تنزلي الجامعة قبل ما أروح، هموتك يا سمكتي

اسماء: حاضر، حاجة تانية؟

فادي: لأ خلاص، أنا همشي وهكلمك لما أوصل

اسماء: توصل بالسلامة يا حبيبي

فادي وقف وحضنها، وهى حضنته

فادي: إنتي محتاجة حاجة أجبهالك قبل ما أمشي؟

اسماء: حبيبي، تسلملي

فادي: أسماء، أنا بتكلم جد، لأن دلوقتي جوزك وإنتي مسؤولة مني، وخلاص باباكي ملهوش علاقة بيكي

اسماء: حاضر، لو احتجت حاجة هقولك

فادي: ماشي يا حبيبي، يلا هطلع أنا

فادي سلم على أهل أسماء وطلع يعدي على شادي

وهو طالع لبس النضارة وكان قمر أووي، وكان فيه بنت بتبص عليه

اسماء شفتها وندهت على فادي، وهو بص لها: في حاجة يا حبيبي؟

اسماء: مفيش يا روحي، بس هتوحشني

فادي أخد باله من نظرات أسماء للبنت: وإنتي كمان يا روحي، وحضنها وباسها من جبينها، ومشي

اسماء واقفة بانتصار، والبنت انغاظت منه

دخلت أسماء

في بيت أحلام

صحوا كلهم ما عدا شادي

أبو أحلام: أحلام، ادخلي صحي شادي

أحلام: حاضر

ودخلت الأوضة تصحيه

فضلت تبص له، قد إيه هو جميل وملامحه حلوة وهو نايم

حطت إيدها على شعره ووشه

وهو صحى: مسكتك، بتعملي إيه؟

أحلام بتوهان: ملامحك جميلة أوي

شادي: باس إيديها: إنتي أجمل يا روحي

أحلام انكسفت أوي: يلا عشان تفطر، وطلعت تجري

شادي ضحك عليها أوي وخرج

قعد يفطر معاهم

وبعدين قالهم إنه عايز أحلام

دخلوا الأنتريه

شادي طلع من جيبه خاتم فضة جميل ومن جوه محفور عليه اسميهم: دا يتلبس وميتقلعش هو والدبلة، فاهمة؟ ولو الدبلة اتخلعت متتلبسش غير لما ألبسهالك

ولبسهالها

أحلام: حاضر، شكله جميل أوي، ربنا ميحرمنيش منك أبداً يا حبيبي

شادي: أحلى حبيبي في الدنيا

وشالها ولف بيها

شادي نزلها وباس جبينها: بحبك أوي، بحبك وبتمنى اليوم اللي هتكوني معايا فيه، بحبك عشان إنتي اللي خطفتي قلبي من أول ما شوفتك، أتمنيتك مراتي وأم عيالي، عارفة الشلة كلها كانت بتقولي هتعيش وتموت لوحدك، بس لأ، إنتي خطفتيني، خلاص بقيت أسير ليكي ولحبك، ولحد ما أموت هفضل جنبك وهكون السند والحضن الحنين، الأب والأم والأخت والأخ والابن، عايز أكون كل حياتك عشان مليش غيرك

أحلام عيطت ومبسوطة أوي من كلامه: بجد مش عارفة أقولك إيه، أنا بحبك أوي أوي، من يوم ما شفتك وحسيت بحاجة غريبة، كنت بفكر فيك على طول، كنت بحاول أشيلك من تفكيري بس معرفتش، كنت بقول إنك مش شايفني أصلاً، كنت زعلانة إني بحبك، بس كنت على طول في تفكيري، ويوم ما كنا بنشتري لبس شوفت طقم لتوينز، كنت هموت ونلبسه سوا، ولما إنت اتقدمتلي أنا فضلت يومين مش بنام من كتر الفرحة، يااه، ولا يوم كتب الكتاب، لما عرفت إنك بتحبني حقيقي، كنت أسعد إنسانة في الدنيا، إنت فعلاً بقيت محور حياتي، الحاجة الوحيدة اللي بتفرح قلبي، إنت كتير عليا وبحسد نفسي عليك، إنت أجمل وأحلى وأرق شخص شوفتو، بحبك أوي

شادي حضنها

وبعدين قالها: أنا همشي وهنتقابل في الكلية إن شاء الله

أحلام: أول ما توصل كلمني وطمني عليك

شادي: حاضر يا حبيبي

يلا في أمان الله

ومشى

واتقابل هو وفادي، وكل واحد في عربيته

وبعد مدة وصلوا، وكل واحد رجع بيته

عند فادي

في أوضته

وبيبص للدبلة بتاعته وبيضحك

مامته دخلت عليه: الله الله، انهبلت يا حبيب ماما من أولها

فادي: باين كده يا ماما

مامته: فرحان يا قلبي؟

فادي: فرحان دي كلمة متوصفش حاجة، يا ماما أنا طاير من الفرحة، إحساس جميل أوي يا ماما، حسيت إني ملكت الدنيا في إيدي، أسماء يا ماما فيها حاجات أوي كانت ناقصاني، أسماء فهماني كويس وعارفة كل تصرف بعمله بعمله ليه، لما بكون زعلان متعصب مضايق، كلامها بيريحني يا ماما، من لما عرفتها وأنا مسبتش فرض، وصلاة الفجر وقيام الليل وقراءة قرآن وأذكار، وحاجات كتير اتغيرت يا ماما، هي طريقي للجنة

