رواية متيم بحبها الفصل الثاني والعشرون 22 - بقلم كنزي ناصر

وسام: امممم ماشي يا بيرى. بيري: اشطا، يلا جود نايت يا بيبي. وقفل معاها، وأحمد كان سامع المكالمة طبعًا. أحمد: ليه ما رحتش؟ وسام: هروح لميان. أحمد: امممـ ماشي. وسام: يلا أنا هروح بقى. أحمد: ماشي يا معلم. وسام طلع وركب عربيته وراح على الڤيلا، وخد ميان وخرجوا. ميان: احنا رايحين فين؟ وسام: عملالك مفاجأة. ميان: مفاجأتك كترت يا وسام. وسام: أعيش وأفاجئك يا قلب وسام.

وبعد خمس دقايق، وسام وقف العربية وكان نزل مكان وخد ميان ونزل ودخلوا المكتبة. ميان: الله! وسام: إيه رأيك؟ ميان: لأ، مفاجأة جامدة. وسام: طب يلا. ميان: يلا إيه؟ وسام: اختاري الكتب اللي انتي عاوزاها. ميان: بجد؟ وسام: اها، يلا بسرعة قبل ما أغير رأيي، وأنا هعمل حاجة وجاي. ودخل جابلها هدية رقيقة جدًا من محل مجوهرات، ورجع لقاها اختارت كتب وحاسبت عليهم وخدها وروحوا. وسام: هام. ميان: وسام، عاوزاك في حاجة.

وسام: إيه هي يا قلب وسام؟ ميان: أنا عاوزة أرجع شغلي. وسام: امممـ معنديش مانع. ميان: بجد يا وسام؟ وسام: بجد يا قلب وسام، بس بشرط. ميان: إيه هو؟ وسام: إن العروض اللي هتعمليها للمحجبات. ميان: ده أكيد. وسام: إذا كان كده ماشي. ميان: احم، كان عندي سؤال. وسام: قولي. ميان: بصراحة، أنا بيجيلي أوقات كده بكون بصلي وبحس براحة بعدها ومش حاسة بكسل وإني عاوزة أصلي ومأسيبش ولا ركعة، وأوقات ببقى عكس كده، بنسى وبكسل، فإيه السبب؟

أمال هعمل إيه في رمضان اللي كنت عاوزة أختم فيه القرآن؟ وبعدين إيه هو قيام الليل؟ لأني قرأت عنه كتير. وسام: طب يلا تعالي في حضني. ميان راحت قعدت في حضنه.

وسام: بصي بقى يا قلبي، محتاجين نفهم نقطة مهمة جدًا. مش طبيعي إني أحس بجمال الطاعة في أول مرة بعملها، أو إني أحس الدنيا متيسرة وعندي طاقة إني ألتزم بيها. مش أول ما أنوي أقرأ القرآن ألاقي نفسي التزمت بجزء كامل في اليوم وعندي همة ليه. مش أول ما أصلي قيام هصلي ٨ ركعات وهحس بجمال القيام وأواظب عليه. طبيعي إن الشيطان بيكسلنا في الأول ونحس إن الطاعة دي تقيلة قوي، وكذا حاجة تشغلك علشان ما تواظبش عليه. لو عايزين نواظب على

عبادة معينة، في الأول نجبر نفسنا إننا نلتزم بيها لحد ما نحس فعلاً بلذتها. مش بمجرد ما تصلي هتحس بمعنى "أرحنا بها يا بلال" في الأول هتحس إنها تقيلة عليك، بس مع الوقت والثبات عليها والخشوع هتوصل للمعنى ده وتبقى بالنسبة ليك الراحة في الصلاة. مش أول ما تتعلم قرآن هيبقى عندك صوت الشيخ الحصري وهمة سيدنا عثمان رضي الله عنه اللي ختم القرآن في ركعة، لأنهم خدوا مراحل كتير علشان يوصلوا لكده. طبيعي في الأول تحس إن صوتك مش حلو في

القرآن وإنه مش قادر تقرأ ومكسل، أومال الشيطان بيعمل إيه؟

لكن لما تغلبه وتثبت على الطاعة هيلمس قلبك جمال القرآن. ولأن زي ما قولت، أي طاعة عايزين نعملها لازم وقت علشان نثبت عليها، مفيش حاجة اسمها هبدأ في رمضان وهتغير في رمضان. لو عايزين رمضان فعلاً يكون شهر التغيير، لازم نبدأ في التغيير من دلوقتي. مينفعش أنوي أختم القرآن في رمضان ولسه مبقاش ليا ورد. إزاي هنصلي التراويح في رمضان من غير ما نكون بنصلي قيام ولو ركعة؟

