رواية نبض السيف الفصل الخامس عشر 15 - بقلم سارة محمد

نبض: تمام يا دكتور، اتفضل. نزلت معه تنزله. حسام: انتي عارفة إني طلبت إيدك من أخوكي؟ نبض بصدمة: إيه؟ أخويا مين؟ انت بتقول إيه؟ حسام: أخوكي سيف... يعني هيكون أخوكي مين؟ نبض بعد ما بلعت ريقها: آه سيف... حسام: هو أخد رأيك؟ نبض: لا والله، أصلًا كان عندنا شوية مشاكل في البيت، أكيد ما سمحتش فرصة... حسام: أتمنى من كل قلبي إنك توافقي بجد. نبض بصت في الأرض ومكانتش عارفة تقوله إيه.

حسام: طيب، أنا همشي دلوقتي وأول ما تتحسني كلميني. وخرج حسام من البيت، بس كانت المفاجأة إنه أول ما خرج سمع حد بينده عليه. بيبص لقى هشام. هشام: إيه أخبارك يا دكتور؟ عاش مين شافك. واخده بالحضن. هشام: كنت بتعمل إيه جوا عند سيف؟ حسام: والله دي أخته اتصلت بيا عشان تعب وحرارته ارتفعت مرة واحدة... انت جاي تشوفه؟ هشام: آه آه، أنا جاي أشوفه... هي أميرة اتصلت بيك؟ حسام: أميرة مين؟ لأ، أخته نبض.

هشام رجع لورا وسكت ثواني وبلع ريقه، وبعدين قاله: نـ ـنبض... انت قولت نبض؟ حسام: آه أخته نبض. هشام: ثواني ثواني، عينيها سمرا ولا ملونة؟ حسام: هو فيه حد عينه سمرا؟ هشام بعصبية: مش وقت هزار دلوقتي. حسام: فيه إيه يا هشام مالك؟ عينيها عادية ومش ملونة يعم... وعن إذنك عشان متأخر. والسلامة عليك... شكلك واخد حادثة جامدة. سلام. هشام سند على التاكسي ومكنش عارف يعمل إيه. هو مش فاهم حاجة. ركب التاكسي وطلع على المستشفى.

دخل أوضة أميرة وقعد جنبها. ومسك إيديها وقالها: أنا لقيت نبض... بس مش عارف أخوكي اللي خطفها ولا هي اللي راحت معاه بإرادتها... بس المهم إني لقيتها زي ما وعدتك. بس مش عارف أتصرف إزاي... أنا مش عارف. في البيت... نبض بعد ما مشى حسام، وقفت لدقايق وفضلت تعيط. تعيط عياط هستيري وتصوت بعد ما عقلها جاب قدامه الأسئلة دي: إنتي إزاي محاولتيش تهربي؟ إنتي إزاي حبستي نفسك؟ إنتي إزاي اتعاملتي زيه؟

ليه مقولتيش لحسام وخللتيه يبلغ البوليس؟ ليه ممسكتيش تليفونه واتصلتي بالبوليس قبل ما تتصلي بحسام حتى؟ قعدت على الأرض في الصالون وفضلت تعيط لحد ما نامت على الأرض. وبعدها صحيت على صوت سيف بيقولها: إيه اللي منيمك كدا يا نبض؟ قامت من على الأرض وعيطت تاني. سيف بتعب: بتعيطي ليه؟ نبض: عشان... عشان... وبعدين قررت إنها تسكت. سيف: عشان إيه؟ نبض: إنت كويس؟ وراحت حاطة إيديها على وشه، شايفاه لسه سخن ولا لأ.

نبض: الحمد لله بقيت كويس. سيف: أنا جعان. نبض: طيب اقعد على السفرة وأنا هجهزلك أكل. سيف: هتصلي؟ نبض: متيجي تصلي بيا؟ سيف: نصلي؟ نبض: فيه إيه يا سيف؟ هو مش إحنا مسلمين برضو؟

وأول حاجة هنتحاسب عليها هي الصلاة. من صلحت صلاته صلحت حياته. هتفضل حياتك بايظة ومتعقدة وهتفضل تلف وتجري من غير أي فايدة طول ما إنت مبتصليش. بس لما تصلي هتلاقي ربنا جنبك، هتوكله أمرك ويبقى هو وكيلك. حياتك هتبدأ تتظبط مع كل دعوة هتدعيها. هتبقى واثق إن ربنا هيجبر بخاطرك بخصوص الدعوة دي، يا إما هيحققها لك يا إما مش هيحققها لك، بس هيحقق لك حاجة بدالها أحلى منها، يا إما هيأخرها شوية عشان يختبر صبرك وإيمانك بيه. عارف بقالي فترة كبيرة بدعي بدعوة ومش بتتحقق لدرجة إني وأنا نايمة حسيت إني كنت بطلع لفوق وبعدي طبقة سما ورا طبقة وعايزة أوصل لربنا وأقوله ياااااا رب الدعوة دي، يا رب الطلب ده، يا رب....

سيف: إيه هي الدعوة دي؟ نبض: مش هقولك. هااا؟ هتصلي بيا ولا أروح أصلي لوحدي؟ سيف بابتسامة: هصلي بيكي. وصلى سيف بيها. كان إحساس لطيف جدا وبيطمن لأبعد الحدود. نبض عيطت في الصلاة لأنها اكتشفت صوته حلو جدًا في التجويد. حطت الأكل وأكلوا. نبض: فيه فيلم شغال... شكله حلو أوي، تتفرج؟ سيف: أتفرج. اتفرجوا على الفيلم وبعدين طلعوا ناموا. ... تاني يوم: تليفون لسيف. سيف: الو... هشام: أختك فاقت، مش هتيجي تشوفها؟ سيف: أنا جاي حالا.

