رواية منتقبة خطفت قلبي بعيونها الفصل السادس 6 - بقلم جاسمين محمد

بعد أسبوع. مصطفى: ياعم يلا بقا هتن*فخ لم أوصل. عمر: هههههههه أموت والله وأشوف اللي نف*خاك انت وأبويا دي ومعلمّاك الأدب. مصطفى: تعال وتعلمك الأدب معانا وربنا، هي دي اللي تنفع معاك فعلاً. عمر: هههههه مين دي اللي تعلم عمر أحمد المصري الأدب؟ دي محصلتش ولا هتحصل. مصطفى: ياسمين. عمر: وربنا متحصل، ده متخلّيش اللي يعمل كدا. مصطفى: هههه هنشوف بس، ييييلا. عمر: هههههه يلا ياخواف.

ياسمين: يالهووووي ياماما، انتي سبتيني نايمة ده كله ليه؟ آخرت على الشغل. أمل: صحيتك كذا مرة وانتي مش راضي تقومي، قولت أكيد معندكيش شغل النهاردة بدري. ياسمين: كيف ده بقا؟ أمل: طيب قومي جهزي نفسك عقبال ماجهزلك الفطار، وكدا كدا المدير مش بيعملك حاجة، دانتي اللي بتعملي. ياسمين: وقت هزار ده على الصبح، وعارفة ياماما بجد أستاذ أحمد بحس ساعات إنه فيه شبه من بابا وحنين زيو بالظبط وبيحبني وبيخاف عليّ جامد.

أمل: هم الناس الطيبة والحلوة لازم تلاقي اللي يحبها في الدنيا، وربنا يخلي لعياله ويطول في عمره ياروحي، يلا بقا. ياسمين: حاضر، روحي جهزي الفطار عقبال ما أصلي وألبس، لآني مصلتش الفجر النهاردة. أمل: تمام ياروحي، قومي. ياسمين قامت اتوضت وصلت ولبست وطلعت. ياسمين: إيه النضافة دي ياحاجة منه؟ منه: ده أقل حاجة عندي يابنتي. ياسمين: فعلاً أقل حاجة مش محتشم عندك. منه: ياسمين قولتلك مالكيش دعوة بـ لبسي قبل كدا صح.

ياسمين: صح، بس المفروض أعرف أختي الصح من الغلط، ولبسك ده غلط وحرام، وكمان شعرك ده. منه: يووووه بقا! مش قولتلك مالكيش دعوة بي ولا بأي حاجة تخصني، انتي إيه مش بتفهمي؟ ياسمين: توطي صوتك وانتي بتكلميني، انتي سامعة؟ منه: مش هوطي صوتي، ويا ريت بقا تتكلمي عادي، انتي مش عشان بتصرفي علينا يبقى تتحكمي فينا وتعرفيني ألبس إيه وملبسش إيه؟

انتي أصلاً متعرفيش توصلي للكلية اللي أنا فيه، نفسي أفهم هم شغلوكي معاهم في الشركة دي بمناسبة إيه أصلاً؟ انتي لوحدك مش مكملة تعليمك وفاشلة. ياسمين: أنا فاشلة؟

الله يسامحك، بس فترة وهتعرفي الفاشلة دي عملت إيه، على الأقل أنا لحد النهاردة الفاشلة دي محرمتكيش من حاجة ولا انتي ولا أختك، دايماً بطلع القمة اللي في بوقها وأدهالكم، وأي حاجة بتطلبوها بتكون موجودة في ثانية، على الأقل الفاشلة دي طلعت من المدرسة ومكملتش عشان تقدر تعيشك وتلبسك اللبس اللي انتي لبساه ده، وكل ده مش عاجبك وبقيتي تقولي عليّ إني أنا اللي بضيع فلوس أبويا الله يرحمه وإني مصرفه وفاشلة قدام زمايلك وبقيتي تتريقي عليّ، بس الزمن قريب هيثبتلك الفاشلة دي هتكون إيه وهتخليكي تحترميها ياختي.

وراحت باست على راس أمها ومشت. أمل: طيب افطري يابنتي قبل ما تنزلي، بس ياسمين طلعت ومتكلمتش. أمل ضربت منة بالكف على وشها. أمل: بقا كل اللي بتعملهولك ده وفاشلة؟ انتي إيه قلبك ده ليه حجر على أختك؟

مع إنها بتحبك وعمرها مرفضت ليكي طلب وبتعمل أي حاجة عشان تشوفيها فرحانة وعوضتك عن أبوكي، من ساعة ما أبوكي مات محسستكيش في يوم إنك عايزة حاجة وملقتيهاش. عشان بس أبوكي مات انتي عارفة اللي بتقولي عليها فاشلة دي اتحملت مسؤوليتنا كلنا من وهي في سن أصغر منك، اتحملت مسؤولية راجل بجد. عارفة في حاجة أنا وهي مخبينها عليكم؟

إحنا لينا أهل، والفلوس اللي هي بتصرفها دي من تعبها هي مش من ورث ولا أبوكي سايب لنا حاجة. جدك بعد ما أبوكي مات رماني أنا وانتو في الشارع عشان مش جايبة ولد وكلكم بنات، وهي اللي حاربت عشان توصلنا للعيشة اللي إحنا فيها دي، هي آه مش عيشة ملوك بس عمرنا ما عوزنا حاجة ملقناهاش ولا عمرنا جوعنا، حبي أختك وخليكي جمبها مش تكسريها وتيجي عليها أكتر ما الدنيا جاية عليها يا بنتي. وسابتها ودخلت الأوضة.

