رواية منتقبة خطفت قلبي بعيونها الفصل الثاني عشر 12 - بقلم جاسمين محمد

ياسمين: حاضر بقولك اقفل اروح اشوف ماما. ملك: تمام روحي. ملك: كدا انت سمعت اللي حصل شوف بقا هتعمل إي. شخص: سيبي كل حاجه عليا. يلا سلام. ملك: تمام ربنا يسترها. سلام. ياسمين بعد ما جهزت نفسها في البيت، أحمد طلب منها لازم تروح عند الكوافير، فراحت. وملك راحتلها هناك. ياسمين: ملك حبيبتي. ملك: متخافيش أنا معاكي ومش هسمحله يعملك حاجة. ياسمين: لأ والنبي انسي إني قولتلك أصلاً واسكتي خالص. ملك: أنسى كيف؟ أنتي هبلة.

ياسمين: أخواتي ياملك وأمي. ملك: متخافيش عليهم. المهم خالصتي تجهيز؟ ياسمين: آه خالصت. ملك: طيب يلا نروح. ياسمين: يلا. ياسمين وملك ركبوا العربية، فالعربية كانت ماشية في طريق غير الطريق. ياسمين: إنت رايح فين يا عمو السواق ده مش الطريق. ملك: ممكن يكون طريق مختصر. ياسمين: لأ مش طريق خالص للمكان اللي رايحينه. سائق: فعلاً مش طريق ليه خالص. ياسمين: مين؟ عمر: آه. ياسمين: إنت السواق ليه ورايح فين؟

عمر: رايح اتجوزك ووصلنا يلا انزلي. ياسمين: مش هنزل يلا وديني عند أحمد عشان هو هيكون جوزي. عمر: قولت انزلي وبطلي وش، وأنا اللي هكون جوزك. ياسمين: لأ مستحيل يلا وديني عند أحمد وإخواتي. عمر نزلها من العربية وشالها ودخل بيها فيلا كان فيها مأذون وشهود، ودخل بيها ونزلها. عمر: اكتب يا عم المأذون. ياسمين: يكتب إيه؟ أنا مش هتجوزك. عمر: هتتجوزيني وغصب عنك، وأصلاً هيكون جواز على ورق بس، ولما أحمد يفك منك بعدين أبقى أطلقك.

ياسمين: حتى لو على ورق مش هينفع اتجوزك. عمر: خايفة أحسن أحمد ما يعمل حاجة لحد من أهلك؟ متخافيش أنا مستحيل أخليه يجي جمب حد منهم. يلا امضي. ياسمين: أوعدني الأول. عمر: اوف وعد، يلا بقا مش فاضي. ياسمين: حاضر. المأذون: ألف مبروك بقيتوا زوج وزوجة. ملك: الله يبارك فيك. ألف مبروك يا عمور يا أخويا. وراحت عند ياسمين وحضنتها. ألف مبروك يا قلبي. ياسمين: مبروك على إيه؟ ده جواز على ورق وفترة وهنتطلق. ملك (بصوت واطي)

: بشطارتك ممكن تخلي حقيقي. ياسمين: مش عايزة. عمر: يلا عشان نروح نعرفهم بجوازنا. ياسمين: إنت مش هتخلي يقرب من أخواتي وأمي صح؟ عمر: خلاص قولنا آه ووعدتك. ياسمين: طيب يلا. أحمد والكل قاعدين مستنيين ياسمين. أحمد: لأ دي اتأخرت خالص، أنا هروح أشوف فيه إيه. أمل: إن شاء الله خير يابني، الغايب حجته معاه. استهد بالله إنت بس واهدا. ولسه بيتكلموا، لقوا ياسمين وعمر وملك داخلين. أحمد راح عند ياسمين ولسه هيزعق.

أحمد: كنتي فين ده كله؟ عمر: كانت مع جوزها، وإنت مالك كانت فين؟ أحمد: جوز مين؟ عمر: جوزها هي، إنت مش بتسمع؟ أحمد: إنت اتجننت ولا إيه؟ دي هتكون مراتي أنا. عمر: مراتك كيف وهي مراتي أنا. أحمد جه يمسك ياسمين من دراعها. عمر: اقف إيدك مكانك، لو ما لمستها هتكون آخر يوم في عمرك يا أحمد. أحمد: متتكلم يا عمي. أحمد: عمر إنت بتقول إيه؟ عمر: بقول إنها مراتي، إيه مش بتسمعوا؟ أحمد: بس من إمتى ده وكيف؟

عمر: من شوية، وكيف عند المأذون. إيه الأسئلة دي؟ يلا أنا هطلع أنا ومراتي نرتاح. أحمد بص لياسمين بغضب، فهي خافت ووقفت ورا عمر. أحمد: لو بصتلها كدا تاني هقلع عينيك إنت سامع، وحاجة تانية، لو جيت جمب حد من أهلها هيكون قصاده حد من أهلك. اشطا يا ابن عمي، سلام. أمل قربت على ياسمين وحضنتها. ألف ألف مبروك يا حبيبتي، مالك زعلانة ليه كدا؟ حلمك اتحقق. ياسمين: مش فاهمة.

