رواية مصيبة سكنت قلبي الفصل الأربعون 40 - بقلم اميرة رمضان

ساره: السلام عليكم جاسر بفرحه: وعليكم السلام اخيرا نورتي الشركه ساره: منوره بيكم طبعا جاسر: طب يلا امسكي الورق ده عايزك تخلصيهم ساره: دانا لسه بقول سلام عليكم اهدي شويه جاسر: بصراحه مصدقت انك جيتي كفايه إنك بتونسيني ساره: كنت حاسس بالوحده يعني جاسر: أوووي أووووي ساره بكسوف: طب يلا هات الورق جاسر: مش هتعملي القهوه زي كل مره ولا نسيتي ساره: لاء منستش هعملها في ثواني *** أحمد: بقولك إيه ميرا: خير

أحمد: إحنا عايزين نعمل فرحنا قبل مندخل في حوارات العيال دي ميرا: حوارات إيه مش فاهمه أحمد: زين هيخطب ريم وهو جاي علي جواز علطول وأنا مش هخليه يتجوز قبلي ميرا: هههههه هو انت هتسابق أحمد: هو كده أنا هتجوز قبله مليش دعوه ميرا: طب هما هيتجوزو الشهر الجاي أحمد: خلاص أنا هتجوز الأسبوع اللي جاي ميرا: انت بتهزر لاء طبعا أحمد: لاء ليييييه ميرا: عشان امتحاناتي أحمد: طب خلاص إيه رايك نعمل الفرح مع بعض ***

نيفين وسهر نزلوا من العربيه قدام العماره اللي ساكنه فيها ريم وبيت أهلي سهر: هما في انهي عماره بقا نيفين: ثواني هسأل نيفين: لو سمحت عز بص لها بإعجاب: نعم نيفين: فين العماره اللي ساكنه فيها ريم عتمان عز: هي العماره دي هما ساكنين في الدور التالت الشقه اللي علي اليمين نيفين بإعجاب بشياكته: شكرا وطلعت هي وأمها خبطوا على الباب وريم فتحت ريم ببرود: أهلاً نيفين: عايزين ريان

كريمه جات وشافتهم: طب اتفضلوا ريان 10 دقايق ويكون هنا دخلو وقعدوا بغرور كريمه: تشربوا إيه سهر: مش عايزين منكم حاجه ريم بضيق: امال جايين عندنا ليه سهر: جايه اخد ابني اللي ضحكته عليا وخدته من حضني ريم: بلاش الشغل ده انتي فعلاً لو واخده ابنك في حضنك مكنش سابك لكن للأسف مش مهتميه إلا بنفسك والفلوس وبس حتى بنتك سايباها ومش مهتميه بيها سهر بغل: انتي مالك انتي هتعرفيني أتعامل مع ولادي إزاي ريم: لاء مش بعرفك بس برد على كلامك

(ريان دخل) ريان: كوكي بص شاف أمه وأخته سهر: ابني حبيبي كده تبعد عني كل ده نيفين: وحشتني أوي سهر: يلا تعالي معانا أنا جايه أخده ريان: شكرا بس أنا مش هروح في أي مكان سهر: لييييه هما عاملين ليك إيه ريان: مقدمين ليا كل حاجه حلوه عايش هنا في جو العيله اللي بجد مش العيشه الكدابه اللي كنت عايشها في الفيلا تقدري تقولي أنا هنا لقيت نفسي حتى لقيت حبيبتي كمان ومش هرجع تاني أعيش معاكم

(بعد كلام كتير أوي بينهم كريمه أقنعت ريان بأنه يروح لأبوه يصالحوا ومش مهم يعيش معاه) *** رنا: إتأخرتي كده ليه _ماتأخرتش انتي اللي مستعجله رنا: بصراحه آه _عمر قالي بحبك رنا: بجدددد رنا: آه والله وهموت من الفرحه من امبارح _مبروك ي روحي هاتي حضن جاي (حضنتها) رنا: واصلاً البيه كان متقدم ليا بس محدش قالي خااالص _طب منا عارفه رنا بغضب مصتنع: انتي كمان كنتي عارفه ومقولتليش _يوسف قالي وقالي معرفكيش إلا لما عمر هو اللي يقولك

رنا: بصي أنا مش هزعل عشان مش عايزه أعكر مزاجي بس بعدين هطلع عينك _وأهون عليكي ي رورو رنا: بسسسسس مش عايزه حد يصالحني إلا هو _هههههههه يخربيت هبلك رنا: في سؤال شاغلني من فتره وكل ما أجي أسألك أنسي _خير رنا: هو انتي عزمتي روفان يوم فرحك ليه _انتي لسه فاكره وبعدين أنا تعبت من كتر الإجابة على السؤال ده رنا: هههههههه مجتش عليا بقا يلا قولي

_روفان ماشيه ورا كلام أمها وكمان هي موهومه إنها بتحب يوسف لكن هي لاء مش بتحبه عملت كده عشان يثبت للكل إنها حلوه واتجوزت واحد جنتل زي يوسف لكن هي مش كده هي كويسه بس مش عارفه تطلع الحاجه الحلوه اللي جواها رنا: طب انتي عرفتي منين _قابلتها قبل الفرح بتاعي في المول واعتذرت لي كتير أوووي وبصراحه سامحتها وعزمتها على الفرح *** تاني يوم ريم: انت رايح فين ريان: والله مش عايز أروح بس مضطر رايح عند أبوكي ريم: طب خدني معاك ريان:

بجد عايزه تاجي ريم: طبعاً لازم أعرفه إني هتجوز وهطلب منه يحضر كتب الكتاب كمان ريان: تفتكري هيوافق ريم: دي حاجه ترجعله أنا هعمل اللي قالتلي عليه ماما كريمه غير كده مكنتش هكلمه في حياتي ريان: كده أنا وانتي مجبورين من ماما كريمه على المشوار ده ريم: ربنا يستر *** جاسر: فرح أحمد وميرا وزين وريم هيتعمل أول الشهر الجاي ساره: منا عارفه جاسر: طب إيه ساره: إيه جاسر: أصحابك كلهم هيتجوزوا انتي هتفضلي قاعده كده

ساره: انت هتعمل زي امي كل شويه تقولي مش شايفه أصحابي اتجوزوا انتي هتفضلي قاعدهالي كده جاسر: طب مش ناويه ولا إيه ساره: هو كان حد مناسب جه وأنا قولت لاء جاسر بابتسامه حب: طب اجهزوا بكرا عشان إحنا جايين 😉 ساره: اااااي جاسر: بحبككككككك ساره اتكسفت أوي ووشها جاب مليون لون جاسر: أموت فيك وانتي وشك أحمر كده ساره: جاااااسر الله *** كل عاده بنفطر تحت مع العيله حمايا: إيه ي ملك خلصتي بقا الامتحان _آه ي بابا آخر

ماده كانت امبارح حمايا: يلا خير إن شاء الله هتجيبي أعلى تقدير يوسف: عايزين حاجه _ثواني هعملك القهوه قبل ما تمشي يوسف: بسرعه بس ي قلبي _حاضر قمت حسيت إن دماغي هتنفجر بس قولت مش مشكله دي من قلة النوم ودخلت أعمل القهوه أمال: قومي ي بت هاتي إزازه ميه من التلاجه رنا: ماشي دخلت المطبخ وفجاء رنا بصراخ: يالهوووووووووي يوووووووووووسف الحق ملكككككككككككي