رواية مرارة الايام الفصل الثاني 2 - بقلم نور عصام

عطر. كانت ماشية بلا وعي وف لحظة عربية كانت هتخبطها ... انتي عامية مش تفتحي عطر. بصتله وما اتكلمت ... كمان مش بتتكلمي يعني عاوزة تجيبلي مصيبة ومش بتردي عطر. ما عطته اهتمام ومشيت ... حاجة تأرف ومشي ايهاب. نزل وبص عليها بس مش لاقيها رجع بسرعة وجاب عربيته وقال في نفسه أكيد بعدت على ما نزلت وفعلاً مشي شوية وبعدين شافها ماشية على جنب وكأنها في دنيا غير الدنيا قرب منها وفتح باب العربية اللي جنبها وشدها من دراعها وركبها

عطر. بصتله وف لحظة اغمي عليها ايهاب. سندها على الكرسي ولف قفل الباب بتاعها وركب ومشي وبعد فترة نزل وشالها ودخل بيها ونزلها على السرير وجاب أنينة عطر وحاول يفوقها وبس أخدت نفس بصوت عالي لكن لسه مغمضة اتنهد واتطمن عليها وبعدين عدلها وسابها نايمة هو طبعاً عارف إنها تعبانة من اللي حصل فقرر إنو يسيبها تنام عشان تهدي

ايهاب. قال أعمل إيه بس ياربي أروح أتكلم مع أبوها ولا أروح عند مازن وف نفسه تاني قال بس مازن طلقها وأكيد مش هيقبل مني كلام واضح إن المشكلة كبيرة عشان يتسرع ويطلقها أعمل إيه بس وتاني يوم

عطر. فتحت عيونها لقت نفسها نايمة على سرير جوه أوضة كبيرة حاولت تقوم بس تعبانة قعدت على السرير وبصت حواليها لقت صالون كبير موجود ومنظم وعلى جنب مطبخ حديث والجنب الآخر باب وعليه ستارة حلوة باللون الفيروزي ومطرزة بالأبيض أيقنت إنو الحمام والجهة الأخرى شباك كبير وعليه ستارة بنفس اللون والتفتت بالجنب لقت كنبة من اللي بتفتح سرير ونايم عليها أيهاب لكن مش شايفه وشه غمضت عيونها وفتحتها تاني عشان تستوعب هي فين وبعدين اتخضت وقالت أنا فين ومين دا وإيه اللي جابني هنا بخوف قامت وراحت على أيهاب بس شافت وشه حطت إيدها على جبينها وافتكرت اللي حصل دمعة فرت من عينها وبعدين قالت أستاذ أيهاب

ايهاب. نايم ومش بيرد عطر. أستاذ أيهاب بردو ما رد حطت إيدها على كتفه وقالت أنت إيهاب ايهاب. قام مفزوع وقال إيه ف إيه عطر. بابتسامة حزن من منظره بصتله وقالت إحنا فين ايهاب. أخد نفس وقالها حرام عليكي يا شيخة خضتيني عطر. سلامتك يا خويا من الخضة ايهاب. ابتسم وبعدين قالها اهدي واقعدي عطر. اخلص قول بيت مين دا وإزاي تجيبني هنا أنت اتجننت ايهاب. شدها من إيدها وقعدها جنبه عطر. احرجت وبعدين قالت أنت عارف وجودنا

ايهاب. قاطعها وقالها ممكن تسمعيني عطر. بصتله وسكتت ايهاب. أولاً عارف إن وجودنا مع بعض غلط وميصحش بس قوليلي أعمل إيه بعد اللي حصل أي واحد مكاني كان هيعمل اللي عملته وبعدين قالها للأسف أنا بالصدفة كنت قاعد في البلكونة بعد ما خرجتي من عندي وغصب عني شفت اللي حصل من شباك الصالة بتاعت أهلك لكن أكيد ما سمعت بس عرفت إنهم أرغموكي ترجعي وواضح إنك محكتيش اللي حصل ولما نزلتي شوفتك تعبانة نزلت وراكي عطر. دموعها نزلت

ايهاب. ممكن تهدي واعتبريني أخوكي عطر. عيطت بصوت عالي ايهاب. قام وقف وقعد قدامها ومسك إيدها وقالها متخافيش مني أنا ثقي فيا وزي ما قولتلك اعتبريني أخوكي ومش هتندمي وإن شاء الله هنلاقي حل عطر. بصتله وعيونها كلها دموع وقالت حل إيه بقى بعد اللي حصل دا ايهاب. كل حاجة ليها حل بإذن الله بس إنتي ارتاحي وبعدين قالها لو حابة تكلمي حد وطمنيه عليكي خدي موبايلي عطر. لا لا ايهاب. ليه كدا