فاضل بالظبط 18 يوم على رمضان. لازم نبدأ نلتزم فيهم بكل عبادة عايزين نواظب عليها في رمضان. نبدأ قيام الليل بركعتين وركعة وتر نلتزم فيهم أسبوع، بعدين نزودهم تدريجي، فنكون في رمضان مواظبين على صلاة التراويح. نبدأ ورد قرآن بربع واحد نلتزم عليه أسبوع، بعدين نزوده، فنوصل رمضان قادرين نختم القرآن. المرة دي عايزين نستغل رمضان صح. قال رسول

الله صلى الله عليه وسلم: "خاب وخسر من أدرك رمضان ولم يغفر له". مينفعش نضيع الشهر ده أو ندخل عليه وإحنا مش مواظبين على طاعة. اللهم اهدنا واهد بنا واجعلنا يا رب سببًا لمن اهتدى. ميان: يعني أفهم من كده إن قيام الليل بيبقى ركعتين وركعة؟ وسام: صلاة قيام الليل بتكون 11 ركعة، تصلي مثنى مثنى يعني ركعتين وتسلم وهكذا، بنقرأ فيهم الفاتحة وما تيسر من القرآن. {كان النبي يُصلى مثنَى مثنَى ويُوتر برَكعه}.

ميان: طيب هو لازم أصلي 11 ركعة كلهم؟ وسام: بصي بقى، القيام مش بيتحسب بعدد الركعات إنما بعدد الآيات، يعني ممكن تصلي ركعتين بس ويكونوا بعشر آيات أو بميت آية أو بألف آية أو أي عدد عمومًا.

في حديث بيقول: "من قام الليل بعشر آيات لا يكتب من الغافلين، ومن قام الليل بميت آية كُتب من القانتين، ومن قام الليل بألف آية كُتب من المقنطرين". لو انتي مش عاوزة تتكتبي من الغافلين، صلي القيام بركعتين بسورة الإخلاص والفلق والناس. أما لو عاوزة تكوني من القانتين، صلي ركعتين قيام، ابدأي سورة القدر إلى سورة الناس. أما لو عاوزة تكوني من المقنطرين، صلي القيام بأي عدد من الركعات وابدأي من سورة الملك حتى سورة الناس.

ميان: يعني هنا القيام بيحسب بعدد الآيات مش بعدد الركعات. وسام: كده خلصنا الصلاة، ممكن ميكونش حد عاوز يصلي، يمكن يقرأ قرآن، ممكن يسبح أو يستغفر. الذكر عمومًا، فهي بتكون درجات. الصلاة لأنها تشمل القرآن والذكر، وبعديها القرآن، وبعديها الذكر. ميان: إيه بقى أجرها؟

وسام: وعد الله المصليين القيام بأجر عظيم لا يعلمه إلا هو. {فَلا تَعلمُ نَفسٌ مَا أُخفى لهم من قرة أَعين جَزَاءً بِمَا كَانو يَعلمون}. لا يستوون مع غيرهم من العباد، دول مميزين عنهم. ميان: الله! أنا هصلي كل يوم بقى، أنا بحب ربنا قوي ودي أفضل طريقة لإظهار حبي، بجد أنا مش عارفة أقولك إيه. ميان: تقولي إيه؟ تقولي إيه؟ آه، أنا أقولك. وسام: قول. ميان: إنك تصليه معايا كل يوم، بس في حاجة. وسام: إيه هي؟

وسام: صلاة القيام بالذات عشان تحسي بطعمها لازم تنفردي مع ربك، يعني أنا هصلي هنا وإنتي في الأوضة، وبالإضافة إن النوافل مينفعش تصليها جماعة. ميان: حاضر، بس كده، دي حاجة جميلة أوي. هو ينفع أبدأ دلوقتي أصلي؟ وسام: أيوه، يلا الحقي. بس لما تبدأي ابدأي بالعشر آيات عشان ما تزهقيش، وبعد كده واحدة واحدة، وإنتي هتجييه وهتكوني عاوزاه أكتر من العشر آيات. ميان: إنت بتصلي بكام آية؟ ميان: حاضر.

ميان قامت وقفت، ووسام كمان قام وحضنته جامد أوي. ميان: بحبك يا وسامي. وسام: بموت فيكي يا قلب وسام. ميان: يلا أنا هروح بقى. وسام: اشطا، وأنا هخلص وأستناكي عشان عاوزك في موضوع. ميان: اشطا. ميان مشيت، وكل منهم جهز وبدأ صلاته.