رواية مريض نفسي الفصل السابع 7 - بقلم بسملة حسن

كيان: إزاي مكتشفتش ده من وقت الخطوبة؟ دايماً كنت ساكت، فكرتك ملتزم بقواعد الخطوبة، لكن طلعت مريض نفسي. ليل بزعيق: اسكتي! متقوليش مريض نفسي، أنا مش مريض. كيان: لأ مريض اللي يعمل كده ويبقى تفكيره عن الجواز كده، يبقى مريييض. ليل بصلي بحدة، كانت عيونه بتلمع بالدموع وكأنه بيقولي: ده مش ذنبي، أنا كنت طفل. قربت منه، بس المرة دي محضنتوش، بصراحة مكنتش طيقاه، ده طلع بيكدب عليا، وأنا استحالة أسامح شخص كداب. حاوطت

وشه بإيديا وأنا بقوله: كيان: هتسمع كلامي؟ ليل: كلام إيه؟ كيان: أنت لازم تتعالج. ليل بعصبية نزل إيدي من على وشه: أنتِ أكيد اتجننتي، أتعالج من إيه؟ أنا كويس أهو. كيان: لأ مش كويس، تفكيرك عقيم، وده كان تفكير والدك، وفضل يزرع تفكيره جواك لحد ما ثبت في دماغك، افهم، مش غلط إنك تتعالج، ولا عيب. العيب يا ليل اللي أنت بتعمله واللي معتقده صح. ليل: مش هتعالج يا كيان، أنا مش مريض، افهمي. كيان: أفهم إيه؟ أفهم حاجة غلط؟

ليل: مش هتعالج، واللي عايزاه اعمليه. كيان بهدوء: لو متعالجتش، أنا مش هعيش معاك. بصلي شوية وهو ساكت: مش هطلقك يا كيان، انتي مراتي وعارفة إني بحبك. كيان بزعيق: وهو اللي بيحب حد بيعمل فيه كده؟ أنت مش فاهم، أنت عملت فيا إيه، أنت عملت مصيبة، فووووق يا ليل، فووووق! والدتك لو عرفت اللي عملته، مش عايزة أقولك هتعمل فيك إيه، ولا أهلي لو عرفوا اللي أنت عملته، مش هيخلوك تلمحني، بس كده، فيا تتعالج يا مش هبقى على ذمتك ليلة واحدة.

ليل: كيان متعصبنييش ومتجيبيش سيرة الطلاق تاني. كيان: هجيب، مادام مش هتتعالج، أنا مش هعيش مع واحد مجنون. ليل: بلاش أوريكِ الجنون على أصوله. كيان: ده أنا شفت الجنون من أول يوم اتجوزتك فيه، ودلوقتي روحني، أنا مش عايزة أخرج ولا أتزفت. ليل بحدة: هنروح نشتري الهدوم، ولا عايزة تلبسي الضيق اللي عندك؟ سكت وسندت على إزاز العربية، وفضلنا ماشيين بالعربية، لكن جاتلي فكرة ولازم أنفذها.