وبابتسامة عريضة وفرحة كبيرة قال لنبض: أميرة فاقت. وباس على راسها وطلع يجري. خرج من البيت وكان فيه ناس محاوطين البيت. وطلع يجري على المستشفى. سيف: ألف سلامة عليكي... وجاي ياخدها بالحضن، أميرة رجعت لورا وقالت له: انت خطفت نبض؟ سيف بصيلها وسكت. أميرة بعياط: ليه عملت كدا يا سيف؟ ليه؟ طيب إيه ذنبها؟ دمرتلها حياتها ودمرت كمان حياتك. ليه عملت فيها وفي نفسك كدا؟ أنا لما قولتلك اخطفها كنت بهزررر...

أنا كنت بهزر يا سيف وانت عارف كدا كويس. سيف اداها ضهره وجاي يمشي. أميرة: لو رايح عندها فهي دلوقتي مش هناك. هي دلوقتي مع البوليس. سيف بص لأميرة بصدمة وخرج. نبض لقيت ضرب نار بره والباب اتكسر ودخل هشام. وقف قدامها وقالها: إنتي كويسة؟ نبض بصتله وعيطت. هشام: خلاص متخافيش، إنتي في أمان دلوقتي. واخدها في العربية، بس مطلعش على القسم وطلع على بيت باباها. فتحت الباب الشغالة ودخل هشام ومعاه نبض.

باباها بيكلم الشغالة: مين اللي جه؟ بص لقى نبض ومكنش مصدق اللي هو شايفه. نـ ـنبض... نبض الدموع غرقت وشها. طلع يجري وأخدها بالحضن. وفضل يكلم فيها بس هي مكنتش بترد. طلعها أوضتها. ونزل لهشام. بابا نبض: لقيتها فين يا ابني؟ لقيتها فين؟ هشام بلع ريقه وبعدين قاله: للأسف، هي كان فيه حد خاطفها. باباها بصدمة وعصبية شديدة جدًا: مين؟ مين؟ هشام: سيف. باباها: إزاي اتجرأ يعمل كدا؟ دا أنا همحيه من على وش الأرض.

هشام: حاول تهدأ، إحنا بندور عليه. وبعدين إنت لازم تعرف إن سيف مستحيل يكون أذاها. باباها بزعيق: مش شغلي. جريمة خطف، وأنا بنتي مش بتنطق بحرف واحد كمان. وكل ده كان واهمنا إنه بيدور عليها وهو أصلًا خاطفها. لو متعدمش فيها أنا مش هسكت. هشام: حاول يا فندم. باباها قام وقف وقاله: الكلام انتهى، اطلع بره. البوليس قبض على سيف تاني يوم، ونبض متكلمتش مع أي حد. تاني يوم...

أميرة بعياط: أنا لازم أشوف نبض. دول هيحبسوا أخويا ويدمروا له مستقبله ويترفد من شغله، واحتمال كمان يدخلوا مستشفى المجانين. هشام: أميرة، إنتي عارفة إن أخوكي غلطان. أميرة مسكت شنطتها وقالت لهشام: أنا رايحة، جاي معايا ولا لأ. قبل ما يوصلوا، نبض نزلت من أوضتها. لقيت واحدة قاعدة جنب باباها. باباها: جه جنبك يا نبض؟ نبض مبتردش. بصت لها الست وقالت لها: إزيك يا نبض؟ أنا مرات باباكي. باباها بص لنبض وسكت.

نبض كانت واقفة هتموت من الصدمة، بس قبل ما تنطق بحرف واحد دخلت أميرة وهي بتعيط. أميرة: نبض، سيف ما أذاكيش صح؟ إنتي بخير صح؟ نبض ميتردش، بتعيط بس. أميرة بتكلم بابا نبض: لو سمحت يا فندم، إنت ممكن تسحب المحاضر ونحل كل حاجة. بابا نبض بعصبية شديدة: نحل إيه؟ إحنا نحل إيه؟ أنا سمعت بنتي بقت في الأرض بسبب أخوكي. أميرة: ممكن نكتب كتابهم، وتبقى مراته. بابا نبض: وإنتي متخيلة إني هخلي بنتي تتجوز أخوكي ده؟

أنا بنتي هيتكتب كتابها الأسبوع ده على الدكتور عمر اللي بسبب أخوكي الخطوبة متمتش. أما أخوكي بقا، فأنا مش هسكت غير لما أشوفه معدوم قدامي. نبض أخيرًا نطقت: بس أنا سيف يبقى جوزي. أميرة بصيتلها وابتسمت. باباها بعصبية وصدمة: جوزك إزاي يعني إنتي بتقولي إيه؟ ومسكها من شعرها. نبض بصريخ وعياط: هو أجبرني. باباها بص لأميرة وقالها: دا إنتي أخوكي أيامه الجاية سواد بإذن الله. هيطلقك غصبن عنه وتتجوزي عمر. نبض: بس أنا حامل.

(أبليتني بالعشق ثم قتلتني.. وجعلت منى قلباً يهوى هجر أحبتي.. وما هم بأحبتي.. ووهبت لي قلباً يفيض حنيناً إليك يا معذباً بالحب.. كيف قتلتني!