رواية مصائر مجهولة الفصل الحادي عشر 11 - بقلم سما محمد

عمر: يعني مش هتعترفوا إنكم السبب في حياتي اللي زي الجحيم؟ وبعدها تطلقوا أمي وتتزوجوا الحرباية دي؟ توفيق اتصدم وقال: انت عرفت إزاي؟ عمر ضحك وقال: شايفني عيل ولا إيه؟ توفيق: انت فاهم غلط يا ابني. عمر: ما تنطقي يا جليلة، ولا اتخرستِ؟ جليلة اتوترت وقالت: أنا مليش دخل في الكلام ده، هو السبب وهو اللي قالي كل ده. عمر: ما علينا. بالمناسبة، عرفت إنكم الاتنين بتهربوا آثار، وحبيت أقولكم: اتفضلوا.

دخل البوليس وحط الكلابشات في إيديهم. عمر بص لهم وقال: مع السلامة. هتوحشوني صراحة. البوليس خدهم، وعمر اتنهد براحة وراح بيته عشان يكلم ملك. زين ضحك وقالها: إيه رأيك في الجنون ده؟ فريدة فضلت تضحك: حرام، نفسي اتقطع من كتر الجري. زين: خلاص، تعالي نروح مطعم حلو ناكل حاجة. فريدة: ماشي. دخلوا مطعم. زين شد لها الكرسي وقالها: اتفضلي يا أميرتي. فريدة ضحكت وقالت: ماشي يا أميري. قعدت وهو قعد. فضلوا يتكلموا وطلبوا أكل. عند ملك.

دخلت أوضتها وهي زعلانة إنها ملحقتش تقعد مع عمر حبة. فضلت تقلب في موبايلها، لقيته بيرن. ردت بسرعة وقالت: عمر، انت عامل إيه دلوقتي؟ عمر: بخير عشان سمعت صوتك. ملك: احم، طب الحمد لله إنك بخير. عمر: على فكرة، أنا مستنيكي تحت. ملك: تحت إزاي؟ استني كده. بصت من بلكونة أوضتها، لقيته واقف قدام العربية وشاور لها. قالت له: طب هنزل إزاي دلوقتي؟ عمر: عادي، قولي لهم نازلة لجوزي وقرة عيني. ملك ضحكت وقالت: ماشي يا جوزي.

عمر بهيام: ينهار أبيض عليكي وإنتي بتقولي جوزي دي. ملك ضحكت وقالت: عمر، اتلم. عمر: احم احم، خلاص يا قمر. انزلي بس. ملك: نازلة أهو. نزلت بسرعة، لقيته واقف. قربت وقفت جنبه، لقيته بيشدها ويحضنها. اتوترت شوية، بس لقيته بيقول: النهاردة أكتر يوم حاسس نفسي مرتاح فيه. ملك: ربنا يريح قلبك دايماً. عمر: تعرفي إن النهاردة كان كتب كتابي على واحدة زي القمر. ملك بصت له وقالت: هي حلوة أوي كده؟ عمر: الأ حلوة دي مفيش منها.

ملك: اممم، وبتحبها على كده؟ عمر: لو عاوزة الصراحة، أنا بحبها وبعشقها، بس مش تقولي لها، أصلها بتتكسف. ملك اتكسفت. قالها: شفتي، اديها اتكسفت. بصلها وقال وهو مش عارف يقولها إزاي: ملك، عاوز أقولك حاجة. ملك استغربت: مالك قلبت جد كده ليه؟ عمر: بص، اسمعي كلامي براحة من غير زعل. ملك: عمر، انت قلقتني. عمر: اهدي واسمعيني، عاوز أقولك إن النهاردة يعني. ملك: ها؟ عمر: اتقبض على أمك عشان بتهرب آثار هي وبابا.

ملك اتصدمت وقالت: إيه ده؟ إزاي ماما تعمل كده؟ عمر: ملك، اهدي عشان خاطري. ملك دموعها نزلت: عارفة إنها عملت حاجات غلط كتير، بس برضه هي أمي. عمر مسح دموعها وحضنها وقال: للأسف، ساعات بيبقى لازم تلغي مشاعرك وتستسلم للأمر الواقع. ملك: بس الموضوع صعب. عمر: صعب آه، بس انتِ قدّه. ملك: بس أنا عايزة أشوفها، طيب ينفع تاخدني ليها؟ عمر: دلوقتي مش ينفع، نبقى نروح بكرة. ملك: ماشي، بس وديني بالله. عمر: عيوني ليكي.

ملك: أنا هطلع دلوقتي. عمر: هتوحشيني لبكرة على فكرة. ملك اتكسفت وطلعت تجري على أوضتها. فريدة: يلا نروح بقى، زمانهم قلقوا علينا. زين: ماشي، يلا. ركبوا العربية وفضلوا يتكلموا لحد ما طلع حد قدام العربية مرة واحدة.