أمل: فترة وهفهمك كل حاجة، لو معرفتيش تفهمي عشان خلاص كدا كفاية. ياسمين: متفهمنيش دلوقتي. أمل: خلاص هانت، شوية وهفهمك. المهم خلي بالك من نفسك. ياسمين (بعياط) : حاضر، وإنتي كمان خلي بالك من نفسك وخلي بالك من أخواتي، ولو حصل حاجة رني على طول. أمل: أهدي كدا، هو إحنا مسافرين بعيد عنك؟ ده إحنا يعتبر في نفس المنطقة. عمر: ويكون في نفس البيت كمان. أمل: كيف؟ مش فاهمة يا ابني. عمر: إنتو هتقعدوا هنا معانا، إنتي ومنه ولبنى.

أمل: بس مش هينفع. عمر: مبتقولش، إنتو هتقعدوا هنا وخلصنا. يلا أنا هطلع أرتاح وانتصار وريهم الأوض بتاعتهم. انتصار: حاضر يا ابني. عمر: بصي بقا، أنا أوضتي دي محدش بيدخلها خالص، وإنتي دخلتيها عشان بس الظروف، بس هي هتفضل بنفس الطريقة دي مش هيتغير منها حاجة، وإنتي مش هتيجي عند حاجة مالكيش دعوة بيها. إنتي عليكي تنامي هنا وأنا هنام على السرير، والحمام ابقي استخدميها عادي، ماشي؟

ياسمين: ماشي. طيب أنا عايزة لبس عشان أغير، ولا هنام بالفستان؟ عمر: في لبس ليكي هنا أهو، غيري ولبسي براحتك في الحمام. ياسمين: طيب شكراً. عمر سابها وراح يغير اللبس عشان ينام. ياسمين دخلت تغير، لقت كل اللبس قمصان نوم وبتكشف الجسم. ياسمين: يالهوي السافل إيه اللي هو جايبه ده؟ ندمت عليه وهي واقفة. ياسمين: عممممررر. عمر: فيه إيه وبطلي زعق؟ ياسمين: إنت اللي جايب اللبس اللي جوه ده؟ عمر: لأ ملك اللي جايبه.

ياسمين: طيب عايز غيره. عمر: ليه؟ ياسمين: إنت بتهزر؟ ده كله قمصان نوم. عمر: حسبي الله ونعم الوكيل فيكي يا ملك. طيب أعمل إيه أنا دلوقتي؟ ياسمين: معرفش عايز حاجة ألبسه. عمر: طيب استنى. وراح فتح الدولاب بتاعه وجاب منه بيجامة بتاعته. خدي البسي دي لحد الصبح، وبكرة أبقى روحي هاتي لبس إنتي والمصيبة. ياسمين: طيب. ياسمين لبست البيجامة وكانت كبيرة أوي عليها، وكان منظرها يضحك. وطلعت. أول ما عمر شافها فضل يضحك عليها.

ياسمين: أول ما شفته بيضحك سرحت في ضحكته. إنت ضحكتك حلوة أوي. عمر: احم احم، شكلك عاملة زي الهبلة. ياسمين: فاقت من السرحان. لأ والله، ليه ما يكونش إنت اللي كبير أوي؟ عمر: فين ده؟ ده أنا صغنن. ياسمين: لما إنت صغنن أبقى أنا إيه؟ عمر: ننة. ياسمين: عمر مدايقنيش. عمر: حاضر، يلا ننام. ياسمين: يلا، تصبح على خير. عمر: وإنتي من أهل الخير. سارة: أنا مستحيل أسكت على اللي حصل النهارده، بقا الجربوعة دي تتجوز عمر.

بوسي: اهدي بس، أنا مش هسكتلها. أحمد: البت دي مش هتكون لحد غيري، وأنا هخدها منه وهندمها على اليوم اللي فكرت تقف قصادي فيه. سارة: لأ سيبها لي أنا اللي هندمها. بوسي: اهدوا إنتوا الاتنين وفكروا في خطة نعملها ونخليه يطلقها بسرعة قبل ما يحصل حاجة بينهم. سارة: دي هتبقى على جثتها لو حصل حاجة. بوسي: اهدي طيب وفكروا. سارة وأحمد: حاضر.