رواية مصيبة سكنت قلبي الفصل الثاني والعشرون 22 - بقلم اميرة رمضان

حقيقي أنا آسفة مش هتأخر تاني وهعوضكم وهنزل حلقات هدية كتير تعويض ليكم بحبكم يا قمرات. دخلت أنا وأصحابي وكلنا في صوت واحد: لولولولولولولووووووووووووووووي. بابا: يلا يا بنت الكااااااااااااااااااااااااااااا الب انتي وهي على جواااااااااااااااااااااااااا وجرينا بسرعة. يوسف بضحك: ها قولت إيه يا عمي؟ بابا: والله كان نفسي أقولك بنتي مش هتوافق تسيبنا بسرعة كده، بس بعد اللي حصل مفتكرش.

يوسف: على خيرت الله بكرا الصبح بابا وابن عمي هينزلوا من السفر وهناجي بليل نكتب الكتاب. بابا: طب مستعجل ليه؟ خليهم براحتهم ويبقى تعالوا أي يوم تاني. يوسف: لأ بكرا يعني بكرا. بابا: هقول إيه والله إذا كانت بنتي مجنونة فانت أجن منها. يوسف: يلا سلام بقى وهناجي بكرا. *** تاني يوم. رنا قاعدة والباب خبط. فتحت الباب. رنا بفرحة: عمررررررر. عمر: إيه يا بت صرعتيني. رنا: ههههههه سلامتك من الصرع يا ابن عمي. ادخل.

عمر: أمال بابا فين؟ رنا: راح لحد الشركة هيخلص كم حاجة وييجي. عمر: أخوكي فين؟ رنا: نااااايم. عمر: نايم؟ هو حد ينام في يوم زي ده؟ رنا: تعالا نغلس عليه زي زمان. عمر: أشطا. دخلوا بسرعة أوضة يوسف. رنا: يوووووووووووووسف. يوسف: إيه في إيه؟ عمر: مبروووووك يا عررررريس. وكب كوباية مايه في وشه. يوسف: يا بن *****. عمر: عيب يااض أنت بقيت عريس وكبرت على الشتيمة. رنا: هو فيه عريس ينام لدلوقتي؟

يوسف بضيق: يعني هروح من دلوقتي أعمل إيه يا غبية أنت وهو؟ واطلعوا برا عايز أتخمد. عمر: كلمت المأذون؟ يوسف: لأ كلموه أنتو. وكلموا الأتيليه يبعتوا الفستان اللي اخترته على عنوان ملك الكرت عندك على المكتب. عمر: ماشي. طب جهزت الورق والحاجات اللي هيحتاجها المأذون؟ يوسف: لأ جهزوا أنتو. عمر: طب جبت التورته والشوكولاتة اللي هتوديها للعروسة؟ يوسف: لأ هات أنت.

عمر: هو كله أعمل أنت جهز أنت كلم أنت. ده على كده بقى أروح أتجوزها أنا. *** ميرا: ده إحنا قولنا هندخل نلاقيكي نايمة. _: أنام إيه؟ دانا هموت من الفرحة ومعرفتش أنام. ريم: ودعتي العزوبية يا بت. _: ههههههه أها يا أختي طول الليل أنا ويوسف بنودع فيها. سارة بفضول: كنتوا بتقولوا إيه؟ _: وانتي مالك يا حقنة؟ وبعدين مش انتي دماغك مفتوحة جاية ليه؟ سارة: أخص عليكي واطية. _: عادي يعني، وإيه الجديد؟ ريم: طب يلا يا واطية هتلبسي إيه؟

_: مش عارفة والله. (دخلت أمي واحنا بندور على حاجة ألبسها) ماما: يا لوكا يوسف بعتلك الفستان ده. جريت بسرعة، خته منها وفتحته. ميرا: وااااااااو. ريم: يخربيت ذوقه. سارة: الحمد لله اتحلت. *** بليل. رنا: لولولووووي. عمر: إيه الزغرودة اللي عايزة محلول دي. رنا: ملكش دعوة أخويا وفرحانة بيه. يوسف: حياتي 😘 عقبال فرحتك يارب. رنا: يارب يا قلبي. بابا جه تحت وبيستعجلك.