مامته بفرحة كبيرة لابنها: يا حبيبي ربنا يديمكم لبعض ويسعدكم دايماً يا قلبي، وأشوف ولادكم يا رب

فادي: ويديمك لينا يا ست الكل، أنا هنام شوية عشان على آخري

مامته: ماشي يا حبيبي

وطلعت

فادي بعت مسج لاسماء إنه وصل وهينام

عند شادي

دخل لقى أهله في فرح ناس قرايبهم

كان هينام، بس افتكر كلام أحلام

رن عليها، تن تن تن

أحلام: السلام عليكم ورحمة الله

شادي: وعليكم السلام، أنا وصلت وقولت أطمنك قبل ما أنام

أحلام: ألف حمدلله على سلامتك، طب كل حاجة قبل ما تنام

شادي: لأ، هنام، مليش نفس

أحلام: ماشي يا حبيبي

وقفلو

شادي نام

في بيت أسماء

أحمد بيفكر في مكة أوي ومش عارف يشيلها من دماغه

أحمد بضحكة: أوزعة بس لمضة وحبيتها أوي

قرر إنه يكلم باباه، وراحوا

بابا أحمد: أيوه يا أحمد، عايز حاجة؟

أحمد: بابا عايز أخطب

باباه: يسلام، دا يبقى أسعد يوم، ومين العروسة؟

أحمد: مكة، قريبتي

باباه: معنديش مانع، كلم جوز أختك وحدد معاد معاه، وعلى بركة الله

أحمد: حاضر يا حج

ودخل نام

وعدت الأيام من غير أي جديد عليهم كلهم، غير إن أحمد كلم فادي وطلب إيد مكة، وفادي قال لمكة وهي لسه بتفكر

والبنات راحوا الكلية

أول يوم في الجامعة

البنات خلصوا محاضرات واتجمعوا

أميرة وهنا وأسماء وأحلام قاعدين في الكافيه

في الكافيه البنات قاعدين مع بعض.

أميرة: هييييي أخيراً خلصنا يا عيال.

هنا: آه يا أختي.

أحلام: اسكتوا انتوا دوشاااااا.

أسماء: ده أول يوم يا قمرات.

أميرة: أميرة مش عايزة تتعلم، أميرة عايزة تتجوز.

البنات هيموتوا من الضحك.

أسماء: ها عايزة إيه يا قلبي؟

أميرة: عايزة أتجوز، أميرة مش عايزة تتعلم يا ناس، جوزوني الواد الطويل الحلو أبو غمازات اللي بحبه ده. هيييي.

عامر من وراها: روح قلب الواد، يلا نتجوز دلوقتي.

أميرة: انتوا بتهزروا يا جدعان، بطلو برود بقى، مين عمل الصوت؟

كلهم هيموتوا من الضحك.

عامر: أنا يا روحي اللي بتكلم.

أميرة بصوت واطي: يا كُسفتك يا حازم. وطلعت تجري على الحمام.

يموتوا كلهم من الضحك.

عامر للبنات: حد يروح يجيب الهبلة دي.

أحلام: هروح أنا.

بعد شوية جم وقعدوا كلهم سوا.

جت بنت لبسها مش محترم وحاطة مكياج كتير.

ما هي: هاي، إزيكوا.

محدش رد.

ماشي، قربت من فادي.

ما هي: إزيك يا فيدو يا حبيبي.

فادي بعد إيدها: انتي هبلة إزاي تلمسيني أصلاً كده؟ أنا مش حبيبك.

ما هي: لا حبيبي، وأنت بتحبني.

فادي: انتي مجنونة؟ أنا واحد متجوز.

ما هي: انت اتجوزتها عشان تنساني بس مش أكتر، عارفة إني غلطت في حقك، أنا آسفة، أنا بحبك وأنت بتحبني.

فادي: بلاش كلام فاضي، أنا بعشق مراتي ومبحبش غيرها.

ما هي: مراتك مراتك؟ فين مراتك دي؟ تلاقيها واحدة وحشة، أنا أحسن منها.

كف. صوت كف. أسماء ضربت ما هي بالكف جامد.

ما هي: انتي مجنونة إزاي تعملي كدا؟

أسماء: انتي اللي مجنونة عشان فكرتي تقربي من حاجة ملكي. أيوه فادي جوزي يا هانم، وأنا عارفة هو قد إيه بيحبني وواثقة فيه، مش واحدة زيك اللي تتكلم عن جوزي.

وشدتها من دراعها رمتها بعيد: غورى.

أسماء دموعها نزلت وسابتهم ومشيت. أحلام جريت وراها. فادي قاعد مكانه مش عارف يعمل إيه.

شادي: فادي، انت مش لازم تسيب أسماء كده، روح لها.

فادي: مش...

