رواية مرآة تعكس واقع الفصل الخامس 5 - بقلم وئام محمد

نور بفقدان سيطرة على مشاعرها: هنموت ابعد ايدك هنموت. تركت المقود لتنقلب السيارة بهم. نور: صحي من الغيبوبة ولا لسه؟ أحمد بفقدان أمل: عدى شهرين ولسه مصحاش، لازم يخرج من الغيبوبة عشان ميأثرش على صحته. نور: أكيد هيبقى كويس، أنا واثقة. أحمد بشك: إزاي هو اتصاب وإنتي لأ؟ نور بتوتر: أنا نزلت من العربية قبل ما تنقلب. أحمد بعدم تصديق: امممم. نور: طيب عن إذنك يا أونكل.

مرت بجانبهم الممرضة لتنظر لها نور نظرة تعلم معناها جيداً، ومن ثم خرجت من الغرفة نهائياً. أحمد: تعالي هنا يا ريم. الممرضة: نعم يا باشا. أحمد: نور ليه كانت بتبصلك كده؟ ريم: هاا، لأ مفيش حاجة عادية. أحمد بعدم اقتناع: طيب يا ريم. خرج أحمد من الغرفة. عز الدين: إيه يا عمي، حالته اتحسنت؟ أحمد: لسه زي ما هو. عز الدين: لازم حد يدير شركات في غيابه يا عمي. أحمد: أيوه فعلاً، أنا من بكرة همسك الشغل بدل يونس.

عز الدين: لأ وتتعب نفسك ليه يا عمي، وأنا موجود، أنا همسك الشغل لحد ما يونس يفوق ويبقى بخير كمان. أحمد: هتعبك معايا يا ابني. عز الدين: متقلقش، من بكرة إن شاء الله هستلم الشغل في الشركة. أحمد: طيب يا ابني، وأنا هخلي سليم يشرحلك كل حاجة. جاء الليل ليدخل أحدهم بزي ممرض للغرفة التي بها يونس ويحقنه. الممرض: إنت بخير؟ يونس: أنا كويس، إنت جهزت كل حاجة؟ الممرض: أيوه. أخذ الرجل كرسي متحرك وساعد يونس على الجلوس به.

يونس: متأكد إن محدش هيشوفنا؟ الممرض: الساعة خمسة يعني مابين دوريات الممرضين، محدش موجود دلوقتي في الطابق ده. يونس: الشركات مين بيديرها يا سليم؟ سليم: نور بس، أنا أقنعت عز ياخد مكانها، نور دلوقتي مش أمان علينا. أخذ سليم يونس لممر سري في المستشفى ليخرجه منها واتصل بأحد الممرضين. سليم: دخلت الراجل؟ الممرض: دخلته وهو دلوقتي مكانه أستاذ يونس. سليم: طيب اتأكد إن محدش هيشوف وشه. الممرض: متقلقش، محدش هيشوفه.

قفل سليم السكة ونظر ليونس. سليم: كده إنت قدامهم ميت. يونس: متأكدين إن الشخص اللي جه مكاني ميت؟ سليم: أيوه، أنا عطيت مبلغ لأهل المتوفي وعملت كل حاجة اتفقنا عليها، متقلقش. وصل لأحد السيارات وركب هو ويونس. بعد شهر. دخلت نور الشركة وبالتحديد مكتب يونس لترى عز الدين. نور: إنت بتعمل إيه في مكتبي؟ عز الدين: مكتبك!! دخل أحمد قاطع الحديث. أحمد: إيه اللي هنا؟ نظر لنور: بتعملي إيه هنا يا نور؟

نور بغضب: المفروض لو إنت متعرفش، الشركة دي بقت شركتي والمفروض ده مكاني. أحمد بحزن: يعني إيه داعي الكلام ده دلوقتي يا نور، وإيه فيها لو عز يدير الشركة مكانك، إنتي متعرفيش حاجة عن إدارة الأعمال ولا درستيها. دخل سليم المكتب. سليم: لأ عز ولا نور ليهم الحق في الأملاك دي. أحمد: هو إيه اللي بقى، عايز إيه إنت كمان يا سليم؟ سليم: إن يونس كتب كل حاجة باسمي قبل موته بست شهور. وقف عز: إنت بتقول إيه يا سليم؟

سليم وهو يناول أحمد الورق: وده الورق توقيع يونس عليه، وممكن أجيب المحامي كمان. نظر أحمد لنور. أحمد: إنتي ساكتة ليه؟ نور بتوتر: مفيش. وتركتهم ليخرج من بعدها أحمد ليتأكد من صحة قول سليم. رن هاتف سليم. سليم: الو يا يونس. يونس: عملت إيه؟ سليم: زي ما اتفقنا، بس محدش خد كلامي على محمل الجد. يونس: طيب تعالى دلوقتي. سليم: تمام. اتجاه سليم للسيارة ليركبها ولكنه تفاجأ بوجود نور بالمقعد الثاني. سليم: إنتي بتعملي إيه هنا؟

نور: مبتردش ليه على اتصالاتي، نسيت اللي اتفقنا عليه؟