رواية مرآة تعكس واقع الفصل الثالث 3 - بقلم وئام محمد

نور بهدوء: في حاجة؟ يونس بصدمة: انتي هنا؟ نظر كمال بغضب ليونس ليأمر الممرضات بالذهاب. كمال بتوعد: مستنيك في المكتب. وذهب المدير ليترك يونس وحده أثر الصدمة لينظر لنور. يونس بغضب: ممكن أعرف إيه اللي رجعك؟ مش كنتي هربتي؟ نور: أفهم من كده إنك عايزني أهرب؟ يونس بأستغراب: انتي إزاي مريضة وإنتي بتتكلمي أحسن مني كمان. نور بسخرية: ما شاء الله، باين عليك فاهم في الطب وعارف إيه هي حالتي. كويس.

نظر لها يونس بغضب وذهب، هي تقلل من قيمته كطبيب. في مكتب المدير. كمال بستهزاء: إيه يا يونس، بدأت تهلوس؟ يونس: أنا متأكد من كلامي، وأكبر دليل على صدقي إنك اتصلت بأبويا وقلت إن هربت المريضة. كمال بزعيق: يووونس، أنا في الأول صدقتك، لكن مش هسمحلك تتخطى حدودك وكفاية اتهامات. أنا لا كلمت والدك ولا ضربتك. يونس: أنا... كمال بمقاطعة: خلص الكلام، ويا ريت مسمعش الخرافات دي تاني، واعتبر إن دي آخر فرصة ليك.

ترك يونس المكتب بغضب ليذهب لغرفة نور. يونس: انتي مش مريضة صح؟ يونس: نور، انتي مش بتردي ليه؟ قرب بقلق، كانت تنظر للسقف وصامتة. ومن ثم وجد الدماء تنزل من أنفها. يونس بصوت مرتفع: نووررر! نوررر! خرج ينادي الممرضات. في مكتب المدير. كمال: أنا مش هقدر أكذب. أقدر من كده. من شوية كان هيكشفني. والد يونس: مينفعش بعد كل ده تتراجع. استنى شوية، أنا متأكد إن خطة نور هتنفع. كمال: يونس لو عرف اللعبة اللي بنعملها دي حالته هتدهور أكتر.

والد يونس: هحاول أخلي الأجواء طبيعية، متقلقش. وخرج والد يونس من الغرفة في نفس الوقت الذي كان يونس يمر من الممر. يونس بأستغراب: بابا!؟ انت بتعمل إيه هنا؟ أحمد بتوتر: ي يونس. خرج كمال من المكتب لينظر لهم. كمال بتدخل: يونس بتعمل إيه هنا؟ مش قولتلك تخلي بالك من الحالة. يونس: بابا بيعمل إيه عندك؟ كمال: أنا استدعيته عشان أعرفه اللي بتعمله في أول يوم ليك. يونس بغضب: أنا اشتغلت هنا بشرط إن أبويا ملوش دخل بيا.

أحمد بغضب: ولد اتلم. كمال: مينفعش اللي بيحصل ده. ونظر ليونس: روح يا يونس، باقي اليوم إجازة. يونس: أظن إني مطلبتش إجازة. أحمد: يلا يا يونس من غير كلام. جاء ليعارض يونس ولكن أحدهم خدره من الخلف. كمال: بتعملي إيه يا نور؟ نور: يونس لازم يتحجز. أحمد: انتي عايزة ابني يتحجز في مصحة نفسية؟ اكيد اتجننتِ. نور: أنا خلاص هبدأ من بكرة العلاج الطبيعي مع يونس. أحمد بغضب: بصفتك إيه بتكلميني بالطريقة دي؟

يونس ابني وأنا عارف مصلحته أكتر من أي حد. نور بغضب: بصفتي دكتورة يونس ومراته...