رواية مصائر مجهولة الفصل التاسع 9 - بقلم سما محمد

جليلة في التليفون: أيوة يا توفيق أنا اتطلقت وهجيلك. توفيق: خلاص تعالي، أنا موجود في الفيلا القديمة، أكيد فاكراها. جليلة بضحك: أكيد فاكراها وجايه. زين بعد ما لبس فريدة الدبلة قال: ما تجيبوا المأذون بالمرة يا جماعة، الله يرضي عنكم. فريدة: مأذون إيه؟ لسة بدري. زين: يا ستي عاوز اتجوز، جوزوني يا ناس. الجد: اقفل بوقك بدل ما أنت مصدعنا، قولنا هنجوزكوا بس مش دلوقتي. عمر:

يا جدو، عم زين بيتكلم صح الصح والله، وأنا كمان عاوز اتجوز صراحة. وليد وهو بيضحك: اصبروا شوية تتعرفوا على بعض. عمر: لا يا عمي مش عاوزين نصبر، نبقى نتعرف عليهم وهما على ذمتنا. زين: هو ده الكلام. الجد: رأي العروستين إيه؟ فريدة وملك بصوا لبعض وقالوا: موافقين. الجد: على بركة الله، هروح أرن على المأذون. عمر بص لملك وقال: أحسن قرار ممكن تتخذيه، أه والله. ملك ضحكت. فقال لها: هتبقي مراتي يا ست ملك، وهتبقي حرم عمر. توفيق.

ملك اتكسفت ومردتش. زين قال لفريدة: عشان تعرفي إني مؤدب ومش برضي أكسفك زي العالم دي. فريدة: انت هتقولي بردو، ماشاء الله عليك مؤدب جدا. زين: تقدري تشككي في كده؟ فريدة ضحكت وقالت: لا طبعًا. فضلوا كلهم يضحكوا، وعدا نص ساعة والمأذون وصل. شيرين وكريمة زغرطوا. المأذون قال: سمعت إن في جوازتين. الجد: بإذن الله يا مولانا. المأذون: طب نبدأ بأنهي؟ الجد قال: ابدأ بالكبار الأول. زين بفرح: يسلم بوقك يا جدو يا سيد الناس.

وبص لعمر وقال: شايف يا ابني المعزة. عمر: شوفتها يا أخويا، خلاص اخلص بقي عشان أنا مستعجل. زين ضحك وقال: مش أكتر مني والله. زين قعد جمب المأذون، ومصطفى أبو فريدة قعد قدامه. وبدأ المأذون يكتب الكتاب. وبعدين قال: بارك الله لكما وبارك عليكما وجمع بينكما في خير. شيرين زغرطت وراحت حضنت فريدة وقالت: ألف مبروك يا حبيبتي. فريدة: الله يبارك فيكي يا ماما. زين بص لشيرين وقال: حاسبي كدة يا حماتي، عاوز أحضن أنا كمان. شيرين ضحكت.

مصطفى قاله بضحك: يا أخي احترمنا حتى. زين: يا عمي دي مش فيها احترام، ده مستني اليوم ده بقالي سنين. حضن فريدة وباس راسها وقال لها: بحبك يا مراتي. فريدة اتكسفت ومعرفتش ترد. ف عمر قال: جماعة خلصونا، عاوز اتجوز. زين: محسسني إن الجوازة هتطير. الجد ضحك: مين بيتكلم. ضحكوا على زين. ف عمر راح قعد مكان زين، ووليد مكان مصطفى. والمأذون كتب وقال: بارك الله لكما وبارك عليكما وجمع بينكما في خير. وكله بدأ يباركلهم.