لسه هيكمل، فون شادي رن وكانت أحلام.

شادي: إيه؟

أحلام: الحقني يا شادي، أسماء عملت حادثة، بسرعة.

شادي: إحنا جايين أهو، جايين. يلااااا يا فادي، أسماء بتموت.

فادي مصدوم.

شادي ضربه بالكف: مش وقته، فوق.

وجروا كلهم.

أحلام مع أسماء في الإسعاف وبتعيط جامد، وأسماء فاقدة الوعي ودمغها بتنزف جامد.

أحلام بتعيط جامد. أسماء فاقت شوية.

أسماء بتتكلم بصعوبة: أحلام، قولي لفادي إني بحبه.

وغمضت عيونها ونبضها قل.

أحلام بانهيار: لا يا أسماء، متسبنيش. أرجوكي، لاااااا، أسمااااء.

فون أحلام رن وكان شادي.

أحلام: اسماء هتسبني يا شادي؟ اااه، هتسبني. قالتلي قولي لفادي إني بحبه.

فادي سامع الكلام ودموعه موقفتش.

الإسعاف وصلت المستشفى. دخلوها على طول العمليات. أحلام قدام العمليات منهارة. الشباب وصلوا. وقالتلهم إنها في العمليات وحالتها خطيرة عشان الخبطة في دماغها.

أهل أسماء عرفوا وجايين. ومامت فادي.

بعد 3 ساعات، الممرضة بتطلع تجري من غير ما تتكلم وبتدخل تاني. وكان أهل أسماء موجودين.

الممرضة: عايزين دم ضروري، مين نفس الفصيلة؟

أحلام: أنا.

أحمد: وأنا كمان.

فادي: وأنا نفس الفصيلة.

الممرضة: تعالوا معايا.

أخدت منهم كمية دم كبيرة ودخلت لأسماء.

بعد 8 ساعات، الدكتورة طلعت.

الدكتورة: كله جرى عليها.

الدكتورة: أنا هقول لكم حالة المريضة بالتفاصيل ومش هخبي حاجة. أصابتها في الجمجمة ودي خطيرة جداً وصعبة، ادعولها. دلوقتي لو العملية نجحت هتدخل في غيبوبة لا يعلم مدتها. ولو لا قدر الله منجحتش، للأسف... ومشيت.

فادي وقع وفقد الوعي. كلهم بيعيطوا.

أخدوا فادي على أوضة الكشف والدكتور علق له محلول.

فادي نايم بيحلم بأسماء، كانت لابسة أبيض.

فادي: تعالي يا أسماء عندي.

أسماء: لا، زعلانة منك ومش هفضل معاك.

فادي: أنا آسف يا سكتي، حقك عليا، بس متسبنيش.

أسماء: هسيبك. أنت وحش.

فادي: لا، متسبنيش.

أسماء بتمشي بعيد وفادي مش عارف يوصلها.

فادي صحا بيصرخ: اسمااااء، لااااا، متسبنيش، مليش غيرك، أنا آسف، ارجعي، اسماااااااااء، لااااا.

دخل الدكتور، اداله إبرة مهدئة ونام فادي تاني. وكلهم زعلانين عليهم وبيعيطوا.

بابا أسماء: مينفعش تفضلوا هنا، لازم تمشوا وأنا هفضل.

شادي: أنا ووعدي وعامر هنروح البنات ونيجي عشان لو احتاجتوا حاجة وعشان فادي لما يصحى.

أحلام: مش هسيبها مستحيل.

بابا أسماء: ماشي يا بنتي، خليكي.

عامر وعدي راحوا يجيبوا أميرة وهنا ورجعوا. كلهم قاعدين. وعدى اليوم.

الدكتورة دخلت لأسماء وطلعت.

الدكتورة: مين ولي أمرها؟

بابا أسماء: أنا أبوها.

الدكتورة: بص يا حج، بنتك دخلت في غيبوبة، والله أعلم امتى هتصحى، ادعولها. وجودكم هنا مش نافع، روحوا وتعالوا زوروها كل يوم.

كلهم انهاروا، إزاي دي كانت لسه معاهم.

فادي صحا وافتكر اللي حصل. فضل يعيط.

شادي حضنه: اجمد يا صاحبي، مش كدا. لازم تفضل جنبها لحد ما تصحى، هي بتحبك وأنت قوي، متضعفش عشان خاطرها.

فادي: إن شاء الله.

وقام قال: هدخلها.

دخل. أول ما شافها فضل يعيط: أسماء يا قلبي، متسبينيش، أنا عايش عشانك، بلاش توجعيني وتبعدي، ارجعيلي يا بتي من قلبي. أسماء بالله عليكي متسبينيش عشان خاطري، قلبي بيوجعني، قومي قوللي كلام يطمني، قومي يا سكتي، سكتي قلبي، قومي عشان نعمل فرح كبير ونعيش مع بعض ونجيب ليل وليله. ياااااسماء، متسبنيش. وبيعيط.

الممرضة: يلا يا أستاذ عشان هغيرلها.

طلع فادي.

كلهم مشيوا.

