رواية نار العشق الفصل الثاني 2 - بقلم عائشة الكيلاني

دلت الجاز حواليها على شكل دايرة وولعت الكبريت. اشتعلت النار ومسكت في المكان. وقعت بضعف وغمضت عيونها. شريط حياتها بينعاد قدام عينيها. فتون حاوطت بطنها: كح كح مش هتخلي عنك مهما حصل. انت إلى مخليني مستحملة وعايشة بس تعبت. هنموت مع بعض لأن محدش عايزنا. سامحني. فقدت وعيها والنار حرفيًا اتمكنت من المكان. عند أسر، بقى بيدور عليها زي المجنون. ضرب ايديه على التابلوه بغضب: راحت فين دي؟ ملهاش غيري. راحت فين؟

لو مش عند أبوها هي.. ملهاش صحاب ولا أي حد تروحه. قال بدموع وضعف: طب ترجع ومش هقسى عليها تاني بس ترجع. أنا مقدرش أعيش من غيرها. هي روحي والسبب اللي مخليني مكمل في الدنيا. يارب يارب. فضل ماشي بالعربية وصورتها ما راحتش من دماغه. ضحكتها، صوتها، جنانها. غمض عيونه.. أكيد في المكان اللي أول مرة شوفنا بعض فيه. بعد شوية راح للمكان. شاف دخان طالع من البيت. خرج من عربيته وفضل يجري ودخل البيت. بص له باستغراب. أسر:

كح كح أي اللي عمل في البيت كده؟ أسر بص بتركيز. شاف جزمة فتون والشال بتاعها: فتون؟ دي حاجاتها. أيوه دا شال فتون. أنا مش تايه عنه. بص جانبه شاف جثة محروقة تمامًا. قرب منها بعدم تصديق: لا لا دي مش فتون. ف فتون عايشة. أنا متأكد. وقع على الأرض وصرخ بصوت عالي بقهر ووجع: فتووووون! في مكان تاني وأوضة شيك جدًا. فتحت عيونها بالبطيء وهي بتردد اسمه: اسر.. اسر. حمد الله على السلامة. فتون اتعدلت بانهيار: انتي مين؟

أنا بعمل إيه هنا؟ أنا المفروض كنت بدفنا دلوقتي. ليه أنقذتني؟ الست قربت منها وضربتها بالقلم. مسكتها من دراعها: انتي مجنونة؟ ها؟ مجنونة؟ عايزة تموتي؟ كافرة؟ وعشان مين؟ عشان دا؟ انتي إزاي كده؟ إزاي مستحملة الذل ده؟ انتي أم؟ إزاي؟ إزاي يا فتون؟ فهميني ليه ضعيفة كده؟ كل ده عشان ابني؟ فتون بوجع سحبت دراعها منها: انتي مين وعايزة إيه مني؟ جميلة قفلت الباب وقعدت بهدوء وقلة حيلة:

صحيح إنه بيكرهني ومعتبرني ميتة. بس دا ابني ومستحيل اسمح له يتوجع ولا اسمح له إن يدوس على بنات الناس. صحيح تربية سماح. بس أنا مموتش عشان أسيبه يضيع مني لمرة المليون. فتون بعدم فهم: أم مين معلش؟ جميلة: أنا أم أسر جوزك. أسر سامر عكاشة. أنا أم أسر اللي شيلته في بطني شهور وأنا اللي تعبت فيه وأنا اللي بعدت عشان يفضل بخير. شوفتي بقا الألم؟

ابني قدامي ومش عارفه ألمسه ولا أتكلم معاه. فاكرني زي أبوه خاينة. بس مستحيل أسيبك بتتعذبي. أسر نسى نفسه ولازم يتربى. وتربيته على إيدي. هو دلوقتي هيفتكر إنك ميتة بسبب الجثة اللي حطيته مكانك. فتون بجنون: انتي إزاي كده؟ حرام عليكي يا شيخة. دا ابنك. إزاي تستحملي تشوفيه بيتعذب؟ جميلة: أومال أسيبك ترجعي تحت رحمته ويذل فيكي؟

اللي حصل معايا مستحيل يحصلك. أنا مقدرتش أنقذ واحدة بس. دلوقتي مستحيل أسيبك بتتعذبي. حتى لو كان اللي بيعذبك ده هو ابني. عايزة ترجعي انتي حرة. بس كدا يبقى خسارة فيكي ابنك. عند سماح. قاعدة ببرود. سماح: أومال أخليه يخلف ويأخد كل حاجة؟ طب وعيالي أنا؟ بقول أزود الجرعة شوية. أسر مستحيل يطلع من تحت تأثيري عليه. سماح بصت لتحليل الدم وولعت فيه: وبعدين مش عيب يا أسر؟ لم أختك تكون متعذبة في بيتها ومراتك مرتاحة؟

دا حتى ظلم. فتون تتعذب أضعاف. عذب بنتي. أسر بكرة يموت وعيالي إلى هيأخدوا كل حاجة. حتى فتون..