رواية مراتي مجنناني الفصل السابع والثلاثون 37 - بقلم شهد احمد

وقفنا لما وصلوا القاعه. ريان أخد زويا ودخل بيها القاعه. كانت فيه زفه ورقص استعراضي. أخدها ودخلوا يعملوا سيشن تصوير. المعازيم كانت قاعده مستنياهم. مامت حازم قعدت واخدت كيان وأيان. بريا وحازم كانوا مع ريان وزويا.

خلصوا التصوير وطالعوا ووقفوا علي حاجه كده وشاوروا لـلـمعازيم. نزلتهم في نص القاعه عند الكوشه. الكل انبهر بيهم واتفاجأ. الشباب صفرت والأغاني اشتغلت. ريان كان واخد زويا في حضنه. البتاعه كانت نازله بيهم. أول ما نزلوا، ريان رقص مع زويا سلو.

أخد اديها وحطها عليه. هو حط إيديه حوالين وسطها. كانوا بيرقصوا ولفها وخلى ظهرها يبقى في حضنه وأديه حوالين بطنها وأيديها على أديه. كان حاطط راسه على كتفها. راح لفها ليه واخدها في حضنه وباسها. حازم وبريا كانوا بيرقصوا معاهم. وشويه والرقصة خلصت. الد جي: رحب بـ ريان وزويا وقال: "أصحاب العروسة والعريس يلا معانا." كله قام. ريان رقص مع أصحابه وحازم كان معاه. زويا كانت مع أصحابها وبريا كانت معاها.

وشويه والد جي قال: "ريان باشا هات عروستك وارتاح." طلعوا قعدوا في الكوشه. كان فيه رقص استعراضي وده كان من بريا وحازم. وده كان مفاجأة لـ ريان من حازم. ريان: "الله عليك ي صحبي." هههه. حازم: "ههه أي خدمه أي ابو الصحاب." كان فيه مصور وكان بيصور ريان وزويا وكان بيصور المعازيم. جاه وقت أن ريان يلبس زويا طقم ألـمـاظ.

ملك كانت معاها طقم الألـمـاظ ودخلت بيه القاعه هيا وعمر. اشتغلت الأغنية الخاصة اللي ريان حددها لما يلبس لـ زويا طقم ألـمـاظ. ملك عطت طقم الألـمـاظ لـ ريان وقالت: "مبروك ي ريان." ريان: أخد منها الطقم وقال: "الله يبارك فيك ي ملك." وراح يلبس زويا طقم ألـمـاظ. كان المصور بيصورهم. أول ما لبسها اشتغلت أغنية رومانسية وقاموا يرقصوا مع بعض. ريان: "حبيبتي مبسوطة؟ زويا: "كلمة مبسوطة دي قليلة أوي ي ريان. ربنا يخليك ليا ي حبيبي."

ريان: "ويخليكي ليا ي قلبي وأعيش وأخليكي مبسوطة على طول." زويا: "تسلملي ي رينو." ريان شالها ولف بيها وهيا كانت حاضناه جامد. صحاب ريان: ههههي. كانوا بيصفروا. كانوا عاملين جو حلو أوي ليهم. وجاء وقت تقطيع الكيك. ريان وزويا كانوا واقفين قدام الكيك. ريان مسك أيد زويا ومسكوا السكينة وقطعوا بيها الكيك. هو أكلها وهيا أكلته. بعدها ريان أخدها وكانوا بيسلموا على المعازيم. مامت حازم: "مبروك ي ولاد وعقبال ولادكم."

ريان: "إن شاء الله." هههه. وراح باس أيان وكيان وعرفهم على زويا. وقال: "دول ولاد حازم أخويا وبريا وزي ولادي." زويا: "الله دول حلوين أوي ي ريان." مامت حازم: "عقبالك ي بنتي." زويا: اتكسفت وقالت: "إن شاء الله." ملك: "مبروك ي ريان ومبروك عليك زويا." ريان: "الله يبارك فيك وعقبال عمر وتقومي بالسلامة وتجيبي البيبي." ملك: "الله يبارك فيك ي ريان." فهد: "مبروك ي صحبي." ريان: "الله يبارك فيك ي أبو الصحاب."

وخلصوا سلامات واخد زويا وراحوا قعدوا في الكوشه. وحازم وبريا كانوا قاعدين مع الولاد ومامت حازم. وجاه وقت أنه في واحده بترقص. طبعاً كله عينه كانت عليها. واللي بترقص دي قربت من ريان وكان بترقص وتدلع عليه. وزويا قاعده جنبه عايزه تولع فيه. زويا راحت مسكت وش ريان وخليته يبص عليها هيا. وكانت ناقصه تقوم تجيب اللي بترقص دي من شعرها. بريا بصت لحازم لقتـه بيتفرج. راحت قالت: "عجبك رقصها؟ حازم: "آه." بريا:

راحت ضربت حازم وقالت: "آه في عينك." وراحت قعدت على رجل حازم. وكان مخليه حازم يبص ليها هيا بس. ريان: كان عايز حازم ييجي ويلاحقه ويمشي اللي بترقص. بص عليه لقى بريا هيا كمان عايزه تولع في حازم. ريان: هههههه ي ليله بيضا. وشويه واللي بترقص دي خلصت. ريان: آااه الحمد لله. بس مين اللي جابها تلاقيـه حازم الكلب. آااه هوريلك بقا بتعمل فيا كده وكمان ليله فرحي مش هسيبك ي حازم. حازم: "خلاص بقا ي بريا مشيت أهي تعالي نشوف ريان."

واخدها وراحوا. بريا: ريااان. ريان: نعم. بريا: مين اللي جاب اللي بترقص دي؟ ريان: "اسالي جوزك. زويا كانت ناقصه تولع فيا بسببها." بريا: "حااازم انت اللي جبت اللي بترقص دي؟ حازم: "أبدا مش أنا." ريان: "ولا انت ولا أنا يبقى مين؟ حازم: "معرفش. خلاص حصل خير. ركز مع زويا." ريان: "ماشي ي اخويا. حسابنا بعدين." وريان كان بيكلم حازم فجأة الد جي قال: "ريان باشا في مفاجأة من عروستك."

وفجأة لقي زويا قالت: "أهدي هذه الأغنية إلى زوجي وحبيبي ريان." بدأت تغني ليه أغنية رومانسية. ريان راح عندها وكانوا بيرقصوا وهيا بتغني. وقالها: "صوتك حلو أوي ي زويا." زويا: "مفيش أحلى منك ي حبيبي." وخلصت الأغنية. وشويه والفرح خلص. جاه وقت أنهم يمشوا. ريان شال زويا وطلع بيها من القاعه وركبوا العربيه. كان فيه زفه وصلتهم لحد بيتهم.