الحياة بقت مملة لفادي. كل يوم بيروح قبل الجامعة لأسماء وبعد ما يخلص والبنات بيروحولها. وأهلها أخدوا شقة جنب المستشفى وبيروحوا كل يوم.

عدى أول ترم وأسماء مش بتصحى.

فادي حاسس إنها مش هتسيبه.

تاني ترم بدأ وخلاص خلص وبيمتحنوا.

فادي عند أسماء: اصحي بقى عشان تحضري حفلة تخرجي وتفتخري بيا. اصحي، وحشتيني.

ومشى. خلص امتحان ورجع تاني.

فادي: باس إيدها وراسها، وحشتيني يا سكتي أوي. وزي كل يوم حكلها كل حاجة حصلت معاه. ومشى.

بعد فترة البنات راحوا عند أسماء.

أحلام: سوسكاا حبيبتي، وحشتيني يا رخمة. يلا بقى.

أميرة بدموع: يلا بقى، مش إحنا خواتك؟ إحنا محتاجينلك معانا أوي.

هنا: حرام عليكي، كل دا.

أحلام: حفلة تخرج جوزك كمان أسبوع، اصحي عشانو، هو مكسور من غيرك أوي.

وفضلوا شوية ومشوا.

وعدى الأسبوع من غير أي جديد غير إن فادي والبنات بيروحوا عند أسماء كل يوم.

يــــــــــــــــــوم التخرج.

فادي زعلان ومش عايز يروح، بس مامته زنّت عليه. لبس بدلة وراح.

عند أسماء.

فادي بدموع: مش عايز أكون من غيرك، تعالي معايا، وحشتيني أوي، محتاجلكككك أوي، متسبنيش.

وفضل يعيط. وبعدين باس إيدها وراسها. وطلع.

بعد فادي ما طلع...

بعد ما فادي مشى من عند أسماء، نبضها زاد أوي والممرضة نادت الدكتورة.

أسماء فتحت عيونها وبتتكلم: "فين فادي؟"

الدكتورة بابتسامة: "حمدلله على سلامتك."

أسماء: "هو إيه اللي حصل؟"

الدكتورة حكت لها كل حاجة وعن فادي اللي كان كل يوم هنا مش بيسيبها، وأوقات كان بيبات وكان مكسور أوي.

وفجأة أحلام دخلت هي والبنات. كلهم انصدموا. أحلام جريت على أسماء وحضنتها وعيطت، والبنات عملوا زيها.

وبعد شوية أحلام: "إحنا كنا رايحين حفلة تخرج الشباب وكنت زعلانين عشان فادي."

أسماء: "طب يلا عشان منتاخرش."

أحلام: "بس إنتي تعبانة."

أسماء: "لا كويسة، صح يا دكتورة؟"

الدكتورة: "صح، تقدري تروحي."

البنات أخدوا أسماء وراحوا اشتروا لها لبس وجهزت وراحت معاهم الكلية. ومدخلتش معاهم.

فادي شافهم وزعل ودموعه نزلت غصب عنه. أسماء شافته وزعلت عشانه.

جه وقت التكريم. كان عدى الأول، وبعدين شادي، وبعدين عامر، وكل واحد حضن مراته.

فادي طلع زعلان، اتكرم وكان نازل.

لاقى أسماء واقفة في آخر سلم المنصة. واقف مش عارف إذا كان دا حلم ولا حقيقة.

فادي: "أكيد بحلم، لأ بحلم إزاي؟ وحشتيني يا أسماء."

فادي نازل ببطء جامد، مش عايز السراب دا يمشي. لحد ما وصل عندها وحط إيده على خدها وقال بدموع: "وحشتيني."

أسماء بدموع: "وانت وحشتني أوي."

فادي مصدوم: "يعني إنتي واقفة قدامي بجد؟ يعني إنتي رجعتيلي؟"

أسماء: "مقدرش أبعد عنك أبداً."

فادي لسه مصدوم.

أسماء حضنته جامد: "أنا معاك دايماً وهفضل ومش هسيبك مهما حصل ومهما كان السبب، أنا في قلبك صح يا فيدو." وضحكت.

فادي بعياط وصوت مسموع قطع قلوب كل الحضور حضنها جامد: "كنت بموت من غيرك، كنت بتمنى أموت وأجيلك، متسبنيش تاني."

وبعدين فقد الوعي.

أسماء بدموع: "فادي."

وبعدين أخدوه المستشفى.

الدكتور: "متخافوش يا جماعة، دا الضغط وطا بس عشان مش بياكل، تقدروا تمشوا وواحد يفضل."

أسماء: "روحوا إنتو، وأنا هفضل معاه."

كلهم مشيوا.

أسماء قفلت الأوضة بالمفتاح، وقلعت النقاب، واتوضت، وقعدت تصلي وتقرا قرآن.

فادي صحا ولاقاها ماسكة المصحف.

فادي: "أسمااااء."

أسماء: "روح قلبي أسماء وحياتها وكل اللي ليها."

فادي: "اتعدل وحضنها وبيعيط."

