رواية منتقبة خطفت قلبي بعيونها الفصل الثالث عشر 13 - بقلم جاسمين محمد

ساره: أنا مستحيل أسكت على اللي حصل النهاردة، بقا الجربوعة دي تتجوز عمر. بوسي: اهدي بس، أنا مش هسكت لها. أحمد: البت دي مش هتكون لحد غيري، وأنا هاخدها منه وهندمها على اليوم اللي فكرت تقف قصادي فيه. ساره: لا سيبها لي، أنا اللي هندمها. بوسي: اهدوا انتوا الاتنين وفكروا في خطة نعملها ونخليه يطلقها بسرعة قبل ما يحصل حاجة بينهم. ساره: دي هتبقى على جثتها لو حصل حاجة. بوسي: اهدي طيب وفكروا. ساره وأحمد: حاضر. في صباح يوم جديد.

المنبه بيرن. أحمد قام فصله ولسه هينام تاني، شاف شكل ياسمين وهي نايمة، قبّل كرسيها. فصل سرحان في شكلها. أحمد: يخربيت جمال أمك، حتى وإنتي نايمة بتوهي الواحد. دانتي لو ساحرها مش هتسحريني كل مرة كدا. نايمة كان طفلة صغنن نايمة. وهو بيتكلم حس إنها بتتحرك وهتصحى. عمل نفسه نايم وفضل مراقبها. ياسمين قامت دخلت الحمام وتوضأت وطلعت عشان تصلي. صلت وقعدت قرأت قرآن وبتبص في الساعة لقتها 9.

ياسمين: يالهووووي الساعة 9 والاستاذ الكسلان لسه نايم. عمررررر. عمر: في إيه يامصيبة على الصبح. ياسمين: الساعة 9 ياكسلان، مش عندك شغل. عمر: وإنتي مالك؟ ياسمين: ماللي كيف ياأستاذ، ما هو لو اتأخرت أستاذ أحمد هيقولي انتي السبب، مصحتهوش ليه. عمر: متخافيش مش هيسألك، ويلا سيبيني أنام. ياسمين: قووم. عمر: حسبي الله، بت انتي طيري من قدامي، أنا على آخري. ياسمين: قوم بقا يلا. عمر: استغفر الله، أديني قمت وقعدت، عايزة إيه؟

ياسمين: قوم عشان تغير وتروح الشغل. عمر: مش ينفع أروح النهاردة. ياسمين: ليه مش ينفع؟ يلا ياكسلان. عمر: المفروض يكون النهاردة الصبحيتنا يامصيبة، فتلمي وسيبيني أنام بقا. ياسمين: صبحي مين؟ قوم يلا ياكسل. عمر: ياسمين طيري من وشي عشان خلاص على آخري. ياسمين: بس طيب. عمر: نعم. ياسمين: هنزل أقعد تحت. عمر: اترزعي مكان ما كنتي نايمة واسكتي. ياسمين: زهقانة. عمر: ياسمين أنا قلت إيه؟ يلا. ياسمين: أوووووف.

ياسمين راحت قعدت وكانت قعدتها زي الأطفال مبوزة. عمر: استغفر الله، قومي البسي خلينا نطلع أجيبلك لبس. ياسمين: بس أنا مش عايزة، عندي لبس كتير أجيبه من البيت بس. عمر: ياسمين انتي هتعيشي هنا ولبسك هيتغير شوية، وكمان هيبقى فيه حفلة بعد بكرة عشان جوازنا، فيلا وبطلي صداع. ياسمين: بس أنا هفضل لابسة النقاب ولبسي هيكون واسع عادي وحلو. عمر: مين قال هتخلعي النقاب؟ نقابك ده مستحيل يتخلع، يلا. ياسمين: اشطااا يلا.

ياسمين قامت لبست دريس ولبست النقاب ونزلت هي وعمر. وساره كانت تحت هي وأحمد أخوها وبوسي. بوسي: صباح الخير يا حبيبي. عمر: صباح الورد. ملك وهي نازلة من على السلم: صبحي مبارك يا عريسسسسس. ساره: اتعصبت هي وأحمد. عمر: عقبالك يا قلب العريس. ملك: يارب يارب، رايحين فين كدا؟ عمر: طالعين أنا وياسمين أجيب لها لبس عشان هيكون فيه احتفال بابا هيعمله بعد يومين.

