رواية مزرعة الغضب الفصل الرابع عشر 14 - بقلم نرمين قدري

دخلت هبه عليهما وشاهدت محمد وهو يمسك يدها وقالت بصوت جهوري. -الله الله علي الست المحترمة. ايه اللي بيحصل هنا؟ علشان كده مرضتيش تباتي مع عاصي علشان تنزلي بدري يخلالك الجو معاه. اظن يا مدام يا محترمة لازم تحترمي اسم الراجل اللي انت شيله اسمه. احترمي حتى أنك لسة عروسة مكملتيش يوم. إيه خلاص هي البجاحة وصلت لكده؟ رفعت روز عينيها وقالت بغضب وقد فقدت السيطرة على نفسها.

+ بقولك إيه يا بتاعة انتي. لما تحبي تكلمي معايا تكلمي باحترام علشان أنا ليا قوة تحمل أحسن. أقسم بالله. ولكن قطع كلامها دخول عاصي عليهم وقد سمع كل الحديث الذي دار بين هبه وروز. نظر إلى روز نظرة تحمل غضب ممزوج بالغيرة ثم التفت اتجاه محمد وقال بشبه ابتسامة. = خير يا بشمهندس. حضرتك سايب شغلك وهنا ليه؟ أجابت روز مسرعة دون أن تفكر.

-محمد هنا علشان شافني مضايقة. غير أن محمد شغله بيكون في المزرعة كلها ملهوش مكان محدد. بيكون في. التفت نحوها عاصي وقد بدأ أن يفقد أعصابه. لاحظت هبه نظرات عاصي الغاضبة وأنها تعلم أنه عندما يصل إلى هذه المرحلة يصبح مثل الثور الهائج لا يستطيع أن يتحكم في أعصابه. ابتسمت بخبث واتجهت نحو عاصي ووقفت جانبه وقالت بصوت ناعم ساخر.

+ بس برضوا يا عاصي معرفناش ليه عروسة تسيب عرسها من أول يوم وتنزل تتكلم مع واحد غريب عنها في يوم زي ده. مش غريبة دي. ثم وضعت يدها على فمها وقالت. + أوبس. ليكون كان بينهم حاجة. قصة حب يعني. وتكون الوصية هي السبب أنها تتجوزك. بس برضوا فضلت معاه. يالهوي عليكي يا روز. طلعتي مش سهلة خالص.

ولكن بدون مقدمات مما جعل الجميع يشهق. لقد سحبت روز هبه من شعرها دون مقدمات وألقتها على الأرض وجلست فوقها تجذب شعرها بشدة وتقطعه في يدها تحت صرخات هبه المستمرة. وفجأة فاق عاصي من عنصر المفاجأة وحمل روز من فوق هبه بعد أن كان أجزاء كثيرة من شعر هبه في يدها. قال عاصي بحده. = روووووز. بسرعة على الفيلا. ما أشوفكيش هنا. قامت هبه وهي تستحلف لروز وتسب وتلعن. ألقت روز كلام عاصي عرض الحائط ووجهت كلامها نحو هبه وقالت.

_ده أول إنذار ليكي. أقسم بالله يا حلاوة الموسم انتي ياللي شبه البلباتشوا. لو جبتي اسمي بس على لسانك لأخليكي عبرة لأي حد. والله لأديكي حقنة السعار بتاعة الحمار وأخليكي تنهقي طول الليل زي الحمار. اتلمي وقصري الشر معايا. وإن كان سكاتي عنك كل ده افتكرتيه ضعف يبقي انتي متعرفيش مين روز. عدي أيامك هنا بعيد عني علشان أنا غضبي وحش. أوعي تكوني مفكراني. ولكن جذبها عاصي أمام الجميع بشدة.

ودخل بها الفيلا ودخلت ورائهم هبه مسرعة كي لا تفوت عليها غضب عاصي عليها. سحبت يدها منه بشدة وقالت بصوت جهوري اسمع الجميع. + بقولك إيه. انت مش ساحب في إيدك حمارة ولا بقرة. وآخر مرة تتكلم معايا كده قدام أي حد. وبقولك أهو وبقول لأي حد هنا. كله إلا كرامتي. أنا مش هسكت لأي حد يهين كرامتي. كله إلا الإهانة. وقفت والدة عاصي مكانها وقالت وهي ترفع حاجبها بغضب. + خير يا عاصي. مراتك صوتها عالي ليه؟