أسماء عيطت على عياطه: "خلاص يا عمري أنا جنبك أهو ومش هسيبك أبداً، خلاص يا فادي متعيطش."

فادي بدموع: "كنت بموت في كل لحظة، كنت حاسس إني بتخنق أوي، كل ما أفكر إنك هتسبيني، كل حاجة ملهاش لا طعم ولا لون، شايف كل حاجة سودا، إنتي اللي محلية حياتي صدقيني، أنا اتجوزتك عشان بحبك مش عشان أي حد، والله مبحب غيرك، متسبنيش."

أسماء حضنته جامد: "أنا واثقة فيك وعارفة مشاعرك وعارفة إنك مش بتكدب، أنا بحبك وهفضل جنبك. يلا ارتاح."

فادي: "عايز أنام في حضنك."

أسماء: "بس..."

فادي: "صدقيني أنا خايف أوي، طمنيني إنك جنبي وإن دا مش حلم."

أسماء طلعت جنبه على السرير وحضنته، كانه ابنها وبتلعب في شعره: "لأ مش حلم وأنا جنبك ومش هسيبك أبداً وهفضل معاك على طول."

أسماء لفادي وفادي لأسماء.

فادي قلبه ارتاح من كلامها ونام.

أسماء فضلت جنبه تقرأ قرآن ومنمتش لحد الفجر.

أسماء صحت فادي عشان يصلوا سوا.

أسماء: "فادي يلااااا هنتخرف."

فادي نايم ومش بيصحى.

أسماء جابت ميه صقعه وكبتها عليه.

فادي صحا مفزوع: "بغرف الحقوني اااه بغرق."

أسماء نامت على الأرض من كتر الضحك.

فادي: "عجبك أوي، ماشي هردها لك."

أسماء: "إنت اللي نومك تقيل خالص يا عمري."

فادي بغيظ: "تقومي تعملي كدا، ماشي."

أسماء: "يلا نصلي."

وقاموا يصلوا سوا. وقرأوا قرآن برضه.

أسماء كانت بتنام على نفسها.

فادي: "إيه هو إنتي منمتيش ولا إيه؟"

أسماء: "معرفتش أنام والله."

فادي بحنان: "خلاص يا حبيبي روحى يلا نامي وأنا هقعد هنا."

أسماء: "حاضر." ودخلت ونامت على طول عشان كانت تعبانة جداً.

فادي فضل قاعد يفكر في كل اللي حصل وبيقول لنفسه: "أنا مش هقدر أعيش من غير أسماء، لأني مليش غيرها، هي مختلفة عن كل الناس، فيها حاجة غريبة أوي. كلامها بيريحني جداً وبيطمني وبيخليني مبسوط، حتى لو مخنوق مجرد أسمع كلامها مودى بيتغير، لأ أنا عايزها جنبي على طول مش عايز أسيبها تروح بيتها تاني، إحنا لازم نتجوز وتصحيني كل يوم لصلاة القيام والفجر، هي اللي غيرتني، الله! وهنجيب أولاد حلوين زيها، يا ربي على الجمال."

وبعدين دخل عندها وهي كانت نايمة. حط إيده على وشها وباس دماغها وسابها ومشى.

عند عدى بيرن على هنا مش بترد.

نزل عشان يروح ليها. وصل بيتها خبط.

أم هنا فتحت: "إزيك يا بني، اتفضل."

عدى: "الحمد لله يا أمي بخير، وإنتي عاملة إيه؟"

أم هنا: "كلنا بخير يا حبيبي، ادخل."

عدى بعد ما دخل: "أمال هنا مش بترد ليه عليا وهي في؟"

أم هنا: "كانت تعبانة امبارح شوية ونامت متأخر، هي نايمة دلوقتي."

عدى: "ممكن أدخلها؟"

أم هنا: "طبعاً يا حبيبي، اتفضل."

عدى دخل لهنا وكان باين عليها التعب. قرب منها وحط إيده على جبينها وكانت سخنة أوي أوي.

عدى نادى مامتها وقالها تطلب الدكتورة، وهو فضل جنبها بيعملها كمادات ميه ساقعة.

شويه والدكتور وصل وكشف على هنا وقالهم إنها حامل، وادالهم أدوية.

عدى بيعمل لها كمادات، وهنا بتخرف في الكلام.

هنا: "عدى، عدى."

عدى: "إيه يا روح قلبي عدى."

هنا: "بحبك أوي."

عدى: "وأنا بعشقك يا روح قلبي أنت."

هنا بتهلوس ومش واعية وبتحضن عدى.

عدى بيضحك هيموت مش قادر.

هنا نايمة في حضن عدي، وعدي هو كمان راح في النوم.

بعد فترة، هنا صحيت لقت نفسها في حضنه. بتبص له.

هنا بصوت واطي نسبياً: قد إيه هو جميل وملامحه حلوة. هو عصبي بس طيب وأنا بحبه أوي ومستحيل أسيبه.

عدي فتح عيونه براحة.

هنا: أنت صاحي؟

عدي: اممم من شوية.

هنا: ماشي، اوعى بقا خليني أقوم.

