رواية مريض نفسي الفصل السادس 6 - بقلم بسملة حسن

ليل بزعيق: إيييييييي ده يا كيان؟ كيان بخضه: إيه في إيه؟ ليل: وحياة أمك إنت هتنزلي باللبس الضيق ده؟ كيان: ده مش لبس ضيق، ده لبسي عادي. ليل وهو يحاول أن يهدئ من روعه: ادخلي غيري القرف ده، يا أما مش هنخرج. كيان بتذمر: أووف بقى، أنا زهقت، هو كل حاجة بمزاجك. ليل: أنا مش هتكلم كتير. كيان: يارب صبرني، وبعدين كل لبسي كده، اللبس، أنا، إيه يعني، أنا مش فاهمة إيه الضيق في ده.

ليل: أنا قولت ضيق يعني ضيق، وسعك كده، أنا هختارلك تلبسي إيه. كيان: أما نشوف آخرته. بص لي بعينه بحده، فسكت بتوتر. ليل وهو يقلب في الهدوم: هختارلك طقم، وبعدين وإحنا بره هنشتري جديد. كيان: ماشي. ليل: ها، يلا، خدي ده، حلو، وأعتقد هيبقى واسع. كيان: هلبسه وأجي. ليل: أجي لبسك... أنهى كلامه بغمزة. كيان بغضب ضربته في كتفه بغيظ: بطل قلة أدب واتلم. دخلت التواليت وسيبته بيضحك على كلامي.

بعد شوية كنا في العربية، في طريقنا لمكان ما. كيان: ممكن تقف هنا. ليل وهو بيسوق: ليه؟ كيان: اقف بس، محتاجة أتكلم معاك. ليل وقد فهم ما تقصده: بلاش كلام دلوقتي. كيان: من فضلك اقف. ليل وقف العربية على جنب وبصلها. ليل: ها، اتكلمي. كيان: بس متتعصبش. ليل: أنجزى. كيان أخذت نفس عميق: إنت ليه بتعمل كده؟ أنا عايزة أفهم. ليل: مش قفلنا الموضوع ده خلاص؟ كيان بعصبية: لا مقفلنهاش يا ليل، الموضوع هيفضل مفتوح مادام أنا لسه مفهمتش.

ليل بحده: متعليش صوتك عليا! كيان: هعلي، لأني اتخنقت. اللي إنت بتعمله مش طبيعي، مش طبيعي إنك تبقى طيب وفجأة تبقى بني آدم بدون رحمة. أنا مراتك، مش واحدة جايبها من الشارع. ليل بسرعة وعصبية: ماهو كان بيعمل كده، كل اللي كنت بشوفه، كان بيعذبها وبيعمل فيها نفس اللي أنا عملته فيكي بالظبط. أنا اتعلمت كده من صغيري، معرفش ده صح ولا غلط، بس اللي متأكد منه إني فاكر كل حاجة كانت بتحصل. كنت بسمع صراخها وهي بتقوله سيبني، زيك كده.

كيان: هو مين؟ ليل: بابا. كيان بصدمة: باباك كان بيعمل كده في مامتك؟ ليل بتذكر: أيوه، وأنا صغير كان بيعمل كده، بس هي سابته لما تعبت منه، وهو هو بعد عنها. كيان: الله يرحمه... ليل بسرعة: بابا عايش. كيان بصدمة: إيه؟! باباك عايش؟ عايش إزاي؟ إنت كدبت عليا وقلتلي إنه مات، أنا كنت خطيبتك وعارفة إنه مات، حتى أخواتك ومامتك مقالوليش إنه لسه عايش. ليل بسخرية: أقولك الصدمة الأكبر... كيان بصتله بصدمة منتظرة كلامه.

ليل: الراجل اللي كان موجود تاني يوم جواز لينا ده مكنش معرفة قديمة ليا ولا حاجة، ده بابا. كيان بصدمة: يعني إيه؟ يعني إيه؟ ليل: وكنت بكلمه كل يوم في الفون كمان. كيان بصراخ: كفاية! إنت إنت شخص بشع. يعني... يعني هو اللي كان بيخليك تعمل فيا كده، صححح؟ أنا تعبت منك بجد، تعبت. استحالة أعيش معاك تاني، إنت فاهم؟ باباك فهمك من وانت صغير حاجات غلط عن الجواز. ليل: أعمل إيه؟

تخيلي كده طفل عاش في أسرة كلها عنف وكان بيشوف باباه بيعمل كده. عايزاني أطلع عامل إزاي؟ كيان: إزاي مكتشفتش ده من وقت الخطوبة؟ دايما كنت ساكت، فكرتك ملتزم بقواعد الخطوبة، لكن... لكن طلعت مريض نفسي. ليل بزعيق: *****