عطر. وف نفسها قالت تفتكر أطمن مين أبويا اللي طردني من غير ما يسمعني ولا أمي اللي ما قدرت تعمل حاجة واتنهدت وقبل ما يحترق ايهاب. قدر موقفها وما حب يضغط عليها عطر. انتبهت وسحبت إيدها وقامت وقفت وقالت أنا لازم أمشي ايهاب. قالها اهدي ليه كدا إحنا مش اتكلمنا عطر. لازم أمشي لو سمحت ابعد عني ايهاب. فوقي يا عطر واقعدي عطر. ملكش دعوة بيا ابعد عني ايهاب. مش هتخرجي من هنا عطر. هصوت وألم عليك الناس كلها ايهاب. بصالها وقالها صوتي

عطر. لو سمحت خليني أمشي بالذوق ايهاب. بعد عنها وقالها اتفضلي عطر. بصتله وراحت فتحت الباب وخرجت ايهاب. أخد نفس بصوت عالي وقال في نفسه أكيد لسه خايفة مني ومعها حق وبعدين أنا مقدر كل اللي هي فيه وراح وقف جنب الشباك

عطر. خرجت لقت مزرعة كبيرة كلها شجر فواكه وريحتها حلوة كتير وللأسف مش شايفة بيوت ولا مباني غير على بعد قالت إيه دا أنا عقبال ما أوصل للطريق فيها أكتر من ساعتين دا إن ما كانش أكتر دا أنا شايفة المباني كأنها مكعبات معنى كدا إنها بعيدة جداً آآه يا ربي أعمل إيه بس ومشيت شوية وبعدين قعدت تحت شجرة فيها برتقال بصت عليها وأعجبت بشكلها وبعدين قالت يارب قوييني وخليك معايا وقولي أعمل إيه لو قعدت معاه مش كويس ولو رجعت بابا مش قابلني وكمان مازن طلقني وبصت للسما وقالت يارب أنت عارف إني مظلومة طمن قلبي واهديني وارشدني للصواب ودموعها نزلت

ايهاب. كان شايفها ارتاح لما قعدت بس صعبانة عليه نروح بقى شوية عند أبوها أم عطر. بتعيط أبو عطر. ممكن تبطلي تندبي بقى

أم عطر. عاوزني أبطل أندب وبنتي جوزها ضربها وأنت كمان طردتها ومدتهاش فرصة ترتاح شوية في بيت أبوها مش حرام عليك اللي عملته دا ليه كدا البنت من يوم ما اتجوزت وأنا حاسة إنها مكسورة وجواها حاجة ومش بتتكلم وياما اتحايلت عليها تقولي وهي ساكتة برضو وفي الآخر أنت تهينها بالشكل دا ليها مين غيرنا تروحله لما تزعل من جوزها رد عليا وقولي ليه كسرتها كدا مفكرتش في شكلها قدام جوزها لما ترجع وهي مكسورة مهما كان غلطها

أبو عطر. بصالها وبعدين قالها بكرة تهدي وتتصالح مع جوزها أم عطر. أتمنى كدا بس كان لازم ناخدها في حضننا ونراضيها ونفهم منها ولو مش عاوزة تعرف كانت قعدت على مهديت وبعدين نكلمه يجي أو نوديها ونصالحهم لكن تصرفك قهر البنت قوي جد عطر. معاكي حق والله يا بنتي جوزك دا مفيش فايدة فيه دايماً عصبي ومتسرع وبعدين قالها متقلقيش هتتصالح هي وجوزها أم عطر. ياترى يا بنتي عاملة إيه دلوقتي أبو عطر. أوعي تكلميها

أم عطر. ليه بقى أنا عاوزة أتطمن عليها أبو عطر. سيبيها تحل مشاكلها مع جوزها من غير ما تتدخلي أم عطر. أنا مش هدخل أنا بس عاوزة أتطمن عليها البنت كان شكلها تعبان قوي أبو عطر. قولتلك كلمة واحدة ممنوع تتدخلي وبصوت عالي قالها فاااهمة أم عطر. دموعها نزلت وسكتت وف نفسها بتدعي لبنتها بالخير وصلاح الحال والسعادة الدائمة عند عطر وأيهاب عطر. بعد وقت طويل قامت وقررت ياترى عطر ناوية على إيه وإيه اللي أيهاب هيواجهه بسببها