رواية مرارة الايام الفصل السادس 6 - بقلم نور عصام

ايهاب. قالها لا يا عطر، أنا ما حطيتهاش قدام الأمر والواقع زي ما قولتي. أنا حبيت نكتب الكتاب عشان هنعيش مع بعض، ومش عاوزاكي تخافي ولا تكوني محرجة من حد. عاوز عينك تكون قوية قدام الكل، حتى قدام نفسك. أما ماما، أنا هتكلم معاها تاني ومش عاوزك تقلقي. عطر. طيب، انت حكيتلها عني كل شيء؟ ايهاب. أيوه، وزي ما قولتلك، متقلقيش. ماما لسه مش عرفاكي، بس هتعرفك كويس. صدقيني هتحبك. وقرب عليها وقال: زي ما ابنها حبك وبيموت فيكي.

عطر. وشها احمر. ايهاب. قرب منها وبصلها بحب. عطر. بتبعد عنها. ايهاب. ضمها ليه، وف لحظة التهم شفتيها بشفتيه. وبعد لحظات بعد عنها لحتى، لقطوا أنفاسهم. عطر. اتكسفت ووشها ف الأرض. ايهاب. رفع وشها ليه، وبكل حب قالها: انتي مراتي، أوتتكسفي؟ عطر. أخدت نفس، وبعدين قالت: ايهاب، عاوزاك تسامحني لو كنت خبيت عنك حاجة. ايهاب. طيب، مش آن الآوان تقوليلي اللي مخبياه عني؟ عطر. بعدين.

ايهاب. حبيبتي، احنا اتجوزنا، واعتقد من حقي أعرف السبب. عطر. ايهاب، قولتلك بعدين. ممكن تسيبني دلوقتي؟ ايهاب. ماشي يا عطر، بس أكيد حقي إني أعرف. ونزل. عطر. ياربي، أعمل إيه بس. ايهاب. نزل عند أمه وقالها: ليه كدا يا ماما؟ خيرية. بقا تسيب بنت خالتك وتتجوز ديا؟ ايهاب. مالها دي؟ حلوة ومؤدبة وبنت ناس كويسة. خيرية. ومطلقة، ولا نسيت؟ ايهاب. لا يا ماما ما نسيتش، بس كمان مش عيب فيها. خيرية. يعني إيه بقا؟ جوازك من مطلقة حلو؟

ايهاب. يا ماما، دا نصيب. إيه المشكلة؟ وبعدين كفاية إني بحبها وعاوزها هي شريكة حياتي. خيرية. مطلقة يا ايهاب؟ ليه؟ من قلة البنات؟ وبعدين فين أهلها الكويسين اللي سابوها تيجي تعيش معاك كدا من غير جواز؟ ايهاب. ماما، أنا كتبت عليها. خيرية. يعني اتجوزتها من ورايا؟ انت فاكر بكدا هتخليني أوافق؟ لا يا دكتور، أنا مش موافقة ولا هوافق. ايهاب.

مسك إيدها وقالها: ماما حبيبتي، اهدي واسمعيني. أنا مقدرش على زعلك، وأنتي عرفة كدا كويس. بس بحبها، أعمل إيه؟ مش بإيدي. وبالنسبة لوجودها هنا، فدا عشان اتجوزنا. أما أهلها، مكنوش موافقين على جوازنا أصلا. خيرية. بصتله وقالت: ليه إن شاء الله؟ هما يطولوا؟ ايهاب. كانوا رافضين، بس مقولوش السبب. وف نفسه قال: لازم أمي تفهم إنهم هما اللي ما كانوا موافقين عشان تقتنع شوية وتسكت. وبعدين قالها: ماما حبيبتي، وافقي عشان خاطري.

خيرية. اممم. ولما أهلها ما وافقوا، هي طبعًا ما صدقت. ضحكت عليك وخلتك تتجوزها. ايهاب. أبدًا والله يا ماما. دي اتفاجئت واحنا عند المأذون. خيرية. مش مقتنعة. ايهاب. بقا كدا يا ماما؟ يعني أنا بكذب عليكي؟ خيرية. لا، حبيت، والحب هيخليك تعمل كتير. ايهاب. والله، بس تعرفيها هتحبيها. هي فعلًا بنت حلال وطيبة. خيرية. ويا ترى هتعمل فرح؟ ولا دي كمان هتحرمني منها؟ ايهاب.