ساره: فعلاً هاتها لبس عشان يناسب المكان اللي هي قاعدة فيه، مش لبس البيه اللي كانت عايشة فيه. أحمد قرب ناحيتهم وتخلع النقاب ده برضه ولسه هيمسك النقاب، عمر مسك إيده وضربه بالقلم على وشه. عمر: وحياة أمك يااض انت نسيت نفسك ولا إيه؟ انت كيف بتتجرا إنك تشيل نقاب مراتي؟ يااض انت وربنا لو قربتلها تاني يا أحمد هيكون جثتك بيغسلوها، انت سامع؟ وإنتي شاور عليك ساره دي أنضف منك وتلمي وإنتي بتتكلمي معاها، انتي سامعة انتي التانية؟

واللي مش عاجبه كدا الباب مفتوح، ممكن منشوفش وشكم، هي بتكون مراتي يعني تحترموها، سامعين؟ بوسي: اهدى بس يا عمر يابني، هما مش قصديهم حاجة. عمر: قصديهم ولا مش قصديهم، يلموا نفسهم. وسابهم ومشي. ياسمين: شكراً على وقفتك معايا. عمر: أنا بعمل كدا عشان بس الكام يوم اللي هتفضلي فيهم معايا، وبعدين انتي من طريق وأنا من طريق. ياسمين بزعل: تمام. ساره: بقا أنا يتكلم معايا كدا.

أحمد: وربنا على القلم اللي أدهولي ده لندم بنت الشوارع دي. ساره: بس تعال نفكر في فكرة ونعملها. أحمد: أنا فكرت خلاص. ساره: هتعمل إيه؟ أحمد: هتعرفي لما تحصل. سلام. ياسمين وعمر راحوا اشتروا اللبس وجوا البيت وكانوا مش بيتكلموا خالص وفضلوا يتجنبوا بعض لحد يوم الاحتفال. عمر: خلصي ياسمين، عايز أدخل أغير عشان أنزل. ياسمين: خلاص أهو يا عمر، طالعة. خلصت وفتحت الباب. هييييي خالصت. عمر: ....... ياسمين: عمر. عمر: انتي مين؟

ياسمين: مين؟ كيف؟ عمر فوق، أنا ياسمين. عمر: انتي هتنزلي كدا. ياسمين: ماله كدا؟ محلو أهو. عمر: عيونك اللي باينة قوي دي، مش المفروض أصلاً تخبي عيونك تحت النقاب. ياسمين: آه المفروض، بس أنا عيوني بتوجعني فببقى مبينها. عمر: اممممم طيب نزلي النقاب شوية عليهم، والفستان ده غيري والبس واحد غيرو. ياسمين: ليه؟ ده حلو. عمر: ما هو عشان حلو غيري. احم احم قصدي باين إنه ضيق شوية. ياسمين: لا ده واسع وعجبني.

عمر: اووووف براحتك، أوعي خليني أدخل ألبس. ودخل ولبس ونزلوا هما الاتنين. وملك خدت ياسمين على جنب. ملك: إيه القمر ده؟ دانتي طلعتي شبه الحوريات يابت. تعالي أعرفك صح على كل اللي هنا. ياسمين: يلا. عمر: واقف وكل الوقت عيونه عليها. وبص لقىها بتهزر مع محمد أخوها، فرح لهم. عمر: صوت ضحكك عالي. ياسمين: بصراحة محمد أخوك ده عسل، الحمد لله إنه جه النهاردة من السفر عشان نهزر ونتسلى أنا وهو كل يوم.

محمد: بس كدا من عيوني، أصلاً أنا فاضي يامرات أخوي. أموزة انتي. عمر: متتلم ياض، إيه موزة دي؟ لم لسانك. محمد: في إيه بس يا عمور؟ دي مرات أخوي وأكبر مني، يعني مينفعش تغير عليها مني. عمر: قلت تتلم انت سامع. محمد: بص فكك مني، هي قابلة هزاري معاها يبقا مالكش فيه، صح يا بسبوسة. ياسمين: صح يا قلب بسبوستك. عمر: بعصبية، إيه قلب بسبوستك ده؟ متتلمي انتي التانية. ياسمين بخوف لم شافت عيونه: خلاص بنهزر.

عمر: أشوف بس بيندموا على ليه وأجي أنفخكم انتو الاتنين، بس استنوا علي. محمد: مع السلامة والقلب دعيلك. عمر خالص ولاقي مصطفى وملك واقفين بيهزروا مع بعض. عمر: لا والله أجيب لكم اتنين لمون. مصطفى: خفة مش طالعة. عمر: واقفين ليه كدا وبتتكلموا في إيه؟ مصطفى: بطلب إيدها، فبتقولي قول لبابا وأخويا اللي زي الحمار. عمر: وحياة أمك مين اللي حمار ده. ملك: والله مقلت كدا، ده هو اللي بيقول. عمر: طيب مدام هو، ما فيش جواز مش موافقين.

مصطفى: هو أنا مش باخد رأيك؟ أنا موافق وهي موافقة، وفلع كدا طير انت بقا. عمر: لا والله. وهم بيتكلموا النور راح. عمر: إيه اللي حصل ده. وبيبصوا لقى جه تاني. محمد: عمر ياسمين راحت فين؟ كانت واقفة معايا والنور راح وجه، ملقتهاش. عمر: انت بتقول إيه؟