عمر باس راس ملك وحضنها. وقعدوا كلهم مهيصين وبيغنوا ويزغرطوا. ف زين قال: عاوز أخرج شوية مع مراتي، كفاية كدة. مصطفى بإبتسامه: ومالو، اطلعوا. وانت ياعمر خد ملك اتفسحوا وانبسطوا. عمر: كنت لسة هقول كدة فعلاً. الجد: ربنا يهنيكم يا حبايبي ومتتأخروش. علا قربت وحضنت فريدة وملك وباركتلهم. وبعد كدة كل واحد فيهم خد مراته وخرج بعربيته. عند جليلة. جليلة: أنا وصلت يا توفيق خلاص. توفيق: خلاص ادخلي، أنا شوفتك أهو. جليلة

دخلت فتحلها توفيق وقال: طولتي في الغيبة عليا. جليلة دخلت وقعدت وقالت: ابنك يا أخويا هو اللي جابلي المصايب. توفيق: إزاي يعني؟ عمر عمل إيه وقابلتيه فين؟ جليلة: اتاري ابنك عاوز يتقدم لبنتي، وشافني وقال علي كل حاجة عملناها زمان. توفيق: أوعي تقولي جاب سيرتي. جليلة: مش تقلق أوي كدة، محدش قال عنك حاجة. أنا اللي اتهانت واتطلقت. توفيق:

وأيه اللي فيها، أنا وانتي نتجوز وخلصت. وبعدين افتكري إننا شركاء في اللي حصل زمان، ولا أفكرك. جليلة: مش ناسية، ومش لازم كل شوية تفكرني. توفيق: عدتك تخلص ونتجوز. وقال في سره: أنا مش ضامن تمشي من هنا تفضحي كل حاجة، أنا اتجوزك وبعد كدة أبقى أخلص منك. جليلة: ماشي، موافقة. توفيق: ده الكلام الصح. عند فريدة وزين. زين: أنا مبسوط أوي إننا اتجوزنا. فريدة: وأنا كمان. زين: بجد؟ فريدة: احم، أه. زين مسك إيديها، ف هي اتوترت.

قال لها: مش تخافي، إحنا هنتمشي حبه في الجو الحلو ده زي ما بتحبي، وهنقعد على الكورنيش حبه. فريدة: لسه فاكر أحلامي زمان. زين: ودي حاجة تتنسي. فلاش باك. فريدة لما كان عندها ١٨ سنة وزين عنده ٢٢، كانت قاعدة مع زين وقالت له: تعرف يازين، أنا لما أكبر نفسي أوي أحقق أمنية من أمنياتي بعد الجواز. زين بإبتسامه: أي هي؟ فريدة:

إني أمسك إيد جوزي ونتمشى بليل والجو سقعة كدة، وبعدين نقعد على الكورنيش ونأكل ترمس بقي ونجيب قهوة ونقعد نبص للبحر. زين: أحلامك بسيطة بس مميزة، ولما تتجوزي هحققلك الحلم ده. فريدة: إزاي؟ زين: احم، أنا قصدي إن شاء الله تحققي الحلم ده يعني. فريدة: أه. باك. فريدة: مكنتش أعرف ساعتها إنك هتفضل فاكر للنهاردة، وإنك ممكن تتجوزني وتحققلي حلمي البسيط ده. زين بإبتسامه: أحلامك البسيطة بالنسبالي شئ كبير جدا. فريدة:

شكرا لأنك فاكر كل حاجة تخصني وحابب تسعدني. زين: ده أنا اللي عاوز أشكرك على وجودك في حياتي. عند عمر وملك. خدها وراحوا مكان هادي ولطيف. عمر: أنا مبسوط أوي إنك غيرتي لبسك عشان ترضي ربنا، ومهتمتيش بالناس. ملك: وأنا كمان مبسوطة إني اتغيرت كدة. عمر: كلام الناس يهون عشان رضا ربنا، رغبتنا في شئ تهون عشان رضا ربنا. خديها قاعدة، كل حاجة في سبيل رضا ربنا تهون مهما كانت. ملك: عندك حق.

عمر فضل يكلمها عنه وعن حياته، وملك بردو بتحكيله عنها. فجأة وصلت رسالة لعمر. بص لملك وقال: هشوف مين بسرعة، ممكن. ملك: ماشيه. عمر فتح الرسالة واتخض. بص لملك وقال: لازم أروحك عشان عندي مشوار ضروري.