ياريت تعلمها أصول الضيافة وأن الضيف ما ينفعش يعلي صوته. ولا الدكتورة محتاجة حد كل شوية يفكرها أننا مخلينها عندنا تخليص حق. رفعت روز عينيها وقالت. لا حضرتك أنا هنا مش تخليص حق. أنا هنا صاحبة حق. ولو حضرتك مش عارفة اسألي البشمهندس وهو يقولك. غير أن أنا مرات ابنك يعني حتى لو مليش حق بقيت صاحبة حق. التفت الأم نحو عاصي وقالت بحده. انت عاجبك كلام مراتك ده يا عاصي؟

فهمي الهانم أنها هنا غصب عننا كلنا وأن أبوها هو اللي باعها ليك وهو اللي فرضها عليك. خيبة لتكون معيبة علشان كده أبوها صمم يجوزها ليك علشان المزرعة تكون بتاعتك وشرط كمان المدة المحددة. أتأكد يا بني أنها مش معيبة. بس يا حسرة هتتأكد إزاي والهانم المحترمة سابت أوضة نومها ليلة خلتها. ظلت روز تنظر لعاصي منتظرة منه أن يتحدث ويدافع عنها ولكنه وقف صامتا ينظر لها بغضب.

جرت هبه نحو خالتها وقالت وهي تحاول تظبط شعرها الذي كان متطاير. -أمال يا خالتوا هتقولي إيه لما تعرفي أننا ظبطنها مع واحد في المزرعة. حتى اسألي عاصي هو كمان شافهم. شهقت الخالة ولكن قطع كلامها. للمرة الثانية لم تستطيع روز التحكم في أعصابها وجذبت هبه مرة أخرى من شعرها وقالت. مافيش فايدة طالما ناقصة ترباية يبقي تتربي. = طالما محدش قادر يلمك أنا هبعترك أكتر يا...... ولكن جذبها عاصي مرة أخرى وقال بغضب.

اتفضلي على فوق وعدي يومك ده بقا. فيه إيه. محدش قادر عليكي. جذبت روز نفسها منه وقالت وهي تحاول جاهدة أن تهدأ من روعها. = اللي هو أنا يا بشمهندس. محدش قادر عليا. وبنت خالتك المحترمة اللي عمالة تقوله من الصبح ده تسميه إيه. ولا الآنسة على رأسها ريشة. بس لاء طبعاً. لحد عندي وتتعلم تفرمل لسانها. ولا تكون محتاجة لجام نركبه للحمار عندنا. جرت هبه مسرعة تحتمي خلف خالتها وقالت بنبرة ساخرة. -ياي. فلاحة بلدي قوي. حتى في كلامك.

جزت روز على أسنانها بغيظ ولكن قطع الأحداث دخول رنا وهي تقول لروز بصوت هادئ متزن. + ممكن يا روز تطلعي معايا فوق نتكلم. وملكيش دعوة بيها علشان خاطري يا روز. اطلعي معايا. هزت روز رأسها وصعدت إلى أعلى بصحبة رنا. اللي أن دخلت غرفتها انهارت في بكاء حاد. وقفت رنا تربت على كتف روز بحنان وقالت لها بمرح مصطنع. + صحيح يا روز. جبتي الصحة دي منين؟ انتي قعدتي على هبه ولا أكنها دكر بط بتزغطيه.

ضحكت روز رغم شعورها بالألم من داخلها ولكن نقاء رنا جعلها تضحك. قالت لها رنا بهدوء. + هوانا ممكن أسألك ليه يا روز سبتي الفيلا ورحتي تنامي في الأوضة اللي في الجنينة؟ نظرت لها روز وقالت وهي تبتسم بسخرية.

عمرك سمعتي عن حاجة اسمها غربة الروح. إنك تبقي في بيتك اللي اتولدتي فيه وعايشة طول عمرك فيه. لكن حتى مش مسموع ليكي تقومي من غرفة الصالون. إحساس أنك ضيفة في بيتك. البيت اللي انتي حافظة كل شبر فيه أكتر من ساكنه. انتي بتستأذني لو عاوزة كوباية مية. هي دي غربة الروح يا رنا. شعور مميت إنك تحسي أن المكان مش مكانك. والحمد لله أخوكي وولدتك وعروسة الموسم كلهم مقصرتش. كل دقيقة متعمدين يحسسوكي بالغربة دي.

