رواية متى ينتهي العذاب الفصل السابع 7 - بقلم ميادة خاطر

سمر طلعت وطخ طلقة اخترقت بطنها اللي كانت لسه مجروحة. سمر بوجع: "اععععععععع" ووقعت فالأرض. حمزة كان قاعد وفونه رن، بص للبنات ورد وقال: "ها؟ المتصل: "البنت خرجت يباشا وضربتها بالنار في بطنها." حمزة قام وقال بصدمة: "إيه؟ انت بتقول إيه؟ يخربيتك محسن هيقتلني." المتصل بلع ريقه وقال: "مش انت اللي قلت كده." حمزة بغضب: "طب اقفل يا غبي، وروح شوفها بسرعة وهات دكتور بسرعة." المتصل بسرعة: "حاضر حاضر" وقفل.

حمزة وقف ومبقاش عارف يعمل إيه، وعمال يبرطم بكلام مش مفهوم. محسن جه وقال ببرود: "الأكل." نور بفرحة: "أخيرا الهي تنستر يا شيخ." محسن بص لها نظرة رعبتها. نور: "خلاص الهي تنفضح مدام مش عايز تنستر." محسن لاحظ التوتر اللي على حمزة قال: "الأكل اهو، كلوا. تعالي يا حمزة" وخدّه وطلع. محسن: "مالك ياض في إيه؟ شكلك مش مظبوط." حمزة بتوتر: "هو هو هو." محسن بزعيق: "ما تخلص ياض في إيه! حمزة بخفوت: "سمر." محسن وقلبه وقف: "مالها؟

حمزة: "حاولت تهرب بره البيت اللي هي فيه." محسن بتركيز: "وبعدين؟ حمزة: "أنا كنت مخلي زياد يراقبها، وقلتله لو طلعت اضربها بالنار. وقلتلها هي كده عشان تخاف، بس مكنتش أعرف إنها هتطلع بجد." محسن بصدمة: "يعني ماتت؟ حمزة بسرعة: "لا لا، قلتله يشوفها ويجيب دكتور." محسن مسكه من هدومه وزعق: "انت غبي ياض، يعني أنا خدتها عشان ما تموتش تقوم انت قاتلها؟ اقسم بالله لو حصلها حاجة لأقتلك." وسابه ومشي.

حمزة بخوف من محسن: "يارب ما تموت." زياد جري عليها وقال وهو بيلطم: "يلاهوي يلاهوي، لو ماتت البيه هيقتلني. انتي يا بنتي، انتي موتي ولا إيه يا بنتي؟ " وقرب عليها ولقى فيها نفس. زياد بتنهيدة: "الحمد لله." وشالها ودخلها وقال: "الدكتور مجاش ليه؟ وبعد شوية الدكتور جه، وأول ما شافها: "يخربيتك، انت عملت إيه؟ زياد: "يا عم اخلص شوفها الأول." الدكتور بدأ يكشف عليها وقال: "دي لازم عمليات فوراً، وإلا هتموت ومقدمهاش كتير."

زياد بصدمة: "ينهار أبيض، طب أعمل إيه دلوقتي؟ " ولسه بيمسك الفون لقى محسن جه. محسن أول ما شافها مسكه من لياقته وقاله بزعيق: "عملت فيها إيه؟ زياد بخوف: "والله والله حمزة بيه اللي قالي، أنا مليش دعوة." محسن بتوعد: "هقتلك يا زياد لو جرالها حاجة، فاهم؟ الدكتور: "يا جماعة البنت هتموت، لازم تروح المستشفى فوراً." محسن وقف ومسك دماغه وقال في نفسه: "انت انقذتها من الموت عشان تموتها انت. لأ، لازم مستشفى واللي يحصل يحصل."

محسن: "تمام، اتفضل معايا." وشالها ودخلها العربية وخد الدكتور وطلعوا على أقرب مستشفى. حمزة كان رايح جاي وقلقان ومش عارف يعمل إيه. سليم دخل وحمزة وقف لما شافه وقال وهو متوتر: "إيه؟ أزيك يا باشا؟ جيت عامل إيه؟ سليم قعد وهو باصله نظرات رعباه وقال: "بخير يا حمزة." حمزة: "هي دايماً يا باشا." سليم: "مالك يا حمزة؟ حمزة: "أنا بخير يا باشا." سليم ببرود: "ودوها فين؟ حمزة قلبه وقع في رجله وقال: "آه."

سليم بنبرة عالية: "ودوها فين؟ حمزة: "هي مين يباشا؟ سليم بص على رجله وقال: "رجلك لسه مخفتش، تحب أخلي التانية زيها؟ حمزة معرفش يرد. سليم رفع المسدس ووجهه ليه وقال: "لو مقلتش كل حاجة هتموت دلوقتي يا حمزة، وانت عارفني معنديش عزيز." حمزة خاف جداً وقال: "أنا." سليم: "واحد." حمزة: "يا باشا اسمع بس." سليم: "اتنين." حمزة: "خلاص خلاص هقول." سليم بابتسامة: "حلو. يلا." حمزة بدأ يحكي كل اللي حصل.

