رواية متيم بحبها الفصل الرابع 4 - بقلم كنزي ناصر

احمد بص ل وسام بسرعة ولما كان هيتكلم راح وسام متكلم. وسام بتسرع: أكيد اتفضلي. بيري: مازن. مازن: نعم. بيري: خد كدا شفلي القمرات دول. الجارسون: تمام. وسام: ها. بيري بمقاطعة: مش قبل ما أتأكد منكم. وسام: حقك. بعد دقائق جه مازن. مازن: تمام. بيري: ماشي، تعالوا ورايا. بيري خدتهم ودخلت مكان كدا كان عبارة عن صالة كبيرة جداً، ودي اللي بيتم فيها أي اتفاق. مازن جاب صندوق فيه سلاح. بيري:

تمام، شوفوا السلاح اللي انتوا عايزينه ومازن معاكم، شوف طلباتهم يا مازن. بيري كانت بتبص لوسام وكان واضح من نظرتها إنها معجبة بيه. بيري: تحب تشرب إيه يا أدهم؟ وسام: اللي تجيبه. بيري: طب مدام كدا بقا خلص اللي معاك وأنا مستنياك بره، دي أول معاملة لينا. وسام: أكيد. وسام وأحمد اشتروا السلاح اللي كانوا عايزينه وخرجوا عند بيري. بيري: اتفضل، دا مشروبي المفضل، هيعجبك أوي. بيري: أكيد هيعجبني مادام منك يا قمر. أحمد:

طب حيث كدا بقا أنا أقوم أشوفلي مزة من اللي هناك دول. وسام بضحك: ماشي. بيري: لزيز أسر صاحبك دا. وسام: أه، وهتحبيه جدًا. بيري: مش مهم، المهم إني حبيتك. وسام بضحك: دا بجد. بيري: أها. وسام: دا أنا محظوظ على كدا بقا. بيري: ليه؟ وسام: يعني من أول مرة و على طول كدا. بيري: شكلك مـ. أحمد بمقاطعة: مش يلا ولا إيه؟ وسام: يلا بينا. بيري: بس انتوا ملحقتوش تقعدوا. وسام: مرة تانية إن شاء الله. بيري:

طب أنا عيد ميلادي الأسبوع الجاي، هستناكم تيجوا. وسام: أكيد. بيري: تمام. وسام وأحمد خدوا بعضهم وطلعوا. أحمد: يبن اللعيبة، عملتها إزاي دي، معرفش إزاي راحت من دماغي. وسام: عيب عليك يا عم. أحمد: لاء بجد إزاي. وسام: أنا هقولك. (فلاش باك) أحمد: بص بقا يا سيدي، بيري دي عندها مكان في النايت كلوب، دا عملاه للناس العليا بقا يتقابلوا فيه ويحددوا كل حاجة سواء آثار، أعضاء، سلاح، وغيره وغيره. أحمد: ها يلا بينا.

وسام: يلا، بس سيب بطاقتك جوه. أحمد: ماشي. وسام: امسك. أحمد: إيه دي. وسام: بطاقتك الجديدة، أسر. أحمد: إيه الأسامي دي يا عم. وسام: هو بمزاج أهلي، يلا يا عم. (باك) أحمد: طب دا أنا عارفه، بس هما قالوا إن الحكومة شاكة فينا. وسام: البطايق بتاعتنا عليها كام قضية كدا. أحمد: زي. وسام: سلاح، مخدرات، وزي كدا. أحمد: اها، انت عامل حسابك لكل حاجة بقا. وسام: امال إحنا بنلعب مع عصابة مافيا يعني، لازم نعمل حساب لكل كبيرة وصغيرة.