عدي: اهدى، وأنتِ شبه الطماطم كدا. وفضل يضحك.

هنا بعدت عنه وطلعت برا.

عند فادي، راح بيته وأسماء معاه.

مامت فادي: ألف حمد لله على سلامتك ياقلبي.

فادي: الله يسلمك ياحبيبتي.

أسماء: الله الله، وأنا ياست ماما نسيتيني؟ زعلانة أنام.

مامت فادي قامت حضنتها: دانتي الخير والبركة. أنتي اللي رجعتي الفرحة لقلبي ولقلب ابني. أنتي بنتي وحبيبتي ومرات ابني. يارب متحرمش منكم أبداً يارب وافرح بيكم وبولادكم.

أسماء وفادي: آمين ويخليكي لينا يارب.

مامت فادي: هحضرلكو الأكل.

أسماء: هاجي معاكي.

مامت فادي: لا ياقلبي خليكي معاه.

فادي: أحمد أخوكي عايز يخطب مكة، إيه رأيك؟

أسماء: بص، أنا شايفه إنه حبها والله، وأنت عارف أحمد، بس الرأي رأي مكة.

فادي: إن شاء الله خير. تعالي أوريكي شقتنا.

أسماء: ماشي يلا.

وقالوا لمامته وطلعوا فوق.

عند أميرة، مستنية عامر تحت البيت.

في ولدين معديين.

الولد الأول: إيه القمر واقف لوحده ليه؟

الولد التاني: متيجي أوصلك.

أميرة: ابعد ياحيوان.

انت وهو.

الولد الأول: هوريكى مييي.

ومكملش، ولاقى اللي ضربه في وشه بالبوكس.

عامر: توريني مين ياروح أمك أنت؟

الولد التاني طلع متوه: هوريك.

بيحاول يضرب عامر بس مش عارف، لأن عامر بيلعب رياضة ومهتم بجسمه.

عامر ضربهم: ها، مين هيوريني؟

العيال خدوا بعضهم وجريوا.

عامر بغضب: عاجبك كدا؟

أميرة: وأنا مالي يالمبي.

عامر: بت اتعدلي، بتنزلي ليه قبل ما أجي؟

أميرة: ما أنت أتأخرت.

عامر: ولو، تفضلي فوق ياأحزمة لحد ما أجي، فاهمة؟

أميرة بتبرطم: نينينينينينيني.

عامر: هااا، بتقولي حاجة؟

أميرة: بقولك فاهمة، فاهمة.

عامر: يلا ياآخرة صبري.

أميرة: مش عاجبك، طلقني.

عامر: دانا هديلك طلقتين في دماغك، يلا ياأختي.

عند أحلام، بتكلم شادي.

شادي: ها، إيه رأيك؟

أحلام: لا، مش بحب الأساس الأسود، بص، إحنا نعمله بينك.

شادي: يا حلوة، هتجوز بنت أختي أنا.

أحلام: إيه دا، مش عاجبك؟

شادي: عجبني ياأبو.

بنت أحلام: آه، بحسب.

شادي: كدا أنا هضرب.

أحلام: متقدرش.

شادي: هوريكي لما نتجوز.

أحلام بتضحك عشان تغيظه.

شادي: يلا يابت، امشي من هنا ياماما.

أحلام: سلامات يابطة.

شادي: متجوز واحد صاحبي.

يعني عليا ياصغير على الهم ياحبيبي.

أحلام هتموت من الضحك: إيه ياقلبي، قلبت زي المطلقات كدا ليه؟

شادي: دانتي اللي قلبي وقلب قلبي وقلب قلب قلبي، بحبك يابوبونيت.

أحلام بكثوف: وأنا بحبك أكتر.

شادي: هييييه، وأخيراً كلمة حلوة.

أحلام: يا عم روح بقا، عايزة أنزل الجامعة.

شادي: ماشي، البسي وهاجي أوصلك.

أحلام: بس.

شادي: من غير بس، يلا. وقفل.

عند عدي.

قام وفطروا. وهنا بتلبس وهيوديها الكلية.

هنا: يلا، أنا جاهزة.

عدي: يلا.

ونزلوا.

عدي افتكر لما كان بيراقبها من بعيد كل يوم وابتسم. ركبوا ومشيين.

عند فادي وأسماء، بيتفرجوا على الشقة.

فادي: ها، عجبتك؟

أسماء بفرحة: أوي أوي، جميلة جداً ورقيقة ومودرن، حلوة أوي. وأكتر حاجة عجبتني المطبخ.

فادي: دا زوقي أصلاً.

أسماء: أنا عارفة، أنا زوقك قمر.

فادي: وأنتي إيه عرفك؟

أسماء: عشان اخترتني.

فادي: أنتي أعظم اختياراتي، بحبك.

أسماء: وأني متيمة بحبك سيدي، بات حضنك أماني وصوتك راحتي، أصبحت لا أطيق غيابك وأدمنت وجودك.

فادي بحب: بدمنك وبحبك وبعشقك. وحضنها ولف بيها جامد.

أسماء مبسوطة أوي أوي.

مامت فادي بتنده عليهم عشان الأكل.

