رواية نبض عاشق الفصل الخامس عشر 15 - بقلم ام مروان

متخافش دا الدليفري طلبت اكل روح افتح انت عشان مش هينفع اخرج كدا. قام مروان وراح فتح الباب واتصدم لما لقاها حياة وهي دموعها نازلة جداً وبصاله نظرة مقدرش ينساها طول عمره. أما هي كانت مصدومة ومش قادرة تصدق إنه طلع كدا. فضلت باصة ليه ودموعها نازلة. مروان بتوتر شديد: حياة.. انتي فاهمه غلط والله.. أنا…. وجات بسمة وراه بلبسها دبل. بسمة بدلع: يلا يحبيبي بقا اتاخرت……. وبصت لحياة بضحكة انتصار عليها.

حياة حطت إيديها على وشها مش عاوزة تصدق. أما مروان فعيونه دمعت. مروان: حياة والله العظيم انتي فاهمه غلط….. ومكملش كلامه، رفعت حياة إيديها وضربته بالقلم على وشه. حياة بصوت مجروح لكنها بانت على قد ما تقدر قوتها: طلقني…….. وسابته ومشيت. بسمة مسكت مروان: خلاص يحبيبي متقلقش ولا تزعل.. كدا كدا كنت هتطلقها. مروان قفل أزرار قميصه وعيونه فيها دموع. مروان: أنا ماشي دلوقتي…. بسمة: رايح فين يحبيبي…. انت هتخليك معايا انهارده….

مسكها من دراعها أوي بغل: بقولك أي،.. أنا مش طايق نفسي دلوقتي… وزقها على الأرض: اطلعي من حياتي بقا….. وسابها ومشي وهي الغل أكل فيها جداً. وقالت: أنا مش هسكت…… كل دا كان سامعه القائد والقيادة كلها. طارق: هنعمل إيه يا أفندم…. مروان اتصرف بغباء. هشام: يا جماعة الراجل بيته اتخرب.. لازم نهدي عليه شوية.. وكدا كدا هي هتصالحه بسرعة. بسمة متقلقوش منها.. أهم حاجة بس إنه يرجع لها. طارق: طب استني يا أفندم… هرن عليه……. مش بيرد.

كان بيبص مروان على الفون ويقفل بغل وزعل شديد. حرفياً مش قادر يكلم أي حد.. عاوز بس يشوف مراته وياخدها في حضنه. روحت حياة وهي على آخرها. طلعت الأوضة بصت لنفسها في المرايا وبتعيط بصوت عالي أوي. ومدت إيديها في المرايا كسرتها وايديها اتجرحت جداً لكن محستش هي بأي وجع. وفضلت تكسر في أي حاجة جنبها ومسكت البطانية وفضلت تضرب فيها بكل قوتها وايديها بتنزف دم كتير أوي وعمالة تصرخ بكل صوتها. ليييي….. لييي كدا يمروان… لييييييييي……

طلعت أم مروان بسرعة على صوتها وهي قلقانة جداً. نورهان جريت عليها وهي بتعيط بشدة وبتضرب في البطانية بكل قوتها: مالك يبنتي… مااالك. حياة: أنا بكرهوووو…. بكرهو.. نورهان: طب أهدي بس.. هو عمل إيه…… حياة: أنا ومروان خلاص…. هنتطلق….. نورهان بشهقة: يالهوي… لي بس هو عمل إيه……. حياة بعياط شديد: واحدة رنت عليا من شوية… قالتلي جوزك عند بسمة… ومردتش تقول اسمها… وروحت لقيته معاها…

نورهان خدتها في حضنها أوي: حبيبتي… أهدي بس… عشان خاطري…… عيطت حياة أوي في حضنها. وفجأة دخل مروان وهو دموعه نازلة ولما شافها حس إنه مش قادر يتحرك. مروان: حياة….. انتي…. حياة قامت وقفت واتكلمت بحده شديدة ودموعها شلالات: انت هتطلقني…. فاهم يالا… وضربته في صدره أوي: هتطلقني… وجدي هيوصل كل ده. مروان مسك إيديها اللي كانت عمالة تضرب فيه أوي: انتي حتى مسمعتنيش….. حياة بصراخ: ونا مش عاوزه أسمعك…… مش طايقاك…. طلقني بكرهك……

كان سامع مروان كل الكلام ده وقلبه يوجعه أكتر وحاسس إن فيه سكاكين في صدره ومش قادر يستحمل. شايفها كدا شدها في حضنه أوي وهي بتضربه. عاوزة تبعد عنه وبتقاوم جداً لكنها مش قادرة عليه وهو مش سامعها. وطابق إيده عليها أوي ومش عاوز يبعدها وهي بتقاوم وبتعيط أوي. حياة بانهيار: ابعدددد… مش طايقاك…. بكرهك….. هو مش سامعها وحاضنها وبس. سمع جدهم الصوت ودخل الأوضة. الجد بحده: مروان… سيب حياة……..