بفرحة: أكيد هعمل عشان نفرحك يا أحلى ماما. بس بعد الامتحانات، عشان عطر امتحانها بعد كام يوم، وكمان أنا أكون خلصت امتحاناتي ف الجامعة وخدت إجازة. خيرية. بصتله ورفعت حاجبها. ايهاب. فهمها وقالها: عطر هتقعد ف الأوضة اللي جنبي. خيرية. أما أشوف آخرتها معاك يا ايهاب. وتاني يوم. عطر. نزلت لقت أم ايهاب قاعدة بالصالون، راحت عليها وقالت: صباح الخير يا طنط. خيرية. مردتش عليها. عطر. راحت عليها وقعدت جنبها وقالت: ليه مش متقبلاني؟

خيرية. بغضب قالت: أقبلك إزاي وانتي مطلقة؟ وابني أول مرة يتجوز. إيه من قلة البنات يعني؟ عطر. يعني لو كان سبق له الجواز قبل كدا كنتي هتوافقي؟ خيرية. بصتلها وما اتكلمت. عطر. شوفتي العيب مش إنّي أكون مطلقة. لا، للأسف نظرة كل أم إن ابنها يتجوز بنت. حتى لو كان متجوز قبلها. وسبحان الله، ترضي إن بنتها المطلقة تتجوز من عازب أو لا، المهم إنها تتجوز وتعيش حياتها وتعوض اللي خسرته. وبعدين قامت ونزلت وقعدت عند

رجلها ومسكت إيدها وقالت: المطلقة مش معيوبة، ولا هي دايما اللي غلطانة. بالعكس، أحيانًا تكون مظلومة، وأحيانًا تكون مجبورة على عيشتها لحد ما فاض بيها. ماما حبيبتي، ياريت نحتوي المطلقة ونحاول نعوضها، لأنها إنسانة ومن حقها تعيش حياتها. مش عشان فشلت مرة خلاص نحكم عليها بالفشل طول عمرها ونحرمها من أبسط حقوقها. وبقول لحضرتك في النهاية، كلو نصيب، وربنا اللي بيبعت، مش إحنا. خيرية. بتحاولي تقنعيني بس.

عطر. ماما حبيبتي، متجيش عليا من غير ما تعرفي ظروفي. أنا والله مظلومة وذقت مرارة الأيام، وما حبيت أقول لحد، واحترمت طليقي ووقفت جنبه. بس للأسف ظلمني والدنيا جت عليا، حتى أهلي. وأرجوكي، متجيش انتي كمان عليا. ودموعها نزلت. وبعدين قالت لها: لو حضرتك مش موافقة عليا، متتهنينيش. قوليلي وأنا أخرج من حياتكم، وصدقيني، أنا هعملك اللي عاوزاه، لكن اوعي تجرحيني. خيرية. بس ايهاب بيحبك.

عطر. متقلقيش، أنا هخليه يطلقني، وهخرج من حياته نهائي. خيرية. لسه هتتكلم. ايهاب. دخل بعد ما سمع كل كلامهم. عطر. مسحت دموعها والتفتت بعيد عنه وقالت: نسيت موبايلي فوق، هطلع أجيبه. ومشيت بسرعة. ايهاب. بص لأمه وقالها: إيه رأيك يا ماما بعد ما سمعتيها؟ خيرية. انت سمعتنا؟ ايهاب. أيوه، كنت نازل وغصب عني سمعت. وعاوز أعرف رأيك إيه، عشان عليه هحدد اللي جاي. خيرية. يعني إيه؟ وشافت عطر نازلة من السلم،

قالت: بعدين نتكلم، بس ترجع من الجامعة. ايهاب. شاف عطر قالها: مش هتيجي الجامعة؟ عطر. بكرة عندي امتحان، وأنا جبت الجدول من عالموقع. ايهاب. تمام. وخرج. خيرية. أنا هروح مشوار. عطر. تحبي أجى معاكي؟ خيرية. معقول، حابة تيجي معايا بعد اللي سمعتيه مني؟ عطر. وفيها إيه يعني؟ أنا مستعدة أجي معاكي أي مكان، وبردو أنفذ اللي عاوزاه. متقلقيش. خيرية. طيب، أنا رايحة عند الدكتور، عندي ميعاد. عطر. السلامة على حضرتك، لو مش يضايقك. خيرية.