أسماء: حبيبي يلا عشان ماما بتنده.

فادي: يلا ياروحي.

ونزلوا تحت.

لقوا مكة.

مكة: الله الله، الحلوين هنا. كنتوا بتعملوا إيه بقا؟

فادي: اتلمي يابت أنتِ وبطلي لمضة.

مكة: أوعدني ياارب.

فادي: تعالي يامكة، عايزك في موضوع.

مكة راحت لفادي أوضة.

مكة: نعم ياأبيه؟ في إيه؟

فادي: في كل خير، في عريس وعايز يجي يتقدم. وقبل ما تتكلمي، العريس يبقى أحمد أخو أسماء، أكيد عارفاهم.

مكة: أيوا عارفاه.

فادي: بص، أحمد شخص كويس جداً وكمان محترم، وهيحافظ عليكي. مش بقول كدا عشان هو أخو أسماء، لا دي حقيقة.

مكة: طيب، هفكر وأصلي استخارة ياأبيه.

فادي: ماشي ياحبيبتي، خدي وقتك.

يلا نطلع.

أسماء ومامت فادي حضروا السفرة.

قعدوا كلهم ياكلوا.

عند عدي، أخد هنا الكلية، وصلها وواقف لحد ما تدخل.

هنا ماشية وفجأة خبطت في حد.

هنا: مش تحاسب؟

الشاب: دانا هحاسب، ليا وللجامعة كلها. ومسكها من إيدها.

هنا: إيه ده؟ أوعى كدا، احترم نفسك.

الشاب: تعالي علمني إنتِ الأدب.

عدي من وراه: لا، أنا اللي هعلمك الأدب. وشده، وقعوا على الأرض.

هنا بتعيط ومش عارفة تعمل إيه.

عدي والشاب بيتخانقوا وبيضربوا بعض جامد.

ماما رنت على عامر.

عامر مع أميرة، فونو رن.

عامر بيبص: دي هنا، غريبة يعني.

أميرة: رد، أكيد فيه حاجة.

عامر رد، كان لسه هيتكلم، سمع عياط هنا.

هنا: عامر، تعالا الجامعة بسرعة، عدي بيتخانق.

عامر قفل، وهو كان قريب أصلاً، فوصل بسرعة.

وشال الشاب من على عدي، ونزل ضرب فيه. عدي قام وهو كمان بيضرب فيه.

عدى وعامر نازلين ضرب في الشاب اللي عاكس هنا، والجامعة كلها اتجمعت. وجه أمن الجامعة وبعدهم عن بعض.

عدى بص لهنا وراح حضنها وظهره للشاب ده.

اسمه مهاب. قام بسرعة وطلع مطوة وضرب عدى في جنبه.

"عشان تعرف إزاي تضربني."

الأمن مسكوه. عدى أغمى عليه. هنا وأميرة بيعيطوا. عامر شاله بيجري بيه. ركبوا العربية وأميرة وهتان ركبوا. طلعوا على المستشفى.

أول ما وصلوا، عامر فضل يزعق فيهم. أخدوا عدى.

الدكتور: "متقلقوش، هيبقا كويس." ومشى.

وكلهم قاعدين خايفين. هنا اللي مش شايلة نفسها الذنب.

أميرة حضنتها: "هنا، ده قضاء ربنا. إنتي ملكيش دخل."

هنا بعيط جامد: "أنا السبب. لو مش موجودة في حياته مش هيحصل كده أبداً. بس مش ببقى عايزة أأذيه والله."

أميرة: "اهدّي يا حبيبتي، هو كويس. متقلقيش."

هنا: "يارب يا رب."

عند فادي. خلصوا أكل وبيشربوا نسكافيه.

الباب بيخبط. مكة راحت تفتح. لقت أحمد. انكسفت.

أحمد بابتسامة: "السلام عليكم ورحمة الله."

مكة: "وعليكم السلام ورحمة الله. اتفضل."

أحمد دخل ومكة دخلت على أوضتها. أحمد سلم على الكل.

أحمد: "عملت إيه في موضوع..."

فادي: "كلمتها وهي بتفكر لسه."

أحمد: "براحتها خالص. وإن شاء الله ربنا..."

فادي: "إن شاء الله."

أحمد: "يلا يا أسماء بقا، كفاية كدا."

فادي: "ليه يابني؟ متسبها."

أحمد بضحكة: "أسيبها إيه يابني؟ إنت متعقل؟ لما تتجوزوا ابقى خدها ليك خالص."

فادي: "إمتى بقا يا رب."

أحمد: "هانت يابني. يلا يا أختي، قاعدة ليها."

أسماء: "هدخل ألبس النقاب." ومشيت.

فادي راح وراها. دخل لقاها بتلف الخمار. حضنها وهمسلها: "إمتى بقا نتجوز؟ ومتمشيش بعيد عني تاني."

أسماء بكسوف: "هانت يا حبيبي، قريب قوي."

فادي: "هيبقى أسعد يوم في حياتي يا كل حياتي."

أسماء: "وأنا كمان."

فادي: "بحبك."

أسماء: "وأنا كمان."

