رواية متيم بحبها الفصل الحادي والعشرون 21 - بقلم كنزي ناصر

وسام: بحبك يا قلب وسام. شالها وراح على السرير، قلعها الطرحة وباسها. مر اليوم وجه اليوم التالي. صحى وسام على ميان اللي على صدره، وباسها في خدها. ميان فاقت. وسام بغمزة: صباحية مباركة يا عروسة. ميان اتحرجت وخبّت وشها بالبطانية. وسام: يلا يا قلبي. ميان: نام يا وسام وبطل رخامة. وسام: يلا علشان هننزل. ميان: لأ. وسام: إيه اللي لأ؟ ميان: مفيش، انهردا. وسام: مينفعش كده، كده خلاص قربنا نخلص. ميان: يوه، طب متتأخرش. وسام: حاضر.

وسام قام دخل خد شاور، وبعدها طلع غير. ميان لبست دريس وطرحة، ونزلوا هما الاتنين يفطروا. العيلة كلها كانت فرحانة جدا بميان، وباللي وسام قدر يعمله وتغيرها المفاجئ. قعدوا يتكلموا قد إيه هي جميلة في الحجاب. بعدها وسام راح على التدريب، وميان طلعت وبدأت تقرأ في روايتها المفضلة. عند ليان: ميار: إيه يا بنتي، فينك؟ ليان: هكون فين يعني؟ ميار: امال إيه، وإيه أخبار وسام؟ ليان: الحمد لله بخير. ميار: مال صوتك؟

ليان: والله يا بنتي تعبانة شوية. ميار: لا، ألف سلامة عليكي يا لولو. ليان: إنتي عاملة إيه؟ ميار: تمام الحمد لله. ليان: ديمًا. ميار: خلاص، مدام كدا هعدي عليكي بليل. ليان: خلاص، ماشي هستناكي. ميار: اشطا. ليان قفلت مع ميار ونامت. أما عند ميان، فهي طلعت صلت فرضها وقامت تقرأ قرآن. وسام خلص تدريب الظباط واتصل على ميان يتطمن عليها. وسام: ها يا بطتي، طمنيني عليكي. ميان: أنا صليت كله ومسبتش حاجة. وسام: بجد؟ ميان: آه.

وسام: شاطرة يا بطتي، وعشان كده هخرجك انهاردة. ميان: بجد؟ وسام: آه. ميان: اشطا يا وسام يا جاامد. وسام: قلب وسام. ميان: ها، طمني بقى، إنت صليت؟ وسام: اها، خدت الظباط وصلينا زي كل مرة. ميان: شاطر يا وسام، يلا بقى تعالى بسرعة يا وسام. وسام: حاضر يا قلبي. ميان: يلا باي. وسام: باي. وقفلوا مع بعض. وسام كان قاعد مع أحمد بيراجعوا الأوراق بكل تركيز. وفجأة قاطع تركيزهم صوت تليفون وسام. وسام: الو. بيري: وحشتني. وسام: بيري.

بيري: أيوه يا واد، رنيت عليك كتير بعد ما مشيت ومردتش عليا، واستنيتك تيجي في المعاد وبرضو مجتش. وسام: معلش يا بيري، تعبان بس شوية. بيري: لأ، مش قابلة اعتذارك. وسام: امال؟ بيري: هستناك تيجي انهاردة وهنسيك أي تعب. بيري: انت بتتهرب مني ليه يا أدهم؟ وسام: مبتهربش ولا حاجة، بس فعلاً مش هقدر. بيري: خلاص نخليها بكرة. وسام: حاضر. بيري: هستناك. وسام: والمعاد؟ بيري: أي وقت، بس تعالى. إنت عارف مكان شقتي علشان نبقى على راحتنا.

وسام: وليه ما تخليها في النايت كلوب؟ بيري: أصل أنا مبحبش أقعد فيه. وسام: اممم، ماشي يا بيري. بيري: اشطا، يلا جود نايت يا بيبي. وقفل معاها. وأحمد كان سامع المكالمة طبعًا.