رواية مرات ياسين الزين الفصل الأول 1 - بقلم نسمة مالك

خرجت من أوضتي في الفندق. والحمد لله إني لبست الرجالي، كان مغطيني كلي. شلت كيس مخده غطيت بيه شعري بعد ما ربطته برباط الستارة. ونزلت عشان أشوف الباشا، اللي بسببه عمتي اللي ربتني وكبرتني زي بنتها عايزاني ألبس قميص نوم، بالنسبالي بتقول عليه فستان. شالت كل هدومي عشان تدبسني وملقيش غيره وألبسه. بس دا عند أمه يا أدهم. كنت فرجة للفندق كله. مشيت واثقة في نفسي لحد ما وصلت للمطعم.

لقيتها لسه لوحدها، الباشا لسه موصلش وهي في انتظاره على أعلى مستوى. أول ما شفتني فقعت بالصوت. تمارا: بتصوتي يابنت سلطح ملطح باشا؟ ليلى: بغضب، إيه دا يامتخلفة، فين الفستان؟ لابسة برنس والرجالي كمان، الباشا على وصول، غورى يازفتة البسي وتعالي بسرعة. تمارا: بتريقة، عند تيته عارفها، اللي هي أمك، مش هلبسه وقُولي هدومي فين بدل ما أقلع البرنس وأعملك فضيحة ها؟ بس. قربت مني وبصت جوه البرنس، لقتني لابسة الإندر والبرا.

ليلى: حلو دا، اقلعي وخلُّيكي بالبيبي. تمارا: بزهول، إيه دا ياعمتو، مش قادرة أصدق، إنتي انحرفتي كده إمتى؟ عايزاني أُقعد سلبوطة!!! وعلشان مين، علشان راجل منعرفهوش هيعوض الخسارة بتاعت شركاتك بالشراكة معاه، ياصدمتي فيكي. ليلى: بغضب، اخرسي يامتخلفة، دا أكبر بيزنس مان في مصر وبرا مصر ومليون بنت تتمناه.

تمارا: ياعمتو ياحبيبتي عيشي عيشة أهلك، مش علشان اتجوزتي واحد غني شوية وورثتي حبة فلوس حلوين تنسي بقى إننا من شبرا وتيته لسه عايشة هناك لدلوقتي، أنا هرجع أعيش معاها وهسيبك مع البيزنس مان بتاعك. ليلى: بصرامة، اقفي عندك ياتمارا الكلبة. تمارا: أيوه، أظهري أظهري. ليلى: بإصرار، ما أنا هجوزك وأفرح بيكي مع راجل يقدرك ويستهلكك، يعني هفرح بيكي غصب عن عين أهلك. تمارا: شوفتي ليلى بنت البلد طلعت من جواكي إزاي.

ليلى: بأمر، اطلعي البسي. وقبل ما تكمل لقيت المكان فجأة بقى كله شباب طول بعرض وموحدين الزي، وداخل وسطهم واحد ريحته وصلت نخشيشي قبله. وأنا واقفة بكل ثقة بالبرنس وكيس المخده اللي اتبل من شعري. قلع نضارته وياريته ما قلعها، دا باين الواد التركي اللي اسمه جان بتاع مسلسل الطائر المبكر، أيوه، هو، يخربيت جمال أمك، دا أنت أحلى كمان. ليلى: بترحاب، أهلاً وسهلاً يس باشا. هو عينه عليا من فوق لتحت، وأنا ببص بلا مبالاة.

اتكلم بكل رزانه: يس، أنا جاي في معادي بالظبط. ليلى: طبعاً يا باشا، مواعيدك سيف. يس: بعبث، مش تعرفيني؟ ليلى: دي تمارا بنت أخويا، وزي بنتي. مد إيده يسلم عليا وقالي: يس، تشرفنا أنسة تمارا، أنا يس الزين. تمارا: أسفة، مبسلمش. قرب وقالي: يس، بعبث، بالبرنس ولا من غير؟ تمارا: بخجل، نعم؟؟!! احترم نفسك. قرب أكتر ووطى على ودني وقالي بكل بجاحة ووقاحة: يس، انتي لابسة حاجة تحت ولا من غير؟؟ أنا أحب أطمن على أشيائي.

نهى حديثه وغمز لها بعبث.