فادي بخبث: "عايز بوسها."

أسماء بدون وعي: "وأنا كمان."

وبعدين ركزت وانكسفت. وفادي هيموت من الضحك.

فادي: "يلا عشان متتأخريش. وأنا هروح لمكة."

أسماء: "ماشي يا حبيبي."

فادي مشى. راح لمكة. خبط ودخل.

فادي: "إيه؟ فكرتي؟"

مكة بكسوف: "أيوا يا بيه، موافقة."

فادي: "إن شاء الله مش هتندمي يا قلب أبويا."

مكة: "إن شاء الله."

فادي: "أنا هطلع أبلغ أحمد."

ومشى. مكة قاعدة مكسوفة قوي.

فادي طلع لأحمد.

فادي: "أحمد، مكة وافقت. إيه رأيك تيجوا الأسبوع الجاي؟"

أحمد بفرحة: "بجد والله؟ وافقت خلاص؟ الله! ليه الأسبوع الجاي؟ ليه مش انهارده؟"

فادي بضحكة: "بطل هطل بقا."

أسماء طلعت وقالت لأحمد: "يلا."

أحمد قام. سلموا على الكل وهما ماشيين. أحمد نزل قدام أسماء.

أسماء واقفة مع فادي.

فادي: "هتوحشيني."

أسماء: "وأنت كمان يا روحي."

فادي: "خدي بالك من نفسك."

أسماء: "حاضر. يلا سلام." ومشيت.

فادي دخل.

عند شادي. بيكلم أحلام في الفون.

شادي: "ها، إيه رأيك؟"

أحلام: "لا يا شادي، هنعمل الفرح لما أخلص عشان أعمله مع أسماء."

شادي: "بقا كدا؟ زعلت ليه طيب؟"

أحلام: "عشان أنا نفسي تكوني في بيتي بقا. وأصحى وانتي معايا عشان أبقى مطمن عليكي على طول. ومخافش أخسرك. وإنتي مش عايزها."

أحلام بسرعة: "والله لا مش كدا خالص. والله، انت عارف أنا بحبك إزاي. ونفسي أفضل معاك العمر كله. نفسي نبقى سوا في كل حاجة. نتشارك كل حاجة. محدش يعمل حاجة لوحده. نعمل سوا كل حاجة. أنا والله نفسي. بس نفسي أكون أنا وأسماء سوا."

شادي بفرحة لكلامها: "يرووحي انتي. وأمرك. كلامك مطاع يا سلطنتي. بحبك أوي."

أحلام بسعادة: "وأنا بحبك أوي أوي."

شادي: "ربنا يديمك ليا يا نور عيني."

أحلام: "ويديمك ليا. وميحرمنيش منك أبدا يا بابا."

شادي: "روح قلبي. إنتي بنوتي وبنبونتي."

أحلام بتضحك بفرحة: "بحبككككككك أوي."

ونسيبهم شوية يحبوا في بعض.

متصلــــــــــوا على النبـــــــــــــي.

في المستشفى.

عدى في أوضته بس نايم. هنا جنبه بتعيط وخايفة عليه.

وبرا عامر قاعد وواخد أميرة في حضنه. وزعلان قوي على أخوه وخايف عليه. لأن مش أول مرة ينضرب في نفس المكان.

في الأوضة. عدى بدأ يفوق.

عدى: "هه... أنا... هنا."

هنا: "أيوا يا حبيبي، أنا جنبك."

عدى: "حصل لك حاجة؟"

هنا بعياط: "أنا كويسة. بس إنت مش كويس."

عدى: "لا، أنا كويس. متقلقيش."

هنا: "بجد إنت كويس ولا بتقول كدا عشان متحسسنيش بالذنب؟"

عدى: "يا حبيبتي والله أنا الحمد لله بخير. متقلقيش بقا."

هنا: "ثبت لي."

عدى: "قربي، هقولك."

هنا قربت. وعدى باسها من خدها. وبيضحك.

هنا: "إنت إزاي تعمل كدا وإنت تعبان؟"

عدى: "منا مش تعبان. الله."

هنا: "ماشي."

دخل عامر وأميرة يطمنوا عليه. والدكتور جه.

عامر: "هو كويس يا دكتور؟ ينفع يروح ولا لا؟"

الدكتور: "ده جرح سطحي. مفيش حاجة. هو كويس وممكن يخرج عادي."

عدى: "طب كويس. يلا نمشي."

عامر: "ماشي. يلا."

عند أحمد وأسماء. وصلوا البيت.

أسماء دخلت تكلم فادي. وأحمد راح لبابا وحكاله. واتفقوا يروحوا الأسبوع الجاي.

عند أسماء...

رواية منتقبة اثرت قلبي البارت السادس عشر 16 بقلم بائعة الورد اسماء السيدرواية منتقبة اثرت قلبي الفصل السادس عشر 16عدى: طب كويس يلا نمشي عامر: ماشي يلا عند احمد واسماء وصلو البيت اسماء دخلت تكلم فادى واحمد راح لبابا وحكالو واتفقو يروحو الاسبوع الجاىعند اسماء...