قاطعتها وقالت: ومالو، تعالي. وبصتلها من فوق لتحت. عطر. إيه، لبسي مش عاجبك؟ خيرية. لا، بالعكس، شيك جدا. عطر. الحمد لله إنّه فيا حاجة عجبتك. خيرية. امشي وانتي ساكتة. وبعد بعض الوقت راحوا للدكتور، وأصر على عملية قلب مفتوح لخيرية، وقالها إنها بتأخيرها دا غلط عليها. عطر. زعلت على حالتها، وقالت للدكتور إنها في أقرب وقت هتعملها، إن شاء الله من بكرة. الدكتور. ياريت. عطر. إن شاء الله، هنكلم حضرتك بكرة ونحدد ميعاد. وخرجوا.

الدكتور. بصلها وقال: آنسة، ممكن بس كلمة. خيرية. بغيظ منه قالت: مدام، دي مدام عطر، مرات ابني. الدكتور. احرج وقال: مرات الدكتور إيهاب؟ خيرية. أيوه. الدكتور. أسف، كنت فاكرها بنت حضرتك. عطر. حصل خير يا دكتور. ومشيو. خيرية. بزهق قالت: تاني مرة متتكلميش مع حد. عطر. هو أنا اتكلمت؟ أنا بس قولتله. خيرية. من غير بس، اسمعي الكلام. عطر. ببتسامة قالت: حاضر يا خوخة. خيرية. إيه خوخة دي يا بت. عطر. بمرح قالت: خوخة وريحتها معطرة مني.

خيرية. بصتلها. عطر. طبعًا مش أنا، عطر وريحتها حلوة ومعطرة الكل. خيرية. ابتسمت، وبعدين قالت لها: يلا عالبيت، لإنّي تعبانة. عطر. بخوف عليها، مسكتها من إيدها بحب وقالت: سلامتك. وبعد بعض الوقت وصلوا البيت. عطر. نزلت وأخدتها من إيدها ودخلوا أوضتها، وقالت: ماما، ارتاحي، وأنا هعملك أكل وأجيبلك الدوا. وفعلا حصل. خيرية. شكرا على تعبك معايا. عطر. أوعي تشكريني، أنا بنتك.

وبصتلها وقالت: سواء تم جوازي من إيهاب أو لا، أنا بعتبرك زي ماما. وبعدين قالت لها: ياريت تفكري بالعملية، لأنها مهمة وبجد صحتك تعبانة. خيرية. كنت بأجلها دايما عشان أفرح ب إيهاب الأول. عطر. إن شاء الله هتفرحي بيه وهتعملي العملية وهتبقي زي الحصان وصحتك هتتحسن بإذن الله. خيرية. حصان مرة واحدة؟ طيب قولي فرخة، على قدي. عطر. هههههه. لا لا، هو حصان. وباستها من خدها. خيرية. بصتلها واتنهدت. عطر.

أخدت نفس وقالت لها: ممكن أتكلم معاكي شوية؟ خيرية. اتفضلي، حاسة إنك عاوزة تقولي حاجة مهمة. عطر. أنا هحكيلك كل حاجة، وصدقيني، أنا مش بحكيلك عشان توافقي على جوازي من إيهاب. لا، أنا هقولك لإني بجد تعبانة ومظلومة والكل جاي عليا، وكمان عشان أرتاح شوية. وبعدين قالت: أنا اتجوزت أربع شهور، وللأسف لسه بنت زي ما أنا. جوزي كان عنده مشكلة، بس الدكتور قال مع العلاج هيكون كويس، بس للأسف هو ما كان صابر، وحملني ذنب اللي حصل، و...

وقصت عليها معاملته ليها وإزاي طلقها، وإن أهلها ما يعرفوش حاجة، وإن أبوها غصبها ترجع، بس ربنا بعتلها إيهاب عشان ينقذها ويعوضها. خيرية. دموعها نزلت وقالت: يعني انتي بنتي؟ عطر. أيوه. خيرية. إيهاب يعرف؟ عطر. لا. خيرية. ليه مقولتيش له؟

عطر. برغم كل اللي عمله فيا مازن، إلا إني مش حابة أشوه صورته قدام أي حد، أو أقل منه كاراجل. وكمان بعد ما إيهاب حبني واعترفلي بحبه وطلب يتجوزني، حبيت أخليها مفاجأة ليه، بس بردو خايفة. مش عارفة ليه. ودموعها نزلت. خيرية. ضمتها لحضنها وقالت: متقلقيش. وطبطبت عليها وقالت: إن شاء الله خير.