سمع مروان صوته وفضل دقيقة تقريباً وبعد عنها وهي كانت شبه منهارة ومروان عيونه بتدمع. الجد بحده: إيه شغل العيال اللي انتو عاملينو ده؟ في إيه يحياة. حياة بانهيار وبتاخد نفسها بالعافية: أنا عاوزه أتطلق يجدي.. لو بتحبني متسيبنيش مع البني آدم ده تاني… عشان خاطري. الجد خدها في حضنه وهي فضلت تعيط: طب قوليلي إيه اللي حصل…… نورهان بتداري على ابنها: خناقة الولاد بقا معلش….. الجد: اسكتي ينورهان…. قولي يحياة…..

حياة بعياط شديد: روحتله عند بسمة يجدي…. لقيتو معاها وهي لابسة لبس….. وهو قميصه مفكوك…. طلقني منو عشان خاطري…. الجد: نورهان… نادي على الدادا بتاعت حياة…. كل ده ومروان واقف مش خايف من جدو. هو بس مش هيقدر يبعد عن حياة وكمان مش هيقدر يقولهم على المأمورية لأنه ممكن يكون متراقب من أبو بسمة. دخلت الدادا. الدادا: نعم يا أفندم…… الجد: خدي حياة عالأوضة بتاعتي… وانقليلها كل حاجتها من هنا على أوضتي خلاص هتقعد معايا….

مروان عينه جات على الجرح اللي في إيد حياة وإيديها مليانة دم. نسي كل اللي بيحصل وقرب مسك إيديها. مروان: هاتي مطهر يدادا بسرعة….. شدت حياة إيدها منه. حياة بحده: متلمسنيش خالص يمروان… ملكش دعوة بيا تاني نهائي… فاهم….. مروان بعصبية ودموع: يعني إيه… أنا مش هطلقك يحياة… بتعملي إيه يدادا سيبي لبسها هنا حياة مش هتخرج من هنا فاهمين. الجد: انت مش هتشوف حياة تاني يمروان فاهم…….. مروان: لا… حياة هتفضل مراتي…..

الجد: أومال ليه خونتها… قدام انت بتحبها أوي كدا. مروان كسر الحاجات اللي جنبه بعصبية: انتو مش فاهمين حاجة… خالص…… وزق الباب بمنتهى القوة وكاد أن يكسر وسابهم ومشي. وفضل يفكر في الكلام اللي قاله جدو. طلع تليفونه واتصل على هشام. مروان بدموع: أنا آسف يا أفندم… أنا مش هقدر أكمل المأمورية… خلاص بيتي اتخرب وخسرت كل حاجة….

وقفل السكة. وفضل يمشي شوية لحد ما وصل المكان اللي شبه الجنينة اللي كان هو وحياة واقفين فيه والمكان فاضي جداً. قعد على ركبته وصرخ بعلو صوته يطلع كل همه. دخلت حياة الأوضة بتاعت جدو وهي دموعها نازلة جداً ومن جواها نار. الجد: انتي هتفضلي قاعدة معايا هنا…. أوعي تخافي أو تقلقي من أي حاجة انتي مش هتشوفيه تاني غير في الطلاق وبس. كل اللي انتي عاوزاه هعملهولك…. دا انتي وصية أبوكي الله يرحمه ولازم أحافظ عليكي يحبيبتي…

وراحت في حضنه. حياة: شكراً يا جدي……. وابتسمت بوجع ابتسامة خفيفة. الجد: طب يحبيبتي.. ادخلي الحمام بقا اغسلي وشك من الدموع دي… ومتعيطيش تاني… ماشي…… حياة بابتسامة: حاضر يجدي…. ولفت ضهرها للحمام ودموعها نزلت جداً وبتعيط بقهرة……… عرف يوصل هشام وطارق لمروان.