أحمد: طب يلا يا عم، اطلع على أي مكان حلو نسهر فيه. وسام: تمام. عند ميان. ميان كانت زهقانة وقررت تنزل تتمشى شوية، وهي ماشية لقت كافيه ودخلت فيه. بعد خمس دقايق وسام وصل الكافيه ونزل هو وأحمد وقعدوا على ترابيزة في نص الكافيه. كان فيه بنت معدية والجارسون كان معدي بيتكلم في التليفون ومش واخد باله، فخبط في البنت والمشروبات اتكبّت عليها، وكل دا كان قدام ترابيزة وسام. ميان: مش تفتح يا عم إنت.

الجارسون: أنا أنا أسف والله ما خدتش بالي. ميان: ما خدتش بالك، وبعدين أنت ماشي بتتكلم في التليفون هتاخد بالك إزاي يعني. الجارسون: أنا والدتي والله. ميان: فين المدير اللي هنا؟ الجارسون: أنا أسف يا آنسة والله، بلاش هيرفدني وأنا شغال عشان والدتي وعلاجها. ميان بزعل من كلامها: أنا. وسام: إنتي بتتكلمي معاه كدا إزاي؟ المدير: إيه اللي بيحصل هنا؟ إيه دا، وسام باشا إزيك حضرتك؟ وسام: بخير الحمد لله.

المدير: اتفضل يا فندم، وأنت إيه اللي موقفك هنا، عمل إيه الولد دا يا وسام باشا؟ وسام: لاء، أبدًا، هو معملش أي حاجة، بالعكس أسلوبه كويس جدًا وباين عليه محترم. المدير: فعلًا، هو من ساعة ما اشتغل هنا ومحدش اشتكى منه، بس إيه اللي وقع المشروبات كدا؟ وسام: أبدًا، أنا كنت بهزر مع أحمد وما خدتش بالي خبط فيه. المدير: ولا يهمك، يلا روح أنت شوف شغلك. وسام: لاء، أنا عايزة في شغل تاني. الجارسون: أنا تحت أمرك.

وسام: طالما كدا، تعالى معايا، عايزك. وسام خدّه وطلعوا. ميان كانت متضايقة جدًا من نفسها وطلعت وراهم. الجارسون: أنا مش عارف أشكر حضرتك إزاي والله. وسام: على إيه بس؟ الجارسون: حضرتك كنت اترفدت، وأنت متعرفش، أنا محتاج الشغلانة دي إزاي. ميان بمقاطعة: احم، أنا كنت بعتذر عن أسلوبي معاك، بس كنت متضايقة، وأديك شايف هدومي عاملة إزاي، هروح إزاي أنا دلوقتي.

الجارسون: أنا اللي بعتذر، بس كنت بكلم والدتي عشان هي مريضة قلب ومحتاجة العلاج والله. وسام: حصل خير، الأقولي أنت اسمك إيه؟ الجارسون: اسمي حسن يا بيه. وسام: طيب يا حسن، أنت متعلم. حسن: أيوه يا بيه، أنا في كلية تجارة. وسام: طب حلو، مدام كدا، أنت هتيجي تشتغل في الشركة بتاعتنا. حسن: بجد يا بيه. حسن بدموع فرح: بجد يا بيه، أنا أنا مش عارف أشكرك إزاي، أنا عمري ما هنسى لحضرتك كل دا.

وسام: طب يلا روح هات حاجتك وغير هدومك واطلع هتلاقي الحاج محمد مستنيك هنا بالعربية. حسن: حاضر يا بيه. وسام وهو بيقلع الجاكت: عشان جيتي اعتذرتي بس، هديكي الجاكت، ولون إني عارف إنك لسانك طويل وعايز قطعه. ميان: أنا معملتش كدا عشان آخد الجاكت بتاعك أصلاً. وسام: أنا هديهولك عشان هدومك متبهدلة مش أكتر، وعشان هدومك مفتحة أوي، إيه دا، دا لبس يتلبس أصلاً. ميان كانت لابسة تيشرت أسود على شورت جينز.

ميان: ومالها هدومي إن شاء الله. وسام: المشكلة إن مش شايفك لابسة هدوم أصلاً، بصي كدا وراكي. ميان بصت لقت.