رواية مرادي الفصل التاسع والعشرون 29 - بقلم شهد

مراد بتسرع: أنا قررت. أدهم: قررت إيه يا بني؟ مراد: أنا قررت أقول لحور كل حاجة، أنا مش هستنى تاني خلاص، أنا تعبت. أدهم بتفاجؤ وهزار: بجد؟ مراد: أيوا، هو دا مراد اللي أعرفه، مش اللي كان معانا الفترة اللي فاتت. أنا قولت مراد اللي أعرفه اختفى، مش هيرجع تاني. مراد بضحك: اديني رجعت يعم. أنا عارف إني غلطان، بس كان غصب عني. أدهم: المهم إنك تصلح كل حاجة، وإن شاء الله حور تتفهم.

مراد بهدوء غريب: بس حور مش هتسامحني حتى لو حكيتلها. أدهم: إزاي يعني؟ مراد: وحكاله اللي حصل. أدهم: طبيعي يا مراد تكون دي رد فعلها، أي واحدة مكانها هتكون دي رد فعلها. سبلها فرصتها، بس خليك معاها وجنبها، فاهم؟ مراد: وأنا هعمل كدا، حتى لو إن شاء الله استنى سنين. أدهم: بتحبها يا مراد؟

مراد بحب: تعرف، أنا لحد امبارح لو كنت سألتني كنت هقولك مش عارف، بس أنا دلوقتي بقولك أنا عمري ما حبيت حد قد حور، ولا هحب أصلاً. حور دي مش بنت عادية، لا، حور دي أحلى حاجة في حياتي كلها. هي بس عاوزة تتربى من أول وجديد، وهيكون على إيدي إن شاء الله. بس بجد عمري ما هلاقي زيها أبداً في حنيتها، ولا في خوفها عليا، وغيرتها. كل حاجة فيها تهبل أصلاً. ببقى ساعات حاسس إني أناني في حبي ليها، إني مش عايزها لأي حد غيري. تتكلم معاه أو تنزل معاه، ببقى عايز أخبيها عن عيون الناس، أنا بس اللي أشوفها.

أدهم بفرحة: ياااااااا، يا مراد، كل دا في قلبك وساكت؟ مراد بحب وهزار: وأكتر يا صاحبي. بس ابقى أقولها هي، ملكش دعوة أنت. أدهم: افتكر، ربنا يسهلك الحال يا عم. خير إن شاء الله. أه صح، يا مراد، هتعمل إيه في حوار الخطوبة؟ مراد: أدهم: خير إن شاء الله، ربنا يستر ويعدي الأيام دي على خير. مراد: يارب، خير إن شاء الله. يلا، عاوز حاجة؟ أدهم: تسلم يا صاحبي. سلام. مراد: سلام. ✨عند ملك وسيف✨

طلعت ملك من الكلية وبتبص يمين وشمال تشوف سيف فين. لقت سيف بينادي عليها. بتبص. سيف: ملك! أنا هنا، تعالي. ملك: وراحتله. سيف وكان ساند ضهره على باب العربية: ها، احكيلي عملتي إيه؟ ملك وتقرب تقف قدامه بمسافة: في إيه؟ سيف ويخبطها على دماغها بشويش: في الكلية، يعني هيكون في إيه؟ ملك: عادي، كان يوم لذيذ. سيف بغمزة: والله ما في ألذ منك يا عسل أنت. ملك بكسوف: طب اسكت يا أما همشي. سيف: لا خلاص يسطا، هحاول أسكت، موعدكيش. ملك: ها؟

وسرحت فيه وفي سرها: حرام عليك قلبي الصغير لا يتحمل كل هذا. ملك وتفوق على صوت سيف: عارف إني حلو، بس مش للدرجادي يعني. وبعدين لما نتجوز أبقى اسرحي فيا براحتك يا لوكتي. ملك بكسوف وتنزل وشها في الأرض: إيه الغرور دا؟ وبعدين أنا مسرحتش فيك، ومين قالك إني هتجوزك أصلاً؟ سيف بضحك: مسرحتيش خالص، بس يابت يا كدابة أنتِ. وبعدين مطلبتش رأيك، سواء توافقي تتجوزيني ولا لا، أنا بقولك مش أكتر. ملك برفعة حاجب وضحكة سخرية: طب، لما نشوف.

سيف بغمزة: لما نشوف يا قطة. يلا، اركبي. ملك وتركب وهو يركب. ملك: هنروح فين؟ سيف بهدوء: أولاً، هنروح ناكل حاجة، وبعدها نقعد نتكلم شوية، تمام؟ ملك تهز رأسها وتبص من الشباك بابتسامة وتسكت. ✨عند مراد✨ مراد وكلم ليلي. مراد: أنا عاوز أشوفك دلوقتي. ليلي: في إيه؟ مراد: لما أشوفك. ليلي: طب فين؟ مراد: عند كافيه****. ليلي: تمام، جايه. مراد: باي. ✨عند حور✨

حور وكانت لسا في الكلية وبتقوم علشان تروح. لقت مراد طالع شبه بيجري على برا البوابة. حور بقلق وقررت تسأله. طلعت وراه: مرااااااد! مراد وبص وراه: نعم يا حور؟ حور بقلق: هو في حاجة؟ مراد بعدم فهم: حاجة زي إيه؟ حور: أصلك شبه بتجري وطالع بسرعة. مراد بتفهم وحب يتأكد حور لسا بتغير عليه ولا لأ: أهااا، لا أبداً، أصل ليلي اتصلت بيا وكانت عاوزاني ضروري، فاعلشان كدا مستعجل. حور بغيظ: اممم، علشان ليلي؟

طب على مهلك، ليلي مش هتطير يعني. مراد بخبث: معلش بقا، خطيبتي وكدا. حور بعصبية وغيره: طب روح ياالا، قبل ما ليلي تتسخط قرد. روح الحقها بسرعة. مراد بضحك: بس يحور، أنا غلطان إني حبيت أتأكد من حاجة. أصل أنا عارفك. حور بفضول: تتاكد من إيه؟ مراد بضحك: ولا حاجة. يلا، تعالي أوصلك قبل ما أروح. حور بغيظ: لا شكراً، أنا ماشية لوحدي. وسبته ومشت. حور بعصبية تمشي وتدب في الأرض: بغلللللللل! حلوف! ✨عند مراد وليلي✨

وصل مراد ولقا ليلي هناك قاعدة مستنياه. مراد: إزيك يا ليلي؟ ليلي: تمام، وأنت؟ مراد: مش تمام. ليلي: ليه؟ مراد: بصي بقا يا ليلي!!!!!!!!!!!!!!!!!!!!!!!!!!!!!!!!!