عاصي مصمم يكمل انتقامه مني من اللي حصل زمان من جدي. طيب أنا ذنبي إيه. فاهمني يا رنا. وإحساس الخذلان لما تحسي أن أقرب حد ليكي خذلك وباعك لعدو مستني الفرصة علشان يدمرك. أنا أبويا باعني لعاصي تحت مسمى الوصية وهو عارف ومتاكد أن عاصي أكتر حد بيكره عيلتنا. رغم كده باعني ليه. كل ده ولسة بتسألي. أنا اللي جوايا يهد جبل. تخيلي كده يا رنا.

أحلامك كلها بتقع قدامك حلم حلم. انتي متعرفيش المزرعة دي بالنسبة ليا بتكون إيه يا رنا. أنا كنت مستلمة المزرعة من جدي حطام. أنا اللي عملت لوحدي كل اللي انتي شيفاه ده لوحدي يا رنا. تخيلي تعب سنين وسهر يروح منك بجرة قلم. انتي متخيلة ده سهل.

سهل إنك تلاقي نفسك متجوزة أكتر حد بيكرهك. إن أحسن يوم اللي بتتمناه أي بنت وهي بالفستان الأبيض المفروض يكون أسعد يوم ليها تسمع كلام يقل منها ومن كرامتها. كلام مختصرة أنها هنا زي أي رجل كرسي. أنها هنا لفترة قصيرة وتحترم أصول الضيافة.

بس أنا مش مجبرة أستحمل هبه يا رنا. علشان أنا ضيفة. لاء. أنا مش بتكسر. وزي ما عملت نفسي هنا هعمل نفسي في أي حتة تانية. أنا اللي عملت المزرعة مش المزرعة اللي علمتني. سهل قوي أثبت نفسي في أي حتة. أخوكي فاكر لو رماني هكون في الشارع. فلازم أكون مجبرة أستحمل العيشة هنا تحت أي ضغط وأستحمل هبه. بس هو غلطان. هو لعب على لعبة الضمان وما اختبرش صبري. أنا لا مجبرة أستحمل هبه ولا أخوكي نفسه.

هو ناسي أن أنا دكتورة ومتميزة في اختصاصي. أنا متخرجة بتقدير امتياز يا رنا. أنا من بكرة ممكن أقدم على وظيفته معيدة في الجامعة. وهما لما هيصدقوا اختصاصي نادر وهما طالبين معيدين. يعني حياتي وموقفتش على هنا. دفع عاصي الباب وقد سمع كل حديثها مع رنا وقال بغضب. _ومين بقا يا دكتورة يا كبيرة هيسمحلك تتحركي متر واحد برا المزرعة. + وأنا مش مستنية السماح بتاعك يا بشمهندس من أصله.

_ليه الظاهر أنك بتنسي. معلش أفكرك. حضرتك امبارح كان فرحنا. يعني الدكتورة بتكون مراتي. وأنا بحكم أنك مراتي بقولهالك أهو. ممنوع تخرجي برا باب أوضتك وأكلك هيوصل لحد عندك. ضحكت روز ضحكة مرتفعة دليل على استهزائها بكلامه. جز عاصي على أسنانه وقال. _بلاش تختبري صبري يا روز. غضبي انتي لسة لحد دلوقتي ما شفتيهوش. وخروج برا باب أوضتك ممنوع. وتتكلمي مع أي حد ممنوع. حتى مع رنا. قامت روز واقفة وقالت وهي تضع يدها على خصرها.

+ ليه أن شاء الله. حبس انفرادي. إحنا في سجن. _آه يا روز. في سجن وأنا سجانك. من هنا ورايح وهجيلك وقت مزاجي ما يقولي. ما انتي مراتي يعني ليا حق فيكي وقت ما أنا أحب. نظرت له روز بكرة وقالت. + نجوم السما أقربلك. مش أنا اللي تكسرني يا عاصي. وانسي موضوع مزاجك ده. علشان انت سقف طموحاتك بيعلى وانت مش واخد بالك.

يمكن آه حققت انتقامك أن أخدت المزرعة بتاعتي والفيلا بتاعتي. تمام. أخدتهم خلاص وانتصرت. برافو شاطر. أهدى بقى. لكن تعتبرني من ضمن أملاك وانتقامك يبقي انت بتحلم ومحتاج حد يفوقك. زاد غضب عاصي عليها وسحبها بشدة من يدها تحت نظرات رنا المشفقة عليها. فاهي تعلم مدى غضب أخوها. سحبها وأدخلها حجرة نومهم وأغلق الباب عليهم بالمفتاح. ثم قام فجأة بتمزيق ملابسها.