رواية مراتي مجنناني الفصل الثالث 3 - بقلم شهد احمد

بعد ما بريا دخلت حازم الأوضة عشان ينام. حازم: بريا. بريا: نعم، تعبان؟ أجيب لك الدوا ولا سخن أعمل كمادات؟ حازم: لا، أنا مش عايز منك حاجة، واللي عملتيه ده مش هيعدي. بريا: هو أنا عملت أي؟ إنت السبب، عايز تتمحرش بيا؟ حازم: بريا، إنتي مراتي، وبعدين عشان عايز أحضنك يبقى تعوريني وتموتيني. بريا: بعد الشر عنك يازوما. حازم: ثبتيني يا أختي، حاسس إن موتي على إيديكي. بريا: إنت اللي بتجيبه لنفسك، روح نام.

حازم: أنا حاسس إني متجوز رئيسة عصابة أو واحدة بلطجي. بريا: أخص عليك يازومتي. حازم: أنا هنام، النقاش معاكي مفيش فايدة، خليكي كده لحد ما أتجوز غيرك. بريا: نعم يا أخويا، ده أنا أجيب كرشك نصين، فكر إنت بس كده. حازم: أفكر إيه، لا أنا مش بفكر، أنا بقول بس، بطلي رئيسة عصابة اللي إنتي عاملاها دي. حازم في نفسه: مجنونة وتعملها، قال تجيب كرشي، أنا إيه اللي أنا عملته في نفسي ده بس. بريا: بتقول حاجة؟

ما تسمعني صوتك بدل ما بتبرطم لوحدك. حازم: ممكن ننام؟ أنا عندي شغل الصبح. بريا: شغل إيه وإنت تعبان؟ حازم: على أساس إنك خايفة عليا. بريا: طبعًا، مش جوزي. حازم: آه، ما أنا عارف، إنتي خايفة عليا لي؟ خايفة تبقي أرملة. بريا: أخص عليك يازوما، هزعل منك، لا أخص عليك. حازم: أخص عاليا لي يا أختي؟ بريا: ده إنت جوزي وقرة عيني، لازم أخاف عليك.

حازم: أنا مش عارف إنتي بتتحولي في الثانية مش في الدقيقة، شوية زوما وشوية قالبة رئيسة عصابة. بريا: نام وإنت ساكت. حازم: حاضر. بريا نامت بعيد عن حازم. وحازم كان لسه صاحي، قرب بريا منه، خدها في حضنه ونام. وفي الصباح، بريا قامت قبل حازم. بريا: إيه ده؟ أنا إيه اللي جابني في حضنه؟ أنا كنت نايمة بعيد عنه. وفجأة حازم صحي. حازم: إنتي نايمة في حضني ليه؟ مش بتقولي إنه أنا بتمحرش بيكي؟ إنتي اللي جيتي أهو. بريا:

قامت من حضنه بسرعة وقالت: معرفش، أنا إيه اللي جابني في حضنك، تلاقيه إنت. حازم: أنا إيه؟ هو أنا قادر أتحرك؟ بريا: لنفسها: فعلاً ده تعبان. وقالت لحازم: هو إنت مش عندك شغل؟ يلا روح اجهز. حازم: لنفسه: أهربي بس، أنا اللي جبتك في حضني وهخليكي تجنني وتكلمي نفسك إنك إزاي بتيجي في حضني. ورجع قال لبريا: آه، هقوم أجهز أهو. بريا: اوكي. بريا: لنفسها: أنا جيت إزاي في حضنه؟

أنا كنت بعيد عنه وهو مش قادر يتحرك وبيتحرك بالعافية. مش مهم، هقوم أشوف بيعمل إيه. بريا راحت لحازم، وحازم كان جهز. بريا: إيه ده؟ إنت متشيك كده ورايح على فين؟ حازم: يا حبيبتي، هو أنا مش قولت إن عندي شغل. بريا: رايح الشغل متشيك كده وكأنك عريس. حازم: أومال أروح بهدوم مقطعة ولا ألبس لبس بلطجي. بريا: خفيف. حازم: عارف. بريا: حطت إيديها حوالين رقبته وقالت: زوما. حازم: قلب زوما. بريا: ما تاخدني معاك يازومتي. حازم: آه.

بريا: سابته وطلعت تجري تلبس. حازم: وبعدين استوعب اللي قاله وقال: يا بت استني، تاجي فين؟ هو أنا رايح ألعب. بريا: إنت قولت آه. حازم: في نفسه: هتجنني؟ شوية زوما وشوية بلطجي. خايف أفتح دماغ حد هناك. ربنا يستر. حازم: بريا، اخلصي. بريا: طلعت، كانت لابسة فستان حلو أوي عليها. حازم: واقف مصدوم. بريا: إنت ياعم. حازم: الفستان ده مش لائق على شخصية البلطجية دي. بريا: بتقول حاجة يازوما. حازم: بقول يلا هنتأخر.

وهما نازلين، مامت حازم طلعت. مامت حازم: أهلاً يا ابني، عامل إيه؟ ورايحين فين كده؟ حازم: الحمد لله يا أمي، رايحين الشركة. مامت حازم: وواخد المدام معاك ليه؟ بريا: مالك ياموزة؟ مراته أنا مراته، وأروح معاه في أي حتة، إن شاء الله معاه المريخ. حازم: واقف بيضحك على طريقة مراته وبيكتم الضحك. مامت حازم: آه يا أختي، بس ده شغل مش رحلة عشان تروحي. بريا: زوما حبيبي، يلا هنتأخر. مامت حازم: زوما. حازم: خلاصتوا انتوا الاتنين؟

أنا تعبت منكم. وإنتي يا بريا، يلا تعالي. مامت حازم دخلت شقتها، وحازم وبريا ركبوا العربية ووصلوا الشركة. نزل من العربية واخد بريا في إيده ودخلوا. السكرتيرة: أهلاً حازم باشا. بريا: بصت لحازم وهمست ليه: إنت فاتح الشركة؟ إيه إيه اللي هي لابساها ده؟ حازم: اسكتي. بريا: لا مش هسكت، أنا أبقى قاعدة في البيت وإنت هنا تتفرج على النسوان. حازم: أتفرج على النسوان؟ أصله فاتح الشركة كباريه. بريا: آه، شكلها كده. بقولك إيه.

حازم: خير، أبهريني. بريا: البنات دي تمشي وييجي ناس محترمة، بلا قرف. حازم: محدش هيمشي. بريا: بقا كده؟ طيب هتشوف أنا هعمل إيه.