يوسف: أنا خلاص خلصت. يلاااا يا عم دانا العريس وخلصت، أنت بتعمل إيه؟ عمر: طب أنت العريس وخلاص البنت اتدبست فيك، أنا بقي لسه ملقتش اللي تدبس فيا. رنا: والله 😏 طب يلااا خلينا نخلص. يوسف: رن على الزفت ابن عمك خليه يجيلنا على هناك، أنا مش عارف إيه اللي أخره كده. عمر: كل حاجة أعمل، يا عمر هو أنت مبتعرفش تعمل حاجة خااالص. *** بعد شوية. عمر: الو ي زفت أنت فين؟ أحمد: أنا مروح. عمر: مروح فين؟

أنت ناسي إن يوسف كتب كتابه انهارده. أحمد: مش قادر أروح، روحوا أنتو. عمر: في حاجة يا أحمد ولا إيه؟ أحمد: لأ مفيش، بس مش عايز أروح. عمر: يوسف هيزعل منك أوي لو مجتش. أحمد بتنهيدة: خلاص جاي. *** يوسف: يلا يا بابا أنا جهزت. أمال: بسم الله ما شاء الله ربنا يحميك يا ابني. عبدالله: يلا يا حبيبي. (يوسف مشي من غير ما يبص لأمه) أمال: هتمشي من غير ما تسلم عليا؟ مش كفاية إنك مش هتاخدني معاك. يوسف: انتي اللي عملتي كل ده.

أمال: والله يا بني مكنتش أعرف إن روفان هتعمل كده. يوسف: والله معقولة روفان هتعمل حاجة من غير ما تقولي؟ أمال: وحياتك عندي يا ابني مكنتش أعرف، هي فعلاً قالتلي إنها مش هتسكت بس متوقعتش إنها تعمل كده. يوسف: انتي كنتي واقفة معاها وسمحتي لها تعمل أي حاجة، حتى إنها تيجي على سعادة ابنك ده غير إنك دايما بتميزيها عن رنا وحاجات كتير أوي، وجاية دلوقتي تقولي إنها غلطانة. أمال: أنا آسفة يا ابني.

يوسف: انتي مغلطيش فيا عشان تعتذري، انتي غلطتي فيها هي. وعلى العموم اللي حصل حصل، سلام. (أمال زعلت وفضلت تعيط) *** بابا: يا أهلااا يا جماعة اتفضلوا. (ميرا كانت بتدور على أحمد بس ملقتهوش، دخلت عندنا الأوضة) ريم: مالك يا حزينة؟ في حاجة حصلت ولا إيه؟ ميرا: لأ بس العريس وعيلته جم برا. ريم: طب وزعلانة ليه؟ ميرا: أحمد مش معاهم. سارة: وبتسألي عليه ليه؟ مش انتي كل ما تشوفيه تتخانقي معاه.

ميرا: عادي يعني مش المفروض ييجي مع ابن عمه في مناسبة زي دي؟ ريم: هو وابن عمه حرين مع بعض، شاغلة بالك انتي ليهم. ميرا: إيه يا ريم في إيه؟ خلاص هسكت ومش هتكلم. ريم: متزعليش يا ميرا، هي متقصدش حاجة بس انتي اللي مكبرة الموضوع. ريم: لأ أقصد أصل شغل الدلع والهبل ده مينفعش. ميرا: برضو يا ريم. سارة: أيوا ريم عندها، انتي مغرورة وعنيدة على نفسك. ميرا بدموع: حتى انتي يا سارة؟ وأنا عنيدة ومغرورة ليه بقا إن شاء الله؟

سارة: إنك بتحبي أحمد بس بتكابري ومش معترفة بكده، وكل ما تشوفييه تتخانقي معاه. ريم: أها، وكمان هو طلب منك الجواز وانتي قولتي له انت أهبل وبتعامليه بطريقة باردة ومش حلوة، فمتزعليش بقى لما تعرفي إنه هيتجوز غيرك. ميرا: أنا طالعة برا. (ومشت) _: إيه يا ريم انتي وسارة مالكم داخلين في البت شمال كده ليه؟ ريم: معرفش بقى هي جات كده، بس هي لازم تفوق وتفكر شوية، لو فضلت تعامله بطريقة دي هيحصل إيه؟

هي مفكرة إنه هيجري وراها طول العمر. سارة: هي هتزعل شوية بس هتفكر في كلامنا هتلاقيها صح. ميرا كانت واقفة قدام الشقة وأحمد جه. ميرا: أهلاً نورتنا اتفضل. دخل أحمد من غير كلام. ميرا في بالها: هو ساكت ليه كده. بعد ربع ساعة. المأذون جه وطلب إن العروسة تطلع. ريم: حاضر، أنا هندهالها. ودخلت ملقتش ملك. ريم دورت عليها في الشقة كلها مش لاقياها. هدي بخوف: البت مش في الشقة، راحت فين؟ عز: أنا هنزل أشوفها لتكون عند الجيران.

شويه وعز طلع. عز: مش عند حد. يوسف: فين ملك؟ خليها تطلع بسرعة عشان المأذون عايز يمشي. هدي وهي بتلطم على وشها: ملك مش موجودة، البت بينا اتخطفت.