رواية مشاكسة اخذت بيدي الفصل الرابع 4 - بقلم ذات النقاب

فرح: أنا مغلطتش علشان أتأسف. حلال عليا. يلا نلحق المحاضرة. رعد: آآآه يا مجنونة. أما أوريكِ يا شبر ونص. بعد المحاضرة دي، محاضرتين كمان وفرح مراحتهمش. الحاج رعد كان مضايق، بس كان بيكابر. وجه يوم وفرح راحت أخيراً. وكانت كالعادة بتاكل، وهو دخل المحاضرة. رعد: السلام عليكم ورحمة الله وبركاته. طبعاً النهاردة هعمل مسابقة، واللي يكسب ليه مكافأة. تمام؟ المسابقة عبارة عن مين يقدر يلخص خمس محاضرات في المحاضرة دي بأسئلة كويسة.

الطلبة: تنحو نعام. خمسة؟ لا يا دكتور، صعب وكثير. مستحيل. طبعاً الحاجة فرح مهتمتش كالعادة وفضلت تاكل. رعد: بس؟ ولا نفس؟ دكتورة فـَـرَح، معلش هنعطلك ع الأكل. فرح: استغفر الله. ويسألوني بتخسي ليه؟ هو يا حبة عيني بتهني على لقمة؟ أيوه يا دكتور. رعد: نفسي أعرف مبتبطليش أكل ليه؟ انتي لو مركزة في المذاكرة كده هتطلعي الأولى. فرح: يا دكتور، العقل السليم في الجسم السليم. فلازم أتغدى.

رعد: حسبي الله. طب تقدري تقولي لي كنا بنتكلم في إيه؟ فرح: انتوا كنتوا بتتخانقوا مش بتتكلموا. رعد: امممم. وبنتخانق في إيه؟ فرح: وأنا مالي يا دكتور؟ "من تدخل فيما لا يعنيه نال ما لا يرضيه." رعد: يا شيخة! احلفي! المدرج كله فطس ضحك، ومنهم فرح ونور. رعد: بس؟ ولا نفس؟ فـَـرَح، تقدري تلخصي الخمس محاضرات؟ فرح: طب وأنا هستفاد إيه لو طلعت لخصتهم؟ رعد: انتهازية أوي انتي يا فرح. ده أمر مش طلب. فاهمة؟ فرح:

راحت عنده وقالت: أولاً أنا متؤمرش. ثانياً كان ممكن أفكر لو كان طلب، إنما أمر؟ نو. مرفوض. عندك الطلبة كتير. رعد: عارفة يا فرح، لسانك ده هقطعهولك قريب. وبعدين بصيلي وأنا بكلمك. إيه قلة الزوق دي؟ فرح: أولاً، ده مش قلة زوق يا مستر. بس ربنا قال: "قل للمؤمنين يغضوا من أبصارهم" (سورة النور، آية 30) (آية 31) "وقل للمؤمنات يغضضن من أبصارهن". يعني ربنا أمرنا بكده، وأنا بنفذ كلام ربنا مش قلة زوق مني.

رعد سكت واتكسف من نفسه لأنها معاها حق. وده اللي لاحظه إنها مبترفعش عينها عليه خالص. رعد: ابتسم. تمام يا فرح. بس ممكن لو تقدري تلخصيهم؟ فرح: ممكن المايك؟ رعد: اتفضلي. فرح: قالت للدكتور خمسة كتير. أنا... لسه هتكمل، رعد خد المايك وقال: قدامكم عشر دقايق. لو محدش طلع لخصهم، الدفعة كلها هتشيل المادة. أنا طالع عيني و لا بتذاكروا ولا نيلة. عشر دقايق بس. فاهمين؟

صمت وخوف عم المدرج. وفرح راحت مكانها تاني وقعدت. مسكت الفون وبصت على ملخصاتها وسكتت. عدت خمس دقايق والعيال في رعب. وواحدة في آخر دقيقة قالت: أنا هطلع. واللي يحصل يحصل بقى. بنت: احم. ممكن المايك يا دكتور؟ رعد: فرح. إن حد اتشجع وقال. اتفضلي. بنت: ممكن أبص أسترجع من الفون لما أقف؟ رعد: ابتسم. ممكن. اتفضلي. كفاية إنك اتشجعتي. البنت فضلت تشرح وكانت متوترة و بتقف كتير.

ومرة واحدة عيطت وقالت: أنا آسفة يا دكتور مش هقدر أكمل. مش عارفة ألخص خالص. ممكن تسامحنا المرة دي وخليها المرة الجاية.