رواية متيم بحبها الفصل العشرون 20 - بقلم كنزي ناصر

وسام: نعم. ميان: أنا عاوزة أعرف إحنا بنصلي ليه؟ وسام: طب تعالي في حضني وأنا أقولك. وسام شدها لحضنه وبدأ يتكلم وهي متحركتش ولا حركة. وسام: انتي عارفة إنك أصلاً جواكي مضايقة إنك مش بتصلي وعايزة تحافظي على صلاتك، ده أكبر دليل إنك جواكي كويسة والله وقلبك حي وبيخاف ربنا. ولاحظي إن في ناس هنا مش بتصلي ولا بتفكر في الموضوع ده أصلاً. انتي قبل أي حاجة انتي والله بخير وجواكي كويسة. أسألك سؤال، إحنا بنصلي ليه؟

ميان: عشان ده فرض وربنا قال كده. وسام: ماشي، أنا معاكي. ده سبب. بس عمرك ما فكرتي فيها بطريقة تانية؟ ميان: إزاي؟ وسام: بصي، هو لو واحد مصمم آلة والآلة دي محطوطة في مصنع وهو بييجي كل يوم خمس مرات يصلح فيها، ويظبط أي غلطات فيها ويبيعها أول بأول، الآلة دي هتبوظ؟ ميان: أكيد لأ. وسام: طب لو باظت، مين أكتر واحد هيكون فاهم فيها؟ اللي مصممها صح. ميان: صح. وسام: والله المثل الأعلى هو بينادي عليكي خمس مرات ليه؟

انتي فاكرة إن صلاتك هتزود عند ربنا حاجة؟ ولا عدم صلاتك هتنقص من ملكه حاجة؟ لا والله، ده هو بيعرضك عليه خمس مرات عشان يصلح فيكي، عشان لما يكون قدامك في الصلاة نوره يوصلك فيطهر روحك وقلبك، ونوره ده يعينك على الدنيا. ليه تحرمي نفسك من نوره؟ إيه في الدنيا يسوى نور من أنوار ربنا؟ يعني لما الأذان يقول الله أكبر،

ربنا بيناديك بيقولك: تعالي، أنا عايز أقبلك، عايز أشوفك، محتاجة إيه وأعملهولك، عايز يشوفك ساجدة بين إيده وبتقولي يا رب، ويقولك: لبيك عبدي. لما الأذان يأذن، الشيطان بيقف قدامك وبيقولك: يا أنا يا ربك، يا تستجيب لندائي يا تستجيب لنداء ربك. تخيلي كدا نفسك يوم القيامة وانتي واقفة قدام ربنا، وربنا جاب اللحظة دي لما الأذان أذن والشيطان وقف قدامك وقاللك: يا أنا يا ربك، وانتي سمعتي كلام الشيطان، هيبقى منظرك قدام ربنا إيه؟

هتقولي إيه ساعتها؟ هتقعدي تعيطي. إن ربنا هيقولك: أنا كنت جنبك ومكنتش بسيبك أبداً. رزقتك الصحة عشان تصلي وغيرك محروم منها. رزقتك البيت اللي تصلي فيه. رزقتك الميه اللي تتوضي منها. ولو مفيش صحة، صلي وانتي قاعدة. ولو مفيش بيت، صلي في أي أرض، الأرض كله مسجد. ولو مفيش ميه، اتيمم. سهلك كل حاجة عشان تصلي عشان يقابلك، وانت بخلت عليا يا عبدي. انتي شايفة موت الفجأة انتشر إزاي؟ وممكن كمان ثانية تلقي ملك الموت قدامك.

والله ساعتها هتقولي: ارجعون، بس مش هينفع. هيكون خالص فات الأوان. بصي، أول ما تسمعي الأذان، قولي لنفسك: يمكن ده يكون آخر أذان أسمعه في الدنيا. وافتكري إن الشيطان واقف قدامك واتحدى

نفسك إنك مش هتصلي وبيقولك: يا أنا يا ربك. افتكريها وافتكري إن المنظر ده هيكون قدام ربنا يوم القيامة. في الأول هتبقى صعبة، لأن الشيطان مش هيرحمك وهيقرفك، بس لازم تجاهدي نفسك. والله والله ليكي ثواب كبير على جهاد النفس. وادعي ربنا كتير أوي بالثبات. وكل ما تصلي فرض، اسجدي سجدة شكر بعدها إن ربنا وفقك وصليتي. وحاولي حاولي واستغفري كتير أوي بنية إن ربنا يفتح عليكي في الصلاة. وكل ما تحسي إنك بدأتي تسيبي فرض تاني، استغفري ربك وافتكري إنك بتفوتيه. الجنة تستاهل يا ميان. الصلاة، الصلة بينك وبين ربك. شوف لو أبوكي بينادي عليكي، يا ترى هتردي تتأخري عليه؟

ولله المثل الأعلى. ربنا بينادي عليكي خمس مرات يوميا، إيه عادي كده عندك؟ الصلاة نور. تعرفي إن إبليس اتطرد من الجنة عشان مسجديش لآدم عليه السلام؟ انتي بقى مش راضية تسجدي لرب آدم؟ ورغم كل ده ربنا غفور رحيم بينا. ربنا حذر من ترك الصلاة أو اللي بيأخر الصلاة في القرآن. شوفي كام آية، ولسه عايزة دليل؟ عارفة لما تبقي مهمومة أوي وكل الأبواب مقفلة في وشك؟

جربي افرشي مصلى وصلي، وعيطي واشتكي لربك. والله بتحسي براحة، تحسي إن كان على قلبك جبل واتزاح. يالا صلي، اشتكي ربنا. ميان: أنا هصلي يا وسام ومش هسيب ولا فرض. بجد مبسوطة جدا بيك وفرحانة إنك معايا وإن ربنا بعتك ليا. أنا بحبك يا وسام. وسام: هاااا، قلتي إيه؟

ميان: بحبك. النهاردة بس اتأكدت إن انت الإنسان اللي كنت بدور عليه من زمان. حنية وحب ودفا وطيبة ومحافظ عليا، وأنا بجد كنت بدور عليك من زمان وأخيراً لقيتك. أنا بحبك أوي يا وسام وعايزة أبدأ معاك حياة جديدة، وانت وبس معايا، مش عايزة غيرك. وسام: بحبك يا قلب وسام. وشالها وراح على السرير، وخلعها الطرحة وباسها.