عطر. أنا قولتلك عشان أرتاح شوية من الحمل اللي شايلاه جوايا. لكن من بكرة أنا هنزل أدور على شغل ومكان تاني أعيش فيه، وكمان لازم أهتم بالجامعة، لأنها آخر سنة. خيرية. خرجتها من حضنها وقالت: فيه بنت تقول لأمها إنها هتسيب البيت؟ وخصوصا وأمها تعبانة ومحتاجاها معاها الفترة اللي جايه. وضمتها تاني لحضنها. ايهاب. دخل وشافهم، فرح جدا. خيرية. تعالي يا حبيبي. ايهاب. راح عليها وباسها من خدها. وقالها: أخبار صحتك إيه؟

وليه مكلمتنيش وانتي رايحة للدكتور؟ خيرية. ابتسمت وقالت: مراتك جت معايا. ايهاب. انبسط في نفسه من تغير أمه تجاهها، لكن زعلان من عطر عشان لسه ما صارحته، واتجاهل وجودها وما بص لها. خيرية. إيه يا إيهاب، هي عطر كانت معاك برا ولا إيه؟ ايهاب. بص لها وفهم أمه. خيرية. إيه؟ هي عطر مش من حقها جوزها يسأل عنها ولا يتطمن عليها لما يرجع من شغله؟ هي مش وحشاك ولا إيه؟ ايهاب. مارد عليها. عطر. خليه على راحته يا خوخة.

خيرية. قلب خوخة، معلش، روحي شوفي الأكل خلص ولا لأ. عطر. بتوزعيني بس، ماشي، بمزاجي يا خوخة. وخرجت. خيرية. ضحكت على كلامها، وبعدين قالت: ليه مش بتكلمها؟ مش هي دي عطر اللي خبيت عني حكايتها وقولت إن أهلها رافضين؟ ليه بقا المعاملة دي؟ ايهاب. اتفاجئ بكلام والدته. خيرية. من غير ما تنصدم، هي اللي قالتلي، وبصراحة احترمتها قوي وكبرت في عيني. ايهاب. طيب، يعني أقدر أقول إنك موافقة؟ خيرية. أيوه. ايهاب. طيب، هي قالتلك كل حاجة؟

كل حاجة يعني؟ خيرية. تصنعت عدم الفهم وقالت: قوم يلا غير هدومك واتعشى عشان ناكل. هي ما أكلت. ايهاب. ماشي يا خوخة. وراح غير هدومه، وارتدى تيشرت وبنطلون بيتي، ونزل قعد عالسفرة. خيرية. تسلم إيدك يا حبيبتي، الأكل يجنن. عطر. ربنا يخليكي يا ماما. أنا بس ساعدت فيه. وبصت ل إيهاب وقالت: هوبا، عجبك الأكل؟ ايهاب. مارد عليها وأكل. عطر. زعلت وقامت وقالت: طيب، عن إذنكم، أنا طالعة أذاكر. ايهاب.

مسك إيدها وقالها: اقعدي كلي وبلاش شغل عيال. عطر. بزعل قالت: معلش يا سيدي، أنا عيلة. والتفتت تمشي. ايهاب. بغضب قال: عطر، اقعدي كلي أحسنلك. عطر. غصب عني يعني. ايهاب. ياريت متعصبنيش، وتطلعي جناني عليك. عطر. اعمل اللي يريحك. خيرية. اهدوا انتوا الاتنين، مالكم؟ وبعدين يعني، هو أنا مش قاعدة وسطيكم؟ إيه، مش عاملين لي أي احترام؟ عطر. آسفة يا ماما. خيرية. طيب، اقعدي كلي. عطر. مليش نفس، ولازم أذاكر عشان الامتحانات.

