رواية متى ينتهي العذاب الفصل الرابع 4 - بقلم ميادة خاطر

كلهم بصوا للصوت واتفاجئوا بمحسن. البنات بلعوا ريقهم بصعوبه وقعدوا جنب بعض ومتكلموش. محسن بنظرات حاده وصوت خشن: يلا عشان معاد العمليات. ميرا وهى رافعه احد حاجبيها: عملية إيه؟ محسن: إحنا هنزرع جوا كل واحده فيكم أجنة، واللي هتجيب ولد هناخده، واللي هتجيب بنت نخليها. حور: طب لو كلنا جبنا ولاد؟ محسن ضحك وقال: هناخدوهم كلهم. ميرا: طب واحنا؟ محسن ببرود: هنرميكوا بعد سنتين الرضاعة.

سمر بضيق: أنا مش فاهمه، انتوا إزاي اتصنفتوا من البشر؟ اقسم بالله انتوا زي الشياطين. محسن بضيق منها: وربنا لو سمعت صوتك تاني لأعمل فيكي زي ما عملت مع سحر. سمر بصتله بغيظ ومردتش. محسن بزعيق: يلا ورايا. كلهم قاموا ومشوا، وكل واحده بتفكر في اللي هيحصل. *** في قسم الشرطة. أهل سحر جم وأدموا بلاغ لأن بنتهم موصلتش كليتها ومر 24 ساعة على اختفائها. الظابط: طب استنوا بس، مش انتوا بتقولوا إنها كانت رايحة الكلية؟ أكيد هناك.

أم سحر بعياط: إحنا رنينا على الكلية عشان نشوفها وصلت ولا لأ. عميد الكلية قالنا لأ للأسف مجاتش الكلية. ثم كملت: وبنتي متعرفش أي حاجة هناك غير الكلية، وعلى طول بتروح وتيجي في نفس الأتوبيس. الظابط بتنبه: طب والأتوبيس إيه نظامه؟ مكلمتوش صاحبه ليه؟ أبو سحر: الأتوبيس وصل وقال إنهم مركبوش، مع إن أنا مدخل بنتي بنفسي. الظابط: خلاص نجيب صاحب الأتوبيس واحنا هنفهم منه كل حاجة.

الصول: باشا، يا باشا جالنا بلاغ إنهم لقوا بنت مرمية في الماية وملفوفة في ملاية. أم سحر بصويت: يا خرااابي بنتي. الظابط: ممكن تهدي حضرتك، إن شاء الله مش هي. ودوها يابني عالطبيب الشرعي بسرعة عشان يعرف سبب الوفاة، ومن بصماتها هاتوا كل المعلومات عنها. الصول: تمام يا فندم. ومشي. الظابط: حضرتكوا أدمتوا البلاغ، تقدروا تتفضلوا. ولما نعرف أي جديد هنقولكم.

أبو سحر بتعب: أرجوك يابني هاتلي بنتي، أنا معنديش غيرها. وإحنا جينا امبارح وانت قلت لازم يمر 24 ساعة، وأهم مروا وجينا. أرجوك. الظابط بطيبة: حاضر يا حج، صدقني هعمل كل اللي أقدر عليه وأجبلك بنتك إنشاء الله. أبو ميرا بدموع: ربنا يخليك يابني يارب. يلا يا أم سحر. أم سحر بحزن قامت ومشيت من غير كلام. الفون رن. الظابط: ألو. الظابط العام: إيه يا مراد عرفت اللي حصل؟ مراد: خير يا باشا.

الظابط العام: في أربع بنات اختفوا من أربع محافظات مختلفة، والأربعة كانوا في أتوبيس متجهين الكلية واختفوا في ظروف غامضة. مراد بصدمة: إيه ده؟ لسه أهل بنت مقدمين نفس البلاغ. الظابط العام: كمان؟ يعني 5؟ يبقي البنات دي اتخطفت يا مراد، لازم نعمل عملية بحث كبيرة. ده أكيد عصابة تجارة أعضاء. مراد بقلق: ربنا يستر يا باشا. تمام. الظابط: لو في أي جديد كلمني. مراد: تمام يا فندم. وقفل وقال في نفسه: يا ترى إيه الحكاية؟

ربنا يستر. ومشي. *** البنات كانوا قاعدين عالسراير يفكروا، شوية في أهلهم. وشوية في حالهم. وشوية في مصيرهم. وكل واحدة سرحانة في حاجة شكل. فجأة دخل أربع دكاترة وأربع ممرضين. البنات اترعبوا وبلعوا ريقهم. والأربعة بصوا لبعض وهما خايفين. كل دكتور وممرض راح قدام واحدة وادوهم مخدر. وبعد خمس دقائق كانوا الخمسة نايمين. وبدأت عملية زرع الأجنة جواهم. سليم بفرحة: أنا مبسوط أوي يا محسن، أخيرا هجيب ولي العهد. ياااه.

محسن بنفس الفرحة: أخيرا يا باشا. كلها تسع شهور وتلاقيه مشرف. سليم: مش قادر اصبر يا محسن، فرحان أوي. محسن: صحيح يا باشا، مقلتش هما لو جابوا بنات فعلاً هنر'ميهم؟ أنا قلت كده بس مش مصدق. سليم: أكيد لأ طبعاً. أنت أهبل؟ مهما كان مقدرش أرمي لحمي يا محسن. أنا بقولهم كده عشان أخوفهم مش أكتر. لكن الأربعة لما يولدوا هسيبهم بس يرضعوهم سنتين وهقتلهم. محسن بصدمة: إيه؟ أنت مش قلت هنحطهم في الكبا'ريه؟

سليم: لأ طبعاً. متفكر يا محسن، أنت من امتى وأنت غبي؟ مقدرش أسيبهم عايشين حياتهم خطر. محسن: بس... سليم: في إيه يا محسن؟ مالك؟ أنت وقعت في واحدة ولا إيه؟ محسن: ها؟ لأ طبعاً يا باشا، أنت بتقول إيه؟ أنا بس... سليم بص له نظرة محسن مفهمهاش وقال: مفيش بس يا محسن. ومشي. محسن ضرب إيده على وشه وقال: غبي، غبي. إزاي سمحت لنفسك إنك تحبها؟ ده اللي كل أعدته يومين. أووف. *** بعد ساعة الأربع دكاترة طلعوا. سليم: ها طمنوني.

الدكتور: كله تمام يا باشا، تمت المهمة بنجاح. 10 دقائق وهتلاقيهم كلهم صحيوا. سليم: تمام. ابعتوا بقا ممرضة تخلي بالها منهم الأربعة طول فترة الحمل. الدكتور: هبعتلك أكبر ممرضة في الشرق الأوسط يا باشا. سليم: تسلم. يلا اتكلوا على الله. ومشيوا. مروا عشر دقائق وسليم دخل عشان يشوف البنات، بس أنصدم لما...