رواية مرات ياسين الزين الفصل التاسع 9 - بقلم نسمة مالك

ياسين: يامعتز انت دماغك ناشفه ليه.. دي هتبقى هدية ومفاجأة منك لليلى هتفرح بيها قوي.. وتمارا كمان نفسي أفرحها.. أنا لسه قدامي شهر وكام يوم هقدر إن شاء الله أبني فيهم الدور اللي فوقك.. أنا بنيت ده في أسبوع يعني قبل معاد فرحي بكتير هيكون كل حاجة جاهزة.. معتز: لأ طبعاً يا يس مش هاخد الدور اللي أنت مجهزه عشان تتجوز فيه.. أنا وليلى هننزل في أي فندق على ما أشتري فيلا صغيرة كده على قدنا..

ياسين: أنتَ متخيل تمارا وليلى اللي متفرقوش طول عمرهم عن بعض هيبقوا عاملين إزاي لو بعدوا عن بعض.. هيبقوا زعلانين وهتيجي على دماغنا في الآخر.. لكن هنا هنكون كلنا مع بعض.. ويا عم لو بتتكلم على الفلوس أبقى ابنيلى أنت الدور بتاعي أنا وتمارا.. نظر له معتز بإحراج.

ياسين: بقولك نقعد هنا عشان نبقى جنب بابا يا معتز.. والدك ووالدتك عمرهم ما يباتوا بره الشرقية.. وأنت حاولت معاهم كتير وهما رفضوش وأنت مش هتعرف تروح الشرقية كل يوم وترجع.. لكن هنا توصل للشركة في 10 دقايق بالعربية.. ها قولت إيه؟؟ صمتا قليلاً. معتز: تمام أنا موافق يا ياسين بس أنا هبنيلك الدور بتاعك كله زي ما قولت مش هقبل إنك ترفض بعد كده.. أومأ له ياسين بالإيجاب.

ياسين: وكمان عندك حق مينفعش نسيب والدك لوحده.. وفعلاً هتبقى مفاجأة حلوة لليلى وتمارا.. هب واقفاً. ياسين: يله بينا نتابع التجهيزات.. عايز الطباخين يخلصوا ويودوا الأكل على الجامع اللي هنكتب فيه الكتاب عند أهل ليلى.. لأن والدتها عاملة أكل لينا احنا في البيت وليلى قالتلي لو ودينا الأكل على البيت يبقى عيب في حقهم.. ولو صممنا وودينا أكل البيت عندهم باباها هيزعل.. ووالدتها هتهزقنا وتشُدنا من ودننا..

ياسين: لأ الله يخليك أنا مجرب إيدها.. اسمع كلامها أنا هحتاج ودني أسمع بيها يا أسو من تمارتي.. *** بمنزل العروس.. تمارا: ماشاء الله يا عمتو طالعة زي القمر.. الفستان يجنن عليكي.. احتضنتها بحب شديد. تمارا: ربنا يفرحك يا عمتو يا رب.. نظرت لها بتعمق لملامحها الحزينة.

تمارا: مالك يا حبيبتي بس ليه شايفه زعل في عينيكِ.. وليه مش عايزة تلبسي الفستان.. فيكِ إيه بس يا حبيبتي مش أنا بنتك وأختك وصحبتك.. قوليلي ليه نظرة الحزن اللي في عينيكِ دي.. ليلى: مش مصدقة إني اتجوز بعد قاسم.. ولا مصدقة إني اتجوزت بالسرعة دي.. خايفة يا تمارا.. خايفة أوي.. وعندي سر أكيد هيجي وقت ومعتز هيعرفه.. فلاش باك..

قاسم: حبيبة قلبي اصحي.. وحشتيني.. أنا محضر لكِ الفطار.. قومي كلي ونامي تاني.. يله افتحي عيونك خلي الشمس تنور.. ابتسمت باستحياء وببطء فتحت عيونها ونظرت له بابتسامة هادئة أكثر من رائعة. قاسم: صباح الورد على أحلى عيون شوفتها في حياتي.. ليلى: صباح النور.. نظرت للطعام الذي أعده لها وأكملت بفرحة عارمة فشلت في إخفائها.

ليلى: مش معقول كل الدلع ده يا قاسم.. بقالنا أسبوعين متجوزين.. كل يوم تعملي الفطار بإيدك وتأكلني في السرير.. نظرت له بشقاوة. ليلى: هاخد على كده.. أممممم لا.. والفطار شكله وريحته يجنن.. بجد تسلم إيدك.. اقتربت منه ولفت يدها حول رقبته. ليلى: ده لازم بوسة كبيرة بقى.. مش من خدي بس زي ما بتبوسني كل يوم.. نظرت له بعبوس. ليلى: قاسم.. إنتَ بعيد عني كل ده ليه.. أقصد.. إحنا بقالنا أسبوعين متجوزين وأنا وأنت.. أنا يعني..

تحدث هو بألم وغصة مريرة. قاسم: أنا فاهم قصدك يا ليلى.. أنتِ مستغربة ليه مدخلتش عليكِ.. وليه سبتك بنت بنوت لحد دلوقتي.. كنت عارف إن هيجي الوقت اللي تعرفي فيه.. بس كنت حابب يطول بنا شوية وأكون معاكِ أكبر وقت ممكن.. دمعة حارقة هبطت على وجنتيه. قاسم: سامحيني يا ليلى.. أنا خبيت عليكي.. بس صدقيني من حبي فيكي.. أمسك وجهها بين يديه.

قاسم: قلبي مش بإيدي.. حبك واتمنى حضنك لو لحظة واحدة.. وأنا عشت معاكي أسبوعين من أجمل أيام عمري.. تمسحها ليلى له بيدها بحنان بالغ وتبكي بنحيب لبكائه. قاسم: ليلى.. أنا عندي عيب خلقي يمنعني من ممارسة العلاقة الزوجية.. يعني مش هقدر المسك.. جذبها لحضنه واحتضنها بقوة. قاسم: بس هعملك كل اللي تطلبيه وهديلك كل حقوقك.. أنا كتبت لكِ مؤخر بـ 10 مليون جنيه.. دي أقل حاجة أقدر أقدمهالك.. ابتعد عنها ونظر لعيونها بعشق.

قاسم: وقَوليلي عايزة تطلقي إمتى وأنا تحت أمرك في كل اللي تقولي عليه.. خفض رأسه. قاسم: وسامحيني تاني يا ليلى.. أرجوكي.. نهى حديثه وهم بالوقوف لكنها تمسكت بيده وارتمت داخل حضنه. ليلى: بس أنا مش عايزة أطلق يا قاسم.. ابتعد عنها سريعاً ينظر لها بذهول. ابتسمت له من بين دموعها. ليلى: أنا مراتك ومش هسيبك أبداً.. عودة الفلاش باك.