سليم بغضب: "يعني طلع محسن زي ما قلت. ماشي يا محسن، ماشي." حمزة: "سامحني يباشا، والله غصب عني." سليم ضربه بالنار في رجله التانية وحمزة وقع وصرخ من الألم. سليم: "دي عشان خنتني، كان ممكن تكون في قلبك، بس انت طلعت كويس وقلت." وسابه ومشي. محسن وصل المستشفى والدكتور قال: "العمليات بسرعة." وفعلاً العمليات جهزت خلاص، ثواني ودخلوها. محسن كان واقف ومرعوب عليها وبيدعي إنها تكون بخير.

نور بشبع: "يااااه، الحمد لله. أخيرا الواحد أكل." ميرا: "طفحة." نور بمزح: "بعض ما عندكم يا أختااااه." ميرا: "والله ده." حور قاطعتها: "بطلوا بقا شغل العيال ده." شيماء: "بس سيبهم، والله انتوا عسل أوي، يعني مع كل اللي انتوا فيه ده وبتضحكوا." ميرا بضيق: "وأنا المفروض إننا نعياط يعني؟ ملوش لازمة." شيماء باحراج: "مش قصدي يعني، عادي." نور بهمس: "دانتي برده يا بت، والله ده عسل، مش عارفة انتي مش طيقاها ليه."

ميرا: "اتلهي انتي في الأكل واسكتي." نور: "والله لتندمي." حمزة بوجع: "شيماء، شيماء." شيماء برعب: "يماما، هو بينادي عليا ليه؟ حور: "شكله بيتوجع من صوته، روحي شوفيه." ميرا ونور بصوا لها باستغراب. حور باحراج: "إيه يا جماعة، والله باين جداً. طب شوفيه." شيماء: "بس أنا خايفة." حمزة بزعيق: "انتي يا زفتة ياللي اسمك شيماء." شيماء قامت وطلعت تجري. حور: "مالكم باصين كده لي؟ ميرا بشك: "مفيش."

حور بضيق: "علفكرة أنا قلت بتلقائية عادي يعني." نور: "احنا مقولناش حاجة." حور: "نظراتكم كفاية." شيماء طلعت وصرخت وقالت: "إيه الدم ده؟ حمزة بوجع: "شوفيلي الجرح بسرعة." شيماء: "هو اللي عمل كده؟ حمزة: "أخلص." شيماء: "حاضر." وبدأت تعقم الجرح وتشيل الرصاصة. محسن كان واقف وقلقان وخائف أوي. سليم: "إن شاء الله هتقوم بالسلامة، متخافش." محسن وهو مش واخد باله: "يارب يارب." وبعدين ركز وبصله، شهق وقال: "المعلم."

سليم بهمس: "تعالي ورايا بدون صوت عشان مطربقهاش عليك دلوقتي." ومش. محسن مشي وراه وهو مدرك إن نهايته جت. شيماء: "أنا معيش حاجة أشيل بيها الرصاصة، لازم أكوي الجرح." حمزة طلع سكين من جيبه وقال: "سخنيها يلا." شيماء بخوف: "متأكد؟ حمزة: "انجزي، مش قادر." شيماء: "حاضر حاضر." وبدأت تعمل فعلاً زي ما قال. وبعد ما سخنتها قالت: "غمض عينيك." حمزة: "أخلصي يا بت." شيماء بغضب عملتها جامد. حمزة بوجع: "اعععععععععع."

شيماء فسرتها: "تستاهل." حمزة: "انتي متخلفة." شيماء بتمثيل: "منا قلتلك غمض." حمزة بص لها نظرة رعبتها. وبصت وبدأت تقفل الجرح وهي ساكتة. وحمزة رجع رأسه لورا من الوجع. في العربية. سليم بغضب: "بقا أنا تخوني يا محسن؟ أنا؟ محسن كان باصص في الأرض ومش بيتكلم. سليم: "إيه؟ القطة كلت لسانك دلوقتي؟ محسن: "يباشا أنا... سليم: "انت إيه؟ انت إيه؟

انت هتموت النهارده وعلى إيدي. مش سليم اللي يتخان يا محسن. البت تطلع بس، وربي لأقتلك. اصبر بس." وسابه وطلع. ومحسن طلع وراه. الدكتور طلع وقال: "الحمد لله، قدرنا ننقذها. بس للأسف الجنين راح." سليم انصدم وبص لمحسن والنار بتطق من عينيه وقال بغضب: "محسسسسسسن." وطلع مسدس وضرب محسن بالنار. كل اللي في المستشفى بدأ يجري ويصرخ من صوت الرصاص. ومحسن اترمي في الأرض. وسليم طلع يجري. بس حصل اللي عمره ما توقعه،،،،،،