رواية مصائر مجهولة الفصل السابع 7 - بقلم سما محمد

الجد: اتقدم لملك عريس. ملك: (شرقت وهي بتشرب) عريس مين ده؟ الجد: عمر صاحب زين. ملك: ايييه؟ ازاي؟ جليلة: (فرحت) شغال إيه ده ومعاه كلية إيه؟ الجد: ده كل همك؟ جليلة: طبعاً لازم أضمن مستقبل بنتي. الجد: مش تقلقي، مستقبلها مضمون. هو دكتور أسنان وعنده فيلا زينا وغني، مش تقلقي. جليلة: أيوة كدة، أنا موافقة. ملك: طب بالنسبة لرأيي؟ وليد (أبو ملك) : انتي هتقرري مكان بنتك ولا إيه؟ ملك: خلاص يابابا سيبها، أنا موافقة.

الجد: على بركة الله. زين: (ابتسم) هروح أعرف العريس بقي. الجد: روح يا ابني وفرحه. زين: حاضر، هرن عليه. (عند عمر) عمر: بجد وافقت؟ زين: بجد يا عريس، ألف مبروك. عمر: الله يبارك فيك. وعرفهم إني جاي بعد المغرب شوية، أقعد معاكوا. زين: (بخبث) تقعد معانا ولا معاها؟ عمر: ما خلاص يا عم، بقيت خطيبها. زين: طيب يا خطيبها، سلام. (قفل معاه ورجع قعد مع العيلة وقالهم) زين: عمر جاي بعد المغرب ومبسوط جداً إنك وافقتي ياملك. ملك: (اتكسفت)

الجد: ربنا يكمل فرحتكوا يا ولاد. بدل العروسة بقي عندنا اتنين، وإن شاء الله أنا متأكد إن في عروسة تالتة. (وبص لعلا) علا: (ابتسمت) جليلة: (قالت في سرها) أيوة كدة، جوازة حلوة والواد متريش أكتر من زين كمان، فاضل البت علا وأخلص منهم بقي. الجد: (بص لجليلة) إيه يا جليلة، مبسوطة بالعريس؟ جليلة: طبعاً، الواد يشرف. الجد: وانت يا وليد؟ وليد: لما أقابله وأتكلم معاه هقول ساعتها يا بابا. الجد: طول عمرك بتفهم.

(فضلت العيلة تتكلم ويباركوا لملك ويباركوا لفريدة ويتكلموا عن خطوبة كل واحدة فيهم) (عند عمر) عمر: (قاعد في البلكونة وباصص للسما وقال في نفسه) يا ترى اللي عملته صح ولا كان مجرد إعجاب وبس؟

وخصوصاً إني لسة خارج من موضوع صعب. بس بلاش أكدب على نفسي وأقول حبيت فريدة، أنا بس حبيت فيها تدينها وأخلاقها. أنا متكلمتش معاها ولا مرة ولا عرفت شخصيتها. إنما ملك حاجة تانية، ممكن يكون لبسها مش مناسب، بس إن شاء الله هحاول معاها تقرب من ربنا. وملك شخصيتها حلوة، حتى طريقتها مميزة وبتخلي أي حد يتشدلها، وابتسامتها اللي تخطف القلب. وشكلي هحبها أو، أو حبيتها فعلاً. (في بيت العيلة) زين: فريدة. فريدة: نعم.

زين: كنت عاوز أسألك عن حاجة. فريدة: اتفضل. زين: انتي حافظة القرآن؟ فريدة: اه الحمدلله. زين: كنت عاوز يعني. فريدة: تحفظ صح؟ زين: بصراحة أه. فريدة: ماشاء الله، دي حاجة حلوة أوي. زين: (ابتسم وقال) يعني هتبدأي معايا؟ فريدة: إن شاء الله. لو عاوز نبدأ ممكن النهارده بعد ما أروح مشوار كدة. زين: مشوار إيه؟ فريدة: هروح أنا وملك نجيب هدوم وكدة. زين: طب متتأخريش. فريدة: حاضر. (راحت فريدة لملك) فريدة: هاا، هنروح نجيب الهدوم؟

ملك: ماشي. وشوفي علا كدة. فريدة: ماشي. يا علا. علا: نعم. فريدة: كنا عاوزين نجيب هدوم، تيجي معانا؟ علا: ماشي، يلا. (راحوا هما التلاتة وجابوا هدوم، وفريدة كلمت علا وأقنعتها وجابت معاهم ورجعوا) (بعد المغرب بنص ساعة) عمر: (وصل ويدوب دخل وقال) السلام عليكم. جليلة: (انتفضت من مكانها وقالت) انت؟