ايهاب. بصلها. عطر. رفعت حاجبها، وبعند فيه، بصتله ومشت. ايهاب. بنرفزة قال: ماشي يا عطر، إن ما وريتك. خيرية. أهدي بقا، ليه دا كله؟ ايهاب. انتي مش شيفاها؟ خيرية. انت اللي مستعجل. اهدي، وهتعرف كل حاجة في وقتها. راضيها وبلاش تزعلها. ايهاب. كمان أنا اللي أصالحها؟ خيرية. أيوه، ويلا قوم اطلعلها، وبعدين ابقوا كلو، وأنا هاخد علاجي وأنام شوية. ايهاب. قال: تتفلق، مش طالع. خيرية. قولتلك قوم اطلع.

ايهاب. اتنهد وقام وطلع، ودخل عندها بدون ما يخبط. عطر. كانت طالعة من الحمام ولابسة بورنس وماسكة فوطة بتنشف شعرها، اتفاجئت بيه قدامها. ايهاب. بصلها وبلع ريقه. عطر. وشها بقى ألوان، وبعدين قالت: فيه حد يدخل كدا، مش تخبط الأول؟ ايهاب. قرب عليها وقالها: أعتقد إني داخل على مراتي، يبقى براحتي، ولا انتي إيه رأيك؟ وقرب أكتر منها. عطر. اتوترت ومش عارفة تتكلم من قربه منها.

ايهاب. زادت عنده الرغبة فيها. قرب منها، رجعت هي لورا. قرب أكتر عليها، رجعت تاني. وقعت عالسرير، بصلها وابتسم وقال: أحلى حاجة عملتيها. عطر. بتحاول تقوم. ايهاب. جس فوقها، ودقات قلبه زادت، ومال عليها وباسها من شفايفها مرة ورا مرة، وبصوت هامس وشغف قالها: كنت ناوي أعملك فرح الأول، بس بصراحة مش قادر. عطر. بصوت خافض قالت: ايهاب. ايهاب. حط

صباعه على شفايفها وقالها: بحبك. وقرب منها أكتر، وذهبا معا ف بحور الحب والغرام. وبعد بعض الوقت، عطر تأوهت. ايهاب ضمها لحضنه. وبعد شوية قام وفتح عيونه. عطر. مش بتتكلم. ايهاب. مش مستوعب اللي حسه وشافه. وبعد لحظات قالها: إيه دا؟ وشاور على الملاية. عطر. بكسوف قالت: دم عذريتي. ايهاب. قام وقف وقالها: إيييه؟ عطر. غطت نفسها وقامت قعدت وقالت: أنا محدش لمسني غيرك، انت أول راجل ف حياتي.

ايهاب. مصدوم، فرحان، مش مصدق، مش عارف إيه اللي جواه. المهم قالها: إزاي؟ وانتي كنتي متجوزة؟ عطر. محصلش حاجة بينا. ايهاب. إزاي؟ ممكن أفهم؟ واعتقد دلوقتي من حقي. عطر. كان عنده مشكلة، وقصت عليه ما حدث. ايهاب. اخدها ف حضنه وضمها بقوة، وكان مبسوط. وبعدين قالها: طيب، انتي كويسة ولا تعبانة؟ عطر. وشها احمر وماردتش. ايهاب. تعرفي، خوفت أكون قسيت عليكي لما شوفت الدم، وكمان لما حسيت بيكي. وابتسم وقالها: بحبك. عطر. وأنا كمان بحبك.

ايهاب. حبيبتي، إيه رأيك نروح عند أهلك ونقولهم؟ عطر. لا، مش دلوقتي، بعد عملية ماما. ايهاب. ابتسم وقالها: ماما تعرف؟ عطر. أومأت بعيونها. ايهاب. بقا كدا. عطر. ما أنا قولتلك من قبل إني مظلومة، ومسيرك تعرف السبب وتكتشفه بنفسك، بس انت اللي مستعجل. ايهاب. اممم، ماشي. وعموما، أنا لازم آخد حقي منك عقابا ليكي على إنك حبيبتي عليا. عطر. هتعمل إيه يعني؟ ايهاب. هعمل كدا. وانقض عليها مرة أخرى. وتاني يوم.

عطر. راحت الامتحان، واتفاجئت ب إيهاب إنه معيد جديد عندها بنفس جامعتها. ايهاب. حبيت أعملهالك مفاجأة، لما عرفت إنك بنفس الجامعة. وبعد انتهاء الامتحان، كانوا راجعين عالبيت، وف لحظة...