رواية متيم بحبها الفصل التاسع 9 - بقلم كنزي ناصر

الدكتوره: تمام، يا ريت متتعرضش لحاجة زي دي تاني، لأن المرة دي عدت على خير، بعدين نعرف أي اللي هيحصل. وسام شكر الدكتورة وهي ادته العلاج اللي هيجيبه بمواعيده، ومشت. وسام جاب العلاج وطلع على أوضتها، وقعد قدامها، اداها الدواء وقعد يتأمل في ملامحها لحد ما راح في النوم وهو قاعد قصادها. أما ميان كانت في حتة تانية. "كان وسام وميان قاعدين." ميان: هو انت عملت إيه في النتيجة يا وسام؟ وسام: عيب عليكي يا قطتي، الأول طبعاً.

ميان: يعني هتطلع ظابط مخابرات وتمسك الأشرار زي ما اتفقنا، وتضربهم وتقضي على الأعداء زي أبطال التايتنز؟ وسام: إيه حيلك حيلك، براحة عليا يا بنتي. ميان بزعل طفولي: انت اتفقت معايا. وسام: أكيد. ميان: وهتبقى تاخدني معاك؟ وسام: هو أنا رايح الملاهي؟ دي هتبقى عصابة يعني معاها سلاح، فبقى خايف عليكي. ميان: لأ، هروح معاك وهتديني مسدس وأضربهم طخ طاخ. وسام: طخ طاخ! هو أنا هروح أضربهم بـ...

ميان: لأاااااء، مليش دعوة، هبقى أروح معاك. وسام: آه حاضر حاضر. ميان: أشطا. "وسام صحي على صوت ميان وهي بتردد اسمه. كان مدايق جداً وخد بعضه ونزل وطلع يتمشى. كان الوقت متأخر، بس وهو نازل عمو يوسف نادى عليه." يوسف: وسام استنى. وسام: أيوه. يوسف: رايح فين في الوقت المتأخر ده؟ وسام: هطلع أتمشى شوية. يوسف: تعالى يا وسام، عايزك. وسام: معلش، خليها وقت تاني. يوسف: يلا يا وسام.

"وسام خد بعضه وراح ورا عمو. الجد كان نازل يتوضى علشان يصلي الفجر، وسمع صوت يوسف ووسام." يوسف: ها، احكيلي عامل إيه شغلك. وسام: بخير. يوسف: عرفت إنك بقيت ظابط مخابرات ومعروف جداً والكل بيعملك ألف حساب. وسام: الحمد لله. يوسف: وبقيت ظابط مخابرات ليه؟ علشان ميان؟ وسام: إيه لزمته وهي مش موجودة؟ يوسف باستغراب: مش موجودة؟ أمال دي مين؟

وسام: دي، دي مش ميان اللي أنا حبيتها ولا اللي ربيتها وكبرتها علشان لما تكبر تبقى بتاعتي أنا. من يوم ما اتولدت وأنا كنت معاها. 9 سنين جيتوا انتوا بسبب خلافاتكم وضيعتوا كل حاجة. ضيعتولي الإنسانة اللي حبيتها. لأ، دي ميان اللي حبيتها ولا أي حاجة. شوف طريقة لبسها وكلامها، اتغيرت، كل حاجة فيها. مكنتش حابب إنها تبقى كده لما تكبر، وأهي حتى مش فكراني. تبقى ميان إزاي، ميان اللي حبيتها؟

انتوا اللي قتلتوها، وأنا عمري ما هسامحكم. 16 سنة وأنا بعيدة عني، معرفش عنها أي حاجة. انتوا السبب، مش متخيلين انتوا عملتوا إيه. انتوا دمرتوني ودمرتوها بالنسبالي. ميان راحت، عمر دي ما تكون ميان، دي حياتها كلها خروجات وفسح ولبس وشوبينج وعروض، إنما ميان مكنش في حياتها غير وسام. يوسف: ما مشتش بمزاجي وأنت عارف كدا كويس. ميان مش ذنبها حاجة، ولا أنت كمان ذنبك حاجة. بس أي اللي بإيدينا نعمله؟

بلاش تعمل زينا يا وسام، بلاش تضيع اللي باقي من عمرك في اللي بتعمله دا. هترجع تندم على اللي بتعمله دلوقتي. وسام: إحنا مش ذنبنا حاجة، بس مبقاش عندي طاقة. مفيش علاقة هتكمل وطرف هو بس اللي مديها اهتمام وبيحاول يصلح أخطاء الطرفين. عمرو ما هيفضل يحاول لوحده ومش لاقي مقابل لكدا. "وسام سكت شوية وبعدها قال:" وسام: عن إذنك هطلع أنام. يوسف بحزن: ماشي يا وسام، تصبح على خير. وسام: وأنت من أهل الخير.

"وسام طلع أوضة ميان لأنها قاعدة في أوضته. أما الجد دخل عند يوسف." يوسف: بابا. الجد: سمعت كل حاجة. الجد: وسام مدايق مننا، بس هو في الأول والآخر بيحب ميان، وأنا واثق إنه هيقدر يرجعها. يوسف: طب هنعمل إيه؟ الجد: إحنا مش هنعمل، وسام هو اللي هيعمل. يوسف: مش فاهم. الجد: سيبني كدا، وإن شاء الله هشوف حل.

"عدى اليوم وكان يوم متعب جداً على كل أبطالنا، وخصوصاً وسام. جه تاني يوم والكل كان بيفطر على السفرة، ووسام كان بيتعامل ببرود ومبيتكلمش مع حد. كان في صمت غريب لحد ما تليفون ميان قطع الصمت ده." ميان: بعد إذنك. "الو، إزيك نيار عامل إيه؟ نيار: بخير يا حب، انتي عاملة إيه؟ ميان: الحمد لله. نيار: وحشتيني والله. ميان: وانت كمان ليك وحشة والله. نيار: اممم، طب أنا نازل مصر كمان يومين. ميان: بجد؟ نيار: أيوه.

ميان: مدام كدا يبقى هقابلك في المطار أول ما تيجي. "الكل كان ملاحظ نظرات وسام والغيرة اللي كانت باينة عليه." وسام مقدرش يستحمل أكتر من كدا وقام خد منها التليفون. وسام: مين ده؟ ميان بعصبية: وأنت مالك إنت؟ وسام: ردي عليا عدل يا ميان، وإلا صدقيني هديكي قلم يفيقك. ميان: انت مين انت أصلاً علشان تتكلم معايا كدا؟ ملكش دعوة بيا. وسام: أه. وسام: طيب استحملي بقى يا قطتي. "وسام مسك التليفون ورزعه في الأرض خلاه اتكسر 100 حتة."

وسام: يلا، عن إذنكم أنا خارج. "ميان بصت لباباها وطلعت فوق." "الكل قعد يضحك، كانوا مبسوطين من غيرة وسام على ميان." الجد: أنا كدا عرفت هنبدأ منين. "يوسف وجين وليان ومالك كانوا فاهمين جدهم. مالك بيفكر في إيه." مالك: أيوه يا جدو، يا جااامد. الجد: بس أكيد مش هبقى لوحدي، لازم تساعدوني. الكل: وإحنا معاك. الجد: وأنا هقولكم تعملوا إيه. "وبدأ الجد يحكيلهم كل واحد هيعمل إيه...