رواية مصائر مجهولة الفصل السادس 6 - بقلم سما محمد

عمر: طب استني مش عاوزة تعرفي هي مين؟ ملك: مين؟ عمر بمكر: البنت هي زميلتي في الجامعة. ملك قالت بحزن: تمام ربنا يوفقك، بعد اذنكوا. فريدة: استنيني جاية معاكي. زين قال في سره: إيه اللي هببته ده يا ابني. زين بصله وقاله: انت هتخطب زميلتك فعلاً؟ عمر: أكيد لا، أنا معرفش بنات في الجامعة أساساً. زين بعصبية: امال بتتهبل تقول هتخطب ليه يا أهبل. عمر: أنا عملت كده لسبب على فكرة. زين: سبب إيه ده إن شاء الله.

الجد بذكاء: عشان يشوف رد فعلها من اللي قاله، لأنه معجب بيها وكان بيتأكد إن الإعجاب من الطرفين مش طرف واحد، صح ولا أنا غلطان يا عمر. عمر: بسم الله ما شاء الله ذكي جداً يا جدو، أيوه فعلاً ده السبب. زين: الله عليك يا جدو. الجد: ولد أنا جدو برضه. عمر: ده إحنا نتعلم منك يا جدو.

الجد قال بجدية: هزرنا وضحكنا، بس مش هسمح إنك تكسر بقلبها ولا تخليها تزعل، لو معجب بيها اتقدملها واخطبها وشوف في فترة الخطوبة ده كان مجرد إعجاب ولا حب، إنما تلعب بحفيدتي ده اللي مش هسمح بيه. عمر بتفاهم: مستحيل ألعب بيها أو أجرح مشاعرها، وحابب أطلب إيدها من حضرتك دلوقتي. الجد: لو عليا أنا موافق، بس الرأي رأيها. عمر: خلاص فاتحها في الموضوع وابقي قولي يا جدو. الجد: هتوافق وأنا متأكد، متقلقش وكلام جدو مبيخيبش.

عمر ضحك: حصل والله. بص في الساعة لقاها ١٠، فقال: يااه ده الوقت اتأخر جداً، يدوب أمشي. زين: ما تقعد معانا حبة. عمر: لا يوم تاني بقى. بص للجد وقال: معاك رقمي يا جدو، لما ملك تقرر ابقي عرفني. الجد: انت بس اللي متغيبش علينا وتزورنا على طول. عمر: إن شاء الله، يلا السلام عليكم. زين والجد: وعليكم السلام. زين قال بعد ما عمر مشي: إيه رأيك فيه.

الجد: انت عارف إني عندي نظرة في الناس، واللي شايفه إنه محترم ومتربي، ولو ملك وافقت عليه متأكد إنه هيتقي ربنا فيها. زين: هو فعلاً باين عليه إنه محترم. الجد: باين عليه! هو مش صاحبك؟ زين: عاوز الحقيقة. الجد: قول. زين: فاكر الشاب اللي قولتلك ضربته لما طلب إيد فريدة مني؟ الجد: اوعي تقول هوز. زين: هو بعينه. الجد: بس الصراحة باين عليه محترم، وانت ابقي اتحكم في أعصابك شوية. زين: بحاول والله، وإن شاء الله فريدة هتساعدني.

الجد: ربنا يتمملكوا على خير، يلا يدوب ننام الوقت اتأخر. زين: يلا. فريدة: إيه بقي مش على بعضك من ساعة ما قال هيخطب زميلته. ملك: مش عارفة، حاسة بحاجة غريبة ناحيته، مع إنها أول مرة نتكلم ونتقابل، إلا إني حاسة إني اتعلقت بيه ومعجبة بطريقته وشخصيته، بس لما قال كده اتخنقت أوي. فريدة: طالما بيحب واحدة تانية انسيه، وإن شاء الله نسيانه هيبقى سهل، لأنه هو يوم واحد شوفتيه فيه. ملك: ربنا يوفقه في حياته.

فريدة: بصي أنا عاوزة أكلمك في موضوع كده. ملك: إيه هو. فريدة: يعني انتي شكلك حلو من غير ما تحطي حاجة ماشاء الله، بس ليه لما بتطلعي برا البيت بتحطي ميكب؟ ملك: صراحة أنا نفسي مش عارفة بعمل ليه كده، بس زي ما تقولي سلمت للأمر الواقع من كتر خنقتي من كلام أمي المستمر، كل شوية هتعنسي، محدش هيبصلك، حطي والبسي والعرسان هتقفلك على الباب، خليكي عايشة سنك.

فبقيت اتخنق وأجبر إني أحط، وللأسف علا نفس الوضع، وعاوزة أقولك يوم ما زين رجع أكيد شوفتينا بنتساهل أو بنتمايص، بس للأسف دي مش شخصيتنا، وإحنا مش كده ولا حابين كده، إحنا من كتر الزن اللي على وداننا بقينا للأسف كده. فريدة: متزعليش، انتي بإيدك تغيري كل ده، بإيدك مش تحطي ميكب تاني وتظبطي من لبسك وترضي ربنا فيه، اياكي تطيعي أمك في معصية ربنا.

ملك: عندك حق، وصراحة أنا بكره الميكب جداً ومش بحب الحاجات دي على وشي، من النهارده مش هحط تاني، ولو حبيت أحط هبقى أحط في أوضتي. فريدة: صح كده. ملك: وصراحة لبسي كله مش مناسب، كله بناطيل وبلوزات. فريدة: متشيليش هم، بكرة الصبح ننزل أنا وانتي وهشوف علا ونجيب لبس جديد. ملك حضنت فريدة وقالت: شكراً أوي إنك في حياتي بجد. فريدة: ده أنا اللي عاوزة أشكر ربنا إن القمر دي بنت عمي. ملك: لو هشحت كده مبحبش إلا انتي 😂💖

فريدة: حبيبي حبيبي حبيبي 😂💖 زين في أوضته عمال يفكر في اللي شاغل باله، وأول لما افتكرها افتكر معاها الصلاة، فابتسم وقام توضأ وصلى ركعتين قيام ودعا ربنا وقال: يارب تب علي واغفرلي إنك أنت الغفور الرحيم. يارب اكرمني واكتبها من نصيبي. وقام فرد نفسه على السرير ونام. تاني يوم. العيلة كلها متجمعة. الجد قال: أتقدم لملك عريس. ملك شرقت وهي بتشرب وقالت: عريس؟ مين ده. الجد: عمر صاحب زين. ملك: إيييه؟ ازاي؟