منة دخلت الأوضة وقعدت على السرير وفضلت تعيط وتفتكر أوقاتها هي وياسمين وهم بيهزروا وكل أوقاتهم الحلوة وتعيط زيادة. مصطفى: أنا هروح أرتاح شوية وآخد دش وبعدين أبقى أروح الشركة. يلا سلام. عمر: لا، أنا أروح الجامعة الأول عندي محاضرة أديها وأجي أبقى أرتاح. مصطفى: تمام، ربنا معاك. عمر: يارب ومعاك، سلام ياصاحبي. مصطفى: سلام ياصحبي. عمر راح الجامعة وقابل محمد الأول قبل ما يروح المحاضرة. محمد: عمر، حمد على السلامة.

عمر: الله يسلمك. محمد: بقولك، عرفت كل حاجة عن البنت اللي كنت قايل عليها. عمر: تمام، قول. محمد: هي ليها أخت هنا زي ما قولتلك، واسمها البنت اللي اسمها منة اللي في سنة تانية. عمر: آه، عرفتها، تمام، شكراً على تعبك معايا. محمد: عادي، ولا يهمك، يلا أسيبك، ورايا شغل. عمر: تمام. عمر راح المحاضرة وفضل يدور على منة ملقهاش بعد المحاضرة. عمر: إيه، ممكن دقيقة؟ إيه: اتفضل يا دكتور. عمر: منة فين النهاردة؟

إيه: هاا، منة آه، مجتش النهاردة، مش عارفة ليه. عمر: تمام، شكراً، سلام. إيه ويارا فضلوا يبصوا لبعض ومستغربين، هو بيسأل على منة ليه؟ ياسمين وصلت الشركة وكانت متنرفزة بسبب اللي حصل، وهي ماشية خبطت في سارة من غير ما تاخد بالها. سارة: مش تفتحي يا عمية انتي! ياسمين: معلش، مخدتش بالي. سارة: آه، مانتي هتاخدي بالك كيف وانتي لابسة الزفت ده وماشية زي البقرة. ياسمين: الـ زفت ده أنضف منك، وتلمي، ومحدش بقرة غيرك انتي سامعة؟

سارة: انتي كيف تتكلمي معايا كدا؟ و لسه كانت هتضربها بالكف على وشها بس ياسمين مسكت إيدها. ياسمين: إيدك دي لو اترفت تاني هقطع*هالك أنا، محدش رفع إيدو عليها قبل كدا، انتي سامعة؟ تتلمي نفسك بدل ما بجد أوريكي وش زبالة، انتي سامعة؟ سارة: انتي كيف تكلميني كدا ياحيوانة انتي؟ تعرفي إني ممكن أطردك من الشركة هنا؟ ياسمين: مش هتعرفي أبداً. أحمد جه على صوتهم عالي. أحمد: في إيه؟

سارة: يا أستاذ بتعلي وصرختي عليا وبهدلتني، وقالوا لي أطردها من هنا، تقولي مش هتعرفي؟ هتلي حقي بقا يا عمووو! أحمد: استني ياسارة، ياسمين عمرها ما بهدلت حد ولا تتكلم معاه بطريقة وحشة غير لو عملوا حاجة، انتي عملتي لها إيه؟ سارة: أعمل لها إيه يعني؟ انت مش هتتكلم معاها ولا هتجيب حق بنت أخوك؟ أحمد: استني الأول أسمع الموضوع كله.

ياسمين: أنا مش هتكلم، اللي موجودين هما اللي يحكوا الموضوع، حتى ميحكوش، عندك الكاميرات هنا ممكن تشوف كل اللي حصل يا أستاذ أحمد. أحمد: تمام، سارة على البيت، وانتي ياسمين على مكتبك. ياسمين: حاضر. ياسمين خلصت شغل وروحت البيت، وقعدت في الأوضة ومامتها دخلت عليها. أمل: عاملة إيه ياروحي؟ ياسمين: الحمد لله ياماما. أمل: مالك لسه زعلانة من كلام أختك؟

ياسمين: لا عادي، كدا كدا أنا عارفة إنها طايشة ومش باخدلها على كلام، بس حصل معايا فيها الشركة... أمل: يالهوووي! هي ليه تعمل كدا معاكي؟ ياسمين: معرفش والله، بس أستاذ أحمد ربنا يحفظه وقف جنبي. أمل: بجد أستاذ أحمد ده، ألف شكر ليه على وقفته معانا، معاكيش صورة ليه أشوفه؟ ياسمين: استني، أهي. أمل شافت الصورة وسكتتتت.... ياسمين: ماما مالك مصدومة ليه كدا؟ أمل: هاااا، لأ ما فيش حاجة، أنا أروح أرتاح شوية في الأوضة.